પેટ્રોલ-ડીઝલની તંગીની શક્યતાને ધ્યાનમાં લઈ ટેક્સ વિભાગ ઓનલાઈન હિયરિંગ કરે
જીએસટીના અધિકારીે ઓનલાઈન હિયરિંગનો વિચાર કરી નવું આયોજન કરે તેવી માગણી કરી
અમદાવાદઃ ભારતભરમાં પેટ્રોલ અને ડીઝલની અછતના ઓળા ઉતરી રહ્યા હોવાની સ્થિતિને ધ્યાનમાં લઈને આવકવેરા ખાતાએ અપીલ સહિતના આકારણીને લગતા તમામ કેસોની ઓનલાઈન હિયરિંગ ચાલુ કરવી જોઈએ તેવી માગણી અમદાવાદના ટેક્સ એડવોકેટ એસોસિયેશને કરી છે.
પેટ્રોલ અને ડીઝલની સમસ્યા વકરી જવાના નિર્દેશો મળી રહ્યા હોવાથી આવકવેરા અને ગુડ્સ એન્ડ સર્વિસ ટેક્સને લગતા તમામ કેસોમાં ઓનલાઈન હિયરિંગ રાખવાની માગણી કરવામાં આવી છે. કોરોના કાળમાં અને ત્યારબાદ પણ વિડીયો કાન્ફરન્સની સિસ્ટમનો ખાસ્સો ઉપયોગ કરવામાં આવ્યો હતો. અમેરિકા અને ઈઝરાયલે મળીને ઇરાન પર કરેલા આક્રમણને પરિણામે સર્જાયેલી સ્થિતિને કારણે નિર્માણ થયેલા સંજોગોના અનુસંધાનમાં આ માગણી કરવામાં આવી છે.
ઓનલાઈન હિયરિંગ કરવામાં આવેતો કોર્ટ કેસ કનરા, એડવોકેટ્સ અને ટેક્સપેયર્સ દરેકને લાભ થશે. સરકારી અધિકારીઓ માટે પણ કામગીરી સરળ બની શકે છે. કારણ કે પેટ્રોલ કે ડીઝળ કે પછી સીએનજીની અછત વકરવા માંડશે તેમ તેમ રોજબરોજ આવનજાવન કરવું કઠિન બનતું જશે.
ભૂતકાળમાં પણ વર્ચ્યુઅલ હિયરિંગે સમસ્યાઓને ખાસ્સે હળવી કરી દીધી હતી. આ વ્યવસ્થા રૃબરૃમાં હાજર રહીને કોર્ટ કાર્યવાહી ચલાવવાનો એક સરળ અને અસરકારક વિકલ્પ બની ગયો હતો. યુદ્ધને કારણે નિર્માણ થઈ રહેલી સ્થિતિમાં આ વિકલ્પ ઘણો સારો વિકલ્પ બની રહેવાની સંભાવના છે.
