આજે શેરબજારમાં શું કરશો?

આજે ખરીદવા લાયક શેર: અશોક લેલેન્ડ

આજે શેરબજારમાંથી ખરીદવા લાયક શેરમાં અશોક લેલેન્ડનો સમાવેશ થાય છે. તેનો વર્તમાન બજાર ભાવ રૂ. 174 છે. 

મધ્ય પૂર્વમાં ઘટેલું તણાવ, ક્રૂડ ઓઇલમાં તીવ્ર ઘટાડો અને ટ્રેડિંગના અંતિમ મિનિટોમાં ઇન્ટ્રાડે લેન્ડસ્કેપને બદલી નાખનારી નવી માર્કેટ ક્લોઝિંગ મિકેનિઝમના પ્રારંભના સંયોજનથી સોમવારે બેંચમાર્ક નિફ્ટી 50એ લગભગ ચાર મહિનાની કન્સોલિડેશન રેન્જમાંથી બહાર નીકળીને મજબૂત નોંધ પર સપ્તાહની શરૂઆત કરી છે. અંતિમ મિનિટોમાં 200 પોઈન્ટના તીવ્ર ઉછાળા પછી દિવસની ઉચ્ચતમ સપાટીએ સેટલ થતાં નિફ્ટી 50 390.70 પોઈન્ટ અથવા 1.60 ટકા વધીને 24,774.30 પર બંધ થયો હતો.  નિફ્ટી ઓગસ્ટ ફ્યુચર્સ 0.87 ટકા વધીને 24,664.90 પર સેટલ થયા હતા.

અશોક લેલેન્ડ માટે ટૂંકા ગાળાનો દૃષ્ટિકોણ તેજીનો છે. સોમવારે 4 ટકાથી વધુના ઉછાળા સાથે સ્ટોકે સપ્તાહની મજબૂત શરૂઆત કરી છે. આ ચાર્ટ પર ઇન્વર્ટેડ હેડ એન્ડ શોલ્ડર પેટર્નની પુષ્ટિ કરે છે. આ પેટર્નની નેકલાઇન સપોર્ટ રૂ. 169 પર છે. 200-ડે મુવિંગ એવરેજ (DMA) સપોર્ટ રૂ. 167 પર છે. તેથી, રૂ.169-₹167 સપોર્ટ ઝોન રહેશે જે ભાવ અહીંથી નીચે આવે તો ઘટાડાને મર્યાદિત કરી શકે છે.

આગામી સપ્તાહોમાં અશોક લેલેન્ડના શેરનો ભાવ રૂ. 200 સુધી જઈ શકે છે. ટ્રેડર્સ હવે રૂ. 174 પર અશોક લેલેન્ડના શેર ખરીદી શકે છે. રૂ. 170 પર ઘટાડા વખતે વધુ ખરીદી (એક્યુમ્યુલેટ) કરો. રૂ. 162 પર સ્ટોપ-લોસ રાખો. સ્ટોકનો ભાવ રૂ. 181 પર જાય કે તરત જ સ્ટોપ-લોસ વધારીને રૂ. 177 કરો. જ્યારે કિંમત અનુક્રમે રૂ. 187 અને રૂ. 191 ને સ્પર્શે ત્યારે સ્ટોપ-લોસ વધારીને રૂ. 183 અને રૂ. 188 કરો. રૂ. 194 પર સ્ટોકમાંથી બહાર નીકળી જવું રોકાણકારો માટે હિતાવહ છે.

JSW ઇન્ફ્રાસ્ટ્રક્ચર લિમિટેડઃ ઇન્ફ્રાસ્ટ્રક્ચર સેક્ટરનો મજબૂત શેર 

જૂન ક્વાર્ટર દરમિયાન FII અને DII બંને દ્વારા કરાયેલી મજબૂત ખરીદી આ ઇન્ફ્રાસ્ટ્રક્ચર કંપનીની લાંબા ગાળાની રણનીતિમાં વધતા વિશ્વાસને વ્યક્ત કરે છે. આક્રમક ક્ષમતા વિસ્તરણ અને લોજિસ્ટિક્સ સંકલન ચાલુ હોવાથી, કંપની પોતાને એક વ્યાપક ઇન્ફ્રાસ્ટ્રક્ચર અને લોજિસ્ટિક્સ પ્લેયર તરીકે સ્થાપિત કરી રહી છે.  મહત્વાકાંક્ષી ક્ષમતા વિસ્તરણ, લોજિસ્ટિક્સ એકીકરણ અને નવા પ્રોજેક્ટ અમલીકરણ વચ્ચે સંસ્થાકીય રોકાણકારોએ આ પોર્ટ ઓપરેટરમાં હિસ્સેદારી વધારી છે. ભારતનું શિપિંગ ક્ષેત્ર પીએમ ગતિ શક્તિ અને અન્ય પહેલો હેઠળ બંદરો, હાઇવે, રેલ ફ્રેટ કોરિડોર અને મલ્ટિમોડલ લોજિસ્ટિક્સમાં સરકાર દ્વારા કરવામાં આવી રહેલા ભારે રોકાણ સાથે વિસ્તરી રહ્યું છે. ખાનગી બંદર ઓપરેટરો સંકલિત લોજિસ્ટિક્સ ઇકોસિસ્ટમ બનાવવા માટે માત્ર કાર્ગો હેન્ડલિંગથી આગળ જોઈ રહ્યા છે. આધુનિક બંદર ઓપરેટરો વિકસિત થઈ રહ્યા છે. રેલ અને ફ્રેટ સ્ટેશનો દ્વારા માત્ર ફેક્ટરીઓમાંથી બંદરો સુધી કાર્ગો ખસેડવાને બદલે, તેઓ સમગ્ર સપ્લાય ચેઇનને કવર કરવા માટે આક્રમક રીતે વિસ્તાર કરી રહ્યા છે.

JSW ઇન્ફ્રાસ્ટ્રક્ચર લિમિટેડ બરાબર તે જ તક માટે પોતાને તૈયાર કરી રહી હોય તેમ લાગે છે. તેની નવીનતમ રણનીતિ સૂચવે છે કે તે ક્ષમતા વિસ્તરણ, લોજિસ્ટિક્સ સંકલન અને નવા પ્રોજેક્ટ્સની પાઇપલાઇન દ્વારા બંદર ઓપરેટરમાંથી વ્યાપક લોજિસ્ટિક્સ અને ઇન્ફ્રાસ્ટ્રક્ચર પ્લેટફોર્મમાં વિકસિત થવા માંગે છે.  આ રણનીતિ સંસ્થાકીય રસ પણ ખેંચી રહી હોય તેવું લાગે છે. એપ્રિલ-જૂન 2026 ક્વાર્ટર દરમિયાન, વિદેશી સંસ્થાકીય રોકાણકારો અને સ્થાનિક સંસ્થાકીય રોકાણકારો બંનેએ કંપનીમાં તેમની હિસ્સેદારી વધારી છે. FII એ તેમની હિસ્સેદારી 4.29 ટકા વધારીને કુલ હોલ્ડિંગ 11.2 ટકા કર્યું છે. બીજીતરફ DII એ ક્વાર્ટરના અંતે તેમની હિસ્સેદારી 6.76 ટકા વધારીને કુલ હોલ્ડિંગ 9.19 ટકા કર્યું  છે.

લેણ કરવાની ભલાણ 

માર્કેટ એનાલિસિસના સેક્ટરની અગ્રણી કંપની જેફરીઝે 22 ટકાથી 47 ટકા અપસાઇડ સંભાવના સાથે શેરની ખરીદી ભલામણ કરી છે. તેના કારણોમાં ઊંડા ઉતરીએ તો કંપની પાસે વિશાળ ઓર્ડર બુક છે. કન્ટેઈનર હેન્ડલિંગ ક્ષમતા વધી રહી છે.  JSW ઇન્ફ્રાસ્ટ્રક્ચર હાલમાં ભારતના પૂર્વ અને પશ્ચિમ કિનારે આવેલા બંદરો અને ટર્મિનલ્સ પર વાર્ષિક 186 મિલિયન ટન (MMTPA) ની કુલ ઓપરેશનલ ક્ષમતા ધરાવે છે. તેની સાથે, કંપની ફુજૈરાહ, યુએઈમાં વિદેશી કામગીરી ધરાવે છે, જેની કુલ ક્ષમતા 5 MMTPA છે. કંપની કોલસો, આયર્ન ઓર, કન્ટેનર, પ્રવાહી કાર્ગો અને ડ્રાય બલ્ક સહિત વિવિધ કાર્ગો મિશ્રણને હેન્ડલ કરે છે,  JSW ઇન્ફ્રાસ્ટ્રક્ચર આગામી પાંચ વર્ષમાં ક્ષમતામાં નોંધપાત્ર વધારો કરવાનું લક્ષ્ય બનાવી રહ્યું છે. FY28 સુધીમાં 300 MMTPA અને FY30 સુધીમાં 400 MMTPA કરવાની યોજના ધરાવે છે. વિસ્તરણ પાઇપલાઇન વિવિધ પ્રોજેક્ટ્સમાં ફેલાયેલી છે. આમાં કેણી પોર્ટનો સમાવેશ થાય છે જે 30 MMTPA સુધી ઉમેરી શકે છે; મુર્બે પોર્ટ, 33 MMTPA સુધી; જટાધાર પોર્ટ, જે અન્ય 30 MMTPA ઉમેરી શકે છે; અને અન્ય. કંપનીએ તેની લાંબા ગાળાની પાઇપલાઇનના ભાગરૂપે ઓડિશામાં 30-MMTPA સ્લરી પાઇપલાઇન પ્રોજેક્ટ અને ઓમાનમાં 27-MMTPA ગ્રીનફિલ્ડ પોર્ટની પણ ઓળખ કરી છે.