આજે શેરબજારમાં શું કરશો?
ભારતીય શેરબજારમાં 22 એપ્રિલ 2026ના રોજ ઘટાડો નોંધાયો હતો, જેમાં Nifty 50 લગભગ 198 પોઇન્ટ નીચે બંધ રહ્યો હતો. આ ઘટાડાનું મુખ્ય કારણ IT સેક્ટરમાં મોટે પાયે થયેલું વેચાણ રહ્યું હતું. શેરબજારના વિશ્લેષકોનું માનવું છે કે શેરબજારમાં અત્યારે મંદીનું દબાણ વધતું જોવા મળી રહ્યું છે. તેથી નજીકના સમયમાં અસ્થિરતા-અફરાંતફરી ચાલુ રહેવાની શક્યતા છે.
નિફ્ટી 50
નિફ્ટી 50માં મહત્વપૂર્ણ સપોર્ટ લેવલ અને રેઝિસ્ટન્સ લેવલ્સ નીચે મુજબ છે. સપોર્ટ લેવલ: 24,100 – 24,200 છે, જ્યારે રેઝિસ્ટન્સ લેવલ 24,550 – 24,600ની રેન્જમાં જોવા મળી રહ્યું છે. જો નિફ્ટી 24,200થી નીચે જાય તો વધુ ઘટાડાની શક્યતા
જો 24,600 ઉપર જાય તો ફરી તેજીની શક્યતા રહેલી છે.
આઈટી શેર્સની બજાર પર અસર
અત્યારે ઇન્ફોર્મેશન ટેક્નોલોજીના ક્ષેત્રની કંપનીઓના શેરોમાં ભારે વેચાણ ચાલી રહ્યું હોવાથી શેરબજાર પર દબાણ વધી રહ્યું છે. બીજીતરફ વૈશ્વિક પરિબળો અને અનિશ્ચિતતા કારણે ટ્રેડર્સ સાવચેતી સાથે ટ્રેડિંગ કે ઇન્વેસ્ટમેન્ટ કરી રહ્યા છે. આમ અસ્થિરતા વધતા બજારમાં ટૂંકા ગાળે દિશા સ્પષ્ટ થતી નથી.
🔹 ટ્રેડર્સ-ઇન્વેસ્ટર્સે શું ધ્યાનમાં રાખવું?
નિફ્ટી 50માં 24,200 લેવલ ખૂબ જ મહત્વપૂર્ણ ટેકાની સપાટી છે. 24,600 ઉપર બ્રેકઆઉટ આવે તો ખરીદીની તક ઊભી થઈ શકે છે. શેરબજારની વોલેટિલિટી દરમિયાન નજીકનો સ્ટોપ-લોસ રાખવો પણ એટલો જ જરૂરી છે. ટ્રેડર્સ અને ઇન્વેસ્ટર્સે સેક્ટરલ મૂવમેન્ટ પર અને તેમાંય ખાસ કરીને ઇન્ફોર્મેશન ટેક્નોલોજીના સેક્ટરની કંપનીઓના શેર્સના ભાવની વધઘટ પર નજર રાખવી જરૂરી છે.
સમગ્રતયા બજારમાં હાલ બેરિશ ટ્રેન્ડનો પ્રભાવ જોવા મળી રહ્યો છે. ટેકાની સપાટીની નીચે જાય તો વધુ ઘટાડો શક્ય છે. તેમ જ રેઝિસ્ટન્સ લેવલ તૂટે તો રિકવરી પણ શક્ય છે. ટૂંકમાં ટ્રેડર્સ અને ઇન્વેસ્ટર્સે ટૂંકા ગાળે સાવચેતી સાથે ટ્રેડિંગ કરવું જોઈએ.
આજના શેરબજારમાં નજરમાં રહેનારા શેર્સ
ભારતીય શેરબજારમાં બુધવારે ઘટાડો નોંધાયો હતો, જેમાં અગાઉના દિવસની તેજીનો અસર ઓછી થઈ ગઈ. વૈશ્વિક સંકેતો નબળા રહેવા અને કેટલાક સેક્ટરોમાં દબાણને કારણે બજારમાં કરેકશન જોવા મળ્યું।
વિશ્લેષકોના મતે, નજીકના સમયમાં બજાર **કન્સોલિડેશન (સ્થિરતા)**ના તબક્કામાં જઈ શકે છે, પરંતુ મૂળભૂત રીતે ટ્રેન્ડ હજુ પણ સકારાત્મક છે. નિફ્ટી માટે 24,000 થી 24,200 વચ્ચેનો વિસ્તાર મહત્વપૂર્ણ સપોર્ટ તરીકે માનવામાં આવે છે।
ઇન્ફોસિસઃ IT સેક્ટરમાં દબાણ છતાં કંપનીના Q4 પરિણામો અને અપડેટ્સને કારણે સ્ટોક ચર્ચામાં છે. અત્યારે ઇન્ફોર્મેશન ટેક્નોલોજીના સેક્ટરની કંપનીઓના શેર્સના વેચાણનું દબાણ બજાર પર વધી રહ્યું છે. તેનો બજારના સેન્સેક્સ પર પ્રભાવ પણ પડી રહ્યો છે.
ટ્રેન્ટઃ કંપનીના મજબૂત ત્રિમાસિક પરિણામોને કારણે તેની આવક અને નફામાં વધારો થયો હોવાથી રોકાણકારોએ તેની બજારની ચાલ પર નજર રાખવી જોઈએ.
રિટેલ સેક્ટરમાં વૃદ્ધિ સંકેતો
બ્રોકરેજ હાઉસના નિષ્ણાતોનું માનવું છે કે જિઓ ફાઈનાન્શિયલ સર્વિસિસનો શેર તાજેતરના કોર્પોરેટ અપડેટ્સ અને માર્કેટ મૂવમેન્ટને કારણે ફોકસમાં આવી ગયો છે. આગામી દિવસોમાં સ્ટોકમાં અસ્થિરતા જોવા મળી શકે છે. હિન્દુસ્તાન કોપરે કંપનીએ મોટાપાયે એક્સપેન્શન પ્લાન જાહેર કર્યો છે. ઉત્પાદન ક્ષમતા વધારવાની યોજનાઓ રોકાણકારો માટે મહત્વપૂર્ણ સંકેત છે. કંપનીની આવક અને નફો વધી શકે છે. અદાણી એનર્જી સોલ્યુશન્સના શેર્સના પરિણામોની જાહેરાત થયા પછી અને ગ્રુપ સંબંધિત સમાચાર બાદ સ્ટોકમાં હલચલ જોવા મળી રહી છે. ઊર્જા અને ઇન્ફ્રાસ્ટ્રક્ચર સેક્ટર પર રોકાણકારોની નજર છે.
બજાર પર મુખ્ય અસરકારક પરિબળો
બજાર પર અસર કરનારા પરિબળોમાં વૈશ્વિક બજારના નબળા સંકેતો છે. ક્રૂડ ઓઈલના વધતા ભાવ પણ બજાર પર અસર પાડી રહ્યા છે. અમેરિકા-ઇરાન વચ્ચેના યુદ્ધની અસર પણ બજાર પર પડી રહી છે. અત્યારે આઈટી-ઇન્ફોર્મેશન ટેક્નોલોજી તેમ જ ફાસ્ટમુવિંગ કન્ઝ્યુમર ગુડ્સ-એફએમસીજી સેક્ટરની કંપનીઓના શેર્સમાં વેચવાલીનું દબાણ જોવા મળી રહ્યું છે. તેથી બજાર ટૂંકા ગાળામાં એક સપાટી પર મજબૂત ટેકો તૈયાર કરવાની પ્રક્રિયામાંથી પસાર થઈ રહ્યું છે. તેથી અત્યારે બજારમાં અસ્થિરતા જોવા મળી શકે છે. નિફ્ટી 50માં 24,000 – 24,200 ની સપાટીએ ટેકો જોવા મળી રહ્યો છે. તેથી તેનાથી નીચે જવાની શક્યતા સીમિત થઈ જાય છે. બીજીતરફ કંપનીઓના 2025-26ના વર્ષના ચોથા ત્રિમાસિક ગાળાના પરિણામો કેવા આવે છે તેના પર પણ બજારની ગતિવિધિનો આધાર રહેલો છે.
