શેરબજારમાં સોમવારથી શરૂ થતાં સપ્તાહમાં આ શેર્સની વધઘટ પર નજર રાખી શકાય

બાલકૃષ્ણ ઇન્ડસ્ટ્રીઝ માં મહત્વપૂર્ણ રેઝિસ્ટન્સ (અવરોધ) તૂટ્યો

માર્ચ મહિનાથી બાલકૃષ્ણ ઇન્ડસ્ટ્રીઝનો સ્ટોક ₹2,000-2,350 ની વ્યાપક રેન્જમાં અથડાતો રહ્યો હતો. આ કન્સોલિડેશન (સ્થિરતા) પહેલાં, ટ્રેન્ડ મંદીનો (બેરીશ) હતો. પરંતુ ગયા સપ્તાહે, શેર લગભગ 23 ટકા ઉછળ્યો હતો અને રૂ. 2,350 ના અવરોધને તોડીને બહાર આવ્યો હતો. તેથી, વર્તમાન ચાર્ટ સેટઅપ અનુસાર, સ્ટોકે સંભવિતપણે ટ્રેન્ડને તેજીમાં (બુલીશ) ફેરવી દીધો છે. જ્યારે કિંમત ઘટીને રૂ. 2,350 સુધી જવાની શક્યતા છે, જે હવે પછી આ ભાવ સપાટી સપોર્ટ તરીકે કામ કરશે, અમે આશા રાખી શકીએ છીએ કે સ્ટોક લાંબા ગાળે રૂ. 3,200 સુધી વધી શકે છે. તેથી, અત્યારે રૂ. 2,475ની સપાટીએ છે. આ સપાટીએ તેમાં લેણ કરી શકાય છે. ઘટીને રૂ. 2,350 સુધી આવે ત્યાં સુધી તેમાં ખરીદી કરી શકાય છે. સ્ટોપ-લોસ રૂ. 2,100 રાખી શકાય. જ્યારે કિંમત રૂ. 2,800 અને ₹2,950 પર પહોંચે, ત્યારે સ્ટોપ-લોસ બદલીને અનુક્રમે રૂ. 2,600 અને રૂ. 2,825 કરીને નફો નિશ્ચિત કરી શકાય છે. રૂ. 3,200ની ભાવ સપાટી પર નફો બુક કરીને બહાર નીકળો (એક્ઝિટ કરો).

ગોકલદાસ એક્સપોર્ટ્સ (₹815.20)

તેજી તરફ પરિવર્તન (બુલીશ રિવર્સલ) પ્રોસેસમાં

જાન્યુઆરી 2024થી 2026 વચ્ચે બે વર્ષના સમયગાળા દરમિયાન ગોકલદાસ એક્સપોર્ટ્સનો સ્ટોક સતત ઘટાડામાં હતો. પરંતુ આ વર્ષની શરૂઆતથી ભાવની હિલચાલ દર્શાવે છે કે તેણે રૂ. 550 પર એક નવો આધાર (સપોર્બેટ ઝ) બનાવ્યો છે અને તેના આધારે રિકવરી પણ જોઈ છે. છેલ્લા કેટલાક અઠવાડિયામાં, તે રૂ. 800 થી ઉપર ટ્રેડ કરી રહ્યો છે. શેરમાં વલણ સકારાત્મક છે અને વધુ તેજીની શક્યતા વધારે છે. મધ્યમ ગાળામાં, સ્ટોક રૂ. 1,050 ને સ્પર્શ કરી શકે છે. તેથી, વ્યક્તિ રૂ. 815 પર ખરીદી (લોંગ) કરી શકે છે અને ઘટાડે રૂ. 770 પર વધુ શેરો ઉમેરી શકે છે. પ્રારંભિક સ્ટોપ-લોસ રૂ. 700 પર રાખો. જ્યારે કિંમત રૂ. 940 અને રૂ. 1,000 ને સ્પર્શે, ત્યારે સ્ટોપ-લોસ બદલીને અનુક્રમે રૂ. 860 અને રૂ. 950 કરી શકાય છે. રૂ. 1,050 પર નફો બુક કરી નીકળી જવું હિતાવહ ગણાશે.

ગ્રેફાઇટ ઇન્ડિયા (₹656.15)

બાઉન્સ બેક (રિકવરી) ની અપેક્ષા

ગ્રેફાઇટ ઇન્ડિયાનો સ્ટોક ફેબ્રુઆરી 2025 થી તેજીના ટ્રેન્ડમાં છે. ત્યારથી, તે સતત ઊંચા હાઈ (હાયર હાઈ) અને ઊંચા લો (હાયર લો) બનાવી રહ્યો છે. આ સમયગાળા દરમિયાન, કિંમત 50-સપ્તાહની મુવિંગ એવરેજથી ઉપર રહી છે. તાજેતરમાં, કરેક્શનનો સામનો કર્યા પછી, શેરે રૂ. 600 પર 50 સપ્તાહની વધઘટની સરેરાશને આધારે બાઉન્સ બેક કર્યું છે. અમે અપેક્ષા રાખીએ છીએ કે સ્ટોક આ એવરેજથી વધવાની પેટર્નને વળગી રહેશે. મધ્યમ ગાળામાં, સ્ટોક વધીને રૂ. 825 સુધી જઈ શકે છે. ટ્રેડર્સ અત્યારે રૂ. 656 પર ખરીદી કરી શકે છે અને રૂ. 620 પર વધુ શેર ઉમેરી (એક્યુમ્યુલેટ કરી) શકે છે. પ્રારંભિક સ્ટોપ-લોસ રૂ. 550 પર મૂકો. જ્યારે કિંમત રૂ. 730 અને રૂ. 800 પર પહોંચે, ત્યારે સ્ટોપ-લોસ સુધારીને અનુક્રમે રૂ. 670 અને રૂ. 770 કરો. રૂ. 825 પર એક્ઝિટ કરી શકાય છે.

નોંધઃ શેરબજારમાં કરવામાં આવતા રોકાણો જોખમોને આધીન છે. અમે અહીં માત્ર સૂચન કર્યું છે. શેરમાં રોકાણ કરવા અંગેનો આખરી નિર્ણય લેતા આપના અંગત ઇન્વેસ્ટમેન્ટ ગુરુનું માર્ગદર્શન લઈને પછી આગળ વધવું જોઈએ.