આજે શેરબજારમાં શું કરી શકાય?
આજે શેરબજારમાં શું કરી શકાય?
નિફ્ટી-૫૦ની નવા સપ્તાહમાં ચાલ કેવી રહી શકે
શુક્રવાર, ૧૩ નવેમ્બર ૨૦૨૬ ના રોજ તાજેતરની તેજી બાદ નફો ગજવે કરવાનો ટ્રેન્ડ શેરબજારમાં જોવા મળી રહ્યો છે. તેની અસર હેઠળ જ નિફ્ટી ૧૫૫.૦૫ પોઈન્ટ (-૦.૬૧%) ઘટીને ૨૫,૧૪૪.૩૦ પર બંધ રહ્યો હતો. આજે સોળની નવેમ્બરે નિફ્ટીની સંભવિત ચાલની વાત કરીએ તો ગિફ્ટ નિફ્ટી-Gift Niftyના પોઝિટીવ સંકેતો મળી રહ્યા છે. તેના પ્રભાવ હેઠળ આજે બજારની શરૂઆત સાધારણ સુધારા સાથે થઈ શકે છે.
નિફ્ટીનો ડેઈલી રિલેટિવ સ્ટ્રેન્ગ્થ ઇન્ડેક્સ-આરએસઆઈ ૭૦ની ઉપર (લગભગ ૭૫.૨૨) હોવાથી ઈન્ડેક્સ ‘ઓવરબોટ’ ઝોનમાં છે. તેથી, શરૂઆતના સત્રમાં ૨૫,૦૫૦ – ૨૪,૯૭૫ના સપોર્ટ ઝોનનું પરીક્ષણ થઈ શકે છે. જો નિફ્ટી ૨૫,૦૦૦ ની ઉપર ટકી રહેશે, તો ફરીથી ૨૫,૨૫૦થી ૨૫,૩૫૦ તરફ રિકવરી જોવા મળી શકશે. 16 નવેમ્બરથી 20 નવેમ્બર સુધીના સપ્તાહની વાત કરીએ તો જ્યાં સુધી નિફ્ટી ૨૪,૮૦૦ના નિર્ણાયક સપોર્ટ ઝોનની ઉપર ટકેલો છે, ત્યાં સુધી બજારનો મુખ્ય ટ્રેન્ડ તેજીનો જ રહેશે. આ સ્થિતિમાં ટ્રેડર્સ કે ઇન્વેસ્ટર્સે અપનાવવાના વ્યૂહની વાત કરીએ તો ઊંચા સ્તરે આક્રમક ખરીદી કરવાને બદલે ‘ઘટાડે ખરીદી’ કે લેણ કરવાની નીતિ અપનાવવી હિતાવહ છે.
મહત્વના સ્તરો
તાત્કાલિક સપોર્ટ: ૨૫,૦૦૦ – ૨૪,૯૭૩
પોઝિશનલ સપોર્ટ: ૨૪,૮૦૦ – ૨૪,૭૫૦ છે. આ સ્તર તૂટે તો જ તેજી નબળી પડશે. અન્યથા તેજીનો ચાલ જળવાઈ રહેવાની સંભાવના છે.
પ્રતિકાર સપાટીઃ ૨૫,૪૦૦ – ૨૫,૫૦૦ અને ત્યારબાદ ૨૫,૮૦૦ની સપાટીએ પ્રતિકાર જોવા મળી રહ્યો છે. અત્યારે ફોકસ કરવા પાત્ર સેક્ટરની વાત કરીએ તો અત્યારે ઇન્ફોર્મેશન ટેક્નોલોજીના શેર્સમાં નબળાઈ જોવા મળી રહી છે. તેની સામે બેંકિંગ શેર્સ એટલે કે જાહેર અને ખાનગી ક્ષેત્રની બેન્કના શેર્સ, ફાઈનાન્શિયલ સેક્ટર્સની કંપનીઓના શેર્સ તથા રિયલ એસ્ટેટના સેક્ટરની કંપનીઓના શેર્સ બજારને ટેકો આપી રહ્યા છે. બેન્ક નિફ્ટી ઇન્ડેક્સ 60,500ની સપાટીએ મજબૂત ટેકો ધરાવે છે. આમ બેન્ક નિફ્ટીનો સપોર્ટ-ટેકો ૬૦,૫૦૦ની સપાટીએ છે. તેથી તેનાથી નીચે જાય તો જ નરમાઈ જોવા મળી શકે છે. તેમ જ બેન્ક નિફ્ટીમાં ૬૧,૭૬૫ની સપાટીએ પ્રતિકાર જોવા મળી રહ્યો છે. તદુપરાંત ફાઇનાન્શિયલ સેક્ટરની કંપનીઓ, રિયલ એસ્ટેટના સેક્ટરની તમે જ જાહેર ક્ષેત્રની બેન્કના શેર્સ બજારને ટેકો આપી રહ્યા છે.
રોકાણ કરવા પાત્ર ત્રણ શ્રેષ્ઠ શેર્સ
બેંકિંગ સેક્ટરમાં સૌથી મજબૂત બ્રેકઆઉટ ધરાવતા ત્રણ શેર્સ તરીકે કર્ણાટક બેન્ક, એચડીએફસી લાઈફ અને ICICI બેંક ને પસંદ કરવામાં આવ્યો છે. ટ્રેડર્સ અને ઇન્વેસ્ટર્સને અમે અહીં સંભાવનાઓ દર્શાવી રહ્યા છીએ. આ સ્ક્રિપ્સમાં સોદા કરતાં પહેલા તેઓ તેમના અંગત નાણાંકીય સલાહકારની સલાહ લઈને કામ કે તે તેમના માટે હિતાવહ છે.
શેર્સની પસંદગીના કારણો અને સમયગાળા મુજબ સંભાવના:
કર્ણાટક બેંક (Karnataka Bank)
પસંદગીનું કારણ: જાહેર ક્ષેત્રની બેન્કો અને પ્રાઈવેટ બેંકિંગ શેર્સમાં વિદેશી સંસ્થાકીય રોકાણકારો અને સ્થાનિક રોકાણકારોની ખરીદી વધી રહી છે. કર્ણાટક બેંકે વીકલી ચાર્ટ પર ‘રાઉન્ડિંગ-બોટમ’ પેટર્નનું બ્રેકઆઉટ આપીને તેને સફળતાપૂર્વક રી-ટેસ્ટ કર્યું છે. રિલેટીવ સ્ટ્રેન્ગ્થ ઇન્ડેક્સ-આરએસઆઈમાં ‘હિડન બુલિશ ડાઇવર્જન્સ’ જોવા મળી રહ્યું છે, જે તેજી ચાલુ રહેવાના સંકેત આપે છે.
ટૂંકો ગાળો (૧ થી ૪ અઠવાડિયા): રૂ. ૩૫૦ ના મજબૂત સપોર્ટ સાથે શેર ટૂંક સમયમાં રૂ. ૩૮૮ ના ટાર્ગેટ સુધી પહોંચી શકે છે.
મધ્યમ ગાળો (૩ થી ૬ મહિના): કોન્સોલિડેશન બ્રેકઆઉટ અને સારા ત્રિમાસિક પરિણામોના જોરે શેર ₹૪૧૫–₹૪૩૦ ની રેન્જ તરફ આગળ વધી શકે છે.
લાંબો ગાળો (૧ વર્ષથી વધુ): બેંકની એસેટ ક્વોલિટીમાં સુધારો અને ક્રેડિટ ગ્રોથને કારણે લાંબા ગાળે પોર્ટફોલિયોમાં સ્થિર વળતર આપવાની ક્ષમતા ધરાવે છે.
એચડીએફસી લાઈફ ઈન્સ્યોરન્સ (HDFC Life)
પસંદગીનું કારણ: લાંબા ઘટાડા બાદ શેરમાં ટ્રેન્ડ રિવર્સલ જોવા મળ્યું છે. ડેઈલી ચાર્ટ પર ‘ડબલ-બોટમ’ પેટર્ન બની છે અને શેરે જાન્યુઆરી ૨૦૨૬ માં ગુમાવેલી મહત્વપૂર્ણ 200-દૈનિક વધઘટની સરેરાશ અને 200 દિવસની વધઘટની સરેરાશની સપાટી ફરીથી હાંસલ કરી લીધી છે. તેનો આરએસઆઈ ૬૦ની ઉપર બ્રેકઆઉટ આપી રહ્યો છે.
સમયગાળા મુજબ સંભાવના
ટૂંકો ગાળો (૧ થી ૪ અઠવાડિયા): રૂ.૫૭૧ ના સ્ટોપલોસ સાથે શેર તેના અગાઉના સ્વિંગ હાઈ રૂ.૬૩૦ સુધી જવાની પૂરી સંભાવના છે.
મધ્યમ ગાળો (૩ થી ૬ મહિના): વીમા ક્ષેત્રમાં પ્રીમિયમ વૃદ્ધિ થતાં એટલે કે નવા બિઝનેસ મૂલ્યમાં માર્જિન-વેલ્યુ ઓફ ન્યુ બિઝનેસ માર્જિન અને ટેકનિકલ રિવર્સલને કારણે રૂ.૬૭૫–રૂ.૭૦૦ ના સ્તર જોવા મળી શકે છે.
લાંબો ગાળો (૧ વર્ષથી વધુ): ભારતમાં લાઈફ ઈન્સ્યોરન્સ પેનિટ્રેશન વધવાની સાથે કંપનીનું મજબૂત ડિસ્ટ્રિબ્યુશન નેટવર્ક લાંબા ગાળે વેલ્થ ક્રિએશન માટે ઉત્તમ છે.
આઈસીઆઈસીઆઈ બેંક (ICICI Bank)
-
પસંદગીનું કારણ: LKP સિક્યોરિટીઝના મતે મોટી બેંકોમાં એચડીએફસી બેન્ક, સ્ટેટ બેન્ક અને આઈસીઆઈસીઆઈ બેન્કના ત્રણ શેર્સમાંથી આઈસીઆઈસીઆઈ બેન્કનો શેર સૌથી મજબૂત બ્રેકઆઉટ સ્ટ્રક્ચર ધરાવે છે. મંથલી ચાર્ટ રૂ.૧,૪૮૫ના મહત્વના અવરોધ-પ્રતિકારને પાર કરીને તે તેજીના નવા તબક્કામાં પ્રવેશી ચૂક્યો છે.
-
સમયગાળા મુજબ સંભાવના:
-
મધ્યમ ગાળો (૩ થી ૬ મહિના): FII રોકાણની વાપસીનો સૌથી મોટો ફાયદો હેવીવેઇટ બેંક તરીકે ICICI બેંકને મળશે, જે શેરને ₹૧,૬૫૦+ સુધી લઈ જઈ શકે છે.
-
લાંબો ગાળો (૧ વર્ષથી વધુ): શ્રેષ્ઠ ROE (Return on Equity) અને ડિજિટલ બેંકિંગ લીડરશીપને કારણે તે કોર પોર્ટફોલિયો માટે સૌથી સુરક્ષિત શેર છે.
ટૂંકો ગાળો (૧ થી ૪ અઠવાડિયા): રૂ.૧,૪૮૫ મજબૂત સપોર્ટ બન્યો છે, જેના આધારે ટૂંકા ગાળામાં રૂ.૧,૫૫૦–રૂ.૧,૫૮૦ સુધીની ચાલ જોવા મળી શકે છે.
-

