ઓએનજીસીના શેર્સમાં લેણ કરી શકાય, ભાવ વધારાની મજબૂત શક્યતા

ઓએનજીસીના શેર્સમાં લેણ કરી શકાય, ભાવ વધારાની મજબૂત શક્યતા

રૂ. ૩૦૦થી ઓછા ભાવના જાહેરક્ષેત્રની ઓઈલ કંપનીના શેર્સમાં ૨૧ ટકાનો વધારાની બ્રોકરેજ હાઉસ મોતીલાલ ઓસવાલે સંભાવના વ્યક્ત કરી

મોતીલાલ ઓસવાલે રૂ. ૨૯૦ ના ટાર્ગેટ પ્રાઇસ સાથે ઓએનજીસી (ONGC) પર ‘બાય’ (Buy) રેટિંગ જાળવી રાખ્યું છે, જે ૨૧ ટકાના વધારાની સંભાવના દર્શાવે છે. ઉત્પાદનની ચિંતાઓ અને તાજેતરમાં સ્ટોકમાં જોવા મળેલી નરમાશ છતાં બ્રોકરેજ હાઉસ આ ઓઈલ અને ગેસ પીએસયુ કંપનીઓના શેર્સના ભાવમાં તેજી જોઈ રહ્યા છે. જોકે ઇરાન અને અમેરિકા વચ્ચેના સંઘર્ષ અને તણાવને કારણે ઓઈલના ભાવમાં અસ્થિરતા ચાલુ રહી શકે છે, અને તાજેતરના મહિનાઓમાં એનર્જી સ્ટોક્સ દબાણ હેઠળ રહ્યા છે.

ONGC: Q1FY27 કમાણીનો સારાંશ 

Q1FY27 ના પરિણામોમાં, ONGC નું સ્ટેન્ડઅલોન રેવન્યુ લગભગ રૂ. ૪૬,૫૦૦ કરોડ રહ્યું હતું. મોતીલાલ ઓસવાલના રિપોર્ટ અનુસાર, આ તેમના અંદાજ મુજબ જ હતું. ઉપરાંત ક્રૂડ ઓઈલ અને નેચરલ ગેસનું વેચાણ અપેક્ષા કરતાં ઓછું રહ્યું છે. તે જ રીતે, ઓઈલનું વેચાણ અંદાજ કરતાં લગભગ ૯ ટકા ઓછું હતું, જ્યારે ગેસનું વેચાણ લગભગ ૮ ટકા ઓછું હતું. અગાઉના ક્વાર્ટરની સરખામણીમાં ક્રૂડ ઓઈલનું ઉત્પાદન મોટે ભાગે અપરિવર્તિત રહ્યું હતું પરંતુ વાર્ષિક ધોરણે તેમાં ૬% નો ઘટાડો થયો હતો. નેચરલ ગેસના ઉત્પાદનમાં પણ મામૂલી ઘટાડો નોંધાયો હતો.

ઓછા ઉત્પાદન છતાં, નફાકારકતામાં સકારાત્મક સરપ્રાઈઝ જોવા મળી હતી. કંપનીની ઓપરેટિંગ અર્નિંગ્સ (કામગીરીની કમાણી) લગભગ રૂ. ૨૯,૫૦૦ કરોડ રહી હતી, જ્યારે એડજસ્ટેડ પ્રોફિટ આફ્ટર ટેક્સ (કર પછીનો નફો) લગભગ રૂ. ૧૭,૦૦૦ કરોડ રહ્યો હતો, જે બંને બ્રોકરેજની અપેક્ષાઓ કરતાં વધુ હતા.

તેજીને પ્રોત્સાહન આપતા મુખ્ય પરિબળો

મોતીલાલ ઓસવાલના જણાવ્યા અનુસાર સૌથી મોટા સકારાત્મક પાસાઓમાંથી એક ‘ન્યુ વેલ ગેસ’ના યોગદાનમાં સતત વધારો હતો. રિપોર્ટમાં નોંધવામાં આવ્યું છે કે, “ન્યુ વેલ ગેસનું યોગદાન સતત વધી રહ્યું છે, જેમાં વોલ્યુમ શેર Q1FY27 માં વધીને ૨૪ ટકા થયો છે. તેની FY26માં ટકાવારી ૧૭ની હતી.” બ્રોકરેજે એ પણ હાઇલાઇટ કર્યું હતું કે NWG એ ક્વાર્ટર દરમિયાન લગભગ રૂ. ૪,૦૦૦ કરોડની આવકમાં યોગદાન આપ્યું હતું અને એડમિનિસ્ટર્ડ પ્રાઇસ મેકેનિઝમ હેઠળ પ્રાઇસિંગ કરતાં લગભગ રૂ. ૧,૯૦૦ કરોડની વધારાની રકમો ઊભી કરી હતી.

આ સિવાય, ONGC એ મહાનદી ડીપ-વોટર બ્લોકમાં સમુદ્ર મંથન પહેલ હેઠળ એક્સપ્લોરેટરી વેલ (શોધખોળ કૂવો) નું ડ્રિલિંગ પણ શરૂ કર્યું છે. બીજું સકારાત્મક પાસું ONGCના વિદેશ સ્થિત એકમ તરફથી આવ્યું છે, જે કંપનીની વિદેશી એક્સપ્લોરેશન શાખા છે. બ્રોકરેજ રિપોર્ટ અનુસાર વિદેશ સ્થિત એકમે લ્લા ૨ ક્વાર્ટરમાં રૂ. ૨,૯૪૦ કરોડનો વેરા પછીનો નફો કર્યો છે. FY26માં આ નફો રૂ. ૧,૨૨૦ કરોડનો હતો.”

ચિંતાઓ હજુ પણ યથાવત છે

મોતીલાલ ઓસવાલે તેના રિપોર્ટમાં નોંધ્યું છે કે રિઝર્વોયર સંબંધિત સમસ્યાઓ અને પ્રોજેક્ટ શટડાઉનને કારણે ક્રૂડ ઓઈલ અને ગેસનું ઉત્પાદન દબાણ હેઠળ રહ્યું છે. ONGC નેતૃત્વના મંતવ્યોનો સંદર્ભ આપતાં રિપોર્ટમાં એ પણ નિર્દેશ કરવામાં આવ્યો છે કે, “મેનેજમેન્ટે FY27 માં સ્ટેન્ડઅલોન વોલ્યુમ્સ વાર્ષિક ધોરણે ફ્લેટ (સ્થિર) રહેવાનું માર્ગદર્શન આપ્યું છે.”

અન્ય એક ચિંતા ONGC પેટ્રો એડિશન્સ લિમિટેડની છે, જેણે અન્ય એક ત્રિમાસિક ખોટ નોંધાવી છે કારણ કે ઉંચા ફીડસ્ટોક ખર્ચથી નફાકારકતાને અસર થઈ હતી.

હજુ પણ શા માટે સકારાત્મક છે?

બ્રોકરેજ માને છે કે માર્કેટ ONGC નું ઓછું મૂલ્યાંકન ઓછું થઈ રહ્યું છે. તેણે કહ્યું, “ONGC હાલમાં 5.7x FY28E કન્સોલિડેટેડ P/E પર ટ્રેડ કરી રહ્યું છે, જે તેના લોંગ-ટર્મ એવરેજ વન-ઈયર ફોરવર્ડ P/E 6.4x કરતાં નીચે છે.”  લિસ્ટેડ ઈન્વેસ્ટમેન્ટ્સ અને ONGC વિદેશના મૂલ્યને સમાયોજિત કર્યા પછી, મુખ્ય બિઝનેસ વર્તમાન ઉદ્યોગ પરિસ્થિતિઓ સૂચવે છે તેના કરતાં ઘણી ઓછી ક્રૂડ ઓઈલ ધારણા નક્કી કરી રહ્યો હોય તેવું લાગે છે.

ONGC શેરના ભાવનું પ્રદર્શન

ONGC ના શેરમાં છેલ્લા એક મહિનામાં લગભગ ૩ ટકા અને છેલ્લા છ મહિનામાં લગભગ ૧૨ ટકાનો ઘટાડો જોવા મળ્યો છે. જોકે, છેલ્લા એક વર્ષમાં ONGC ના શેરો લગભગ ૧ ટકા નો ગ્રોથ મેળવવામાં સફળ રહ્યા છે, જ્યારે ૨૦૨૬ માં અત્યાર સુધી તે મોટે ભાગે ફ્લેટ રહ્યા છે.લગભગ રૂ. ૨.૯૮ લાખ કરોડની માર્કેટ કેપિટલાઇઝેશન સાથે, સ્ટોક હાલમાં ૭.૨ ના પ્રાઇસ-ટુ-અર્નિંગ (P/E) રેશિયો પર ટ્રેડ થાય છે.