શેરના પરફોર્મન્સ માટે રિલાયન્સ રિટેઈલનું પરફોર્મન્સ સુધરવું જરૂરી

ભારતની સૌથી મૂલ્યવાન કંપની રિલાયન્સ ઇન્ડસ્ટ્રીઝ લિમિટેડ (RIL) એ સપ્ટેમ્બર ત્રિમાસિક (Q2FY27)માં તેના ઓઇલ-ટુ-કેમિકલ્સ (O2C) બિઝનેસના સર્વકાલીન શ્રેષ્ઠ દેખાવના જોરે એનાલિસ્ટ્સના અંદાજોને વટાવીને ઓલ-ટાઈમ હાઈ કમાણી નોંધાવી છે. ઓઇલ બિઝનેસની મજબૂત કમાણી અને ત્રિમાસિક પરિણામો બાદ શેરમાં 7.8 ટકા સુધીનો જંગી ઉછાળો જોવા મળ્યો હતો, જોકે સોમવારે શેર રૂ. 1,291.90 ની આસપાસ ટ્રેડ થઈ રહ્યો છે. જોકે, માર્કેટ નિષ્ણાતોનું માનવું છે કે કંપનીના શેરના ભાવમાં આગળ જતાં મોટી તેજી માટે રિટેલ બિઝનેસના ગ્રોથ અને પ્રોફિટેબિલિટીમાં સુધારો થવો અત્યંત મહત્વપૂર્ણ રહેશે.

રિફાઇનિંગ ક્રેક્સમાં મજબૂતી અને 3-વર્ષની ઊંચી સપાટીએ પહોંચેલા પોલિએસ્ટર ચેઇન ડેલ્ટાને કારણે O2C વર્ટિકલે ઐતિહાસિક પ્રદર્શન કર્યું છે:

ઓપરેટિંગ પ્રોફિટ (EBITDA): રૂ.25,200 કરોડ નોંધાયો, જે ત્રિમાસિક ધોરણે (Q-o-Q) 48 ટકા અને વાર્ષિક ધોરણે (Y-o-Y) 68 ટકાનો જંગી વધારો દર્શાવે છે. ઓપરેટિંગ માર્જિન 250 બેસિસ પોઇન્ટ્સ વધીને 10.9 ટકાની સપાટી પર પહોંચ્યો છે. પ્રતિ ટન ઓપરેટિંગ નફો 26 ટકા વધીને $145 થયો. થ્રુપુટ (પ્રોસેસ કરેલું કચું સોનું-ઓઇલ) વધીને 20.6 મિલિયન ટન થયું છે. 

નોમુરા રિસર્ચ: નોમુરાના મતે ક્રૂડ બાસ્કેટના નીચા ખર્ચ, ઉત્તમ માર્જિન અને ઊંચા થ્રુપુટને કારણે આ કમાણી શક્ય બની છે. ગૅસઓઇલ, એવિએશન ફ્યુઅલ અને ગેસોલિન ક્રેક્સમાં વાર્ષિક ધોરણે 3 થી 3.5 ગણો વધારો જોવા મળ્યો છે.

ટેલિકોમ: અંદાજ કરતાં ઉત્કૃષ્ટ દેખાવ

જિયો અને ડિજિટલ સર્વિસિસ સેગમેન્ટે ગ્રાહક આધારમાં વધારો અને પ્રતિ યુઝર સરેરાશ આવકના સુંદર સુધારાથી બજારના અંદાજોને માત આપી છે. આવક વાર્ષિક 11 ટકા વધી જ્યારે ઓપરેટિંગ પ્રોફિટ વાર્ષિક 15.5 ટકા વધ્યો છે. ડિજિટલ સર્વિસિસનો નફો ત્રિમાસિક ધોરણે 8 ટકા વધ્યો છે.  ત્રિમાસિક ગાળામાં 9 મિલિયન (90 લાખ) નવા સબ્સ્ક્રાઇબર્સ ઉમેરાયા અને ARPU માં 1.5 ટકા નો સુધારો નોંધાયો છે. બ્રોડબેન્ડ મોનેટાઇઝેશન, ટેરિફ વધારો, સેટેલાઇટ સેવાઓ અને આર્ટિફિશિયલ ઇન્ટેલિજન્સ પ્લેટફોર્મ કંપનીના આગામી ગ્રોથ ઇજિનો બનશે.

રિટેલ બિઝનેસ: અંદાજ કરતાં નબળો દેખાવ 

કંપનીના કોન્સોલિડેટેડ પરિણામોમાં રિટેલ ક્ષેત્રે બજારને નિરાશ કર્યા છે. ઓપરેટિંગ પ્રોફિટમાં વાર્ષિક ધોરણે 11 ટકાનો ઘટાડો થયો અને માર્જિન બે ટકા ઘટ્યા છે. ડિજિટલ કોમર્સના વધતા યોગદાનને લીધે ઇન્ફ્રાસ્ટ્રક્ચર ખર્ચ અને ફિક્સ્ડ કોસ્ટ વધ્યો છે. ઉપરાંત, 500 બિન-નફાકારક સ્ટોર્સ બંધ કરવા, 2-વર્ષની ઊંચાઈએ પહોંચેલી મોંઘવારી, કચાસ અને પેકિંગ ખર્ચમાં વધારો, તથા નબળા ચોમાસાને કારણે ગ્રામીણ માગ પર પડેલી અસર મુખ્ય કારણો છે.

મોતીલાલ ઓસ્વાલ (Motilal Oswal): મોતીલાલ ઓસ્વાલના અનુસાર, ક્વિક કોમર્સ અને નવા સ્ટોર્સ ઉમેરાવાથી FY28 થી રિટેલ રેવેન્યુમાં ડબલ-ડિજિટલ ગ્રોથ પાછો આવી શકે છે, પરંતુ FY27-28 માં ડિજિટલ કોમર્સ પાછળના રોકાણને લીધે પ્રોફિટેબિલિટી પર દબાણ રહી શકે છે.

વેલ્યુએશન અને બ્રોકરેજ હાઉસીસનો અભિપ્રાય 

• ઇક્વિરુસ સિક્યોરિટીઝ (Equirus Securities): તાજેતરમાં 52-સપ્તાહની ઊંચી સપાટીથી 21 ટકાના કડાકા બાદ રિલાયન્સનો શેર વેલ્યુએશનની દ્રષ્ટિએ અત્યંત આકર્ષક બન્યો છે. સ્ટોક 1-વર્ષ ફોરવર્ડ P/E ના 17x પર ટ્રેડ થઈ રહ્યો છે (જે હિસ્ટોરિકલ સરેરાશ 21x કરતાં ઘણો નીચો છે).

• હોલ્ડિંગ કંપની ડિસ્કાઉન્ટ: મોતીલાલ ઓસ્વાલ મુજબ, RIL હાલમાં તેની JPL માં 64.5 ટકા હિસ્સેદારી પર 54 ટકા હોલ્ડિંગ કંપની ડિસ્કાઉન્ટ પર ટ્રેડ થઈ રહી છે, જે ક્ષમતા કરતાં વધારે પડતું ડિસ્કાઉન્ટ છે.

• તારણ: નજીકના ભવિષ્યમાં O2C સપોર્ટ આપશે, પરંતુ સ્ટોક રેટિંગ અને મોટી તેજી માટે રિટેલ બિઝનેસમાં રિકવરી આવવી પણ અનિવાર્ય છે.