શેરબજારમાં ટિપ્સ આપતા આ પાંચ અનરજિસ્ટર્ડ સ્ટોક એડવાઈઝરથી દૂર રહોઃ નેશનલ સ્ટોક એક્સચેન્જ
શેરબજારમાં ‘ખાતરીપૂર્વકના વળતર’ અને ટિપ્સની લાલચ આપતા ૫ બિનનોંધાયેલા સલાહકારો સામે નેશનલ સ્ટોક એક્સચેન્જે ચેતતા રહેવાની સૂચના આપી
નેશનલ સ્ટોક એક્સચેન્જએ રોકાણકારોના હિતમાં એક મહત્વપૂર્ણ ચેતવણી જારી કરીને સોશિયલ મીડિયા પ્લેટફોર્મ ટેલિગ્રામ (Telegram) અને X (અગાઉ ટ્વિટર)ના માધ્યમથી શેરબજારની સ્ક્રિપ્સમાં ઇન્વેસ્ટમેન્ટ કરવાની ટિપ્સ આપવાની સાથોસાથ જ ખાતરીપૂર્વકનું વળતર અને ટ્રેડિંગ એકાઉન્ટ હેન્ડલિંગની ગેરકાયદેસર સેવાઓ આપતા પાંચ વ્યક્તિઓ અને ચેનલો સામે સાવધ રહેવા જણાવ્યું છે. ૯ નવેમ્બર થી ૧૨ નવેમ્બર, ૨૦૨૬ દરમિયાન નેશનલ સ્ટોક એક્સચેન્જે પાંચ અલગ-અલગ સત્તાવાર અખબારી યાદીઓ જારી કરીને સ્પષ્ટ કરવામાં આવ્યું છે કે આ વ્યક્તિઓ કે સંસ્થાઓ એક્સચેન્જ સાથે નોંધાયેલા નથી અને રોકાણકારોએ તેમની સાથે કોઈ પણ પ્રકારનો વ્યવહાર કરવો જોઈએ નહીં.
NSE દ્વારા જાહેર કરાયેલા ૫ બિનનોંધાયેલા સલાહકારો અને ચેનલોની વિગત
| તારીખ (૨૦૨૬) | વ્યક્તિ / સંસ્થાનું નામ | મોબાઈલ નંબર / સોશિયલ મીડિયા હેન્ડલ | ગેરકાયદેસર પ્રવૃત્તિનો પ્રકાર |
| ૯ નવેમ્બર | રંજન (Ranjan) (સંસ્થા: Pulse Trading) | મોબાઈલ: 9081730118 |
ખાતરીપૂર્વકના વળતરની લાલચ અને લોગિન ID/પાસવર્ડ મેળવી એકાઉન્ટ હેન્ડલિંગ. |
| ૯ નવેમ્બર | વિક્રમ સિંહ (Vikram Singh) |
X હેન્ડલ: Telegram: |
સિક્યોરિટીઝ માર્કેટની ટિપ્સ આપવી અને ગેરંટીડ રિટર્નનું વચન આપવું. |
| ૧૧ નવેમ્બર | રાધે (Radhe) |
મોબાઈલ: Telegram: |
શેરબજારની ટિપ્સ, ખાતરીપૂર્વકનું વળતર અને ટ્રેડિંગ એકાઉન્ટ હેન્ડલ કરવાની ઓફર. |
| ૧૧ નવેમ્બર | Nifty Banknifty Calls | Telegram ચેનલ | શેરબજારની ટિપ્સ અને એકાઉન્ટ હેન્ડલિંગ સેવાઓ (NSE સાથે કોઈ જોડાણ નથી). |
| ૧૨ નવેમ્બર | નાગેન્દ્ર (Nagendra) |
મોબાઈલ: X હેન્ડલ: |
ટિપ્સ આપવી, ખાતરીપૂર્વકના વળતરની લાલચ અને એકાઉન્ટ હેન્ડલિંગ સેવા. |
ચેતવણીથી રોકાણકારોને કોને, કેટલો અને કેવી રીતે ફાયદો થશે?
નેશનલ સ્ટોક એક્સચેન્જના આ સમયસરના પગલાથી ખાસ કરીને રિટેલ (નાના) રોકાણકારો, નવા ટ્રેડર્સ અને સોશિયલ મીડિયા પર આધાર રાખતા લોકોને મોટી આર્થિક નુકસાનીમાંથી બચવાનો સીધો ફાયદો થશે.
નવા અને રિટેલ રોકાણકારો
-
કેવી રીતે ફાયદો થશે: શેરબજારમાં ઝડપી નફો કમાવવાની લાલચમાં નવા રોકાણકારો ટેલિગ્રામ ચેનલોના વીઆઈપી પેઈડ ગ્રુપમાં જોડાતા હોય છે. નેશનલ સ્ટોક એક્સચેન્જની આ સત્તાવાર જાહેરાતથી રોકાણકારોને ખબર પડશે કે આ ચેનલો ગેરકાયદેસર છે, જેથી તેમની મૂડી ડૂબતી બચશે. અમદાવાદના એક યુવાન રોકાણકાર જયેશભાઈએ ટેલિગ્રામ પર ઓપ્શન ડેન નામથી ચાલતી ચેનલ જોઈને રૂ. ૫૦,૦૦૦ નું રોકાણ કરવાનું વિચાર્યું હતું, જ્યાં દર મહિને ૨૦ ટકા ગેરંટીડ નફાનો દાવો કરાયો હતો. પરંતુ નેશનલ સ્ટોક એક્સચેન્જની ચેતવણી વાંચ્યા બાદ તેમને સમજાયું કે કાયદા મુજબ શેરબજારમાં કોઈ પણ ‘ખાતરીપૂર્વકનું વળતર’ આપી શકે નહીં. આમ, તેમના રૂ. ૫૦,૦૦૦ છેતરપિંડીનો ભોગ બનતા બચી ગયા.
ટ્રેડિંગ એકાઉન્ટ હેન્ડલિંગનો શિકાર બનતા લોકો
-
કેવી રીતે ફાયદો થશે: ઘણા વ્યસ્ત નોકરિયાત લોકો પોતાનું ડિમેટ અને ટ્રેડિંગ એકાઉન્ટ અન્ય વ્યક્તિને ચલાવવા આપી દે છે અને નફામાં ભાગ આપવાની શરત રાખે છે. આવા કિસ્સાઓમાં ઠગ ટ્રેડર્સ ગ્રાહકના ખાતામાં અનધિકૃત અને જોખમી ટ્રેડ કરીને આખું ખાતું ખાલી કરી નાખે છે. સુરતના એક વેપારી પાસે સમય ન હોવાથી તેણે પલ્સ ટ્રેડિંગ-‘Pulse Trading’ના રંજનને પોતાના ટ્રેડિંગ એકાઉન્ટનો ID-આઈડી અને પાસવર્ડ આપવા જઈ રહ્યા હતા. આ તબક્કે જ નેશનલ સ્ટોક એક્સચેન્જે સ્પષ્ટ કર્યું છે કે લોગિન વિગતો શેર કરવી અત્યંત જોખમી છે. જો વેપારીએ પાસવર્ડ આપ્યો હોત અને રૂ. ૨,૦૦,૦૦૦ ગુમાવી દેવાની શક્યતા હતી. આ ભૂલ કરી હોત તો નેશનલ સ્ટોક એક્સચેન્જના નિયમ મુજબ તેમને કોઈ વળતર મળત નહીં. આ ચેતવણી મળી જતાં તેમનું એકાઉન્ટ સુરક્ષિત રહ્યું છે.
નોંધાયેલા બ્રોકર્સ અને પ્રામાણિક સલાહકારો
-
કેવી રીતે ફાયદો થશે: બિનનોંધાયેલા સલાહકારો પર લગામ કસવાથી SEBI અને NSE સાથે નોંધાયેલા અધિકૃત બ્રોકર્સ અને રિસર્ચ એનાલિસ્ટ્સ પ્રત્યે રોકાણકારોનો વિશ્વાસ વધશે.
રોકાણકારો માટે NSE ની મહત્વપૂર્ણ માર્ગદર્શિકા અને કાયદાકીય ચેતવણી
ખાતરીપૂર્વકનું વળતર કાયદાકીય રીતે પ્રતિબંધિત: શેરબજાર જોખમોને આધીન છે. કોઈ પણ વ્યક્તિ કે સંસ્થા ‘સૂચક, ખાતરીપૂર્વકનું કે ગેરંટીડ વળતર’ ઓફર કરી શકે નહીં, તે કાયદા હેઠળ ગુનો છે.
પાસવર્ડ અને ID ગુપ્ત રાખો: તમારા ટ્રેડિંગ એકાઉન્ટના યુઝર ID, પાસવર્ડ કે OTP ક્યારેય કોઈની સાથે શેર ન કરો.
બ્રોકરની ચકાસણી કરો: કોઈ પણ વ્યક્તિ સાથે નાણાકીય વ્યવહાર કરતા પહેલા નેશનલ સ્ટોક એક્સચેન્જની વેબસાઈટ પર ઉપલબ્ધ ‘Know/Locate Your Stock Broker’ની સુવિધાનો ઉપયોગ કરીને ખાતરી કરો કે તે વ્યક્તિ નેશનલ સ્ટોક એક્સચેન્જનો નોંધાયેલો સભ્ય કે અધિકૃત વ્યક્તિ છે કે નહીં. આ સુવિધા પર બ્રોકરના સત્તાવાર બેંક ખાતાની વિગતો પણ જોઈ શકાય છે.
રોકાણકાર સુરક્ષા કવચ મળશે નહીં: નેશનલ સ્ટોક એક્સચેન્જે સ્પષ્ટ ચેતવણી આપી છે કે આવી પ્રતિબંધિત સ્કીમોમાં રોકાણ કરનાર વ્યક્તિને એક્સચેન્જના ઈન્વેસ્ટર પ્રોટેક્શન ફંડ (IPF), વિવાદ નિવારણ તંત્ર કે ફરિયાદ નિવારણ સેવાનો કોઈ લાભ મળશે નહીં. તમામ નુકસાન રોકાણકારના પોતાના જોખમે અને માથે રહેશે.

