સેબીએ ઝી એન્ટરટેઈનમેન્ટના પુનીત ગોયન્કા અને સુભાષ ચંદ્રા પર એક વર્ષનો પ્રતિબંધ મૂક્યો; ₹1.48 કરોડનો દંડ ફટકાર્યો

સેબીએ ઝી એન્ટરટેઈનમેન્ટના પુનીત ગોયન્કા અને સુભાષ ચંદ્રા પર એક વર્ષનો પ્રતિબંધ મૂક્યો; ₹1.48 કરોડનો દંડ ફટકાર્યો

નિયમનકારે દંડ અને બજાર નિયંત્રણો લાદતી વખતે ગવર્નન્સની નિષ્ફળતાઓ, અપ્રગટ વ્યવહારો અને કંપનીની સંપત્તિના દુરુપયોગનો ઉલ્લેખ કર્યો

ઝી એન્ટરટેઈનમેેન્ટ લિમિટેડ-ZEELની જમીનનો ઉપયોગ જરૂરી મંજૂરીઓ અથવા ખુલાસાઓ વિના મુખ્ય શેરધારક સાથે સંકળાયેલી સંસ્થાઓ દ્વારા મેળવેલી લોન માટે ગીરવી (કોલેટરલ) મૂકવા બદલ સેબીએ ઝી એન્ટરટેઈનમેન્ટ લિમિટેડને સિક્યોરિટીએ એન્ડ એક્સચેન્જ બોર્ડ ઓફ ઇન્ડિયા-સેબીએ રૂ. 1.48 કરોડનો દંડ કરીને તેના પ્રમોટર પુનિત ગોયેન્કા અને સુભાષ ચંદ્રા સામે એક વર્ષ માટે શેરબજારમાં ડીલિંગ કરવા પર પ્રતિબંધ મૂક્યો છે.  કંપનીની એક સંપત્તિના ગાયબ થયેલા ટાઇટલ ડીડ્સથી શરૂ થયેલી નિયમનકારની તપાસમાં જાણવા મળ્યું તે પછી સેબીએ પ્રસ્તુત પગલું લીધું છે.

ભારતના માર્કેટ રેગ્યુલેટરે શુક્રવારે સિક્યોરિટીઝ કાયદાના ઉલ્લંઘન બદલ ઝી એન્ટરટેઈનમેન્ટ એન્ટરપ્રાઈઝીસ (ZEEL), ચીફ એક્ઝિક્યુટિવ પુનીત ગોયન્કા અને સ્થાપક-ચેરમેન એમિરિટસ સુભાષ ચંદ્રા પર કુલ ₹1.48 કરોડ ($155,168.80) નો દંડ ફટકાર્યો છે. સિક્યોરિટીઝ એન્ડ એક્સચેન્જ બોર્ડ ઓફ ઇન્ડિયા (SEBI) એ પણ ગોયન્કા અને ચંદ્રાને એક વર્ષ માટે જામીનગીરી બજાર (સિક્યોરિટીઝ માર્કેટ) માંથી બાર (પ્રતિબંધિત) કર્યા છે.

કંપનીની સંપત્તિના ગાયબ ટાઇટલ ડીડ્સ પરથી શરૂ થયેલી સેબીની તપાસમાં જાણવા મળ્યું છે કે યોગ્ય મંજૂરીઓ વિના મોટા શેરધારકો સાથે જોડાયેલી સંસ્થાઓ દ્વારા લેવાયેલી લોન માટે સુરક્ષા (સિક્યોરિટી) તરીકે ZEEL ની જમીનનો ઉપયોગ કરવામાં આવ્યો હતો.

સેબીએ શોધી કાઢ્યું કે ZEEL ની સંપત્તિનો ઉપયોગ સંબંધિત સંસ્થાઓના લાભ માટે કરવામાં આવ્યો હતો અને આ ગોઠવણ કંપનીના બોર્ડ, ઓડિટ સમિતિ, શેરધારકો અથવા રોકાણકારો સમક્ષ જાહેર કરવામાં આવી ન હતી.

ગોયન્કાને 58 લાખ રૂપિયા અને ચંદ્રાને 60 લાખ રૂપિયાનો દંડ ફટકારવામાં આવ્યો હતો.

ZEEL ને 30 લાખ રૂપિયાનો દંડ ફટકારવામાં આવ્યો હતો અને બે મહિના માટે જામીનગીરી બજારમાંથી પ્રતિબંધિત કરવામાં આવી હતી.

ZEEL ઝી ટીવી અને ઝી સિનેમા સહિતના ટેલિવિઝન ચેનલો અને ઓનલાઈન સ્ટ્રીમિંગ પ્લેટફોર્મ ઝી લિમિટેડનું સંચાલન કરે છે.

આ વર્ષની શરૂઆતમાં, ZEEL એ ભારતમાં 2026 ફિફા વર્લ્ડ કપ પ્રસારિત કરવાના અધિકારો પ્રાપ્ત કર્યા હતા.