અમદાવાદ એરપોર્ટ પરથી રૂ. 84 લાખનું સોનું પકડાયું
મદાવાદ કસ્ટમ્સના એર ઇન્ટેલિજન્સ યુનિટ દ્વારા અમદાવાદના સરદાર વલ્લભભાઈ પટેલ ઈન્ટરનેશનલ એરપોર્ટ પરથી સોનાની દાણચોરી કરતાં પેસેન્જરને પકડી પાડી છે. શારજાહથી આવેલી એક મહિલા પેસેન્જર પાસેથી રૂ. ૮૩.૧૪ લાખથી વધુની કિંમતનું ૨૪ કેરેટનું સોનું જપ્ત કરીને તેની ધરપકડ કરવામાં આવી છે.
મળતી વિગતો અનુસાર, કસ્ટમ્સ વિભાગના અધિકારીઓને પેસેન્જર પ્રોફાઈલિંગના આધારે ચોક્કસ શંકા ગઈ હતી. તા. ૨૩ ઓગસ્ટ, ૨૦૨૬ના રોજ શારજાહથી એર અરેબિયાની ફ્લાઈટ નંબર G9-418 દ્વારા અમદાવાદ એરપોર્ટ પર આવી પહોંચેલી એક મહિલા પેસેન્જરને અટકાવીને તેની સઘન પૂછપરછ અને તપાસ હાથ ધરવામાં આવી હતી.
તપાસ દરમિયાન મહિલાએ પોતાના હાઈ-નેક સ્વેટરની અંદર ચાલાકીપૂર્વક છુપાવેલી ૨૪ કેરેટ શુદ્ધતા ધરાવતી ૪૯૯.૫૪૦ ગ્રામ વજનની સોનાની ચેઈન મળી આવી હતી. કસ્ટમ્સ અધિકારીઓએ રૂ. ૮૩,૧૪,૮૪૩/- ની આંતરરાષ્ટ્રીય બજાર કિંમત ધરાવતી આ સોનાની ચેઈન ‘કસ્ટમ્સ એક્ટ, ૧૯૬૨’ ની વિવિધ જોગવાઈઓ હેઠળ જપ્ત કરી લીધી છે.
ગેરકાયદેસર રીતે ભારતમાં સોનું ઘૂસાડવાનો પ્રયાસ કરવા બદલ સંબંધિત કાયદાકીય જોગવાઈઓ હેઠળ મહિલા પેસેન્જરની સ્થળ પર જ ધરપકડ કરીને આગળની કાનૂની કાર્યવાહી હાથ ધરવામાં આવી છે.
