આજે શેરબજારમાં શું કરશો?
ડિવિડન્ડ મેળવવા માટે બજાજ ગ્રુપના ચાર શેર ખરીદી શકાય
સિક્યોરિટીઝ એન્ડ એક્સચેન્જ બોર્ડ ઓફ ઇન્ડિયાની T પ્લસ 1 સેટલમેન્ટ સાયકલ હેઠળ રોકાણકારોએ રેકોર્ડ ડેટના ઓછામાં ઓછા એક ટ્રેડિંગ દિવસ પહેલાં શેર ખરીદવા જ પડે છે.
બજાજ ફાઇનાન્સ લિમિટેડ, બજાજ ફિનસર્વ લિમિટેડ, બજાજ હોલ્ડિંગ્સ એન્ડ ઇન્વેસ્ટમેન્ટ લિમિટેડ અને મહારાષ્ટ્ર સ્કૂટર્સ લિમિટેડ આ તમામ શેર 30 જૂન, 2026ના રોજ એક્સ-ડિવિડન્ડ તરીકે ટ્રેડ થવાના છે. જાહેર કરાયેલા ડિવિડન્ડ માટે પાત્ર બનવા માટે રોકાણકારો પાસે બજાજ ગ્રુપની ચાર કંપનીઓના શેર ખરીદવા માટે છેલ્લું એક ટ્રેડિંગ સેશન બચ્યું છે. આ ચાર શેર્સમાં બજાજ ફાઇનાન્સ લિમિટેડ, બજાજ ફિનસર્વ લિમિટેડ, બજાજ હોલ્ડિંગ્સ એન્ડ ઇન્વેસ્ટમેન્ટ લિમિટેડ અને મહારાષ્ટ્ર સ્કૂટર્સ લિમિટેડનો સમાવેશ થાય છે.
આ તમામ શેર 30 જૂન, 2026 (મંગળવાર)ના રોજ એક્સ-ડિવિડન્ડ તરીકે ટ્રેડ થવાના છે. તેનો અર્થ એ થાય છે કે ડિવિડન્ડ મેળવવા માટે આ શેર ખરીદવાનો છેલ્લો દિવસ 29 જૂન (સોમવાર) છે. કારણ કે સિક્યોરિટીઝ એન્ડ એક્સચેન્જ બોર્ડ ઓફ ઇન્ડિયાની T પ્લસ 1 સેટલમેન્ટ સાયકલ હેઠળ રોકાણકારોએ રેકોર્ડ ડેટના ઓછામાં ઓછા એક ટ્રેડિંગ દિવસ પહેલાં શેર ખરીદવા જ પડે છે. એક દિવસ પહેલા શેર ખરીદવાથી જે તે ખરીદનારના ડીમેટ ખાતામાં સમયસર જમા થઈ શકે છે. સેબીની ટ્રાન્ઝેક્શન પ્લસ વન ડેના સેટલમેન્ટ સાયકલ હેઠળ, રોકાણકારોએ રેકોર્ડ ડેટના ઓછામાં ઓછા એક ટ્રેડિંગ દિવસ પહેલાં શેર ખરીદવા જ પડે છે. તેમ કરવામથી શેર સમયસર તેમના ડીમેટ ખાતામાં ક્રેડિટ (જમા) થઈ શકે છે.
બજાજ હોલ્ડિંગ્સ એન્ડ ઇન્વેસ્ટમેન્ટ બજાજ હોલ્ડિંગ્સ એન્ડ ઇન્વેસ્ટમેન્ટે શેર દીઠ રૂ. 80 ના આખરી (ફાઇનલ) ડિવિડન્ડ અને શેર દીઠ રૂ. 50ના સ્પેશિયલ ડિવિડન્ડની જાહેરાત કરી છે, જેનાથી કુલ ડિવિડન્ડ પેઆઉટ શેર દીઠ રૂ. 130 થાય છે. 30 જૂનના રોજ એક્સ-ડિવિડન્ડ થનારી બજાજ ગ્રુપની ચાર કંપનીઓમાં આ સૌથી વધુ ડિવિડન્ડ છે.
મહારાષ્ટ્ર સ્કૂટર્સ મહારાષ્ટ્ર સ્કૂટર્સ લિમિટેડે નાણાકીય વર્ષ 2025-26 માટે શેર દીઠ રૂ. 60 નું આખરી ડિવિડન્ડ જાહેર કર્યું છે. બજાજ ફાઇનાન્સ બજાજ ફાઇનાન્સ લિમિટેડે નાણાકીય વર્ષ 2025-26 (FY26) માટે શેર દીઠ રૂ. 6 નું આખરી ડિવિડન્ડ જાહેર કર્યું છે. બજાજ ફિનસર્વ બજાજ ફિનસર્વ લિમિટેડે નાણાકીય વર્ષ 2025-26 (FY26) માટે શેર દીઠ રૂ. 1.50 નું આખરી ડિવિડન્ડ જાહેર કર્યું છે. શેરનું પ્રદર્શનને જોઈ તો બજાજ હોલ્ડિંગ્સ એન્ડ ઇન્વેસ્ટમેન્ટના શેર ગુરુવાર, 25 જૂનના, 0.54 ટકા વધીને રૂ. 10,646 પર બંધ થયા હતા. આ દિવસના વધારા છતાં, વર્ષની શરૂઆતથી અત્યાર સુધીમાં આ શેરમાં 6.18 ટકાનો ઘટાડો નોંધાયો છે.
મહારાષ્ટ્ર સ્કૂટર્સનો શેર 0.05 ટકા ઘટીને રૂ. 12,485 પર બંધ થયો હતો, જેનાથી તેની વર્ષની શરૂઆતથી અત્યાર સુધીની પીછેહઠ 12.03 ટકા પર પહોંચી ગઈ છે. બજાજ ફાઇનાન્સનો શેર 1.10 ટકા ઘટીને રૂ. 979.90 પર બંધ થયો હતો. આ શેરે વર્ષ 2026 માં અત્યાર સુધીમાં 0.79 ટકાનો નજીવો ફાયદો મેળવ્યો છે. બજાજ ફિનસર્વનો શેર 0.93 ટકા ઘટીને રૂ. 1,764 પર બંધ થયો હતો અને વર્ષની શરૂઆતથી અત્યાર સુધીમાં તેમાં 13.40 ટકાનો ઘટાડો થયો છે.
નિફ્ટી 50માં બ્રેઆઉટની જોવાઈ રહેલી રાહ
નિફ્ટી અને સેન્સેક્સ તેમના સપોર્ટથી ઘણું ઉપર મજબૂતાઈ જાળવી રહ્યા છે પરંતુ નવી તેજી માટે ટ્રિગરની જરૂર છે.
નિફ્ટી 50 અને સેન્સેક્સ તેમના સપોર્ટથી ઘણું ઉપર મજબૂતાઈથી ટકી રહ્યા છે અને ગયા અઠવાડિયે તેમાં સારો ઉછાળો જોવા મળ્યો છે. બીજી તરફ નિફ્ટી બેન્ક ઈન્ડેક્સ અપેક્ષિત રેન્જની અંદર જ ઉપર-નીચે થતો રહ્યો છે. એકંદરે, બજારની મૂવમેન્ટ અમારી અપેક્ષા મુજબ જ થઈ રહી છે. અમારો તેજીનો દૃષ્ટિકોણ અકબંધ રાખે છે. અમે અપેક્ષા રાખીએ છીએ કે સેન્સેક્સ અને નિફ્ટી તેમના તાત્કાલિક પ્રતિકાર (રેઝિસ્ટન્સ) ને તોડીને આગામી અઠવાડિયામાં વધુ ઉપર જશે. નિફ્ટી બેન્ક ઈન્ડેક્સ તેની રેન્જમાંથી તેજીનું બ્રેકઆઉટ આપીને વધી શકે છે.
વિદેશી સંસ્થાકીય રોકાણકારોની ખરીદી ફોરેન પોર્ટફોલિયો ઈન્વેસ્ટર્સએ સતત બીજા અઠવાડિયે ભારતીય ઈક્વિટી ખરીદી કરી છે. ઈક્વિટી સેગમેન્ટમાં આશરે $788 મિલિયનનો નેટ ઈનફ્લો (ચોખ્ખો પ્રવાહ) જોવા મળ્યો હતો. ફોરેન પોર્ટફોલિયો ઇન્વેસ્ટર્સે તેમની ખરીદી ઝડપી બનાવી છે કે કેમ તે જોવાની જરૂર છે. તેની ખરીદી ઝડપી થશે તો સેન્સેક્સ અને નિફ્ટીને વધુ ઉપર જવાનો શક્યાતાને વેગ મળી શકે છે. આગામી અઠવાડિયામાં ફોરેન પોર્ટફોલિયો ઇન્વેસ્ટર્સની ગતિવિધિઓ પર નજીકથી નજર રાખવાની જરૂર રહેશે.
નિફ્ટી 50 અત્યારે 24,056ની સપાટીએ છે. ટૂંકા ગાળાના દ્રષ્ટિકોણની વાત કરીએ તો ગયા અઠવાડિયે જણાવવામાં આવ્યું હતું કે નિફ્ટી 50 23,800-23,600 ના ક્ષેત્રમાં સપોર્ટ ધરાવતો હોવાથી અપેક્ષા મુજબ ઘણો મજબૂત રહ્યો છે. નિફ્ટી 50એ 23,784.95 ની નીચી સપાટીને સ્પર્શી હતી અને ત્યાંથી ખૂબ જ સારો રિકવરી સાથે ઉછાળો જોયો છે. જો કે, 24,200 નો રેઝિસ્ટન્સ ઉપરની બાજુએ જવાની શક્યતાને મર્યાદિત કરવાનું ચાલુ રાખ્યું છે. હવે આપણે 24,200 ની ઉપર બ્રેકઆઉટની અપેક્ષા રાખી શકીએ છીએ. આવો બ્રેકઆઉટ ટૂંકા ગાળામાં નિફ્ટીને 24,750 કે 24,850 સુધી વધુ ઉપર લઈ જઈ શકે છે. નજીકના ગાળાનું ચિત્ર માત્ર 23,800 ની નીચે જ નકારાત્મક બનશે. જો આવું થાય, તો 23,650 અથવા તો 23,450 સુધીનો ઘટાડો જોવા મળી શકે છે.
મધ્યમ ગાળાના દ્રષ્ટિકોણ સાથે વિચાર કરીએ તો વ્યાપક તેજીના આઉટલુકમાં કોઈ મોટો ફેરફાર નથી. નિફ્ટી હાલમાં તેની વ્યાપક 22,000-26,500 ની રેન્જમાં ઉપર જઈ રહ્યો છે. 24,850 ની ઉપર નિર્ણાયક બ્રેકઆઉટ તેને રેન્જના ઉપરના છેડા, 26,500 સુધી લઈ જશે. અંતે અમે 26,500 ની ઉપર તેજીના બ્રેકઆઉટની અપેક્ષા રાખીએ છીએ. તે તેજીની ગતિને વેગ આપશે અને લાંબા ગાળામાં નિફ્ટીને 28,000 અને 30,000 સુધી લઈ જશે. આ તેજીના દ્રષ્ટિકોણને ખોટો સાબિત કરવા માટે નિફ્ટીએ 22,000 ની નીચે ઘટવું પડશે.
નિફ્ટી બેન્ક અત્યારે 58,117.05ની સપાટીએ છે. તેમાં ટૂંકા ગાળાના દ્રષ્ટિકોણથી વિચાર કરીએ તો 56,500 અને 58,800 વચ્ચે રેન્જ બાઉન્ડ મૂવમેન્ટ જોવામાં આવી રહી છે. આ દ્રષ્ટિકોણ આમ તો સારી રીતે સાચો પડી રહ્યો છે. નિફ્ટી બેન્ક ઈન્ડેક્સ ગયા અઠવાડિયે 57,074 અને 58,706 વચ્ચે વધઘટ થતો રહ્યો. 200-ડે મૂવિંગ એવરેજ (DMA), જે હાલમાં 57,125 પર છે, તેણે ગયા અઠવાડિયે ઘટાડાને મર્યાદિત રાખ્યો હતો. તે 58,800 ની ઉપર બ્રેકઆઉટ જોવાનો અમારો તેજીનો દૃષ્ટિકોણ અકબંધ રાખે છે. આવો બ્રેકઆઉટ આગામી અઠવાડિયામાં નિફ્ટી બેન્ક ઈન્ડેક્સને 60,500 કે 61,500 સુધી લઈ જઈ શકે છે. નજીકના ગાળાના આઉટલુકને નકારાત્મક બનાવવા માટે 56,500ની નીચે ઘટાડો જરૂરી છે. માત્ર ત્યારે જ 56,000 કે 55,500 સુધીનો ઘટાડો ચિત્રમાં આવશે.
એકંદર ચિત્ર તેજીનું જ રહે છે. 61,000 અને 61,500 વચ્ચેનો વિસ્તાર નજર રાખવા માટે એક મહત્વપૂર્ણ રેઝિસ્ટન્સ રહેશે. 61,500 ની ઉપરનો બ્રેકઆઉટ મધ્યમ ગાળામાં 65,000 સુધીના વધારા માટે તેજીના કેસને મજબૂત કરશે. તે લાંબા ગાળામાં નિફ્ટી બેન્ક ઈન્ડેક્સ માટે 68,000-69,000 ને ટાર્ગેટ કરવાના દરવાજા પણ ખોલશે. મહત્વના સપોર્ટ 53,500 અને 50,000 પર છે. આદર્શ રીતે, મંદી તરફ વળવા માટે ઇન્ડેક્સે 50,000 ની નીચે ઘટવું પડશે.
સેન્સેક્સ અત્યારે 77,100.47ની આસપાસની સપાટીએ છે. મધ્યમ ગાળામાં સેન્સેક્સ 76,082.51ખી નીચી સપાટીથી સારી રીતે પાછો ફર્યો છે. તાત્કાલિક સપોર્ટ 76,800 પર છે. તેની નીચે 76,000 એક મજબૂત સપોર્ટ તરીકે કામ કરવાનું ચાલુ રાખશે. રેઝિસ્ટન્સ 77,700 પર છે. અમે અપેક્ષા રાખીએ છીએ કે સેન્સેક્સ આ અવરોધને પાર કરશે અને એક કે બે અઠવાડિયામાં 78,800-79,000 સુધી વધશે. 80,000 સુધીના વિસ્તૃત વધારાની શક્યતાને પણ નકારી શકાય તેમ નથી. ટૂંકા ગાળાના ચિત્રને નકારાત્મક બનાવવા માટે સેન્સેક્સ 76,000 ની નીચે આવે તો જ વધુ ઘટાડાની શક્યતા છે. જો આવું થાય, તો 75,500 અથવા તો 74,000 સુધીનો ઘટાડો શક્ય છે. પરંતુ અમારી પ્રાથમિકતા સેન્સેક્સ 76,000 ની ઉપર જળવાઈ રહે તે જોવાની છે.
સેન્સેક્સમાં લાંબા ગાળાનો તેજીનો અંદાજ અકબંધ છે. સેન્સેક્સ હવે તેની 71,000-86,000 ની રેન્જમાં ઉપર જઈ રહ્યો છે. 80,000 અને 80,500 વચ્ચેનો વિસ્તાર એક મહત્વપૂર્ણ વચગાળાનો રેઝિસ્ટન્સ છે. 80,500 ની ઉપરનો બ્રેકઆઉટ મધ્યમ ગાળામાં ઇન્ડેક્સ માટે રેન્જના ઉપરના છેડા, 86,000 તરફ આગળ વધવાનો માર્ગ સાફ કરશે. લાંબા ગાળાના પરિપ્રેક્ષ્યમાં, સેન્સેક્સ 86,000 ને પાર કરીને 90,000 અને 94,000 ને પણ ટાર્ગેટ કરે તેવી અપેક્ષા છે. તેજીનો દૃષ્ટિકોણ માત્ર ત્યારે જ ખોટો પડશે જો સેન્સેક્સ 71,000 ની નીચે જશે.
નિફ્ટી મિડકેપ 150 (22,751.05) 23,150 ના નિર્ણાયક રેઝિસ્ટન્સ લેવલે ઉપરની બાજુને ખૂબ સારી રીતે મર્યાદિત રાખી છે. નિફ્ટી મિડકેપ 150 ઇન્ડેક્સે 23,138.90ની ઊંચી સપાટી બનાવી હતી અને ત્યાંથી નીચે આવ્યો છે. તાત્કાલિક સપોર્ટ 22,700 પર છે. તેની નીચેનો ઘટાડો ઇન્ડેક્સને 22,300 કે 22,100 સુધી નીચે ખેંચી શકે છે. તે કિસ્સામાં, 21,700-23,000 ની રેન્જ ફરીથી ચિત્રમાં આવી શકે છે. બીજી બાજુ, જો ઇન્ડેક્સ 22,700 ની ઉપર ટકી રહેવામાં સફળ થાય અને બાઉન્સ બેક કરે, તો તે સકારાત્મક રહેશે. તે 23,150 ની ઉપર તેજીના બ્રેકઆઉટ મેળવવાની શક્યતાઓ વધારશે. આવો બ્રેકઆઉટ ગતિને વેગ આપશે. તે મધ્યમ ગાળામાં 26,000-26,500 તરફ નવી તેજી લાવી શકે છે. તે લાંબા ગાળામાં નિફ્ટી મિડકેપ 150 ઈન્ડેક્સ માટે 28,000-28,500 ને ટાર્ગેટ કરવા માટેના દરવાજા પણ ખુલ્લા રાખશે. ટૂંકા ગાળાનો આઉટલુક માત્ર ત્યારે જ નકારાત્મક બનશે જો ઇન્ડેક્સ 21,700 ની નીચે ઘટશે. જો આવું થાય, તો 21,200-21,000 સુધીનો ઘટાડો જોવા મળી શકે છે. 21,000 અને 20,800 વચ્ચેનો વિસ્તાર એક નિર્ણાયક સપોર્ટ ઝોન છે. લાંબા ગાળાનો તેજીનો દૃષ્ટિકોણ માત્ર ત્યારે જ નકારાત્મક બનશે જો ઇન્ડેક્સ 20,800 ની નીચે જશે. હાલ પૂરતું તેની શક્યતા ઓછી દેખાય છે.
તાત્કાલિક રેઝિસ્ટન્સ (પ્રતિકાર) નિફ્ટી 50: 24,200 સેન્સેક્સ: 77,700 નિફ્ટી બેન્ક: 58,800
નિફ્ટી સ્મોલકેપ 250 (17,704.70) ગયા અઠવાડિયે ભાવની મૂવમેન્ટ બજારમાં મજબૂત ફોલો-થ્રુ ખરીદીનો અભાવ દર્શાવે છે. તાત્કાલિક સપોર્ટ 17,550 ની આસપાસ છે. જો ઈન્ડેક્સ આ સપોર્ટની ઉપર ટકી રહેવામાં સફળ થાય છે, તો ટૂંકા ગાળામાં 18,200-18,300 ના નિર્ણાયક રેઝિસ્ટન્સ સુધીનો વધારો શક્ય છે. 18,300 ની ઉપર નિર્ણાયક બ્રેકઆઉટ તેજીના કેસને મજબૂત કરશે. બદલામાં તે મધ્યમ ગાળામાં 22,500-23,000 અને લાંબા ગાળામાં 24,000-25,000 તરફ નવી તેજી લાવી શકે છે. આ લાંબા ગાળાના તેજીના દૃષ્ટિકોણને નકારવા માટે 14,000 ની નીચે ઘટાડો જરૂરી છે. બીજી બાજુ, વર્તમાન સ્તરોથી 17,550 ની નીચેનો ઘટાડો ઈન્ડેક્સને દબાણ હેઠળ લાવી શકે છે. તે કિસ્સામાં ટૂંકા ગાળામાં 17,200 અથવા તો 16,700-16,600 સુધીનો ઘટાડો શક્ય છે.
