વીમા પોલીસી પર લોન પૈસાની જરૂરિયાત સંતોષવા સાથે લાંબા ગાળાનું જીવન વીમા રક્ષણ પણ યથાવત રાખે છે

વીમા પોલીસી ધારક  સામાન્ય રીતે પોલિસીધારકો સરેન્ડર વેલ્યૂના 80થી 90 ટકા સુધી લોન મેળવી શકે છે. ગેરન્ટીની જરૂર નથી 

પહેલાં પોલિસી સરેન્ડર કરવાથી તેમાં જમા થયેલી કિંમતમાં ઘટાડો થાય છે અને લાંબા ગાળાની નાણાકીય સુરક્ષા પણ નબળી પડે છે.

પાકતી મુદત પહેલાં પોલિસી સરેન્ડર કરવાથી તેમાં જમા થયેલી કિંમતમાં ઘટાડો થાય છે અને લાંબા ગાળાની નાણાકીય સુરક્ષા પણ નબળી પડે છે.

પોલિસીધારકો જીવન વીમાનું કવચ યથાવત રાખીને પોલિસીની સરેન્ડર વેલ્યૂ સામે ભંડોળ મેળવી શકે છે, જેથી તેમના લાંબા ગાળાના નાણાકીય લક્ષ્યો સુરક્ષિત રહે છે

વીમા પોલિસી સામેની લોન પોલિસીધારકને ટૂંકા ગાળાની નાણાકીય જરૂરિયાત માટે ભંડોળ ઉપલબ્ધ કરાવે છે, સાથે સાથે લાંબા ગાળાનું જીવન વીમા રક્ષણ પણ યથાવત રાખે છે. જીવન વીમાની વિવિધ પ્રોડક્ટ્સ વ્યક્તિની લાંબા ગાળાની નાણાકીય જરૂરિયાતોને પૂર્ણ કરવા માટે બનાવવામાં આવે છે. પરંતુ કેટલીક નાણાકીય જરૂરિયાતો અચાનક ઊભી થાય છે. જેમ કે તબીબી કટોકટી, બાળકોના શિક્ષણનો ખર્ચ અથવા થોડા સમય માટે રોકડ પ્રવાહમાં ઊભી થયેલી ખાધ. આવી પરિસ્થિતિમાં સમયસર તરલ ભંડોળ મળવું અત્યંત જરૂરી બની જાય છે. ઘણા લોકો આવી અણધારી જરૂરિયાતો પૂરી કરવા માટે પોતાની જીવન વીમા પોલિસી સરેન્ડર કરી દે છે. પરંતુ સમય પહેલાં પોલિસી સરેન્ડર કરવાથી તેમાં જમા થયેલી કિંમતમાં ઘટાડો થાય છે અને લાંબા ગાળાની નાણાકીય સુરક્ષા પણ નબળી પડે છે.

પસંદગીની કેટલીક જીવન વીમા પોલિસીઓમાં ઉપલબ્ધ વીમા પોલિસી સામેની લોન આ ખામી દૂર કરે છે. તે પોલિસી ચાલુ રાખીને ટૂંકા ગાળાની નાણાકીય જરૂરિયાત માટે ભંડોળ ઉપલબ્ધ કરાવે છે અને સાથે જ પોલિસીના લાંબા ગાળાના લાભો પણ જાળવી રાખે છે.

નવા યુગના ગ્રાહકોની અપેક્ષાઓ

આજના ગ્રાહકો ઝડપી, પારદર્શક અને સરળ ડિજિટલ સેવાઓની અપેક્ષા રાખે છે. વીમા પોલીસી સામે લોનની સુવિધાઓ પણ હવે આ અપેક્ષાઓને અનુરૂપ બની રહી છે. તેમાં પેપરલેસ લોન અરજી, દસ્તાવેજોની ડિજિટલ રજૂઆત, ઝડપી પાત્રતા ચકાસણી, ઝડપથી લોનનું વિતરણ અને ઓનલાઈન પારદર્શક ટ્રેકિંગ જેવી સુવિધાઓનો સમાવેશ થાય છે. ટેકનોલોજીને નાણાકીય સુગમતા સાથે જોડીને અનેક અગ્રણી જીવન વીમા કંપનીઓ LAIPને સરળ અને સહેલાઈથી ઉપલબ્ધ તરલ ભંડોળના વિકલ્પ તરીકે રજૂ કરી રહી છે. વીમા કંપની પાસે પોલિસીની વિગતો પહેલેથી જ ઉપલબ્ધ હોવાથી ઓછા દસ્તાવેજો સાથે ઝડપથી લોન મળી શકે છે.

વીમા પોલીસી સામે લોનની સુવિધાને લગતી જોગવાઈ હેઠળ પોલિસીધારક પોતાની પોલિસીની સરેન્ડર વેલ્યૂ સામે લોન મેળવી શકે છે અને તેમનું જીવન વીમા કવર યથાવત રહે છે. સુરક્ષિત લોન હોવાથી સામાન્ય રીતે તે અસુરક્ષિત લોનની સરખામણીએ ઓછી ખર્ચાળ હોય છે.

વીમા પોલીસી સામે લોન અને પર્સનલ લોન વચ્ચેનો તફાવત

તરલ ભંડોળની જરૂરિયાત વખતે ઘણા પોલિસીધારકો વીમા પોલીસી સામે લોન અને પર્સનલ લોનની સરખામણી કરે છે. બંનેમાંથી ભંડોળ મળે છે, પરંતુ તેમની રચના અને ગ્રાહકનો અનુભવ અલગ હોય છે. તેની વચ્ચેના મુખ્ય તફાવતો આ મુજબ છે. એક, વીમા પોલીસી સામેની લોન માટે સામાન્ય રીતે વ્યક્તિની ક્રેડિટ ચકાસણી કે CIBIL-ક્રેડિટ સ્કોરની જરૂર પડતી નથી, કારણ કે પોલિસી પોતે જ લોન માટે સુરક્ષા-ગેરન્ટી તરીકે કામ કરે છે. વીમા પોલીસી પર લેવામાં આવતી લોન પરના વ્યાજદર સામાન્ય રીતે પર્સનલ લોન કરતાં સ્પર્ધાત્મક હોય છે. ઉપરાંત પર્સનલ લોનમાં લાગતા પ્રોસેસિંગ ફી અને અન્ય ચાર્જિસ સામાન્ય રીતે વીમા પોલીસી સામે લેવામાં આવતી લોનના કિસ્સાઓમાં લાગુ પડતા નથી. તેમ જ અલગથી મિલકત અથવા અન્ય કોલેટરલ આપવાની જરૂર રહેતી નથી.

પોલિસી પોતે જ કોલેટરલ-ગેરન્ટી બને છે. મોટા ભાગની અગ્રણી જીવન વીમા કંપનીઓએ LAIP પ્રક્રિયાને ડિજિટલ બનાવી દીધી છે, જેના કારણે ઓછા દસ્તાવેજો સાથે ઓનલાઈન લોન મેળવી શકાય છે. લોનની ચુકવણીની શરતો સામાન્ય રીતે વધુ લવચીક હોય છે. જેમ જેમ લોનની ચુકવણી થાય છે તેમ લોનની પાત્રતા ફરી ઉપલબ્ધ થાય છે અને નવીનીકરણ પ્રીમિયમ ભરાતા પોલિસીની કેશ વેલ્યૂ વધતાં લોનની મર્યાદા પણ વધી શકે છે. તેમ છતાં વીમા પોલીસી સામેની લોનને સામાન્ય બેન્ક લોન તરીકે જોવી યોગ્ય નથી. તે જીવન વીમા પોલિસી સાથે જોડાયેલી એક વિશેષ સુવિધા અથવા લાભ છે. તેમાં સામાન્ય EMIનું દબાણ અથવા છુપાયેલા ચાર્જિસની ચિંતા ઓછી રહે છે. કારણ કે લોન પોલિસીની કિંમત સામે આપવામાં આવે છે, તેથી સામાન્ય રીતે અલગ નાણાકીય મૂલ્યાંકનની જરૂર પડતી નથી.

લાંબા ગાળાના નાણાકીય લક્ષ્યોને સુરક્ષિત રાખે છે

જીવન વીમા નિવૃત્તિ આયોજન, બાળકોનું શિક્ષણ, સંપત્તિ નિર્માણ અને પરિવારની આવકનું રક્ષણ જેવા લાંબા ગાળાના લક્ષ્યો હાંસલ કરવામાં મદદરૂપ બને છે. પોલિસીને વચ્ચે જ બંધ કરી દેવાથી આ તમામ લક્ષ્યો પર અસર પડી શકે છે. નાણાકીય તંગી માત્ર આંકડાઓનો પ્રશ્ન નથી, તે માનસિક રીતે પણ વ્યક્તિ પર ભારે અસર કરે છે. પરિવારની જવાબદારીઓ, ભવિષ્યની સુરક્ષા અંગેની ચિંતા અને સમયસર ભંડોળ મળશે કે નહીં તેની અનિશ્ચિતતા વ્યક્તિને તણાવમાં મૂકી શકે છે. આવી સ્થિતિમાં જો જીવન વીમા પોલિસી સામે સરળતાથી લોન મળી શકે તેવો વિશ્વાસ હોય તો વ્યક્તિ વધુ આત્મવિશ્વાસ સાથે નાણાકીય પડકારોનો સામનો કરી શકે છે અને ઉતાવળમાં ખોટા નિર્ણયો લેવાનું ટાળી શકે છે.

કોને લાભ મળી શકે?

જે પરંપરાગત જીવન વીમા પોલિસીઓમાં સરેન્ડર વેલ્યૂ ઊભી થઈ ગઈ હોય તે સામાન્ય રીતે LAIP માટે પાત્ર હોય છે. આમાં મુખ્યત્વે બચત આધારિત અથવા એન્ડોમેન્ટ પ્રકારની પોલિસીઓનો સમાવેશ થાય છે, શુદ્ધ ટર્મ ઇન્શ્યોરન્સનો નહીં. ઘણા પોલિસીધારકો પાસે એવી પરંપરાગત બચત આધારિત પોલિસીઓ હોય છે, જેમાં બીજા કે ત્રીજા વર્ષથી સરેન્ડર વેલ્યૂ બનવા લાગે છે. તે જ LAIP માટેની પાત્રતાનો આધાર બને છે. સામાન્ય રીતે પોલિસીધારકો સરેન્ડર વેલ્યૂના 80થી 90 ટકા સુધી લોન મેળવી શકે છે.

સરેન્ડર વેલ્યૂ વધતી જાય અને નવીનીકરણ પ્રીમિયમ ભરાતાં રહે, તેમ લોનની મર્યાદા પણ વધે છે.

પોલિસીની અવધિ અને ભરેલા પ્રીમિયમના આધારે લોનની રકમ મધ્યમથી મોટી હોઈ શકે છે, જે ટૂંકા અને મધ્યમ ગાળાની નાણાકીય જરૂરિયાત માટે ઉપયોગી બને છે.

ભારતમાં આજે પણ પરંપરાગત જીવન વીમા પોલિસીઓ LAIP બજારનો મુખ્ય આધાર છે.

જોકે, બજારનું ચોક્કસ કદ નક્કી કરવું મુશ્કેલ છે, કારણ કે તે વિવિધ વીમા કંપનીઓના પ્રોડક્ટ્સ અને પોર્ટફોલિયો પર આધાર રાખે છે.

તેમ છતાં ગ્રાહકોમાં આ સુવિધા અંગે જાગૃતિ અને તેનો ઉપયોગ ધીમે ધીમે વધી રહ્યો હોવાનું જણાય છે.

વીમાની નવી વ્યાખ્યા

જેમ લોકોની નાણાકીય જીવનશૈલી બદલાઈ રહી છે, તેમ વીમા ક્ષેત્રે પણ બદલાવ આવવો જરૂરી છે.

નાણાકીય સુરક્ષાને હવે માત્ર ભવિષ્ય માટેનું વચન નહીં, પરંતુ વર્તમાન જરૂરિયાતોમાં પણ સહાયરૂપ બનવું જોઈએ.

LAIP આ વિચારધારામાં મહત્વપૂર્ણ પરિવર્તન દર્શાવે છે – સ્થિર નાણાકીય સુરક્ષાથી ગતિશીલ નાણાકીય સશક્તિકરણ તરફનું પરિવર્તન.

અંતે સાચો નાણાકીય આત્મવિશ્વાસ ત્યારે જ મળે છે, જ્યારે જીવન વીમા માત્ર ભવિષ્ય માટે જ નહીં, પરંતુ સૌથી વધુ જરૂર હોય ત્યારે પણ ઉપયોગી સાબિત થાય છે.