આજે શેરબજારમાં શું કરશો?
આજે ઓલેક્ટ્રા ગ્રીનટેક (Olectra Greentech) ખરીદી શકાય
માર્ચ મહિનાના મધ્યથી ઓલેક્ટ્રા ગ્રીનટેકનો શેર રૂ. 878 ના સપોર્ટ લેવલથી સતત ઉપર તરફ ગતિ કરી રહ્યો છે. તાજેતરમાં ભાવમાં થોડો ઘટાડો જોવા મળ્યા બાદ, હવે ફરીથી ખરીદદારો સક્રિય થતા જણાય છે. ગયા અઠવાડિયે આ શેર રૂ. 1,187 ના 50-દિવસના મુવિંગ એવરેજથી ફરી ઉછળ્યો છે અને રૂ.1,260 ના મહત્વની પ્રતિકાર સપાટીને તોડીને ઉપર નીકળ્યો છે. આ સ્થિતિ સૂચવે છે કે શેરમાં હજુ પણ તેજીનો ટ્રેન્ડ જળવાઈ શકે છે. ઓલેક્ટ્રા ગ્રીનના શેરમાં રૂ. 1319.70ના વર્તમાન બજાર ભાવે લેણ કરી શકાય છે. લેણ કરીને રૂ. 1260નો સ્ટોપલૉસ રાખીને કામકાજ ચાલુ કરી શકાય છે. ભાવ વધતો જાય તેમ તેમ સ્ટોપલૉસ ઉપર લેતા જઈને નફો હાથવગો કરી લેવાની સ્ટ્રેટજી લાભદાયી સાબિત થઈ શકે છે. શેરનો ભાવ રૂ. 1400 થાય ત્યારે સ્ટોપલૉસ રૂ. 1320 પર લાવી શકાય છે. શેરનો ભાવ રૂ. 1475 થાય ત્યારે સ્ટોપલૉસ રૂ. 1420 પર લાવી શકાય છે. ટાર્ગેટ ભાવ રૂ. 1530નો છે. ટાર્ગેટ ભાવની નજીક પહોંચે ત્યારે વેચીની નીકળી જઈ શકાય છે.
વૈશ્વિક બજારોના નબળા સંકેતો, રિઝર્વ બેંક ઓફ ઇન્ડિયા (RBI) ની પોલિસી, અમેરિકા અને ઈરાન વચ્ચેના વધતા તણાવ, ક્રૂડ ઓઇલના ભાવમાં વધારો અને વિદેશી સંસ્થાકીય રોકાણકારો (FII) દ્વારા સતત થઈ રહેલી વેચવાલીને કારણે ભારતીય શેરબજાર આજે ઘટાડા સાથે ખુલી શકે છે.
ખોબામાં દરિયો
રાજેશ એક્સપોર્ટ્સ (Rajesh Exports): સેબી (SEBI) એ નાણાકીય અનિયમિતતાઓના આરોપમાં રાજેશ એક્સપોર્ટ્સના પ્રમોટર રાજેશ મહેતા પર સિક્યોરિટીઝના ખરીદ-વેચાણ પર પ્રતિબંધ મૂક્યો છે.
અટલાન્ટા ઇલેક્ટ્રિકલ્સ (Atlanta Electricals): કંપનીને પંજાબ સ્ટેટ ટ્રાન્સમિશન કોર્પોરેશન પાસેથી ₹285 કરોડથી વધુનો ટ્રાન્સફોર્મર સપ્લાય કરવાનો ઓર્ડર મળ્યો છે.
HFCL: કંપની પોતાના ડિફેન્સ અને એરોસ્પેસ બિઝનેસને મજબૂત કરવા માટે ₹89 કરોડનું રોકાણ કરશે અને રાડડેફ (Raddef) માં પોતાનો હિસ્સો વેચશે.
હીરો મોટોકોર્પ (Hero MotoCorp): હીરોએ ભારતના પ્રથમ ફ્લેક્સ-ફ્યુઅલ મોટરસાયકલ (Splendor+ અને HF Deluxe) લોન્ચ કર્યા છે, જે 85% ઇથેનોલ મિશ્રિત પેટ્રોલ પર ચાલી શકે છે.
ઓરોબિંદો ફાર્મા (Aurobindo Pharma): કંપનીએ બાયોલોજિક્સ કોન્ટ્રાક્ટ મેન્યુફેક્ચરિંગ સેગમેન્ટમાં ‘થેરાનિમ’ (TheraNym) દ્વારા પ્રવેશ કર્યો છે.
BHEL: કંપનીને નાઇજીરીયામાં ગેસ ટર્બાઇન જનરેટર સપ્લાય કરવા માટે ₹2,000 થી ₹2,500 કરોડનો મોટો ઓર્ડર મળ્યો છે.
અગ્રવાલ ઇન્ડસ્ટ્રીયલ (Agarwal Industrial): કંપનીએ હિન્દુસ્તાન પેટ્રોલિયમ (HPCL) પાસેથી ₹477.5 કરોડનો બીટ્યુમેન સપ્લાય કોન્ટ્રાક્ટ મેળવ્યો છે.
GMR એરપોર્ટ્સ અને લેન્સકાર્ટ (Lenskart): GQG પાર્ટનર્સે GMR એરપોર્ટ્સમાં અને સોફ્ટબેંકે લેન્સકાર્ટમાં તેમનો હિસ્સો વેચ્યો છે.
