પેટ્રોલ-ડીઝલના ભાવ વધતા ટ્રાન્સપોર્ટર્સ ભાડાં વધારી દેશે, મોંઘવારી ચોમેર પ્રસરશે
કચ્છમાં છેલા સાત દિવસથી પેટ્રોલ-ડીઝલ રેશનિંગની માફક વેચવામાં આવી રહ્યું છે
માલ પહોંચાડવાનો લાંબા ગાળાનો કરાર કરનારા ટ્રાન્સપોર્ટર્સ ભાવ પણ ન વધારી શકે તેમ હોવાથી તેમના માર્જિન કપાઈ જશે.
પેટ્રોલના લિટરદીઠ ભાવમાાં રૃા. ૨.૯૯ અને ડીઝલના લિટરદીઠ ભાવમાં રૃા. ૩.૧૦નો વધારો કરવામાં આવતા ટ્રાન્સપોર્ટર્સ તેમના ટ્રાન્સપોર્ટના દરમાં વધારો કરશે. પરિણામે શાકભાજી સહિતની ઘરવપરાશની ચીજવસ્તુઓના ભાવમાં વધારો થશે. આ સિવાય ફાસ્ટ મુવિંગ કન્ઝ્યુમર ગુડ્સના દરમાં પણ વધારો જોવા મળી શકે છે. બીજીતરફ મોંઘવારીના વધારા પ્રમાણે પગારમાં વધારો ન આવતો હોવાથી નોકરિયાત વર્ગના પરિવારની હાલાકી વધી જવાની સંભાવના રહેલી છે.
ગુજરાતના ટ્રક-ટ્રાન્સપોર્ટ એસોસિયેશનના પ્રમુખ મુકેશ દવેનું કહેવું છે કે પેટ્રોલના દરમાં ત્રણથી ચાર ટકાનો વધારો થયો હોવાથી કોન્ટ્રાક્ટ પર ટ્રાન્સપોર્ટના કામ કરનારાઓની હાલાકીમાં વધારો થઈ જશે. તેની સમજણ આપતા જાણકારો કહે છે કે માલની ટ્રાન્સપોર્ટના લાંબા ગાળાના કરારો કરનારાઓની શરતોમાં જણાવવામાં આવે છે કે પેટ્રોલ કે ડીઝલના દરમાં પાંચ ટકાનો વધારો થશે તો જ તમારી સાથેના કરારમાં સુધારો કરવામાં આવશે. આમ ત્રણથી ચાર ટકાના વધારાનો લાભ તેમને મળશેજ નહિ. તેમના માર્જિન કપાઈ જશે.
બીજું, ગુજરાતના ઘણાં વિસ્તારોમાં પેટ્રોલ કે ડિઝલ ઉપલબ્ધ જ નથી. ગુજરાતના કચ્છ વિસ્તારમાં જ પેટ્રોલ અને ડીઝલ પમ્પ પર પેટ્રોલ અને ડિઝલ આપવામાં રેશનિંગ ચાલે છે. કચ્છમાં સહકારી ધોરણે ચાલતા પેટ્રોલ પમ્પ ઘણાં વધારે છે. સહકારી પેટ્રોલ પમ્પ પર ઇન્ડસ્ટ્રીય સપ્લાય માટે જે ડિઝલ આપે છે તેના લિટરે રુ. ૩૦ વધારે વસૂલવામાં આવી રહ્યા છે. પરિણામે તેમની પાસેથી પેટેલ કે ડિઝલ ખરીદનારાઓની સંખ્યા ઘટી જાય છે.
બીજીતરફ નાયરાના પેટ્રોલ પમ્પો પર મળતા પેટ્રોલ અને ડીઝલ બજારના અન્ય પેટ્રોલ પમ્પ પર મળતા ભાવ કરતાં નાયરાના પેટ્રોલ પમ્પ પર લિટરે રૃા. ૩ વધારે વસૂલવામાં આવી રહ્યા છે. બીજું, કચ્છમાં તો પેટ્રોલ કે ડીઝલ ભરાવવા માટે લાઈનમાં ઊભા રહેવું પડે છે. જ્યારે ટ્રકનો વારો આવે ત્યારે ડિઝલ ખતમ થઈ ગયું હોવાનું પણ જોવા મળે છે. આ વિસ્તારમાં ઘણાં પેટ્રોલ પમ્પ ડ્રાય થવાની સ્થિતિએ આવ્યા હોવાનું જોવા મળે છે. તેને પરિણામે નાના ટ્રાન્સપોર્ટર્સની તકલીફ વધી રહી છે. પરિણામે મહેસાણા અને કચ્છ જેવા વિસ્તારોમાં પેટ્રોલ પમ્પો ખાસ્સા ડ્રાય થઈ ગયા છે. ટ્રાન્સપોર્ટના ખર્ચમાં ૭ ટકાની આસપાસનો વધારો આવી જશે.
તદુપરાંત એક ટ્રાન્સપોર્ટર્સ એક જ પેટ્રોલ પમ્પ પરથી ગાડીમાં ડીઝલ કે પેટ્રોલ ભરાવતા હોય તો તેવા સંજોગોમાં તેમની ગાડીમાં જોઈએ તેટલું પેટ્રોલ કે ડીઝલ ભરી આપે છે. પરિચિત ટ્રાન્સપોર્ટર્સ સિવાયની સામાન્ય વ્યક્તિ પેટ્રોલ કે ડીઝલ ભરાવવા માટે જાય તો તેવા સંજોગોમાં તેમને ૨૦ લિટરની જરૃરિયાત સામે માત્ર ૫ લિટર જ ડીઝલ આપવાની તૈયારી બતાવે છે. પેટ્રોલ-ડીઝલ ભરાવવાનો વારો આવે ત્યારે ખતમ થઈ ગયું હોવાનું જણાવી દે છે. તેથી ટ્રાન્સપોર્ટ્સે તેની ગાડી બીજા પેટ્રોલ પમ્પ પર લઈ જવાની ફરજ પડે છે. પરિણામે ટ્રાન્સપોર્ટર્સ અને નાના કોમર્શિયલ વાહન માલિકો પરેશાન થઈ રહ્ય છે. પરિણામ ેટ્રાન્સપોર્ટનો વ્યવસાય કરનાર તેના એક આંટાના ભાવમાં સીધો ૫૦૦થી ૧૦૦૦નો વધારો કરી દેશે. પરિણામે ફુગાવો વધી જવાની સંભાવના છે. અમુક કિસ્સાઓમાં ટ્રાન્સપોર્ટર્સ તેના પોતાના માર્જિનની ટકાવારીને પણ ઘટાડીને સપ્લાય ચાલુ રાખી શકે છે.
