મધ્યમથી લાંબા ગાળા માટે રોકાણ કરવા માટેના ચાર સ્મોલ-કેપ સ્ટોક્સ, ફાયદો થઈ શકે

મધ્યમથી લાંબા ગાળા માટે રોકાણ કરવા માટેના ચાર સ્મોલ-કેપ સ્ટોક્સ

ચાર સ્મોલ-કેપ સ્ટોક્સ જે ચાર્ટ પર સારા દેખાઈ રહ્યા છે અને ટેકનિકલ એનાલિસિસના આધારે તેનું પરફોર્મન્સ કેવું રહી શકે

છેલ્લા કેટલાક મહિનાઓથી સ્મોલકેપ ઈન્ડેક્સ ઘણો સારો દેખાવ કરી રહ્યો છે. વાસ્તવમાં, નિફ્ટી સ્મોલકેપ 250 ઈન્ડેક્સે અત્યાર સુધી બેન્ચમાર્ક ઈન્ડેક્સ નિફ્ટી 50 કરતાં ચડિયાતો દેખાવ કર્યો છે. અમને નિફ્ટી સ્મોલકેપ 250 (18,496) ઈન્ડેક્સમાં અહીંથી 24,000-24,500 તરફ તેજી વધારવાની સંભાવના દેખાય છે. તેથી, સ્મોલ-કેપ સ્ટોક્સમાં રોકાણ કરવા માટે આ એક સારો સમય હોઈ શકે છે. નિફ્ટી સ્મોલકેપ 250 ઈન્ડેક્સમાંથી ચાર સ્ટોક્સ પસંદ કર્યા છે જે લાંબા ગાળાના દ્રષ્ટિકોણથી ચાર્ટ પર સારા દેખાઈ રહ્યા છે. તમામ શેરના કિસ્સાઓમાં સ્ટોપ-લોસનું ચુસ્પાત લન કરવું આવશ્યક છે.

સેન્ટ્રલ ડિપોઝિટરી સર્વિસીસ (ઇન્ડિયા) અથવા CDSL (રૂ. 1,415)

માસિક ચાર્ટ પર છેલ્લા બે વર્ષની પ્રાઇસ એક્શન ત્રિકોણ (ટ્રાયંગલ) પેટર્ન બનાવવાનો સંકેત આપે છે. આ પેટર્નનો રેઝિસ્ટન્સ રૂ. 1,460 ની આસપાસ આવી રહ્યો છે. બીજો ઉચ્ચ રેઝિસ્ટન્સ રૂ. 1,580-રૂ.1,600 ના ઝોનમાં છે. આશા રાખીએ છીએ કે આ સ્ટોક આદર્શ રીતે રૂ. 1,600 ને પાર કરશે અને આગામી બે વર્ષમાં રૂ. 2,800 સુધી વધશે. જો રૂ. 1,460 પરનો રેઝિસ્ટન્સ અત્યાર માટે ઉપલી તરફની ગતિને મર્યાદિત કરે છે, તો એક કે બે મહિનામાં રૂ. 1,200-રૂ. 1,150 સુધીનો મધ્યવર્તી ઘટાડો શક્ય છે. રૂ. 1,100 અને રૂ. 1,000 વચ્ચેનો વિસ્તાર મજબૂત સપોર્ટ ઝોન છે. બુલિશ આઉટલુક માત્ર ત્યારે જ ખોટો પડશે જો સ્ટોક રૂ. 1,000ની નીચે જાય. જો એવું થાય, તો કિંમત રૂ. 800 સુધી ગબડવાનું જોખમ રહેલું છે.

સ્ટ્રેટેજી CDSL ના શેર અત્યારે રૂ. 1,415 પર ખરીદો. ઘટાડે રૂ.1,320 પર વધુ ખરીદી કરી શકાય છે.  શરૂઆતમાં સ્ટોપ-લોસ રૂ. 980 પર રાખો. જ્યારે કિંમત વધીને રૂ. 1,920 થાય ત્યારે સ્ટોપ-લોસ ટ્રાયલ કરીને ઉપર રૂ. 1,680 પર કરો. જ્યારે કિંમત અનુક્રમે રૂ. 2,480 અને ₹2,640 ને સ્પર્શે ત્યારે સ્ટોપ-લોસ સંશોધિત કરીને ઉપર રૂ. 2,130 અને રૂ. 2,420 કરો. રૂ. 2,780 પર સ્ટોકમાંથી એક્ઝિટ કરી જવામાં જ રોકાણકાર અને ટ્રેડરનું હિત રહેલું છે.

CDSL (રૂ. 1,415) સપોર્ટ: રૂ. 1,150, રૂ. 1,000 રેઝિસ્ટન્સ: રૂ. 1,460, રૂ. 1,600 સ્ટોપ-લોસ:રૂ.980 ટાર્ગેટ: રૂ. 2,780

ગ્રેવિટા ઇન્ડિયા (રૂ. 1,826)

એપ્રિલમાં બનેલી રૂ. 1,266.90 ની નીચી સપાટીથી તાજેતરનો બાઉન્સ લાંબા ગાળાની ટ્રેન્ડલાઇન સપોર્ટ પરથી થઈ રહ્યો છે. વીકલી ચાર્ટ પર ઇન્વર્ટેડ હેડ એન્ડ શોલ્ડર્સ પેટર્ન બની રહી છે. નેકલાઇન રેઝિસ્ટન્સ રૂ. 1,870 ની ઉપર બ્રેકઆઉટ આ પેટર્નની પુષ્ટિ કરશે. તે ગ્રેવિટા ઇન્ડિયાના શેરની કિંમતને પેટર્ન ટાર્ગેટ રૂ. 2,450 સુધી વધારે લઈ જઈ શકે છે. ધારો કે, બે વર્ષ જેવા લાંબા સમયગાળામાં રૂ. 3,200 ને ટાર્ગેટ કરવાની ક્ષમતા છે. અત્યારે રૂ. 1,870 ને પાર કરવામાં નિષ્ફળતા રૂ. 1,550-રૂ. 1,500 સુધીના ઘટાડાને ઉત્તેજિત કરી શકે છે. મુખ્ય સપોર્ટ રૂ. 1,450, રૂ. 1,370 અને રૂ. 1,280 પર છે. બુલિશ વ્યુ માત્ર ત્યારે જ ખોટો પડશે જો કિંમત રૂ. 1,280ની નીચે જાય. જો એવું થાય, તો રૂ. 1,000 અને તેથી પણ નીચલા સ્તરો જોવા મળી શકે છે.

સ્ટ્રેટેજી ગ્રેવિટા ઇન્ડિયાના શેર અત્યારે રૂ. 1,826 પર અને ઘટાડે રૂ.1,740ની સપાટીએ વધુ લેણ કરી શકાય છે. શરૂઆતમાં સ્ટોપ-લોસ રૂ. 1,220 પર રાખો. જેવો સ્ટોક વધીને રૂ. 2,180 થાય કે તરત જ સ્ટોપ-લોસ ટ્રાયલ કરીને રૂ. 1,850 સુધી વધારી દો. જ્યારે કિંમત અનુક્રમે રૂ. 2,740 અને રૂ. 3,040 ને સ્પર્શે ત્યારે સ્ટોપ-લોસ વધારીને અનુક્રમે રૂ.2,320 અને રૂ. 2,880 કરો.રૂ. 3,160ની ભાવે સ્ટોકમાંથી એક્ઝિટ કરી લેવામાં જ લાભ છે.

ગ્રેવિટા ઇન્ડિયા (રૂ.1,826) સપોર્ટ: રૂ. 1,450, રૂ.1,280 રેઝિસ્ટન્સ: રૂ.1,870, રૂ.2,700 સ્ટોપ-લોસ: રૂ. 1,220 ટાર્ગેટ: રૂ. 3,160

BEML (રૂ. 1,985)

નવેમ્બર 2023 થી એક વિશાળ ટ્રાયંગલ પેટર્ન બની છે. તેની અંદર, નવેમ્બર 2025 થી મુવમેન્ટ ઇન્વર્ટેડ હેડ એન્ડ શોલ્ડર પેટર્ન દર્શાવે છે. આ બંને પરિબળો આ સ્ટોક માટે બુલિશ કેસને મજબૂત બનાવે છે. રૂ. 2,100ની ઉપર મજબૂત બ્રેકઆઉટ ટ્રાયંગલ તેમજ ઇન્વર્ટેડ હેડ એન્ડ શોલ્ડર બંને પેટર્નની પુષ્ટિ કરશે. આગામી બે વર્ષમાં શરૂઆતમાં રૂ. 2,750 અને ત્યારબાદ આખરે રૂ. 3,750 સુધી નવી તેજીને ઉત્તેજિત કરશે. મુખ્ય સપોર્ટ રૂ. 1,450-રૂ.1,400ના ઝોનમાં છે. જો કિંમત રૂ. 1,400 ની નીચે જશે તો આ બુલિશ વ્યુ ખોટો પડશે. તે સ્થિતિમાં, શેરની કિંમત રૂ. 1,100 સુધી ઘટી શકે છે.

સ્ટ્રેટેજી લાંબા ગાળાના રોકાણકારો BEML ના શેર અત્યારે રૂ. 1,985 પર ખરીદી શકે છે. રૂ. 1,760 પર ઘટાડે ઉમેરો. શરૂઆતમાં સ્ટોપ-લોસ રૂ. 1,310 પર રાખો. જેવો સ્ટોક વધીને રૂ. 2,410 થાય કે તરત જ સ્ટોપ-લોસ ટ્રાયલ કરીને રૂ. 2,180 સુધી ઉપર કરો. જ્યારે કિંમત અનુક્રમે રૂ. 2,730, રૂ.3,050 અને રૂ. 3,320 ને સ્પર્શે ત્યારે સ્ટોપ-લોસ સંશોધિત કરીને અનુક્રમે રૂ. 2,580, રૂ. 2,880 અને રૂ. 3,100 કરો. રૂ. 3,480 પર સ્ટોક વેચીને નીકળી જવામાં જ લાભ છે.

BEML (₹1,985) સપોર્ટ: રૂ. 1,560, રૂ. 1,400 રેઝિસ્ટન્સ: રૂ. 2,100, રૂ. 2,750 સ્ટોપ-લોસ: રૂ. 1,310 ટાર્ગેટ: રૂ. 3,480

એલ્ગી ઇક્વિપમેન્ટ્સ (₹629)

જાન્યુઆરી 2025 થી પ્રાઇસ એક્શન માસિક ચાર્ટ પર ડબલ બોટમ ફોર્મેશન દર્શાવે છે. સ્ટોકને રૂ. 430-રૂ. 400 ના ઝોનમાં મજબૂત સપોર્ટ મળ્યો છે. 50 ટકા ફિબોનાચી રિટ્રેસમેન્ટ સપોર્ટ લેવલ પણ આ ઝોનમાં સ્થિત છે. તે બોટમ ફોર્મેશન માટે મજબૂત કેસ બનાવે છે. શોર્ટ-ટર્મ રેઝિસ્ટન્સ રૂ. 690-700ના ઝોનમાં છે. રૂ. 700ની ઉપર મજબૂત વધારો સ્ટોકને પહેલા રૂ.800₹820 સુધી ઉપર લઈ જઈ શકશે. એક વર્ષના સમયગાળાના હિસાબે, સ્ટોકમાં રૂ. 1,100-રૂ.1,200ને ટાર્ગેટ કરવાની ક્ષમતા છે. તાત્કાલિક સપોર્ટ રૂ. 550-રૂ.500 ના વિસ્તારમાં છે. તેની નીચે રૂ. 460 અને પછી રૂ. 400 નીચલા સપોર્ટ છે. રૂ. 400 ની નીચેનો ઘટાડો બુલિશ વ્યુને નકારી દેશે અને કિંમતને રૂ. 350 અને તેનાથી નીચે ખેંચી જશે.

સ્ટ્રેટેજી એલ્ગી ઇક્વિપમેન્ટ્સના શેર અત્યારે રૂ. 629 પર ખરીદો.  ઘટીને રૂ. 540 પર આવે ત્યારે વધુ લેણ કરી શકાય. શરૂઆતમાં સ્ટોપ-લોસ રૂ. 370 પર રાખો. જેવો સ્ટોક વધીને રૂ. 780 થાય કે તરત જ સ્ટોપ-લોસ ટ્રાયલ કરીને રૂ. 680 સુધી કરો. જ્યારે કિંમત અનુક્રમે રૂ. 970 અને રૂ. 1,110 ને સ્પર્શે ત્યારે સ્ટોપ-લોસ સંશોધિત કરીને ઉપર રૂ. 860 અને રૂ. 1,020 કરો. રૂ. 1,180 પર સ્ટોકમાંથી બહાર નીકળો.

એલ્ગી ઇક્વિપમેન્ટ્સ (રૂ.629) સપોર્ટ: રૂ.500, રૂ. 400 રેઝિસ્ટન્સ: રૂ. 700, 820 સ્ટોપ-લોસ: રૂ. 370 ટાર્ગેટ: રૂ. 1,180