આજે શેરબજારમાં શું કરી શકાય?
યુરોપિયન સંઘના દેશો સાથે કરવામાં આવેલા ફ્રી ટ્રેડ એગ્રીમેન્ટને કારણે ભારતની નિકાસને અને ભારતના અર્થતંત્રને મળનારા વેગનો પ્રભાવ આજે પણ શેરબજારની વધઘટ પર પડતો જોવા મળી શકે છે. તેનો ખાસ્સો પ્રભાવ ઓઈલ સેક્ટર, બેન્ક શેર્સ અને એનર્જી સેક્ટરના શેર્સ પર પડતો જોવા મળશે. આજે ફંડામેન્ટલ્સની દ્રષ્ટિએ મજબૂત ગણાતો શેર્સ ટાટા મોટર્સ લિમિટેડ-Tata Motors Ltd.નો છે. તેનો NSE કોડ TATAMOTORS છે અને BSE કોડ 500570 છે. ટાટા મોટર્સના કોમર્શિયલ વેહિકલના બિઝનેસમાં મજબૂત સુધારો થવાની સંભાવના દેખાઈ રહી છે. કોમર્શિયલ વેહિકલનું વેચાણ વધે તે માટેના મજબૂત સંજોગો જોવા મળી રહ્યા છે. ટાટા મોટર્સ કંપનીના શેર્સનું મૂલ્ય અત્યારે વિશ્વ સ્તરની આ જ સેક્ટરની કંપનીઓની તુલનામાં ઘણુ જ સારું હોવાનું જણાઈ રહ્યું છે. ટાટા મોટર્સના શેરનો વર્તમામ બજાર ભાવ રૂ. 468.10નો છે. શેરનો ભાવ વધીને રૂ. 550ની સપાટી વળોટી જાય તેવી સંભાવના બ્રોકરેજ હાઉસ UBSના નિષ્ણાતો દર્શાવી રહ્યા છે. ટાટા મોટર્સનું કોમર્શિયલ વેહિકલનું વેચાણ વધી રહ્યું છે. બીજીતરફ ટાટા મોટર્સનો ઇલેક્ટ્રિક વેહિકલનો પોર્ટફોલિયો પણ મજબૂત બની રહ્યું છે. આગામી દિવસોમાં ઇલેક્ટ્રિક વેહિકલનો વપરાશ વધવાની શક્યતાને કારણે ટાટા મોટર્સના વાહનોનું વેચાણ વધવાની અને તેના થકી આવક વધવાની શક્યતા સંગીન છે.
ભારત ઇલેક્ટ્રોનિક્સ લિમિટેડ- Bharat Electronics Ltd. ફંડામેન્ટલ્સની દ્રષ્ટિએ બીજો મજબૂત શેર છે. તેનો NSEનો કોડ BEL છે. બીએસઈ-BSEનો કોડ 500049 છે. કંપનીની ઓર્ડર બુક તગડી હોવાથી કંપનીનો વિકાસ સંગીન રીતે થવાની સંભાવના વચ્ચે ભારત ઇલેક્ટ્રોનિક્સ લિમિટેડના શેર્સમાં લેવાલી કરવાની ભલામણ કરવામાં આવી રહી છે. 28મી જાન્યુઆરીએ ભારત ઇલેક્ટ્રોનિક્સ લિમિટેડના શેરનો ભાવ 8.91 ટકા સુધરીને રૂ. 453ના મથાળે પહોંચ્યો છે. કંપનીનું બજારમૂડીકરણ-માર્કેટ કેપિટલાઈઝેશન રૂ. 3,31,133 કરોડનું છે. છેલ્લા બાવન અઠવાડિયામાં રૂ. 458નું મથાળું અને રૂ. 240ના તળીયું બતાવેલું છે. ભારત ઇલેક્ટ્રોનિક્સ લિમિટેડની બુક વેલ્યુ રૂ. 29.5ની છે.તેનો પ્રાઈસ અર્નિંગ રેશિયો 55.5નો છે. ડિવિડંડ આપતી કંપનીનો રોશ-રિટર્ન ઓન કેપિટલ એમ્પ્લોઈડ 38.9 ટકા છે. રિટર્ન ઓન ઇક્વિટી 29.2 ટકા છે. આમ કંપનીનો વિકાસદર તન્દુરસ્ત રહેવાની શક્યતા વચ્ચે સ્ક્રિપમાં લેવાલી કરવાની ભલામણ કરવામાં આવી રહી છે. લાંબા ગાળાની ડિમાન્ડને કારણે કંપનીના શેર્સના ભાવમાં સુધારો થવાની શક્યતા ખાસ્સી મજબૂત છે. બાવન અઠવાડિયાના ટોચના ભાવને વળોટી ગયા પછી પણ આગેકૂચ જારી રહે તેવી સંભાવના છે.
ફંડામેન્ટલ્સની દ્રષ્ટિએ ત્રીજો મજબૂત શેર Axis Bank Ltd.નો છે. એક્સિસ બેન્કનો NSE કોડ AXISBANK છે, જ્યારે BSEનો કોડ 532215 છે. 27મી જાન્યુઆરીએ જ તેમાં લેવાલી કરવાનો સંકેત બ્રોકરેજ હાઉસ સિટીએ આપ્યો છે. કંપનીના ત્રિમાસિક પરિણામો સારા આવતા તેના શેરનો ભાવ રૂ. 1332ની ઊંચી સપાટીએ પહોંચી ગયા છે. એક્સિસ બેન્કના શેરનો ભાવ 18 મહિનાની ઊંચી સપાટીએ છે. બેન્કનો લોન પોર્ટફોલિયો મજબૂત છે. છૂટક લોન લેનારાઓ સતત વધી રહ્યા છે. બેન્કની એસેટ્સની ક્વોલિટી-અસ્ક્યામતોની ગુણવત્તા ઘણી જ સારી છે. તેમાં સતત સુધારો થઈ રહ્યો છે. શેર્સના ભાવ વર્તમાન સપાટીથી ખાસ્સા ઊંચા જવાની સંભાવના દેખાઈ રહી છે.
ટેકનિકલ ચાર્ટની દ્રષ્ટિએ સ્નિડેર ઇલેક્ટ્રિક ઇન્ડિયા- Schneider Electric India લેવાલી કરવાને પાત્ર ગણાતો શેર છે. તેનો NSE કોડ SCHNEIDER છે, જ્યારે BSEનો કોડ 543278 છે. ટૂંકા ગાળામાં આ સ્ક્રિપમાં તેજીની ચાલ જોવા મળી શકે છે. ટેકનિકલ ચાર્ટ તેમાં બ્રેકઆઉટ આવવાનો નિર્દેશ આપી રહ્યો છે. 26મી જાન્યુઆરીએ તેનો ભાવ રૂ. 697.70થી રૂ. 700ની રેન્જમાં હતો. બાવન અઠવાડિયામાં રૂ. 1052નું મથાળું અને રૂ.540નું તળિયું જોયેલું છે. રૂ. 16,500 કરોડનું માર્કેટ કેપિટલાઈઝેશન છે. નજીકની પ્રતિકાર સપાટીની ઉપર જાય તે પછી નાનો એટલે કે રૂ. 5થી રૂ.10નો સ્ટૉપલૉસ રાખીને સ્ક્રિપમાં લેણ કરી શકાય છે.
ટેકનિકલ ચાર્ટની દ્રષ્ટિએ આજને માટે બીજો ટ્રેડિંગ કરવા લાયક શેર BEML Ltd.-બીઈએમએલ લિમિટેડનો છે. તેનો NSE કોડ BEML અને BSEનો કોડ 508243 છે. 28મી જાન્યુઆરીએ શેરનો ભાવ રૂ. 10.07 ટકાના સુધારા સાથે રૂ. 1819 પર બંધ આવેલો છે. ટેકનિકલ ચાર્ટ તેમાં તેજીનો સંકેત આપી રહ્યા છે. ચાર્ટની પેટર્ન દર્શાવે છે કે શેર્સમાં ધીમી ગતિએ સતત લેવાલી થઈ રહી છે. આમ સ્ક્રિપનું વોલ્યુમ વધતા તેના ભાવમાં સુધારો જોવા મળી શકે છે. ઇન્ટ્રા ડેમાં ટ્રેડિંગ કરી શકાય છે. ટૂંકા ગાળામાં ઊછાળો આવી શકે છે. શિસ્તબદ્ધ ટ્રેડર્સની માફક સ્ટૉપલૉસ રાખીને કામ કરવું જોઈએ.
ફંડામેન્ટલ્સની દ્રષ્ટિએ મજબૂત ગણાતા Hindustan Unilever Ltd.-હિન્દુસ્તાન લીવર લિમિટેડના શેર્સમાં આજે નરમાઈ જોવા મળી શકે છે. સ્ક્રિપનો NSE કોડ HUL અને BSE: 500696 છે. શેરબજારમાં કરેક્શન આવવાની સાથે જ તેમાં નરમાઈ જોવા મળી શકે છે. સ્ક્રિપમાં વેચવાલીનું જોર જોવા મળી શકે છે. વ્હેલબુક માર્કેટ કોમેન્ટરીએ 28-29મી જાન્યુઆરીએ હિન્દુસ્તાન લીવરની સ્ક્રિપમાં નરમાઈ રહે તેવો નિર્દેશ આપ્યો છે. ટેકનિકલ ચાર્ટમાં મહત્વની ટેકાની સપાટી તૂટી જવાની સંભાવના દેખાઈ રહી છે. ડબલ ટોપની પેટર્ન બનાવ્યા પછી ટેકાની સપાટી તોડીને નીચે જાય તેવી શક્યતા જણાઈ રહી છે. રિલેટીવ સ્ટ્રેન્ગ્થ ઇન્ડેક્સ-આરએસઆઈને ધોરણે શેરમાં નરમાઈ તરફી ચાલ આવી શકે છે. ટેકાની સપાટીએ ભાવ ટકી ન શકે તો ટૂંકા ગાળા માટે સપાટી તોડીને નીચે ઉતરી જાય તેવી સંભાવના છે.
આજે નિફ્ટી 50માં શું કરશો?
ટેકનિકલ ચાર્ટની દ્રષ્ટિએ Nifty 50ની વધઘટની વાત કરવામાં આવે તો નિફ્ટી 50 25000ની સપાટીની નીચે 24800થી 24900ના લેવલે ટેકો ધરાવે છે. નિફ્ટી 50માં 25235-25350ની સપાટીએ પ્રતિકાર જોવા મળી રહ્યો છે. ત્યારબાદ 25,600 અને 25,650ની સપાટીએ પ્રતિકાર જોવા મળી રહ્યો છે. પરિણામે નિફ્ટી 50 આજે રેન્જબાઉન્ડ જ રહેવાની વધુ સંભાવના જણાય છે. છતાંય સહેજ ઉપરની તરફ જતો જોવા મળી શકે છે. ડોમેસ્ટિક ઇન્સ્ટિટ્યુશનલ ઇન્વેસ્ટર્સની વલણ પર પણ તેની ચાલનો મદાર રહેલો છે.
Bank Nifty-બેન્ક નિફ્ટીમાં ટેકાની સપાટી 58,800થી 59000 પર જોવા મળી રહી છે. 59575ની સપાટીએ પ્રતિકાર જોવા મળી રહ્યો છે. નિફ્ટી 500-Nifty 500માં નરમાઈ રહે તેવો નિર્દેશ મળી રહ્યો છે. નિફ્ટી 500ના 70 ટકા શેર્સ 50 દિવસની સામાન્ય વધઘટના સરેરાશ ભાવ કરતાં નીચી સપાટીએ પહોંચી ગયેલા છે. તેથી નિફ્ટી 500માં ટ્રેડિંગ કરનારાઓએ સાવધાની રાખવી જરૂરી છે.
જોવા મળી શકે છે. ડોમેસ્ટિક ઇન્સ્ટિટ્યુશનલ ઇન્વેસ્ટર્સની વલણ પર પણ તેની ચાલનો મદાર રહેલો છે. Bank Nifty-બેન્ક નિફ્ટીમાં ટેકાની સપાટી 58,800થી 59000 પર જોવા મળી રહી છે. 59575ની સપાટીએ પ્રતિકાર જોવા મળી રહ્યો છે. નિફ્ટી 500-Nifty 500માં નરમાઈ રહે તેવો નિર્દેશ મળી રહ્યો છે. નિફ્ટી 500ના 70 ટકા શેર્સ 50 દિવસની સામાન્ય વધઘટના સરેરાશ ભાવ કરતાં નીચી સપાટીએ પહોંચી ગયેલા છે. તેથી નિફ્ટી 500માં ટ્રેડિંગ કરનારાઓએ સાવધાની રાખવી જરૂરી છે.
