માર્ચ મહિનામાં સોનાના ભાવમાં ટ્રોય અંશ દીઠ 434 ડૉલરનો ઘટાડો
ગુરુવારે સોનાનો ભાવ લગભગ $4,766 પ્રતિ ઔંસ સુધી આવી ગયો, જે લગભગ છ અઠવાડિયાના નીચલા સ્તર નજીક છે. 28 ફેબ્રુઆરીએ સોનાનો ભાવ $5,200 હતો
ઇરાન પર અમેરિકા અને ઇઝરાયેલે કરેલા સહિયારા આક્રમણ પછીય તાજેતરમાં અઠવાડિયાઓમાં સોનાના ભાવમાં સતત ઘટાડો નોંધાયો છે. થોડી નવાઈ લાગે તેવી સ્થિતિ છે. ગુરુવારે સોનાનો ભાવ લગભગ $4,766 પ્રતિ ઔંસ સુધી આવી ગયો, જે લગભગ છ અઠવાડિયાના નીચલા સ્તર નજીક છે. 28 ફેબ્રુઆરીએ સોનાનો ભાવ $5,200 હતો, એટલે કે અત્યાર સુધી લગભગ 8 ટકાનો ઘટાડો થયો છે.
Federal Reserve ની કડક નીતિ સોનાના ભાવ પર દબાણ ઊભું કરી રહી છે. ફેડના અધ્યક્ષ Jerome Powell એ માર્ચની બેઠકમાં વ્યાજ દરમાં કોઈ ઘટાડો કર્યો નથી. સાથે જ તેમણે મોંઘવારી ફરી વધવાની ચેતવણી આપી છે. ઊંચા વ્યાજ દર લાંબા સમય સુધી રહેવાની શક્યતા છે. આ સ્થિતિમાં રોકાણકારો સોનાની જગ્યાએ વ્યાજ આપતા સાધનોમાં રોકાણ કરે છેતેથી સોનાની માંગ ઘટે છે અને ભાવ નીચે આવે છે.
અમેરિકન ડોલર મજબૂત બનવાને કારણે પણ સોનાના ભાવ ઘટી રહ્યા છે. US Dollar Index મજબૂત થવાથી સોનાના ભાવ પર નકારાત્મક અસર પડે છે. ડોલર ઈન્ડેક્સ 100થી ઉપર પહોંચી ગયો છે મધ્ય પૂર્વના યુદ્ધને કારણે ક્રૂડ તેલના ભાવ વધ્યા છે. મોંઘવારીના ભયથી ડોલર મજબૂત બન્યો છે. ડોલર મજબૂત થાય તો સોનું અન્ય કરન્સી ધરાવતા લોકો માટે મોંઘું પડે છે, જેથી માંગ ઘટે છે.
અમેરિકાની અર્થવ્યવસ્થા મજબૂત દેખાવને પરિણામે પણ સોનાના ભાવમાં ઘટાડો આવી રહ્યો છે. ફેડના અંદાજ મુજબ અમેરિકાની અર્થવ્યવસ્થા 2026માં લગભગ 2.4 ટકાના દરથી વધશે. અમેરિકાની અર્થવ્યવસ્થા મજબૂત બની રહી છે. સોનાની સલામત રોકાણ તરીકે માંગ ઓછી થઈ રહી છે. રોકાણકારો જોખમી અને વધુ રિટર્ન આપતા એસેટ તરફ વળે છે. પરંતુ કેટલાક નિષ્ણાતો માને છે કે આ વૃદ્ધિ સ્થિર નથી અને આગળ મંદીનું જોખમ છે.
સોનાના ભાવના ઘટાડા માટે અન્ય કેટલાક પરિબળોને પણ મહત્વના ગણવામાં આવે છે. મોંઘવારી હજી ઊંચી સપાટીએ જ જ છે PPI 0.7 ટકા સુધી વધી ગયો છે. મધ્ય પૂર્વમાં યુદ્ધના કારણે તેલના ભાવ વધ્યા છે અને હજીય વધી રહ્યા છે. ઇરાન સાથેના સંઘર્ષનો પ્રભાવ વૈશ્વિક બજારો પર પડી રહી છે.
હવે પછી સોનાનું બજાર કેવી રહી શકે છે?
જો નવા મોટા પરિબળો ન આવે તો ભૂ-રાજકીય અનિશ્ચિતતા, નબળો ડોલર, વ્યાજ દરમાં ઘટાડાની શક્યતા જેવા પરિબળો ભવિષ્યમાં સોનાના ભાવને ફરી સપોર્ટ આપી શકે છે. બીજા શબ્દોમાં કહીએ તો સોનાના ભાવ આગામી પખવાડિયામાં વધારો બતાવી શકે છે.
