સિરામિક સેક્ટરની ત્રણ કંપનીઓના શેર્સમાં રોકાણ કરી કમાણી કરી શકાય
લક્ઝરિયસ પ્રોપર્ટીના વધી રહેલા ક્રેઝને જોતાં શેરબજારમાં પણ સિરામિક્સના સેક્ટરની કંપનીઓની બોલબાલા રહેશેઃ ટ્રેડર્સ -ઇન્વેસ્ટર્સ નજર રાખે
રતમાં જ્યારે રોકાણકારો ‘પ્રીમિયમાઇઝેશન’-ઉચ્ચ ગુણવત્તાવાળી અને મોંઘી પ્રોડક્ટ્સ તરફ ગ્રાહકોનું આકર્ષણની વાત કરે છે, ત્યારે સામાન્ય રીતે ઓટોમોબાઇલ, જ્વેલરી કે એફએમસીજી સેક્ટર તરફ જ ધ્યાન જાય છે. પરંતુ ભારતીય રિયલ એસ્ટેટમાં પ્રીમિયમ હાઉસિંગના વધતા ક્રેઝને કારણે ટાઇલ્સ ઉદ્યોગમાં પણ મોટો બદલાવ આવી રહ્યો છે. ગ્રાહકો હવે સાધારણ સેરામિક ટાઇલ્સને બદલે ગ્લેઝ્ડ વિટ્રિફાઇડ ટાઇલ્સ પસંદ કરી રહ્યા છે. આ ટ્રેન્ડથી દેશની ત્રણ પ્રમુખ ટાઇલ્સ ઉત્પાદક કંપનીઓ—ઓરિએન્ટ બેલ, સોમાની સેરામિક્સ અને કાજરિયા સેરામિક્સ—ને મોટો ફાયદો થઈ રહ્યો છે.
ઓરિએન્ટ બેલ: ટર્નઅરાઉન્ડ સ્ટોરી
ઓરિએન્ટ બેલ પોતાના પ્રોડક્ટ મિક્સમાં સુધારા દ્વારા કમાણી વધારવામાં સફળ રહી છે. કંપનીના કુલ વેચાણમાં ગ્લેઝ વિટ્રીફાઈડ ટાઈલ્સનો હિસ્સો Q1FY24 ના 27 ટકાથી વધીને Q1FY27 માં 47 ટકાએ પહોંચ્યો છે.
નાણાકીય પરિણામો: Q1FY27 માં કંપનીની આવક વાર્ષિક ધોરણે 43 ટકા વધીને રૂ. 201 કરોડ થઈ છે. જ્યારે ઓપરેટિંગ માર્જિન Q1FY26 ના 3.5 ટકાથી વધીને 8.2 ટકાએ પહોંચ્યો છે. Q1FY26 માં રૂ. 70 લાખની ખોટ સામે Q1FY27 માં કંપનીએ રૂ. 8.4 કરોડનો ચોખ્ખો નફો નોંધાવ્યો છે.
આઉટલુક: માર્ચ અને એપ્રિલમાં ભાવમાં 20 ટકા વધારો કરવાથી કંપનીના રિયલાઇઝેશનમાં સુધારો થયો છે. 24.3 ના P/E મલ્ટિપલ પર ટ્રેડ થતો આ સ્ટોક હવે વોલ્યુમ ગ્રોથ જાળવી શકે છે કે નહીં તે જોવું મહત્વનું રહેશે.
સોમાની સેરામિક્સ: ઓપરેશનલ રિકવરી સાથે ગ્રોથ
સોમાની સેરામિક્સમાં પ્રીમિયમાઇઝેશનની સાથે ઓપરેટિંગ કાર્યક્ષમતામાં સુધારો જોવા મળી રહ્યો છે. કંપનીના પ્રોડક્ટ મિક્સમાં ગ્લેઝ વિટ્રીફાઈડ ટાઈલ્સનો હિસ્સો 40 ટકા છે, જે આગામી 12-18 મહિનામાં 50 ટકા થવાનો અંદાજ છે.
નાણાકીય પરિણામો: Q1FY27 માં આવક 24 ટકા વધીને રૂ. 750 કરોડ નોંધાઈ છે, અને ઓપરેટિંગ માર્જિન 8 ટકા થી વધીને 12 ટકા થયું છે. નેટ પ્રોફિટ Q1FY26 ના રૂ. 7 કરોડથી વધીને Q1FY27 માં રૂ. 34 કરોડ થયો છે.
આઉટલુક: મેનેજમેન્ટે FY27 માટે આવકમાં 20-25 ટકા વૃદ્ધિની ધારણા વ્યક્ત કરી છે. સ્ટોક 19.5 ના ટ્રેલિંગ P/E પર ઉપલબ્ધ છે, જે તેના 5-વર્ષના મીડિયન P/E (31.2) અને ઇન્ડસ્ટ્રી P/E (24.3) કરતાં નીચો છે.
કાજરિયા સેરામિક્સ: લીડરશીપ જાળવવાનો પ્રયાસ
કાજરિયા સેરામિક્સ પહેલાથી જ 20 ટકાની આસપાસ ઉચ્ચ ઓપરેટિંગ માર્જિન ધરાવે છે. તેથી માર્જિન વધારવા કરતાં માર્કેટ શેર જાળવી રાખવા અને વોલ્યુમ વધારવા પર કંપનીનું ધ્યાન છે.
નાણાકીય પરિણામો: Q1FY27 માં કંપનીની આવક રૂ. 1,328 કરોડ અને ચોખ્ખો નફો રૂ. 171 કરોડ રહ્યો છે, જે અગાઉના વર્ષના સમાન ત્રિમાસિકમાં અનુક્રમે રૂ. 1,103 કરોડ અને રૂ. 110 કરોડ હતો. ઓપરેટિંગ માર્જિન સુધરીને 20 ટકા થયું છે.
આઉટલુક: કંપની માર્ચ 2027 સુધીમાં પોતાની ગ્લેઝ વિટ્રીફાઈડ ટાઈલ્સની ક્ષમતામાં 10 મિલિયન સ્ક્વેર મીટરનો વધારો કરી રહી છે. 34.2 ના P/E સાથે સ્ટોક તેના 5-વર્ષના મીડિયન (47.3) કરતાં નીચે છે પરંતુ તેની મજબૂત સ્થિતિના કારણે પ્રીમિયમ વેલ્યુએશન મેળવે છે.
રોકાણકારો માટે અવલોકન
ટાઇલ્સ સેક્ટરમાં પ્રીમિયમાઇઝેશન એક મોટું તકનું ક્ષેત્ર બની રહ્યું છે. ઓરિએન્ટ બેલ માટે આ નફાકારકતામાં ટર્નઅરાઉન્ડની વાત છે, સોમાની માટે માર્જિન રિકવરી અને કાજરિયા માટે પોતાની અગ્રણી સ્થિતિ મજબૂત કરવાની તક છે.
