આજે શેરબજારમાં શું કરી શકાય?
આજે હોમ ફર્સ્ટ ફાઇનાન્સ કંપની ઇન્ડિયાના શેર્સમાં લેણ કરી શકાય
આજે હોમ ફર્સ્ટ ફાઇનાન્સ કંપની ઇન્ડિયાના શેર્સમાં લેણ કરી શકાય છે. તેનો વર્તમાન બજાર ભાવ રૂ. 1,271 છે. હોમ ફર્સ્ટ ફાઇનાન્સ કંપની ઇન્ડિયાના શેરનો ભાવ વધીને ₹1,400 સુધી જઈ શકે છે.
હોમ ફર્સ્ટ ફાઇનાન્સ કંપની ઇન્ડિયા માટે ટૂંકા ગાળાનો દ્રષ્ટિકોણ તેજીતરફી છે. આ વર્ષના માર્ચ મહિનાથી આ સ્ટોક ‘બુલ ચેનલ’ની અંદર આગળ વધી રહ્યો છે. ડેઇલી ચાર્ટ પર ‘મૂવિંગ એવરેજ ક્રોસ ઓવર’ પણ તેજીના આ વલણને વધુ મજબૂત બનાવે છે. સ્ટોક માટે રૂ. 1,200 પર મજબૂત સપોર્ટ છે. 21-ડે મૂવિંગ એવરેજ પણ આ જ સ્તરની આસપાસ છે. તેથી રૂ. 1,200 ને ખૂબ જ મજબૂત સપોર્ટ બનાવે છે.
હોમ ફર્સ્ટ ફાઇનાન્સ કંપની ઇન્ડિયાના શેરનો ભાવ આવનારા અઠવાડિયામાં તેની રેન્જની ઉપલી સીમા એટલે કે રૂ. 1,400 સુધી વધી શકે છે. ટ્રેડર્સ હાલમાં રૂ. 1,271ના ભાવે આ સ્ટોક ખરીદી શકે છે. જો ભાવ ઘટીને રૂ. 1,220 સુધી આવે તો વધુ સ્ટોક ખરીદી શકાય છે.
સ્ટોપ-લોસ
પહેલો સ્ટોપલોસ રૂ. 1,170 પર રાખી શકાય છે. શેરનો ભાવ વધતા વધતાં રૂ. 1,320 પર પહોંચે એટલે સ્ટોપ-લોસ વધારીને રૂ. 1,295 કરી દેવો. જ્યારે ભાવ અનુક્રમે રૂ. 1,350 અને રૂ. 1,380 ને સ્પર્શે, ત્યારે સ્ટોપ-લોસ સુધારીને ઉપર રૂ. 1,325 અને રૂ. 1,360 કરી દેવો. શેરનો ભાવ રૂ. 1,400 પર પહોંચતા જ તમારી ખરીદીની પોઝિશનમાંથી બહાર નીકળી જવું જોઈએ એટલે કે નફો બુક કરી લેવો જોઈએ.
ડી.પી. આભૂષણ લિમિટેડ (NSE: DPABHUSHAN | BSE: 544161)
કંપનીએ 30 જૂન, 2026 ના રોજ પૂરા થયેલા ક્વાર્ટર (ત્રિમાસિક ગાળા) માટે શાનદાર પ્રદર્શન નોંધાવ્યું છે, જેના મુખ્ય હાઇલાઇટ્સ નીચે મુજબ છે:
ચોખ્ખો નફો (PAT): વાર્ષિક ધોરણે (રYoY) 77 ટકા વધીને રૂ. 64.5 કરોડ થયો છે.
કુલ આવક (Total Income): વાર્ષિક ધોરણે 58 ટકા વધીને રૂ. 853.6 કરોડ થઈ છે.
ઈબીઆઈટીડીએ (EBITDA): વાર્ષિક ધોરણે 70 ટકા વધીને રૂ. 94 કરોડ થયો છે.
કંપનીના વિસ્તાર યોજનાઓ પૂરજોશમાં ચાલી રહી છે, જેમાં જબલપુર (મધ્યપ્રદેશ) અને દાહોદ (ગુજરાત) માં આગામી શાનદાર શોરૂમ શરૂ થવા જઈ રહ્યા છે. આ સાથે કંપની ગુજરાતમાં પોતાનું પહેલું કદમ મૂકી રહી છે અને તેના પ્રથમ ‘FOCO’ (કંપની ઓન્ડ ફ્રેન્ચાઇઝી ઓપરેટેડ) સ્ટોર મોડલની શરૂઆત કરી રહી છે.
નોંધઃ માહિતી બજારના નિષ્ણાતોએ કરેલા વિશ્લેષણને આધારે આપવામાં આવેલી છે. તેમાં રોકાણ કરતાં પહેલા તમારા અંગત નાણાંકીય સલાહકારનો મત લેવો જોઈએ.
