વરમોરા ગ્રેનિટો લિમિટેડ આઈપીઓમાં અરજી કરવી કે નહિ

વરમોરા ગ્રેનિટો લિમિટેડ આઈપીઓમાં અરજી કરવી કે નહિ

વરમોરા ગ્રેનિટો લિમિટેડની સ્થાપના વર્ષ ૨૦૦૩ માં કરવામાં આવી હતી. આ કંપની સિરામિક અને વિટ્રિફાઇડ ટાઇલ્સના ઉત્પાદન તથા વેચાણ ક્ષેત્રે ભારતની અગ્રણી કંપનીઓમાંની એક છે. કંપની ગ્લેઝ્ડ વિટ્રિફાઇડ ટાઇલ્સ, પોલિશ્ડ વિટ્રિફાઇડ ટાઇલ્સ અને ટેકનિકલ ટાઇલ્સનું નિર્માણ કરે છે. તેમાં નાણાકીય વર્ષ ૨૦૨૬ માં તેની આવકનો ૮૪ ટકા હિસ્સો પ્રીમિયમ ઉત્પાદનોમાંથી આવ્યો હતો. ગુજરાતના મોરબી ક્લસ્ટરમાં કંપનીના ૮ મેન્યુફેક્ચરિંગ યુનિટ્સ આવેલા છે અને તે પોતાની કુલ આવકના ૮૧.૭૨ ટકા ઉત્પાદન ઇન-હાઉસ તૈયાર કરે છે. ઇટાલીની ઈન્ટિગ્રેટેડ સ્ટોન ટેક્નોલોજીની ભાગીદારીની મદદથી કંપની અદ્યતન પ્રોડક્ટ્સ તૈયાર કરી બજારમાં મૂકી રહી છે. સમગ્ર ભારતમાં અને વિદેશમાં કંપની પાસે ૩૦૫ એક્સક્લુસિવ બ્રાન્ડ આઉટલેટ્સ અને ૨,૭૫૮ થી વધુ મલ્ટિ-બ્રાન્ડ ડીલર નેટવર્ક છે.

IPO શિડ્યુલ અને મુખ્ય વિગતોનું ટેબલ

વિગત	માહિતી / આંકડા
IPO ઓપન ડેટ	૨૨ સપ્ટેમ્બર, ૨૦૨૬ (મંગળવાર)
IPO ક્લોઝિંગ ડેટ	૨૪ સપ્ટેમ્બર, ૨૦૨૬ (ગુરુવાર)
ઓફર પ્રાઇસ (Price Band)	₹૧૪૦ થી ₹૧૪૮ પ્રતિ શેર
મિનિમમ અરજી (Lot Size)	૧૦૧ શેર્સ (૧ લોટ)
રિટેલ માટે મિનિમમ રોકાણ	₹૧૪,૯૪૮ (૧ લોટ, ₹૧૪૮ Upper Price આધારે)
રિટેલ માટે મેક્સિમમ રોકાણ	₹૧,૯૪,૩૨૪ (૧૩ લોટ – ૧,૩૧૩ શેર્સ)
S-HNI મિનિમમ રોકાણ	₹૨,૦૯,૨૭૨ (૧૪ લોટ – ૧,૪૧૪ શેર્સ)
B-HNI મિનિમમ રોકાણ	₹૧૦,૦૧,૫૧૬ (૬૭ લોટ – ૬,૭૬૭ શેર્સ)
એલોટમેન્ટ ડેટ (Allotment Date)	૨૫ સપ્ટેમ્બર, ૨૦૨૬ (શુક્રવાર)
રિફંડ / ડીમેટ ક્રેડિટ ડેટ	૨૮ સપ્ટેમ્બર, ૨૦૨૬ (સોમવાર)
લિસ્ટિંગ ડેટ (Listing Date)	૨૯ સપ્ટેમ્બર, ૨૦૨૬ (મંગળવાર)
લિસ્ટિંગ એક્સચેન્જ	BSE, NSE
લીડ મેનેજર્સ (Lead Managers)	JM Financial Ltd., Goldman Sachs (India) Securities Pvt. Ltd., SBI Capital Markets Ltd.
રજિસ્ટ્રાર (Registrar)	Kfin Technologies Ltd.

ઓફર ફોર સેલ (OFS) અને ફ્રેશ શેર્સ

વરમોરા ગ્રેનિટોનો કુલ આઈપીઓ સાઈઝ રૂ. ૭૦૮.૦૨ કરોડ (૪,૭૮,૩૯,૨૫૫ શેર્સ)ની છે. તેમાંથી ફ્રેશ શેર્સની ઓફર રૂ. ૩૨૦.૦૦ કરોડ (૨,૧૬,૨૧,૬૨૧ શેર્સ)ની છે. આ નાણાંમાંથી રૂ.૨૪૫ કરોડ કંપની અને તેની સબસિડીયરીઝનું દેવું ચૂકવવા તેમજ બાકીના નાણાં સામાન્ય કોર્પોરેટ હેતુઓ માટે વપરાશે. કંપની ઓફર ફોર સેલથી એટલે કે વર્તમાન હોલ્ડિંગ ધરાવનારાઓના રૂ.૩૮૮.૦૨ કરોડના મૂલ્યના ૨,૬૨,૧૭,૬૩૪ શેર્સ પણ પબ્લિક ઇશ્યૂના માધ્યમથી વેચવાની છે. આ હિસ્સો કોર્પોરેટ શેરહોલ્ડર કટ્સુરા ઇન્વેસ્ટમેન્ટ દ્વારા વેચવામાં આવી રહ્યો છે.

એલોટમેન્ટ, રિફંડ અને લિસ્ટિંગ ટાઇમલાઇન

શેર એલોટમેન્ટ: ૨૫ સપ્ટેમ્બર, ૨૦૨૬ ના રોજ નક્કી કરવામાં આવશે. શેર્સ એલોટ ન થયા હોય તેવા અરજદારોને રિફંડ અને સફળ અરજદારોના ડીમેટ ખાતામાં શેર્સની ક્રેડિટ ૨૮ સપ્ટેમ્બર, ૨૦૨૬ ના રોજ કરવામાં આવશે. 2૯ સપ્ટેમ્બર, ૨૦૨૬ ના રોજ NSE અને BSE પર શેરનું લિસ્ટિંગ થશે.

ગ્રે માર્કેટ પ્રીમિયમ અને લિસ્ટિંગ ગેઇનની સંભાવના

ગ્રે માર્કેટના ઉપલબ્ધ સંકેતો મુજબ, વરમોરા ગ્રેનિટોનો શેર રૂ. 15ના પ્રીમિયમ પર ગ્રે માર્કેટમાં ટ્રેડ થઈ રહ્યો છે. શેરની ઓફર પ્રાઈસ રૂ. ૧૪૮ છે. તેના પર ગ્રે માર્કેટના રૂ. 15ના પ્રીમિયમને ધ્યાનમાં લેતા શેરનું લિસ્ટિંગ અંદાજે રૂ. 160થી રૂ. 163ના ભાવે થઈ શકે છે. આમ વરમોરા ગ્રેનિટોના પબ્લિક ઇશ્યૂમાં અરજી કરનારાઓને અંદાજે 10 ટકાની આસપાસનો લિલ્ટિંગ લાભ મળે શકે છે. હા, વર્તમાન ગ્રે માર્કેટના ૧૦ ટકાની આસપાસના પ્રીમિયમ મુજબ રોકાણકારોને ધીમાથી મધ્યમ લિસ્ટિંગ ગેઇન મળવાની શક્યતા છે. જોકે, ગ્રે માર્કેટ અનધિકૃત હોવાથી માત્ર તેના આધારે રોકાણ કરવાને બદલે કંપનીના પાયાના નાણાકીય પરિબળો ધ્યાનમાં લેવા જરૂરી છે.

બિઝનેસ અને ભાવિ વિકાસની સંભાવનાઓ

હાલનો બિઝનેસ: કંપની પ્રીમિયમ ટાઇલ્સ, બાથવેર અને સેનિટરીવેર ક્ષેત્રે મજબૂત બ્રાન્ડ નેમ ધરાવે છે. તેનું ધ્યાન મોડર્ન ડિઝાઇન અને ઉચ્ચ ગુણવત્તાવાળી GVT ટાઇલ્સ પર છે. વરમોરા ગ્રેનિટોના ભાવિ વિકાસની સંભાવનાઓ પણ મજબૂત જણાઈ રહી છે. એક, રિયલ એસ્ટેટ ક્ષેત્રમાં આવી રહેલી તેજી અને શહેરીકરણને કારણે સિરામિક ઉદ્યોગમાં માગ જળવાઈ રહેશે. બે, આઈપીઓમાંથી મેળવેલા રૂ. ૨૪૫ કરોડના ઉપયોગથી કંપની પોતાની લોનમાં ઘટાડો કરશે. તેથી વ્યાજ ખર્ચ ઘટશે અને ભવિષ્યમાં નેટ પ્રોફિટ માર્જિન વધશે. ત્રણ, રિન્યુએબલ એનર્જી (૧૬.૨૨ MW સોલર/વિન્ડ)ના ઉપયોગથી મેન્યુફેક્ચરિંગ કોસ્ટ પર નિયંત્રણ રહેશે.

ટૂંકો ગાળો: મધ્યમ કે સીમિત લાભ થઈ શકે છે. આ લાભ અંદાજે ૫ ટકાથી ૧૨ ટકા સુધીનો થઈ શકે છે. કંપનીના શેરના હાલમાં ગ્રે માર્કેટમાં ૧૦ ટકા પ્રીમિયમ બોલાઈ રહ્યા છે. ઉપરાંત આઈપીઓનું વેલ્યુએશન (P/E ૬૦x) તેના પીઅર લિસ્ટિંગ મલ્ટિપલ્સ કરતાં સહેજ મોંઘું છે, જેથી લિસ્ટિંગના દિવસે ખૂબ મોટા ધમાકાની શક્યતા ઓછી છે.

મધ્યમ ગાળો (૬ થી ૧૨ મહિના): મધ્યમ ગાળામાં રેન્જ-બાઉન્ડ સુધારાત્મક ચાલ જોવા મળી શકે છે. દેવું ચૂકવ્યા પછી કંપનીના ક્વાર્ટરલી રિઝલ્ટ (Q3/Q4)માં વ્યાજ બોજ ઘટવાની અસર દેખાશે. પરિણામે માર્જિન સુધરતા શેર ધીમે ધીમે ઉપર તરફ જઈ શકે છે.

લાંબો ગાળો (૨ થી ૫ વર્ષ): લાંબા ગાળામાં કંપનીનો સારો અને મજબૂત ગ્રોથ જોવા મળી શકે છે. ભારતનું બિલ્ડિંગ મટીરિયલ સેક્ટર લાંબા ગાળે સકારાત્મક છે. કંપની પાસે વિશાળ વિતરણ નેટવર્ક, પોતાની ઉત્પાદન ક્ષમતા અને ઇટાલીની ટેક્નોલોજી છે, જેથી તે પ્રીમિયમ સેગમેન્ટમાં માર્કેટ શેર વધારી શકશે.

આઈપીઓમાં અરજી કરવી કે નહીં?

નાણાકીય વર્ષ ૨૦૨૬ માં કંપનીના વેરા પછીના ચોખ્ખા નફામાં ૭૯ ટકાનો મોટો ઉછાળો જોવા મળ્યો છે. નફો રૂ. ૩૦.૭૭ કરોડથી વધીને રૂ. ૫૫.૦૯ કરોડ થયો છે. આઈપીઓ ફંડથી દેવું ઓછું થવાથી ફાઇનાન્સ કોસ્ટ ઘટશે, જે કંપનીના ફંડામેન્ટલ્સને મજબૂત કરશે. પ્રીમિયમ કન્ટેન્ટ અને ભારતભરમાં ફેલાયેલું ૨,૭૫૦+ ડીલર નેટવર્ક બ્રાન્ડ સ્કેલેબિલિટી દર્શાવે છે.

અરજી કરવામાં જોખમ

કંપનીના તમામ ૮ પ્લાન્ટ્સ મોરબી (ગુજરાત)માં આવેલા છે. તેથી સ્થાનિક જોખમ રહેલું છે. બીજું, પબ્લિક ઇશ્યૂ આવ્યા પછીનો કંપનીનો પી.ઈ. રેશિયો ૬૦.૬૬x હોવાથી વેલ્યુએશન પૂરેપૂરું કવર કરી લેવામાં આવ્યું છે. જો તમે માત્ર લિસ્ટિંગ ગેઇન માટે અરજી કરી રહ્યા હોવ તો મધ્યમ વળતરની અપેક્ષા રાખવી જોઈએ. પરંતુ જો તમે એકથી ત્રણ વર્ષ માટે રોકાણ કરવાની ક્ષમતા ધરાવતા હોવ તો વરમોરા ગ્રેનિટોમાં અરજી કરવી હિતાવહ છે.

વરમોરા ગ્રેનિટો લિમિટેડ – ૩ વર્ષનું નાણાંકીય પર્ફોર્મન્સ

(રકમ ₹ કરોડમાં)

નાણાંકીય વિગત (Financial Metric)	૩૧ માર્ચ ૨૦૨૪ (FY24)	૩૧ માર્ચ ૨૦૨૫ (FY25)	૩૧ માર્ચ ૨૦૨૬ (FY26)
કુલ આવક (Total Income)	૧,૪૭૨.૫૮	૧,૪૯૨.૬૮	૧,૫૬૨.૫૩
કર પછીનો નફો (Profit After Tax – PAT)	૪૪.૯૪	૩૦.૭૭	૫૫.૦૯
EBITDA	૧૫૦.૩૩	૧૯૮.૨૯	૨૨૧.૫૬
કુલ સંપત્તિ (Total Assets)	૧,૪૭૬.૧૬	૧,૫૮૯.૮૦	૧,૫૦૯.૮૭
નેટ વર્થ (Net Worth)	૬૭૮.૫૯	૭૨૨.૯૦	૭૯૬.૮૮
અનામત અને સરપ્લસ (Reserves & Surplus)	૬૩૦.૨૦	૬૯૧.૭૨	૭૬૫.૭૦
કુલ કરજ/ઋણ (Total Borrowings)	૪૧૨.૮૯	૫૦૫.૧૬	૩૫૭.૯૫

Share on Social Media

વરમોરા ગ્રેનિટો લિમિટેડ આઈપીઓમાં અરજી કરવી કે નહિ

Most Popular