આજે બજારમાં શું કરશો?

મેરીકો (Marico)માં રોકાણ કરવાની મોતીલાલ ઓસવાલ બ્રોકરેજ હાઉસની ભલામણ

બ્રોકરેજ હાઉસ મોતીલાલ ઓસ્વાલ (Motilal Oswal Research) દ્વારા FMCG સેક્ટરની અગ્રણી કંપની મેરીકો (Marico) ના શેર માટે ‘બાય’ (Buy) રેટિંગ સાથે પોઝિટિવ આઉટલુક જાહેર કરવામાં આવ્યો છે. આ શેર્સના મુખ્ય આંકડાઓ અને ભાવની સંભાવના નીચે મુજબ છે.

વર્તમાન માર્કેટ ભાવ (CMP): ₹838.95

લક્ષ્યાંક ભાવ (Target Price): ₹1,000

સંભવિત નફો (Upside Potential): ~19% નો સંભવિત સુધારો જોવા મળી શકે છે.

ભાવની સંભાવના (Probable Price Movement): નાણાકીય વર્ષ ૨૦૨૬-૨૮ દરમિયાન રેવન્યુમાં 13% અને નફામાં (APAT) 18% સીએજીઆર (CAGR) ગ્રોથના અંદાજને જોતાં આગામી સમયમાં શેર લક્ષ્યાંક ₹1,000 તરફ આગળ વધી શકે છે. કોપરાના ભાવ ઘટવાથી અને ડિજિટલ પોર્ટફોલિયો મજબૂત થવાથી માર્જિનમાં સુધારો થશે.

બિઝનેસ હાઇલાઇટ્સ અને પોઝિટિવ ટ્રિગર્સ

ઓઇલમાં રિકવરી: કોપરાના (ટોપરાના) ભાવ ટોચ પરથી 45 ટકા જેટલા ઘટ્યા છે. કંપનીએ ગ્રાહકો માટે ભાવોમાં 15-20% નો ઘટાડો કર્યો છે, જેને કારણે નાણાકીય વર્ષ ૨૦૨૭ ના પ્રથમ ક્વાર્ટરમાં (Q1FY27) વોલ્યુમમાં ડબલ ડિજિટ ગ્રોથની અપેક્ષા છે.

વેલ્યુ-એડેડ હેર ઓઇલ: આ સેગમેન્ટે નાણાકીય વર્ષ ૨૦૨૬ માં ~20% નો શાનદાર ગ્રોથ નોંધાવ્યો છે અને Q1FY27 માં પણ આ ટ્રેન્ડ 20 ટકાથી વધુ ગ્રોથ સાથે જળવાઈ રહેવાની ધારણા છે.

ડિજિટલ-ફર્સ્ટ પોર્ટફોલિયો: કંપનીનો ડિજિટલ પોર્ટફોલિયો નાણાકીય વર્ષ ૨૦૨૭ ના અંત સુધીમાં ડબલ ડિજિટ EBITDA માર્જિન હાંસલ કરે તેવી શક્યતા છે, જે ૨૦૩૦ સુધીમાં હજુ વધશે.

વૈશ્વિક બિઝનેસનું વૈવિધ્યકરણ: બાંગ્લાદેશ માર્કેટ પર કંપનીની નિર્ભરતા નાણાકીય વર્ષ ૨૦૨૦ના 50 ટકાથી ઘટીને ૨૦૨૬ માં 45 ટકા થઈ છે, જે ૨૦૩૦ સુધીમાં વધુ ઘટીને 35 ટકા થવાનો અંદાજ છે. આ અન્ય વૈશ્વિક બજારોમાં કંપનીના સારા પ્રદર્શન અને જોખમ ઘટવાનો સંકેત આપે છે.

IT સેક્ટરમાં મોટું વેલ્યુએશન રીસેટ, ટ્રેડર્સ અને ઇન્વેસ્ટર્સ સક્રિય થઈ શકે

છેલ્લા એક વર્ષમાં નિફ્ટી IT ઇન્ડેક્સમાં 30% નો ઘટાડો જોવા મળ્યો છે. છતાં, ભારતીય IT કંપનીઓ વૈશ્વિક અગ્રણી ‘Accenture’ (જે 10x ટ્રેલિંગ P/E પર ટ્રેડ કરે છે) ની સરખામણીએ 40  ટકાથી 80 ટકા પ્રીમિયમ વેલ્યુએશન પર છે, જે ભવિષ્યના નબળા ગ્રોથ આઉટલુકને જોતા અતિશય વધારે લાગે છે. AI (આર્ટિફિશિયલ ઇન્ટેલિજન્સ) ના કારણે અનિશ્ચિતતા અને નબળી વૈશ્વિક માંગને લીધે વેલ્યુએશનમાં હજુ પણ ઘટાડો આવી શકે છે.

મુખ્ય આંકડા અને સંભવિત ચાલ

કેટલાક શેર્સ, તેમના અંદાજિત વર્તમાન વેલ્યુએશન (PE મલ્ટિપલ) અને સંભવિત ચાલ દર્શાવવામાં આવી છે.

કંપનીનું નામ (Scrip)	વર્તમાન માર્કેટ સ્થિતિ (Trailing P/E)	સંભવિત ભાવ મુવમેન્ટ (Probable Price Movement)
TCS	~15x (પીક 42x થી ઘટીને)	સીમિત સુધારો / રેન્જ-બાઉન્ડ: 5.2 ટકા ડિવિડન્ડ યીલ્ડ સપોર્ટ આપશે, પણ ગ્રોથ વગર મોટો ઉછાળો મુશ્કેલ બનશે.
Infosys	~15x (પીક 38x થી ઘટીને)	દબાણ હેઠળ: વન-યીઅર ફોરવર્ડ PAT ગ્રોથ માત્ર 4.7 ટકા અંદાજિત હોવાથી રિકવરી ધીમી રહેશે.
Wipro	~14x (પીક 32x થી ઘટીને)	સ્થિર / અંડરપર્ફોર્મન્સ: કરન્સી સપોર્ટ છતાં લાંબા ગાળાનો EPS CAGR (3 ટકા) ઘણો નબળો છે.
HCL Tech	~18x (પીક 32x થી ઘટીને)	સુધારાની શક્યતા: પ્રીમિયમ સૌથી વધુ (Accenture સામે 84%) હોવાથી ઘટાડાનું જોખમ વધુ.
KPIT Tech	~25x (તાજેતરમાં 25% ક્રેશ બાદ)	હજુ વધુ ઘટાડો શક્ય: ગ્રોથ સ્ટોરી પર સવાલ ઉઠતા મિડ-કેપ પ્રીમિયમ તૂટી શકે છે.
Tata Elxsi	~35x (41 ટકાકરેક્શન બાદ પણ)	વોલેટાઇલ / નેગેટિવ બાયસ: હજુ પણ વેલ્યુએશન ઘણું મોંઘું છે, ગ્રોથ નબળો પડતાં નરમ રહેશે.
Persistent / Coforge / Mphasis	30x – 40x	ઉચ્ચ જોખમ: મિડ-કેપ સ્પેસમાં હજુ સુધી વેલ્યુએશન રીસેટ પૂરું થયું નથી.

નોંધઃ શેરબજારમાં રોકાણ કરવું જોખમી છે. અહીં માત્ર આંગળી ચીંધવામાં આવી છે. આ શેર્સમાં રોકાણ  કે સોદા કરતાં પહેલા તમારા રજિસ્ટર્ડ ઇન્વેસ્ટમેન્ટ ગુરુનો સંપર્ક કરી નિર્ણય લેવા વિનંતી છે.