ઓસ્ટ્રેલિયાના વિઝાના નિયમોમાં ફેરફાર થતાં ભારતીયોને ભણવા જવું મોંઘી પડશે

ઓસ્ટ્રેલિયાના વિઝાના નિયમોમાં ફેરફાર થતાં ભારતીયોને ભણવા જવું મોંઘી પડશે

ભણવા માટે પોતાના સંતાનોને ઓસ્ટ્રેલિયા મોકલતા માતા પિતાએ બેન્ક બેલેન્સ ત્રણ લાખ જેટલું વધારે બતાવવું પડશે

ઓસ્ટ્રેલિયામાં ભણી લીધા પછી જોબ કરવા માટેનો સમયગાળો ઘટાડી દીધો હોવાથી કમાઈને લોન ચૂકવવા માટે ઓછો સમય ગાળો મળશે

ઓસ્ટ્રેલિયા સરકારે તાજેતરમાં તેની ઇમિગ્રેશન નીતિ અને સ્ટુડન્ટ વિઝા નિયમોને વધુ કડક બનાવવાની સત્તાવાર જાહેરાત કરવાની સાથે જ સ્ટુડન્ટ નવો નિયમ હેઠળ જીવનનિર્વાહ ખર્ચ વધવાને કારણે આ રકમ વધારીને AUD 29,710 (આશરે રૂ. ૧૬.૫ લાખથી વધુ) કરવાનો નિર્ણય લેવામાં આવ્યો છે.વિઝા માટે આઈઈએલટીએસનો સ્કોર સરેરાશ 5.5 નવા નિયમ હેઠળ વધારીને 6.0 અને પોસ્ટ-સ્ટડી વર્ક વિઝા માટે 6.5થી વધારીને 7.0 કરી દીધો છે. પહેલાં વિદ્યાર્થીઓએ પોતાની પાસે રહન-સહન અને અભ્યાસ માટે આશરે AUD 24,505 -ઓસ્ટ્રેલિયન ડોલરનું ફંડ દર્શાવવું પડતું હતું. આ નિર્ણય લેવા પાછળનો મુખ્ય હેતુ દેશમાં વધતી જતી સ્થળાંતરની સંખ્યા પર અંકુશ મેળવવો અને શિક્ષણ ક્ષેત્રની ગુણવત્તા જાળવવાનો છે. ઓસ્ટ્રેલિયા જતા વિદેશી વિદ્યાર્થીઓમાં ભારતીય વિદ્યાર્થીઓનો હિસ્સો ઘણો મોટો હોવાથી આ નવા નિયમોની તેમના પર સીધી અને વ્યાપક અસર પડશે. ઓસ્ટ્રેલિયાના શિક્ષણ અને ગૃહ મંત્રાલય દ્વારા જાહેર કરાયેલા નવા નિયમો, તેમ જ પાત્રતા માટેના જૂના અને નવા માપદંડો, નાણાકીય બોજ વધશે. તેમ જ ભારતીય વિદ્યાર્થીઓ પર તેની નકારાત્મક અસરો પડવાની સંભાવના રહેલી છે.

નિયમોમાં શું બદલાવ આવ્યો છે?

આમ ઓસ્ટ્રેલિયા સરકારે ખાસ કરીને ભાષાકીય ક્ષમતા, વિઝા ફાઇનાન્સ અને સ્ટુડન્ટ આશય-ઈરાદાની ચકાસણી સંબંધિત માપદંડોમાં ફેરફાર કર્યા છે. તેમ જ અંગ્રેજી ભાષાની લાયકાત અને જેન્યુઈન સ્ટુડન્ટ ટેસ્ટમાં ફેરફાર કરવામાં આવ્યા છે. પહેલાં વિદ્યાર્થીઓ ‘જેન્યુઈન ટેમ્પરરી એન્ટ્રી’ હેઠળ અરજી કરતા હતા. નવા નિયમ હેઠળ જેન્યુઈન ટેમ્પરરી એન્ટ્રી-GTEને બદલે જેન્યુઈન સ્ટુડન્ટ ટેસ્ટ હેઠળ પ્રવેશ આપવાનો નિર્ણય લેવામાં આવશે. આ ટેસ્ટનો હેતુ એવા અરજદારોને ફિલ્ટર કરવાનો છે જેઓ ભણવાના બહાને માત્ર કામ કરવા અથવા કાયમી વસવાટ-પરમેનન્ટ રેસિડન્ટ તરીકેનું સ્ટેટસ મેળવવાના એક માત્ર આશયથી જ ઓસ્ટ્રેલિયા આવે છે.

આઈએલઈટીએસમાં પાસ થવા માટેના ગુણ 5.5થી વધારી 6 કરી દેવાતા ગામડાંના વિદ્યાર્થીઓ માટે પરીક્ષા ક્રેક કરવી કઠિન બનશે

કોર્સમાં ફેરફાર અને વિઝા સ્કિપિંગ પર રોક લગાવવામાં આવી છે. હવે ઓસ્ટ્રેલિયા પહોંચ્યા પછી તુરંત ઉચ્ચ યુનિવર્સિટીમાંથી સસ્તા વોકેશનલ કે ડિપ્લોમા કોર્સમાં શિફ્ટ થવા પર સંપૂર્ણ પ્રતિબંધ મૂકવામાં આવ્યો છે. હવે સવાલ એ પણ ઊભો થાય છે કે ભારતમાંથી પોતાના બાળકોને ભણવા કે પછી સેટલ થવા માટે ઓસ્ટ્રિલિયા મોકલતા વાલીઓ પર ખર્ચનો બોજ વધશે કે નહીં. હા, ભારતીય વિદ્યાર્થીઓના વાલીઓ પર આર્થિક બોજ અને ફંડ બતાવવાની જવાબદારી બંને વધશે. એક, વિઝા મેળવવા માટે દર્શાવવાના થતા લઘુત્તમ ફંડ પ્રોસેસમાં વિદ્યાર્થીઓના વાલીઓએ દર્શાવવાના થતાં ઓસ્ટ્રેલિયન ડૉલરમાં 5,200 ડૉલરનો એટલે કે અંદાજે રૂ.2.8 લાખ થી રૂ.3 લાખનો સીધો વધારો કરી દેવામાં આવ્યો છે. તેથી વાલીઓએ વિઝા ફાઈલિંગ વખતે જ બેંક બેલેન્સ કલિક્વિડ એસેટ્સ તરીકે આ વધુ રકમ દર્શાવવી પડશે.

ટ્યુશન ફી અને વિઝા ફી

બીજું, એપ્લિકેશન પ્રોસેસિંગ ફી અને હેલ્થ ઇન્સ્યોરન્સ કવરમાં થયેલા વધારાને કારણે પ્રારંભિક પ્રોસેસિંગ ખર્ચ વધશે. પાર્ટ-ટાઈમ કામ કરવાના કલાકો પર લિમિટ હોવાને કારણે વિદ્યાર્થીઓ પોતાની મેળે બધો ખર્ચ તરત જ કવર કરી શકશે નહીં, જેથી શરૂઆતના તબક્કે વાલીઓએ વધુ આર્થિક ટેકો આપવો પડશે. ઓસ્ટ્રેલિયાની સરકારના નિર્ણયને પરિણામે ગુજરાત અનેે ભારતના વિદ્યાર્થીઓને મળનારા શિક્ષણની ગુણવત્તામાં સુધારો થશે. ભાષા અને એકેડેમિક ધોરણો ઊંચા જવાથી ખરેખર ભણવામાં તેજસ્વી અને યોગ્યતા ધરાવતા વિદ્યાર્થીઓને શ્રેષ્ઠ યુનિવર્સિટીઓમાં પ્રવેશ મળશે.

ભારતીયોને શોષણ સામે રક્ષણ મળશે, રોજગારીની તક મળશે

ફેક કે બનાવટી એજન્ટો અથવા નકલી કૉલેજોના ચક્કરમાં ફસાઈને નાણાં ગુમાવતા ભારતીય વિદ્યાર્થીઓને રક્ષણ મળશે, કારણ કે માત્ર અધિકૃત અને ગુણવત્તાસભર સંસ્થાઓ જ જી.એસ. ટેસ્ટ હેઠળ ક્લિયર થશે. તદુપરાંત ઓસ્ટ્રેલિયાથી ડિગ્રી પૂર્ણ કર્યા પછી ઊંચી અંગ્રેજી કાર્યક્ષમતા ધરાવતા ભારતીય વિદ્યાર્થીઓને ત્યાંના કૉર્પોરેટ ક્ષેત્રમાં સારી નોકરીઓ મળવાની શક્યતા વધી જશે. જોકે ભારતીય વિદ્યાર્થીઓને તકલીફ પણ પડી શકે છે. સામાન્ય અને ગ્રામીણ વિસ્તારોના વિદ્યાર્થીઓ માટે પડકારો વધશે. IELTS નો સ્કોર 6.0 ફરજિયાત થવાથી મધ્યમ કે ગ્રામીણ પૃષ્ઠભૂમિ ધરાવતા વિદ્યાર્થીઓ માટે વિઝા મેળવવું મુશ્કેલ બનશે. તેમ જ જેન્યુઈન સ્ટુડન્ટ ટેસ્ટના કડક અમલને કારણે ભારતીય વિદ્યાર્થીઓની વિઝા રિજેક્શન ટકાવારીમાં નોંધપાત્ર ઉછાળો આવી શકે છે.

પોસ્ટ-સ્ટડી વર્ક વિઝાના સમયગાળામાં ઘટાડો

ઓસ્ટ્રેલિયામાં ભણી લીધા પછી રોકાઈને કામ કરવાના વર્ષોમાં કરાયેલા ઘટાડાને કારણે જે વિદ્યાર્થીઓ એજ્યુકેશન લોન લઈને ગયા છે, તેમને લોન ભરપાઈ કરવા માટે પણ ઓછો સમય મળશે. આમ ઓસ્ટ્રેલિયા સરકારના આ નિર્ણયથી “માસ માઈગ્રેશન” (જથ્થાબંધ સ્થળાંતર) પર બ્રેક લાગશે. ટૂંકા ગાળે ભારતીય વિદ્યાર્થીઓ અને વાલીઓ માટે વિઝા પ્રક્રિયા વધુ જટિલ અને ખર્ચાળ બનશે, પરંતુ લાંબા ગાળે આ નીતિ માત્ર ગંભીર અને ગુણવત્તાસભર અભ્યાસ કરવા ઈચ્છતા ‘જેન્યુઈન’ વિદ્યાર્થીઓ માટે લાભદાયી પણ સાબિત થશે.

Share on Social Media

ઓસ્ટ્રેલિયાના વિઝાના નિયમોમાં ફેરફાર થતાં ભારતીયોને ભણવા જવું મોંઘી પડશે

નિયમોમાં શું બદલાવ આવ્યો છે?

Most Popular