નવી વિશ્વાસ યોજના હેઠળ એમ્પ્લોયી પ્રોવિડંન્ટ ફંડના લાંબા સમયથી પેન્ડિંગ નુકસાનના વિવાદો ઘટેલા દરે ઉકેલી દેવા આદેશ
એમ્પ્લોયી પ્રોવિડંન્ટ ફંડના લાંબા સમયથી પેન્ડિંગ નુકસાનના વિવાદો ઘટેલા દરે ઉકેલી દેવા આદેશ
કર્મચારી ભવિષ્ય નિધિ સંગઠનની વિશ્વાસ 2026 યોજના હેઠળ 28 ડિસેમ્બર પહેલાં વિવાદોનો અંત લાવી દેવામાં આવશે.
અમદાવાદઃ કર્મચારી ભવિષ્ય નિધિ સંગઠને જૂના વિવાદિત રકમો અને દંડકીય બાબતોને લગતા કેસોનો ઝડપી ઉકેલ લાવવા માટે એક વિશેષ અને સકારાત્મક પહેલ કરવામાં આવી છે. કર્મચારી ભવિષ્ય નિધિ સંગઠને પાત્રતા ધરાવતી તમામ કંપનીઓ, સંસ્થાઓ અને નોકરીદાતાઓને સૂચના આપી છે કે લાંબા સમયથી પેન્ડિંગ રહેલા કર્મચારી ભવિષ્ય નિધિ સંબંધી વિવાદોને નોંધપાત્ર રીતે ઘટેલા દરે પતાવી લે અને પેન્ડન્સી પૂર્ણ કરી દે. કર્મચારી ભવિષ્ય નિધિ સંગઠનની વિશ્વાસ 2026 યોજના પાત્રતા ધરાવતા નોકરીદાતાઓને 28 ડિસેમ્બરની અંતિમ તારીખ પહેલાં ઘટેલા દંડના દરે કર્મચારી ભવિષ્ય નિધિ સંગઠનના પોર્ટલના માધ્યમથી પડતર વિવાદોનો અંત લાવી દેવામાં આવશે. કર્મચારી ભવિષ્ય નિધિ સંગઠનની વિશ્વાસ 2026 યોજના પાત્રતા ધરાવતા નોકરીદાતાઓને 28 ડિસેમ્બરે એકપક્ષીય સેટલમેન્ટ વિન્ડો બંધ થાય તે પહેલાં નોંધપાત્ર રીતે ઘટેલા દંડ લઈને પ્રોવિડન્ટ ફંડના જૂના વિવાદોનો ઉકેલ લાવવાની તક આપવામાં આવી છે.
વિશ્વાસ 2026 નોકરીદાતાઓને દંડમાં નોંધપાત્ર રાહત આપે છે, જે સામાન્ય રીતે વાર્ષિક 37 ટકા સુધી જઈ શકે છે. પરંતુ સમાધાન કરવા ઇચ્છનારાઓે તેનાથી ઓછી રકમ લઈને સમાધાન કરી આપવા માટેની આ ઓફર છે. આ યોજના હેઠળ, બે મહિના સુધીના વિલંબ માટે દંડ ઘટાડીને દર મહિને 0.25 ટકા, બે થી ચાર મહિના વચ્ચેના વિલંબ માટે દર મહિને 0.50 ટકા, અને ચાર મહિનાથી વધુના વિલંબ માટે દર મહિને 1 ટકા કરવામાં આવ્યો છે. એમ્પ્લોયી પ્રોવિડંન્ટ ફંડના કેસોનો સામનો કરી રહેલા નોકરીદાતાઓએ, કર્મચારી ભવિષ્ય નિધિ સંગઠનના એમ્પ્લોયર પોર્ટલ પર ઓનલાઈન અરજી કરતા પહેલા વિલંબિત પ્રોવિડન્ટ ફંડના યોગદાન પરનું બાકી વ્યાજ ચૂકવવું પડશે. ત્યારબાદ સિસ્ટમ સુધારેલા દંડની ગણતરી કરશે, જેના પછી ચુકવણી કરવા માટે 15 દિવસ આપવામાં આવશે અને કેસના આધારે વધુ 15 દિવસનું એક્સ્ટેન્શન મળશે. ચુકવણી પછી ડિજિટલી સહી કરેલું ‘સેટલમેન્ટ સર્ટિફિકેટ’ જારી કરવામાં આવશે, જે અદાલત કે ટ્રિબ્યુનલની કાર્યવાહીનો અંત લાવશે. યોજનામાં 14 જૂન 2024 પહેલાં કરાયેલી પ્રોવિડન્ટ ફંડની વિલંબિત ચુકવણીઓને આવરી લેતા કેસોનો સમાવેશ થાય છે, જેમાં અદાલતો કે ટ્રિબ્યુનલ સમક્ષ પેન્ડિંગ બાબતો, વસૂલાતની રાહ જોઈ રહેલા દંડના આદેશો, પેન્ડિંગ નોટિસો અને એવા કેસો પણ સામેલ છે જ્યાં વિલંબ નોંધાયો છે પરંતુ કોઈ દંડની નોટિસ જારી કરવામાં આવી નથી.
કર્મચારી ભવિષ્ય નિધિ સંગઠને આપેલી માહિતી મુજબ આ સૂચના અને નિર્ણયથી કાનૂની, નાણાકીય અને વહીવટી સ્તરે લાભ મળશે. નોકરીદાતાઓ અને સંસ્થાઓને તેનો મોટો ફાયદો થશે. ભૂતકાળમાં નિયત સમયસર પીએફ પ્રીમિયમ કે રકમ જમા ન કરાવવાના કારણે જે સંસ્થાઓ પર ભારે દંડ કે નુકસાન આકારવામાં આવ્યા હતા. તેમને આ નુકસાન ઘટેલા દરે જમા કરાવી દેવાની તક આપવામાં આવશે. પરિણામે તેમને લાંબા સમયથી અદાલતો કે ટ્રિબ્યુનલમાં ચાલતા વિવાદો અને નોટિસોમાંથી મુક્તિ મળી જશે. તેથી સમય અને કાનૂની ખર્ચની બચત થશે.
બીજું, પેન્ડિંગ કેસોનો નિકાલ થવાથી નોકરીદાતાઓ પોતાની સંસ્થાનું કામકાજ ક્લીન રેકોર્ડ સાથે આગળ ધપાવી શકશે.
કંપનીઓ માટે ચાલુ કરવામાં આવેલી આ માફી યોજનાને કારણે કર્મચારીઓને પણ ફાયદો થશે. સંસ્થાઓ અને કર્મચારી ભવિષ્ય નિધિ સંગઠન વચ્ચેના વિવાદો દૂર થવાથી કર્મચારીઓના ખાતામાં વિલંબિત થયેલી રકમ અથવા ફંડ વધુ સુરક્ષિત અને ઝડપથી જમા થઈ શકશે. તેમ જ સંસ્થાઓ આર્થિક રીતે સક્ષમ બને અને કાનૂની ગૂંચવણોમાંથી બહાર આવે ત્યારે કર્મચારીઓના પીએફ દાવાઓના નિકાલની પ્રક્રિયા વધુ સરળ બનશે. આમ કર્મચારી ભવિષ્ય નિધિ સંગઠન પેન્ડિંગ કેસોનું ભારણ ઘટાડવા માગે છે. આ પગલાથી માત્ર સંસ્થાઓને જ રાહત નહીં મળે પરંતુ સરકાર અને કર્મચારી ભવિષ્ય નિધિ સંગઠનોનો કાનૂની પ્રક્રિયા પાછળ થતો વહીવટી ખર્ચ પણ ઘટશે. પાત્રતા ધરાવતા તમામ એકમોને આ યોજના અથવા સુધારાત્મક દરોનો ઝડપથી લાભ લેવા જણાવાયું છે.
દેશની જુદી જુદી હાઈકોર્ટનું સેટલમેન્ટ યોજનાને સમર્થન
હાઇકોર્ટ્સ દ્વારા પણ નોકરીદાતાઓને આ સેટલમેન્ટ વિન્ડોનો ઉપયોગ કરવા માટે પ્રોત્સાહિત કરવામાં આવ્યા છે. બોમ્બે હાઈકોર્ટની પુણે બેંચે એક નોકરીદાતાને આ યોજના હેઠળ અરજી કરવાનો નિર્દેશ આપ્યો હતો, જ્યારે મદ્રાસ હાઈકોર્ટે નોકરીદાતાએ સેટલમેન્ટ કરવાની ઈચ્છા દર્શાવ્યા બાદ કાર્યવાહી બંધ કરી દીધી હતી. તેવી જ રીતે, કેરળ હાઈકોર્ટે 19 કેસોમાં નિર્દેશો જારી કરીને નોકરીદાતાઓને આ યોજનાનો ઉપયોગ કરવા પ્રોત્સાહિત કર્યા છે. પહેલથી પ્રોવિડન્ટ ફંડના જૂના વિવાદોને ઉકેલવાનો ખર્ચ ઘટી જશે જેનાથી નોકરીદાતાઓને રાહત મળવાની અપેક્ષા છે. તે લાંબા સમયથી ચાલતા કાનૂની વિવાદોમાં લાગતો સમય અને અનિશ્ચિતતા ઘટાડી શકે છે, સાથે જ કેસોના બેકલોગને સાફ કરવામાં અને પ્રોવિડન્ટ ફંડની જવાબદારીઓનું પાલન સુધારવામાં પણ મદદ કરી શકે છે.
Tags: Bombay High Court Pune Bench EPFO order EPF damages settlement EPF interest payment before VISHWAS application EPF penalty relief for employers EPFO Amnesty Scheme 2026 EPFO circular 2026 EPFO dispute resolution scheme EPFO employer portal login EPFO legacy PF disputes EPFO news updates 2026 EPFO online settlement process EPFO penalty cuts 2026 EPFO PIB press release September 3 EPFO regional offices help desk EPFO settlement certificate download EPFO VISHWAS 2026 scheme EPFO એમનેસ્ટી સ્કીમ EPFO એમ્પ્લોયર પોર્ટલ EPFO ગુજરાત સમાચાર EPFO પ્રાદેશિક કચેરી હેલ્પ ડેસ્ક EPFO વિશ્વાસ સ્કીમ ૨૦૨૬ EPFO સમાચાર ગુજરાતી EPFO ૨૮ ડિસેમ્બર ડેડલાઈન Gujarati SEO Tags (27 Tags): ઈપીએફઓ વિશ્વાસ ૨૦૨૬ યોજના High Court orders on VISHWAS scheme Kerala High Court EPF cases Madras High Court PF settlement PF compliance improvement scheme PF contribution delay penalty PF dispute settlement December 28 PF late payment penalty percentage PF penalty reduction rules Tax India Online EPFO news VISHWAS 2026 eligibility details VISHWAS scheme 2026 deadline ઈપીએફ દંડ ઘટાડો ૨૦૨૬ ઈપીએફ વ્યાજ ચુકવણી નિયમો ઈપીએફઓ દંડ રાહત યોજના ઈપીએફઓ લેટેસ્ટ ન્યૂઝ ૨૦૨૬ કર્મચારી ભવિષ્ય નિધિ સંગઠન કેરળ હાઈકોર્ટ ઈપીએફ કેસ ટેક્સ ઈન્ડિયા ઓનલાઈન પીએફ ન્યૂઝ નોકરીદાતાઓ માટે પીએફ રાહત પીઆઈબી ઈપીએફઓ પ્રેસ નોટ પીએફ કેસ નિકાલ ૨૦૨૬ પીએફ દંડ માફી યોજના ૨૦૨૬ પીએફ નુકસાન સેટલમેન્ટ પીએફ પેન્ડિંગ કેસ ઉકેલ પીએફ વિલંબ દંડ દર પીએફ વિવાદ ઉકેલ યોજના ૨૦૨૬ પીએફ સેટલમેન્ટ સર્ટિફિકેટ બોમ્બે હાઈકોર્ટ ઈપીએફઓ આદેશ મદ્રાસ હાઈકોર્ટ પીએફ કેસ વિશ્વાસ યોજના અરજી પ્રક્રિયા
