આજે શેરબજારમાં શું કરશો?
આજે ખરીદવા લાયક શેર: HFCL (રૂ.71.45)
HFCLનો શેર છેલ્લા ત્રણ અઠવાડિયાથી તેજી દર્શાવી રહ્યો છે. ફેબ્રુઆરીની શરૂઆતમાં રૂ. 69ના રેઝિસ્ટન્સ લેવલને પાર કરતાં શેરે ‘ડબલ બોટમ’ બનાવી લીધી છે. તેના ચાર્ટ પેટર્નની પુષ્ટિ કરી છે. આ ટેક્નિકલ સંકેત દર્શાવે છે કે શેરમાં તેજી તરફનો ટ્રેન્ડ ફરી શરૂ થવાની શક્યતા છે. હાલમાં શેરનો ભાવ 21-દિવસ અને 50-દિવસની મૂવિંગ એવરેજથી ઉપર છે. આ બંને એવરેજ વચ્ચે ‘બુલિશ ક્રોસઓવર’ બન્યો છે, જે ટેક્નિકલ રીતે મજબૂત ખરીદીનો સંકેત માનવામાં આવે છે. જોકે ગઈકાલે શેરના ભાવમાં રૂ. 2.37ન ઘટાડો નોંધાયો હતો.
બ્રોકરેજ હાઉસની ભલામણો
બ્રોકરેજ હાઉસ જે.એમ.ફાઈનાન્શિયલે 19મી ફેબ્રુઆરીએ અહલુવાલિયા કોન્ટ્રાક્ટ્સ ઇન્ડિયા લિમિટેડના શેર્સમાં લેણ કરવાની ભલામણ કરી છે. ટાર્ગેટ ભાવ રૂ. 1155નો આપ્યો છે. શેરનો વર્તમાન બજાર ભાવ રૂ. 805ની આસપાસનો છે.
મોતીલાલ ઓસવાલ બ્રોકરેજ હાઉસે અલ્કેમ લેબના શેરમાં લેવાલી કે વેચવાલી ન કરવા અને હોલ્ડિંગને જાળવી રાખવાની ભલામણ કરી છે. તેણે ટાર્ગેટ ભાવ રૂ. 5525નો આપ્યો છે. શેરનો વર્તમાન બજાર ભાવ રૂ. 5374ની આસપાસનો છે.
વર્તમાન બજારમાં રૂ. 6387ના ભાવે ટ્રેડ થઈ રહેલા નવીન ફ્લુરાઈન ઇન્ટરનેશનલ લિમિટેડના શેર્સમાં લેણ કરવાની ભલામણ બ્રોકરેજ હાઉસ જે.એમ. ફાઈનાન્શિયલે કરી છે. શેરનો ટાર્ગેટ ભાવ રૂ. 8270નો દર્શાવ્યો છે.
વર્તમાન બજારમાં રૂ. 1369ની આસપાસના ભાવે ટ્રેડ થઈ રહેલા ઇન્ફોસિસનાશેર્સમાં લેણ કરવાની બ્રોકરેજ હાઉસ મોતીલાલ ઓસવાલે ભલામણ કરી છે. ટાર્ગેટ ભાવ રૂ. 1850નો આપ્યો છે.
મોતીલાલ ઓસવાલ બ્રોકરેજ હાઉસે વરુણ બીવરેજીસના શેર્સમાં લેણ કરવાની ભલામણ કરી છે. અત્યારે રૂ. 454ની આસપાસના ભાવે ટ્રેડ થઈ રહેલા શેર્સનો ટાર્ગેટ ભાવ રૂ. 550નો આપવામાં આવ્યો છે.
ગેલેક્સિ સરફન્ક્ટન્ટ લિમિટેડના શેરમાં ઘટાડાની ચાલ જોવા મળી રહી હોવાથી તેનું હોલ્ડિંગ ઘટાડી દેવાની ભલામણ બ્રોકરેજ હાઉસ જે.એમ. ફાઈનાન્શિયલે કરી છે. ભાવ ઘટીને 1940ની નીચે આવી જવાની સંભાવના દર્શાવી છે.
બજારમાં નજર રાખવા જેવા શેર્સ
આજે મુંબઈ સ્ટોક એક્સચેન્જ અને નેશનલ સ્ટોક એક્સચેન્જમાં દસ શેર્સની મુવમેન્ટ પર નજર રાખી શકાય છે. તેમાં REC-PFC થી લઈને Swiggy, Ashok Leyland અને Nykaa સુધીના શેર્સનો સમાવેશ થાય છે. આજે GIFT Niftyના સંકેતો મુજબ સ્થાનિક સૂચકાંકો નીચા સ્વરે ખુલવાની શક્યતા છે. ગુરુવારે, National Stock Exchangeના Nifty 50માં 365 પોઈન્ટ (1.41 ટકા)નો ઘટાડો થઈ 25,454 પર બંધ રહ્યો હતો, જ્યારે Bombay Stock Exchangeના Sensexમાં 1,236 પોઈન્ટ (1.48 ટકા) ઘટીને 82,498 પર બંધ થયો હતો.
1) REC – PFC- સરકારે Power Finance Corporation અને Rural Electrification Corporationના વિલીનીકરણની પ્રક્રિયાને સત્તાવાર રીતે આગળ ધપાવી છે. બંને સંસ્થાઓનો સંયુક્ત લોન પોર્ટફોલિયો રૂ. 11 લાખ કરોડથી વધુ છે. વિલીનીકરણ માટે હાઈ-લેવલ કમિટી અને વર્કિંગ ગ્રુપની રચના કરવામાં આવી છે.
2) Adani Group- Department of Telecommunicationsએ Adani Airport Holdings Ltdને પત્ર લખીને Navi Mumbai International Airport પર ટેલિકોમ કંપનીઓને તેમની નેટવર્ક ઇન્ફ્રાસ્ટ્રક્ચર સ્થાપિત કરવાની મંજૂરી આપવા જણાવ્યું છે. ટેલિકોમ એક્ટ 2023 મુજબ NMIAને ‘પબ્લિક એન્ટિટી’ ગણવામાં આવે છે.
3) Swiggy- Swiggyએ તેની 15 મિનિટ ફૂડ ડિલિવરી એપ ‘Snacc’ બંધ કરવાનો નિર્ણય લીધો છે. આ સેવા માત્ર બેંગલુરુ અને ગુરુગ્રામમાં પાયલોટ પ્રોજેક્ટ તરીકે ચલાવવામાં આવી રહી હતી.
4) Ashok Leyland- Ashok Leyland લાઈટ કોમર્શિયલ વ્હીકલ (LCV) સેગમેન્ટમાં 25 ટકા માર્કેટ શેર મેળવવાનું લક્ષ્ય ધરાવે છે. કંપની પશ્ચિમ ભારતમાં ડીલરશિપ નેટવર્ક વિસ્તારી રહી છે અને FY27માં CNG + પેટ્રોલ બાયોફ્યુઅલ સેગમેન્ટમાં પ્રવેશવાની યોજના ધરાવે છે.
5) Nykaa- Nykaaની પેરેન્ટ કંપની FSN E-Commerce Venturesએ દક્ષિણ કોરિયાની APR Corporation સાથે ભાગીદારી કરી ‘Medicube’ સ્કિનકેર બ્રાન્ડને ભારતમાં લોન્ચ કરી છે.
6) Aurobindo Pharma- Aurobindo Pharmaને GST વિભાગ તરફથી રૂ. 169.83 કરોડની ટેક્સ ડિમાન્ડની નોટિસ મળી છે, જેમાં GSTના લેણા જેટલી જ રકમના દંડનો સમાવેશ થાય છે.
7) GHV Infra Projects- GHV Infra Projectsને Enmas EPC Power Projects તરફથી રૂ. 123 કરોડનો સોલાર રૂફટોપ પ્રોજેક્ટ માટે વર્ક ઓર્ડર મળ્યો છે.
8) RailTel Corporation- RailTel Corporation of Indiaને રૂ. 35.6 કરોડનો રેલવે સિગ્નલિંગ પ્રોજેક્ટ ઓર્ડર મળ્યો છે. પ્રોજેક્ટ 24 મહિનામાં પૂર્ણ કરવાનો રહેશે.
9) Novartis India- પ્રાઈવેટ ઇક્વિટી ફર્મ ChrysCapital Novartis Indiaમાં બહુમતી હિસ્સો ખરીદવા અંતિમ તબક્કાની ચર્ચામાં છે. તેની પેરેન્ટ કંપની Novartis AG છે.
10) CIE Automotive India- CIE Automotive Indiaએ ત્રીજા ત્રિમાસિકમાં નફામાં 10.4 ટકા વધારો નોંધાવ્યો છે. આવક 13.4 ટકા વધી છે, આ બાબત કંપનીના પ્રોડક્ટ્સની મજબૂત માંગ દર્શાવે છે.
