સોમવારથી શરૂ થતાં સપ્તાહમાં જુદાં જુદાં ઇન્ડેક્સની ચાલ કેવી રહી શકેઃ

ઘટાડામાં મજબૂત સપોર્ટ આપી શકે છે ટેકાની સપાટીઓઃ શેરબજારમાં ફરી તેજીનીચાલ જોવા મળે તેવી શક્યતા

ગત સપ્તાહે ભારતીય શેરબજારમાં તીવ્ર કડાકો જોવા મળ્યો હતો, જેમાં મુખ્ય બેન્ચમાર્ક ઇન્ડેક્સ – નિફ્ટી 50, સેન્સેક્સ અને નિફ્ટી બેન્ક ત્રણેયમાં 2 ટકાથી વધુનો ઘટાડો નોંધાયો હતો. આ અચાનક આવેલી વેચવાલીને કારણે રોકાણકારોમાં ભયનો માહોલ સર્જાયો છે. જોકે, ટેકનિકલ ચાર્ટનું ઊંડાણપૂર્વક વિશ્લેષણ કરતાં જણાય છે કે નિફ્ટી અને સેન્સેક્સ છેલ્લા કેટલાક સપ્તાહથી એક ચોક્કસ રેન્જ (સીમિત દાયરા)માં કારોબાર કરી રહ્યા છે. આ ત્રણેય મુખ્ય ઇન્ડેક્સ હાલમાં તેમના અત્યંત નિર્ણાયક સપોર્ટ લેવલની નજીક છે, જે બજારના વધુ ઘટાડાને અટકાવવામાં મદદરૂપ બનશે. વિદેશી પોર્ટફોલિયો રોકાણકારો-એફપીઆઈએ પણ છેલ્લા ત્રણ સપ્તાહની સતત વેચવાલી બાદ ગત સપ્તાહે $426 મિલિયન ડોલરની ચોખ્ખી ખરીદી કરીને સકારાત્મક સંકેત આપ્યા છે. જ્યાં સુધી ઇન્ડેક્સ પોતાના મજબૂત સપોર્ટ લેવલથી ઉપર ટકેલા રહે છે, ત્યાં સુધી બજારનો એકંદર પોઝિટિવ-તેજી તરફી ચાલ બતાવે તેવા નિર્દેશ મળી રહ્યા છે. 

નિફ્ટી 50 (Nifty 50 – 22,600)

• ટૂંકા ગાળાનો દ્રષ્ટિકોણ: નિફ્ટી માટે ઉપરના સ્તરે 23,200 ને પાર કરવું મુશ્કેલ બની રહ્યું છે, પરંતુ સાથે જ 22,300ની આસપાસ નીચલા સ્તરે મજબૂત ખરીદી જોવા મળી રહી છે. સપ્તાહના ચાર્ટ મુજબ નિફ્ટી 22,100 થી 23,200ની રેન્જમાં રમી રહ્યો છે. નજીકના સમય માટે 22,300-22,250 પ્રથમ સપોર્ટ છે, જ્યારે તે પછી 22,100 અને 21,800 મહત્વના સપોર્ટ છે. નિફ્ટી 22,100 ના સ્તરે સપોર્ટ જાળવી રાખશે તેવી ધારણા છે. આગળ જતાં જો નિફ્ટી 23,200 ની પ્રતિકાર સપાટી તોડશે તો તે 23,800 અને 24,000 સુધી વધી શકે છે. જો નિફ્ટી 21,800 નું સ્તર તોડીને નીચે બંધ આવે તો જ મંદીનો ભય ઊભો થશે અને 21,500 સુધીનો ઘટાડો થઈ શકે છે.

• મધ્યમ અને લાંબા ગાળાનો દ્રષ્ટિકોણઃ મધ્યમ ગાળા માટે 22,000થી 26,500 ની બ્રોડ રેન્જ યથાવત છે. 24,000 સુધીની સંભવિત રેલી નિફ્ટીને મધ્યમ ગાળામાં 26,500 સુધી લઈ જઈ શકે છે. લાંબા ગાળે નિફ્ટી 26,500 ને પાર કરીને 28,000 અને 30,000 ની ઊંચાઈ સર કરે તેવી પૂરી શક્યતા છે.

નિફ્ટી બેન્ક (Nifty Bank – 54,287.35)

• ટૂંકા ગાળાનો દ્રષ્ટિકોણ: નિફ્ટી બેન્કમાં 56,700 સુધીના ઉછાળાની અપેક્ષા સામે તીવ્ર ઘટાડો જોવા મળ્યો છે. હાલમાં 54,000-53,800 નો ઝોન ત્વરિત સપોર્ટ તરીકે કામ કરી રહ્યો છે. જો ઇન્ડેક્સ 53,800થી ઉપર ટકી રહેશે, તો આગામી સપ્તાહોમાં 57,000 સુધીનો સુધારો શક્ય છે. જો 53,800 ની સપાટી તૂટશે તો 53,000-52,800 અને ત્યારબાદ 52,000 અને 51,000 સુધીની ડાઉનસાઇડ ખુલ્લી થઈ શકે છે.

• મધ્યમ અને લાંબા ગાળાનો દ્રષ્ટિકોણ: નિફ્ટી બેન્ક માટે 51,000 એક નિર્ણાયક અને મજબૂત સપોર્ટ છે. જ્યાં સુધી ઇન્ડેક્સ 51,000થી ઉપર જળવાઈ રહેશે ત્યાં સુધી તે મધ્યમ ગાળામાં 60,000-61,000 અને લાંબા ગાળે 68,000-69,000ની લક્ષ્ય સપાટી તરફ આગળ વધી શકે છે. 51,000થી નીચે બંધ આવવા પર જ બુલિશ વ્યુ ખોટો સાબિત થશે.

3. સેન્સેક્સ (Sensex – 73,123.83)

• ટૂંકા ગાળાનો દ્રષ્ટિકોણ: છેલ્લા કેટલાક અઠવાડિયાથી સેન્સેક્સ 74,800 ના સ્તરે પ્રતિકારનો સામનો કરી રહ્યો છે. આગામી દિવસોમાં 71,500-71,300 સુધીનો ઘટાડો જોવા મળી શકે છે, જેના પછી સેન્સેક્સ ફરી બાઉન્સ બેક થઈને 73,000-74,000ના સ્તરે પહોંચવાની ધારણા છે. ટૂંકા ગાળામાં સેન્સેક્સ માટે 71,000 થી 75,000 ની રેન્જ બની શકે છે. 71,000થી નીચે ક્રોસ થયા પછી જ વધુ દબાણ આવી શકે છે.

• મધ્યમ અને લાંબા ગાળાનો દ્રષ્ટિકોણ: મધ્યમ ગાળા માટે 71,000 થી 86,000 ની રેન્જ અકબંધ છે. 71,300 થી બાઉન્સ બેક થઈ 75,000 પાર કર્યા પછી મધ્યમ ગાળામાં 86,000 સુધીનો રોડમેપ સ્પષ્ટ થશે. લાંબા ગાળે સેન્સેક્સ 86,000 નો આંકડો વટાવી 90,000 અને 94,000 સુધી પહોંચવાની ક્ષમતા ધરાવે છે. 69,800 નો મજબૂત સપોર્ટ તૂટ્યા વિના સેન્સેક્સમાં મોટી મંદી સંભવ નથી.

નિફ્ટી મિડકેપ 150 (Nifty Midcap 150 – 20,592.75)

ગત સપ્તાહે આવેલ 5 ટકાના કડાકા બાદ ઇન્ડેક્સ અપેક્ષિત 20,800 ના સ્તરથી નીચે આવી ગયો છે. હાલમાં 20,400 ની આસપાસ મહત્વનો સપોર્ટ છે. જો અહીંથી રિકવરી આવીને ઇન્ડેક્સ 21,000થી ઉપર નીકળે છે તો 22,000 સુધીનો રાહત ઉછાળો શક્ય બનશે. પરંતુ, 20,400 સપોર્ટ તૂટવા પર 19,000 સુધી જવાનું જોખમ રહેલું છે. લાંબા ગાળા માટે 19,000-18,800 એ ખૂબ જ મજબૂત સપોર્ટ ઝોન છે, તેથી આ સ્તરથી નીચે જવાની શક્યતા ઓછી છે. 19,000-18,800 નો આ ઘટાડો મિડકેપ ક્ષેત્રમાં લાંબા ગાળા માટે રોકાણ કરવાની એક ઉત્તમ તક બની શકે છે, જે બાદમાં 23,000-23,500 અને લાંબા ગાળે 26,000-28,000 ના ટાર્ગેટ દર્શાવે છે.

નિફ્ટી સ્મોલકેપ 250 (Nifty Smallcap 250 – 16,385.15)

ગત અઠવાડિયે 7 ટકાના મોટા કડાકાને કારણે સ્મોલકેપ ઇન્ડેક્સ 16,500 ના મહત્વના સપોર્ટથી નીચે સરકી ગયો છે. હવે 16,900 અને 17,300 પ્રતિકાર સપાટીઓ છે. જ્યાં સુધી ઇન્ડેક્સ 17,300ની નીચે રહેશે ત્યાં સુધી વલણ નકારાત્મક (Negative) રહેશે અને 15,100-15,000 તથા ખરાબ પરિસ્થિતિમાં 14,000 સુધી ઘટી શકે છે. જોકે, 15,000 ના ઝોનમાંથી જ ઇન્ડેક્સમાં બાઉન્સ બેક આવવાની સંભાવના વધારે છે, જે તેને ફરીથી 17,000 અને મધ્યમ ગાળે 18,500 સુધી લઈ જઈ શકે છે. 18,500 પાર થયા પછી લાંબા ગાળે 23,000 અને 24,500ના દરવાજા ખુલશે. 15,000 ની આસપાસનો ઘટાડો સ્મોલકેપ સેગમેન્ટમાં નવી ખરીદી માટે ઉત્તમ તક સાબિત થઈ શકે છે.