ગેબિયન ટેક્નોલોજીઝ ઇન્ડિયાનો IPOઃ લાંબા ગાળાના રોકાણકારો માટે મહત્વનો

ગેબિયન ટેક્નોલોજીઝ ઇન્ડિયા IPO છ જાન્યુઆરીએ આવી રહ્યો છે. આ બુકબિલ્ડિંગ આઈપીઓ રૂ. 29.16 કરોડનો છે. તેનું લિસ્ટિંગ બીએસઈ એસએમઈ પર કરવામાં આવશે. આ ઇશ્યુ સંપૂર્ણપણે ફ્રેશ ઇશ્યુ છે. તેમાં કુલ 0.36 કરોડ શેર (36 લાખ શેર) ની ઓફર કરવામાં આવશે.

અંદાજે રૂ. 29 કરોડના આ આઈપીઓમાં 36 લાખ શેર્સની ઓફર કરવામાં આવશે. ગેબિયન ટેક્નોલોજીઝ IPO સબ્સ્ક્રિપ્શનઃ 6 જાન્યુઆરીના 2026 ખૂલીને 8 જાન્યુઆરી, 2026ના રોજ બંધ થશે. IPOના એલોટમેન્ટની કાર્યવાહી 9 જાન્યુઆરી, 2026ના થશે. ત્યારબાદ કંપનીના શેરનું લિસ્ટિંગ 13 જાન્યુઆરી, 2026ના રોજ BSE SME પર થવાની સંભાવના છે. IPO માટેનો પ્રાઈસ બેન્ડ રૂ. 76 થી રૂ. 81 પ્રતિ શેર નક્કી કરવામાં આવ્યો છે. એક લૉટમાં 1,600 શેરનો સમાવેશ થાય છે. રિટેલ રોકાણકાર માટે લઘુત્તમ રોકાણ 3,200 શેર એટલેકે 2 લૉટમાં અરજી કરી શકશે. શેરની ઓફર પ્રાઈસના અપર પ્રાઈસ બેન્ડ મુજબ ઓછામાં ઓછી રૂ. 2,59,200ની અરજી કરવાની આવશે. તેમ જ HNI રોકાણકાર માટે લઘુત્તમ લોટ 3 લૉટ (4,800 શેર)નો છે. તેને માટે અરજી કરનારાઓએ ઓછામાં ઓછું રૂ. 3,88,800નું રોકાણ કરવાનું આવશે. 

ઇશ્યુ મેનેજમેન્ટ કરનારી સંસ્થાઓ નીચે મુજબ છે. બુક રનિંગ લીડ મેનેજર: GYR Capital Advisors Pvt. Ltd. છે.  તેમ જ પબ્લિક ઇશ્યૂના રજિસ્ટ્રાર: Kfin Technologies Ltd. છે. આઈપીઓના માર્કેટ મેકર Giriraj Stock Broking Pvt. Ltd. છે.  IPO રિઝર્વેશન વિભાજન નીચે મુજબ છે. માર્કેટ મેકર: 1,80,800 શેર એટલે કે 5.02 ટકા શેર્સ રિઝર્વ રાખવામાં આવ્યા છે. તેમ જ QIB માટે કુલ 17,05,600 શેર એટલે કે 47.38 ટકા શેર અનામત રાખવામાં આવ્યા છે. એન્કર ઇન્વેસ્ટર-રોકાણકાર માટે 10,22,400 શેર એટલે કે 28.40 ટકા શેર્સ રિઝર્વ રાખવામાં આવ્યા છે. તદુપરાંત QIB-ક્વોલિફાઈડ ઇસ્ટિટ્યૂશનલ બાયર્સ-એક્સ એન્કર માટે 6,83,200 શેર એટલે કે 18.98 ટકા અનામત રાખવામાં આવ્યા છે. NII / HNI માટે 5,13,600 શેર એટલે કે 14.27 ટકા શેર અનામત રાખવામાં આવ્યા છે. છૂટક રોકાણકારો માટે 12,00,000 શેર એટલે કે 33.33 ટકા શેર રિઝર્વ રાખવામાં આવ્યા છે. પ્રમોટરના શેરહોલ્ડિંગની વાત કરીએ તો પ્રી-ઇશ્યુ શેરહોલ્ડિંગ 99,75,360 શેરનું છે. તેમ જ પોસ્ટ-ઇશ્યુ એટલે કે આઈપીઓ આવી ગયા પછી પ્રમોટરનું શેરહોલ્ડિંગ વધીને 1,35,75,360 શેરનું થઈ જશે.

IPOની તારીખવાર વિગતો

• IPO તારીખ: 6 થી 8 જાન્યુઆરી, 2026
• લિસ્ટિંગ તારીખ: 13 જાન્યુઆરી, 2026
• ફેસ વેલ્યૂ: રૂ. 10 પ્રતિ શેર
• ઇશ્યુ પ્રકાર: બુક બિલ્ડિંગ IPO
• વેચાણનો પ્રકાર: ફ્રેશ ઇશ્યુ
• કુલ ઇશ્યુ સાઈઝ: 36,00,000 શેર (અંદાજે રૂ.29 કરોડ)
• લિસ્ટિંગ: BSE SME

ગેબિયન ટેક્નોલોજીઝ ઇન્ડિયા લિમિટેડ વિશે

ફેબ્રુઆરી 2008માં સ્થાપિત ગેબિયન ટેક્નોલોજીઝ ઇન્ડિયા લિમિટેડ સ્ટીલ ગેબિયનનું ઉત્પાદન કરે છે અને જિઓસિંથેટિક્સ, જિઓટેકનિકલ એન્જિનિયરિંગ તથા ગ્રાઉન્ડ ઇમ્પ્રૂવમેન્ટ સેવાઓ પૂરી પાડે છે. કંપની ડબલ ટ્વિસ્ટેડ હેક્સાગોનલ સ્ટીલ વાયર મેશ ગેબિયન, ડિફેન્સ ગેબિયન, રોકફોલ પ્રોટેક્શન નેટિંગ, જિઓગ્રિડ, જિઓમેટ અને અન્ય અદ્યતન ઉત્પાદનો બનાવે છે. કંપનીએ અત્યાર સુધીમાં કુલ 76 પ્રોજેક્ટ્સ પૂર્ણ કર્યા છે, જેનું કુલ કોન્ટ્રાક્ટ મૂલ્ય રૂ. 12,760.59 લાખ છે. તેમાં રોડ, રેલવે, એનર્જી, એરપોર્ટ, ડિફેન્સ, માઇનિંગ અને વોટર રિસોર્સિસ ક્ષેત્રનો સમાવેશ થાય છે. 30 નવેમ્બર, 2025 સુધી કંપનીમાં 159 ફૂલટાઈમ-પૂર્ણકાલીન કર્મચારીઓ કાર્યરત હતા.

કંપનીનું નાણાકીય પરફોર્મન્સ (રૂ. કરોડમાં)

2024 થી 2025 દરમિયાન કંપનીની આવકમાં 4 ટકાનો ઘટાડો થયો છે, બીજીતરફ આ જ ગાળામાં કંપનીના વેરા પછીના નફા-PATમાં 14 ટકાનો વધારો થયો છે. આઈપીઓના માધ્યમથી એકત્રિત થનારી રકમના ઉપયોગની વાત કરવામાં આવે તો કંપનીની વર્કિંગ કેપિટલ જરૂરિયાતો પૂરી કરવા માટે રૂ. 22.11 કરોડ ખર્ચવામાં આવશે. પ્લાન્ટ અને મશીનરી માટેના મૂડી ખર્ચ-કેપેક્સ પેટે રૂ. 1.06 કરોડનો ખર્ચ કરવામાં આવશે. તેમ જ સામાન્ય કોર્પોરેટ હેતુઓ બાકીની રકમનો ખર્ચ કરવામાં આવશે.

ગ્રે માર્કેટના પ્રીમિયમ
ગેબિઓન ટેક્નોલોજીસ પ્રાઈવેટ લિમિટેડના આઈપીઓના શેર્સના લિસ્ટિંગ પછી ભાવ ઊંચા જવાની આશા રાખીને બેઠાં છે.તેમ જ ઇન્વેસ્ટ કરીને લિસ્ટિંગ ટાણે વેચી દઈને લાભ લણી લેવામાં પણ રસ છે. જોકે 31મી ડિસેમ્બરે ગેબિઓન ટેક્નોલોજીસના શેર્સમાં કોઈ જ પ્રીમિયમ બોલાયા નહોતા. ગેબિયોનના શેરની ઓફર પ્રાઈસ રૂ.76થી 81ની છે. તેથી અનુક્રમે 25થી 30 ટકાનું પ્રીમિયમ બોલાઈ રહ્યું છે.

ગેબિઓન ટેક્નોલોજી ઇન્ડિયા લિમિટેડની આવકમાં 31મી માર્ચ 2024થી 31મી માર્ચ 2025ના ગાળામાં 4 ટકાનો ઘટાડો જોવા મળ્યો છે. તેમ જ વેરા પછીના નફામાં 14 ટકાનો વધારો જોવા મળ્યો છે.

31મી માર્ચ 2025ની સ્થિતિએ મહત્વના નિર્દશકો

કંપનીના પ્રમોટર્સમાં મધુસુદન સારડા, શ્રીમતિ ઉર્વશી સારડા, મિસ પ્રિયનંદિની સારડા અને મેસર્સ એઆરએસ મર્ચન્ટ પ્રાઈવેટ લિમિટેડનો સમાવેશ થાય છે.

નાણાંકીય બાબત અંગેના પેરેગ્રાફમાં ઉમેરવું

2025ની સાલમાં કંપનીએ રૂ. 101.17 કરોડની આવક કરી છે. 2024ની સાલમાં કંપનીની કુલ આવક રૂ. 104.97 કરોડની થઈ હતી. 2025ના વર્ષમાં કંપનીએ રૂ. 6.62 કરોડનો નફો કર્યો છે. તેની સામે 2024માં કંપનીના નફે રૂ. 5.82 કરોડનો થયો હતો. કંપનીના નાણાંકીય પરફોર્મન્સને ધ્યાનમાં લઈને વાત કરવામાં આવે તો આઈપીઓમાં અરજી કરીને લાંબા ગાળા સુધી રોકાણને જાળવી રાખવાની માનસિકતા ધરાવતા રોકાણકારોએ તેમાં રોકાણ કરવું જોઈએ. ટૂંકા ગાળામાં લાભ લણીને નીકળી જવા માગનારાઓએ સમજી વિચારીને નિર્ણય લેવાનો રહેશે. જોકે કેટલાક નિષ્ણાતોને મતે આઈપીઓનું લિસ્ટિંગ રૂ. 106ની આસપાસના ભાવે થવાની સંભાવના છે. તેથી નુકસાન ન જાય અને રોકાણ પર બે ત્રણ ટકાનું વળતર છૂટી જવાની શક્યતા જોવાઈ રહી છે. જોકે લિસ્ટિંગ પછી શેર્સના હાથબદલા થવાની ઝડપ કેટલી અને કેવી છે તે પણ જોવાનું રહેશે. તેમ જ આઈપીઈ કેટલો ઓવરસબસ્ક્રાઈબ થાય છે તેના પર પણ તેના લિસ્ટિંગના ભાવનો મદાર રહેલો છે. કંપનીનું સૌથી મોટું જમા પાસું તેનો મજબૂત ક્લાયન્ટ બેઝ છે. તેના ક્લાયન્ટમાં ટાટા, વેદાન્તા, બીઆઈપીએલ, ક્લબ મહિન્દ્રા, બોર્ડર રોડ ઓર્ગેનાઈઝેશન, એબીસીએલ, લાર્સન એન્ડ ટુબ્રો, સોમા એન્ટરપ્રાઈસ, એનટીપીસી, એનએચપીસી, કોંકણ રેલ, એફકોન્સ, ગ્રીલ, ઇસ્પાત અને એપકો ઇન્ફોટેક પ્રાઈવેટ લિમિટેડનો સમાવેશ થાય છે. આ ક્લાયન્ટ બેઝ અને તેના થકી તેને મળનારા ઓર્ડર જ કંપનીને લાંબી રેસના મજબૂત ઘોડા તરીકેની ઇમેજ આપી રહી છે.

ગેબિઓન ટેક્નોલોજીસનું નાણાંકીય પરફોર્મન્સ

 ખાસ નોધઃ આ એક વિશ્લેષણ છે. વાચકોને આઈપીઓ વિશે માહિતી આપવાના હેતુથી આ તૈયાર કરવામાં આવેલું છે. તેમાં લખનારું કોઈ જ અંગત હિત સમાયેલું નથી. લખનાર તેમાં રોકાણ પણ કરતાં નથી. તેથી આ લખાણ વાંચ્યા પછી વાંચકે તેના પોતાના હિતમાં અને પોતાના જોખમે જ રોકાણ કરવાનો નિર્ણય લેવાનો રહેશે. આ લખનાર તેનાથી થનારા નુકસાન કે નફા માટે જવાબદાર નથી.