સોમવારથી આ શેર્સમાં થોડી વધઘટ જોવા મળે, નજરમાં રાખજો
સોમવારથી આ શેર્સમાં થોડી વધઘટ જોવા મળે, નજરમાં રાખજો
જિંદાલ સો, એસબીઆઈ લાઈફ ઈન્સ્યોરન્સ કંપની અને યુનિયન બેંક ઓફ ઈન્ડિયાના શેર્સ અંગે ચાર્ટ્સ શું કહે છે
જિંદાલ સો (રૂ. ૨૯૧.૫૫)ઃ નવો બ્રેકઆઉટ જોવા મળ્યો
જિંદાલ સોના શેરમાં ગયા સપ્તાહે આશરે ૧૦ ટકાનો ઉછાળો આવ્યો હતો. પરિણામે, તે રૂ. ૨૮૦ ના રેસિસ્ટન્સને તોડીને બહાર આવ્યો હતો અને શુક્રવારે રૂ. ૨૯૮.૩૫ની નવી ૫૨ સપ્તાહની હાઈ સપાટીને સ્પર્શ્યો હતો. આ બ્રેકઆઉટના કારણે અપટ્રેન્ડ વધુ મજબૂત બન્યો છે, અને આગળ વધુ વધારાની શક્યતા ખૂબ ઊંચી જણાય છે. આગળ જતાં, શેરનો ભાવ ઘટીને રૂ. ૨૭૦-૨૮૦ ની પ્રાઈસ બેન્ડ સુધી આવી શકે છે અને ત્યાર બાદ રૂ. ૩૩૦ તરફ ઉછાળો જોઈ શકે છે. આ સપાટી પર,કન્સોલિડેશન અથવા નાના કરેક્શનની શક્યતા છે. આ પછી, શેર રૂ. ૪૦૦ સુધી રેલી કરે તેવી અપેક્ષા છે. તેથી, અત્યારે રૂ. ૨૯૧ પર ખરીદો અને ઘટાડે રૂ. ૨૮૦ પર વધારાની ખરીદી કરો. રૂ. ૨૫૦ પર સ્ટોપ-લોસ રાખો. રૂ. ૩૩૦ અને રૂ. ૩૮૦ તરફની રેલી પર, સ્ટોપ-લોસ વધારીને અનુક્રમે રૂ. ૩૦૦ અને રૂ. ૩૬૦ કરો. રૂ. ૪૦૦ ની સપાટી પર એક્ઝિટ કરો. નફો બુક કરી લો. .
એસબીઆઈ લાઈફ ઈન્સ્યોરન્સ કંપની (₹૧,૭૯૫)ઃ ટૂંક સમયમાં બાઉન્સબેક થવાની શક્યતા
એપ્રિલ મહિનાથી, એસબીઆઈ લાઈફ ઈન્સ્યોરન્સ કંપનીનો શેર રૂ. ૧,૭૩૫ થી રૂ. ૧,૯૨૫ ની વિશાળ રેન્જમાં અથડાઈ રહ્યો છે. ચાર્ટ દર્શાવે છે કે રૂ. ૧,૭૦૦ થી રૂ. ૧,૭૫૦ ની પ્રાઈસ બેન્ડ એક મજબૂત સપોર્ટ ઝોન છે અને જ્યાં સુધી આ સપાટી જળવાઈ રહેશે, ત્યાં સુધી બ્રોડર અપટ્રેન્ડ પોઝિટિવ રહેશે. અમે અપેક્ષા રાખીએ છીએ કે શેર ટૂંક સમયમાં ગતિ પકડશે અને રેલીનો નવો તબક્કો સ્થાપિત કરશે. જ્યારે રૂ. ૧,૯૧૫ પર એક રેસિસ્ટન્સ છે, ત્યારે આ શેર આ સપાટીને પાર કરીને મધ્યમ ગાળામાં રૂ. ૨,૦૫૦ સુધી જઈ શકે છે. ટ્રેડર્સ અત્યારે રૂ.૧,૭૯૫ પર ખરીદી કરી શકે છે અને રૂ. ૧,૭૪૦ પર વધારાની ખરીદી કરી શકે છે. શરૂઆતી સ્ટોપ-લોસ રૂ. ૧,૬૮૦ પર રાખો. જ્યારે શેર વધીને રૂ. ૧,૯૫૦ અને રૂ. ૨,૦૦૦ પર પહોંચે, ત્યારે સ્ટોપ-લોસ મજબૂત કરીને અનુક્રમે રૂ. ૧,૮૮૦ અને રૂ. ૧,૯૬૦ કરો. રૂ. ૨,૦૫૦ ની સપાટી પર એક્ઝિટ કરો.
યુનિયન બેંક ઓફ ઈન્ડિયા (₹૧૮૩)ઃ આઉટલુક પોઝિટિવ છે
યુનિયન બેંક ઓફ ઈન્ડિયાનો શેર જૂલાઈની શરૂઆતમાં રૂ. ૧૫૪ પર સપોર્ટ મેળવ્યા બાદથી રેલી કરી રહ્યો છે. આ મહિનાના પ્રથમ સપ્તાહમાં, તેણે રૂ. ૧૭૮ ની મહત્ત્વની સપાટી પાર કરી હતી, જેણે ટ્રેન્ડને બુલિશ બનાવ્યો હતો. શેર હાલની રૂ. ૧૮૩ ની સપાટીથી અથવા રૂ. ૧૭૮ સુધી નરમ પડ્યા પછી વધવાની શક્યતા છે. ઉપલા સ્તરે, શેરમાં રૂ. ૨૨૦ સુધી જવાની ક્ષમતા છે. તેમ છતાં, રૂ. ૨૦૦ પર પહોંચ્યા પછી, શેર આખરે રૂ.૨૨૦ સુધી જાય તે પહેલાં અપટ્રેન્ડમાં થોડો વિરામ જોવા મળી શકે છે. અત્યારે રૂ. ૧૮૩ પર ખરીદો અને રૂ. ૧૭૮ પર વધારાની ખરીદી કરો. શરૂઆતી સ્ટોપ-લોસ રૂ. ૧૭૦ પર રાખો. જ્યારે શેર રૂ. ૧૯૫ અને રૂ. ૨૧૦ પર પહોંચે, ત્યારે સ્ટોપ-લોસ સુધારીને અનુક્રમે રૂ. ૧૮૫ અને રૂ. ૨૦૦ કરો. રૂ. ૨૨૦ ની સપાટી પર નફો બુક કરી શકાય છે.
