આજે શેરબજારમાં શું કરશો?
ચોઇસ બ્રોકિંગના નિષ્ણાતોએ આ અઠવાડિયે ખરીદવા જેવા શૅર્સની તૈયાર કરેલી યાદીમાં સૌથી મોખરે જય ભારત મારુતિ (Jay Bharat Maruti)ના નામનો સમાવેશ થાય છે. જય ભારત મારુતિના શેર્સનો ભાવ રૂ. 171.38ની આસપાસનો છે. આ ભાવથી લેણ કરીને રૂ. 16oનો સ્ટોપ લોસ રાખીને કામકાજ કરી શકાય છે. ટાર્ગેટ ભાવ રૂ. 180થી 185નો દર્શાવવામાં આવેલો છે.
જય ભારત મારુતિના શૅરે રૂ. 115ની આસપાસની તેની અગાઉની 52-અઠવાડિયાની સર્વોચ્ચ સપાટી ઉપર એક મજબૂત બ્રેકઆઉટ આપ્યા પછી પોતાની મજબૂત અપટ્રેન્ડ (તેજીની ચાલ) જાળવી રાખી છે. છેલ્લા 14 ટ્રેડિંગ સેશનમાં જ આ શૅર લગભગ 61 ટકાથી વધુ વધ્યો છે, જે બજારના રોકાણકારો તરફથી ભારે ખરીદી અને મજબૂત ભાગીદારી દર્શાવે છે. શૅરે તેના અગાઉના ઓલ-ટાઇમ હાઈને પણ પાર કરી લીધી છે અને ભારે વોલ્યુમ સાથે રૂ. 178.89ની નવી ટોચ નોંધાવી છે, જે ચાલુ તેજીમાં મજબૂતીનો સંકેત આપે છે.
ટેકનિકલ રીતે જોતા આ શૅર તેની મુખ્ય મૂવિંગ એવરેજથી ઘણો ઉપર ટ્રેડ થઈ રહ્યો છે, જેમાં 20-દિવસની EMA (એક્સપોનેન્શિયલ મૂવિંગ એવરેજ) તાત્કાલિક સપોર્ટ (ટેકો) તરીકે કામ કરી રહી છે. છેલ્લા બે ત્રણ સેશનમાં, શૅર 5 ટકા વધીને રૂ. 171ની ઉપર બંધ આવ્યો હતો, જે તેજીનો સેન્ટિમેન્ટ ચાલુ હોવાનો સંકેત આપે છે. રૂ. 180ની ઓલ-ટાઇમ હાઈ સપાટીથી ઉપરનો બ્રેકઆઉટ તેજીના આગલા તબક્કાને રૂ.185 તરફ લઈ જઈ શકે છે. તાજેતરના રૂ. 155-160ના નીચલા સ્તરને સ્ટોપ-લોસ તરીકે જાળવી રાખવો જોઈએ.
એસ્ટ્રા માઇક્રોવેવ પ્રોડક્ટ્સ (Astra Microwave Products)
ચોઈસ બ્રોકિંગના નિષ્ણાતોએ એસ્ટ્રા માઈક્રોવેવ પ્રોડક્ટ્સમાં પણ લેણ કરવાની ભલામણ કરી છે. શેરનો વર્તમાન બજાર ભાવ રૂ. 1,733ની આસપાસનો છે. રૂ. 1600ની આસપાસનો સ્ટોપલૉસ રાખીને કામકાજ કરી શકાય છે. ટાર્ગેટ બાવ રૂ. 1850નો આપવામાં આવ્યો છે એસ્ટ્રા માઇક્રોવેવ પ્રોડક્ટ્સ ચાર્ટ પર સતત હાયર-હાઈ અને હાયર-લો (વધુ ઊંચી ટોચ અને વધુ ઊંચા તળિયા)ની પેટર્ન જાળવી રાખીને અસાધારણ મજબૂતી દર્શાવવાનું ચાલુ રાખ્યું છે, જે લાંબા ગાળાની તેજીનો સંકેત છે.
શૅરે સતત છ અઠવાડિયા સુધી વધારો નોંધાવ્યો છે, જે સતત ખરીદીના ટેકા સાથે મજબૂત ગતિ અને તેજી ચાલુ રહેવાની પેટર્ન દર્શાવે છે. ટેકનિકલ રીતે, શૅર તેની તમામ મુખ્ય મૂવિંગ એવરેજથી ઘણો ઉપર ટ્રેડ થઈ રહ્યો છે અને તમામ મુખ્ય EMA ઉપરની તરફ જઈ રહી છે, જે વર્તમાન તેજીને વધુ મજબૂત બનાવે છે.
RSI (રિલેટિવ સ્ટ્રેન્થ ઇન્ડેક્સ)79ની નજીક ટ્રેડ થઈ રહ્યો છે, જે ઓવરબોટ (વધુ ખરીદીના) ઝોનમાં હોવા છતાં મજબૂત ગતિ દર્શાવે છે. શૅર હાલમાં તેની ઓલ-ટાઇમ હાઈની નજીક છે અને અન્ય બ્રેકઆઉટ માટે તૈયાર દેખાય છે. જ્યાં સુધી તેનું મુખ્ય માળખું અકબંધ રહેશે ત્યાં સુધી કોઈપણ નાની મોટી નરમાઈને ખરીદીની તક ગણી શકાય છે. વર્તમાન સ્તરોથી ઉપરની નિર્ણાયક ચાલ તેજીને રૂ.1,850 તરફ લંબાવી શકે છે, જ્યારે રૂ.1,598ને સ્ટોપ-લોસ તરીકે જાળવી રાખવો જોઈએ.
વેલસ્પન કોર્પ (Welspun Corp)
વેલસ્પન કોર્પના શેરમાં લેણ કરવાની ચોઈસ ઇક્વિટીઝના નિષ્ણાતોએ ભલામણ કરી છે. શેરનો વર્તમાન બજાર ભાવ રૂ. 1511ની આસપાસનો છે. તેમાં રૂ. 1460ની આસપાસનો સ્ટોપલૉસ રાખીને કામકાજ કરી શકાય છે. ટાર્ગેટ ભાવ રૂ. 1511નો આપવામાં આવ્યો છે. વેલસ્પન કોર્પે એપ્રિલની શરૂઆતથી રૂ. 900ના સ્તરથી શાનદાર તેજી બતાવી છે અને તેના તાજેતરના નીચલા સ્તરોથી લગભગ 64 ટકા સુધી વધ્યો છે, જે મોટી સંસ્થાઓની મજબૂત ભાગીદારી અને સતત ખરીદી દર્શાવે છે. આમ તીવ્ર તેજી છતાં શૅરમાં થાકના કોઈ સંકેતો દેખાતા નથી. RSI 65ની આસપાસ ટ્રેડ થઈ રહ્યો છે, જે હજુ પણ વધુ તેજી માટે જગ્યા હોવાના સંકેત આપે છે.
શૅરે સતત હાયર-હાઈ અને હાયર-લો પેટર્ન જાળવી રાખી છે અને તેની તમામ મોટી મૂવિંગ એવરેજથી ઘણી ઉપર ટ્રેડ કરવાનું ચાલુ રાખ્યું છે. છેલ્લા કેટલાક અઠવાડિયાથી, શૅર રૂ.1,400ના ઝોનની નજીક કન્સોલિડેટ (સ્થિર) થઈ રહ્યો હતો, જે આગામી ચાલ પહેલાં મોટા પાયે ખરીદી થઈ રહી હોવાનું સૂચવે છે.
વેલસ્પન કોર્પે તેના તાજેતરના કન્સોલિડેશન રેન્જની ઉપર બ્રેકઆઉટ આપ્યો અને વધતા વોલ્યુમના ટેકા સાથે નવી ઓલ-ટાઇમ હાઈ નોંધાવી. રૂ. 1,386ની નજીક 20-દિવસની EMA મજબૂત સપોર્ટ લેવલ તરીકે કામ કરવાનું ચાલુ છે અને તેને સ્ટોપ-લોસ તરીકે જાળવી રાખવી જોઈએ. વર્તમાન સ્તરોથી ઉપરની સતત ચાલ શૅરને રૂ.1,555ના આગામી તેજીના ટાર્ગેટ તરફ ધકેલી શકે છે.
વેલસ્પન કોર્પ માટે ટૂંકા ગાળાનું વલણ તેજી તરફી બન્યું છે. સોમવારના જોરદાર ઉછાળાથી શૅરનો ભાવ રૂ. 1,430 ના મુખ્ય રેઝિસ્ટન્સ (અવરોધ) સ્તરથી ઘણો ઉપર નીકળી ગયો છે.ટ્રેડર્સ અત્યારે ₹1,510 ના ભાવે વેલસ્પન કોર્પના શૅર ખરીદી શકે છે. જો ભાવ ઘટીને ₹1,460 ની આસપાસ આવે, તો વધુ શૅર ઉમેરી (ખરીદી) શકાય છે. સ્ટોપ-લોસ રૂ.1,420 પર રાખવો. જેમ જ શૅરનો ભાવ વધીને ₹1,545 પર પહોંચે, તેમ સ્ટોપ-લોસ વધારીને ₹1,525 પર સેટ (ટ્રેઇલ) કરી દેવો.
(ડિસ્ક્લેમર: આ લેખ ચોઇસ ઇક્વિટી બ્રોકિંગના ટેકનિકલ રિસર્ચ એનાલિસ્ટ આકાશ શાહ દ્વારા લખવામાં આવ્યો છે. વ્યક્ત કરાયેલા વિચારો તેમના પોતાના છે.)
