વીજ સંકટ આવી શકેઃ ગુજરાત સરકારે ટાટા પાવર સાથેના વીજ સપ્લાયના કરાર રિન્યુ કરી પૂર્ણક્ષમતાએ વીજઉત્પાદ ચાલુ કરવા આદેશ આપ્યો
- ગુજરાતમાં આવેલ 4 ગીગાવોટ ક્ષમતા ધરાવતા આયાતી કોલસા આધારિત પ્લાન્ટને પહેલી એપ્રિલથી 30 જૂન સુધી સંપૂર્ણ ક્ષમતાથી ચલાવવા આદેશ આપ્યો છે.
ગુજરાત સરકારે ટાટા પાવર સાથેના વીજ ઉત્પાદન અને પુરવઠા માટેના કરાર રિન્યુ કરીને તેના ગુજરાતના પ્લાન્ટમાં પૂર્ણ ક્ષમતાએ વીજળીનું ઉત્પાદન કરવાની સૂચના આપી છે. આ નિર્ણય ત્યારે લેવામાં આવ્યો છે જ્યારે દેશની પીક વીજ માંગ લગભગ 270 ગીગાવોટ સુધી પહોંચવાની શક્યતા છે. ગયા વર્ષની સરખામણીએ વીજ ડિમાન્ડ ઘણી જ વધારે છે.
ગુજરાતમાં આવેલ ટાટા પાવરનો પ્લાન્ટ અત્યાર સુધી ઊંચા કોલસાના ખર્ચ અને વીજ ખરીદી કરારના અભાવને કારણે મોટા ભાગે બંધ રહ્યો હતો, હવે રાજ્ય સરકારે મંજૂર કરેલા સુધારેલા કરાર પછી ફરી વીજ પુરવઠો શરૂ કરશે.
ગુજરાત સરકાર અન્ય પ્લાન્ટ્સ માટે પણ આવા જ આદેશો આપી શકે છે અને વીજ ઉત્પાદન માટે બેન્ચમાર્ક દર નક્કી કરવા માટે એક સમિતિ પણ બનાવવામાં આવી છે.
ભારતે ગુજરાતમાં આવેલ 4 ગીગાવોટ ક્ષમતા ધરાવતા આયાતી કોલસા આધારિત પ્લાન્ટને પહેલી એપ્રિલથી 30 જૂન સુધી સંપૂર્ણ ક્ષમતાથી ચલાવવા આદેશ આપ્યો છે. આ નિર્ણય ઉનાળામાં વધતી વીજ માંગને ધ્યાનમાં રાખીને લેવામાં આવ્યો છે.
ટાટા પાવર સાથેના કરાર પાછળનો મૂળ હેતુ
- પૂરતી વીજળી ઉપલબ્ધ રહે તે માટે આયાતી કોલસા આધારિત પ્લાન્ટ્સનું ઉત્પાદન વધારવું જરૂરી છે.
- જરૂર પડે તો એપ્રિલથી જૂન દરમિયાન અન્ય પ્લાન્ટ્સને પણ પૂર્ણ ક્ષમતાથી ચલાવવાનો આદેશ આપી શકાય છે.
- આગામી મહિનાઓમાં દેશની પીક વીજ માંગ લગભગ 270 ગીગાવોટ સુધી પહોંચી શકે છે, જે 2025–26માં આશરે 242 ગીગાવોટ હતી.
- વીજ તંગી ટાળવા માટે આયાતી કોલસા આધારિત પ્લાન્ટ્સમાંથી ઉત્પાદન વધારવાનો પ્રયાસ થઈ રહ્યો છે.
- ગુજરાત સરકારે ટાટા પાવર સાથે સુધારેલા વીજ ખરીદી કરારને મંજૂરી આપી છે, જેના કારણે પ્લાન્ટ ફરી લાંબા ગાળાનો વીજ પુરવઠો શરૂ કરી શકશે.
- ઊંચા આયાતી કોલસાના ખર્ચ અને કરારના અભાવે પ્લાન્ટ છેલ્લા 6 મહિનાથી મોટા ભાગે બંધ રહ્યો હતો.
- સરકારે નિમેલી સમિતિ આ પ્લાન્ટમાંથી સપ્લાય થતી વીજળીના બેન્ચમાર્ક દર નક્કી કરશે.
