મેટલ રિસાયક્લિંગ કંપનીઓના સ્ટોક્સ ગ્રેવિટા, પોન્ડી ઓક્સાઇડ્સ અને જૈન રિસોર્સ ટોપ પિક્સમાં સામેલ

ગ્રેવિટો ઇન્ડિયા, પોન્ડિ ઓક્સાઈડ્સ અને જૈન રિસોર્સમાં લેણ કરી શકાય

ભારતનું મેટલ રિસાયક્લિંગ ક્ષેત્ર એક મજબૂત અને સતત વધતા ગ્રોથ સ્ટોરી તરીકે ઉભરી રહ્યું છે. વધતી માંગ વચ્ચે ‘આશિકા ઇન્સ્ટિટ્યુશનલ ઇક્વિટીઝ’ એ ગ્રેવિટા ઇન્ડિયા, પોન્ડી ઓક્સાઇડ્સ અને જૈન રિસોર્સ રિસાયક્લિંગ ના શેર્સ ખરીદવાની સલાહ 

આશિકા ઇન્સ્ટિટ્યુશનલ ઇક્વિટીઝના જણાવ્યા અનુસાર ભારતમાં ધાતુનો ઉપયોગ ખાણકામથી વધીને હવે રિસાયક્લિંગ તરફ વધી રહ્યો છે. વપરાશમાં વધારો, કુદરતી સંસાધનોની મર્યાદા અને પર્યાવરણીય ટકાઉપણાની જરૂરિયાતોને કારણે સીસું, તાંબુ અને એલ્યુમિનિયમ જેવા મેટલ્સ માટે રિસાયકલ કરેલો માલ પુરવઠાનો એક મહત્વપૂર્ણ સ્ત્રોત બની રહ્યો છે. બ્રોકરેજ હાઉસે જણાવ્યું હતું કે ‘બેટરી વેસ્ટ મેનેજમેન્ટ રૂલ્સ’ અને ‘એક્સ્ટેન્ડેડ પ્રોડ્યુસર રિસ્પોન્સિબિલિટી’ જેવા નિયમોને કારણે અસંગઠિત ભંગાર પ્રોસેસિંગમાંથી સંગઠિત રિસાયક્લિંગ તરફ ઝડપથી પરિવર્તન આવી રહ્યું છે. આ નિયમોનું પાલન કરતી કંપનીઓ માટે લાંબા ગાળાના વિકાસની તકો ઊભી થઈ રહી છે.

ધાતુઓ અનુસાર તકોનું વર્ગીકરણ

• સીસું (Lead): બેટરી બદલવાના ચોક્કસ ચક્ર, દેશમાં સ્ક્રેપની ઉપલબ્ધતા અને સરકારી નિયમોના કારણે સીસાના ક્ષેત્રમાં કમાણીની સ્પષ્ટ સ્થિરતા જોવા મળે છે.

• તાંબુ (Copper): દેશમાં સ્થાનિક પુરવઠાની અછત, વીજળીકરણ (Electrification) ને કારણે વધતી માંગ અને અન્ય ધાતુઓની સરખામણીએ ટન દીઠ સૌથી વધુ કમાણી (EBITDA) ને કારણે કોપર લાંબા ગાળા માટે સૌથી મોટી તક પૂરી પાડે છે.

• એલ્યુમિનિયમ (Aluminium): સેકન્ડરી એલ્યુમિનિયમ ૯૫% ઊર્જાની બચત કરે છે. ઓછું કાર્બન છોડતા મટીરીયલના વધતા ઉપયોગને કારણે આ ક્ષેત્રમાં પણ મોટી તકો રહેલી છે.

બ્રોકરેજ દ્વારા સુઝાવવામાં આવેલા શેરો

૧. ગ્રેવિટા ઇન્ડિયા (Gravita India)

• ટાર્ગેટ પ્રાઇસ: રૂ. ૨,૨૬૦

• મૂલ્યાંકન: FY28E ની રૂ. ૭૦.૬ ની પ્રતિ શેર કમાણી (EPS) પર ૩૧.૯ ગણું.

• કારણ: ગ્રેવિટા પાસે ક્ષમતા વિસ્તાર, તાંબાના રિસાયક્લિંગમાં બેકવર્ડ ઇન્ટિગ્રેશન અને વેલ્યુ-એડેડ પ્રોડક્ટ્સનો મોટો હિસ્સો છે. તેમનું સ્ક્રેપ કલેક્શન નેટવર્ક ઘણું મજબૂત છે.

૨. પોન્ડી ઓક્સાઇડ્સ એન્ડ કેમિકલ્સ

• ટાર્ગેટ પ્રાઇસ: રૂ. ૭૩૦

• મૂલ્યાંકન: FY28E ની ₹૩૫ ની પ્રતિ શેર કમાણી (EPS) પર ૨૧ ગણું.

• કારણ: કંપની તેના મોટા લેડ (સીસા) ક્ષમતા વિસ્તારના મુદ્રીકરણ (Monetisation) તબક્કામાં પ્રવેશ કરી રહી છે. કોપર કૅથોડ્સ અને વેલ્યુ-એડેડ પ્રોડક્ટ્સને કારણે કંપનીના માર્જિનમાં વધારો થશે અને તાંબુ તેની કમાણીનો બીજો મોટો સ્ત્રોત બનશે.

૩. જૈન રિસોર્સ રિસાયક્લિંગ

• ટાર્ગેટ પ્રાઇસ: રૂ. ૪૦૦

• મૂલ્યાંકન: FY28E ની રૂ. ૧૪ ની પ્રતિ શેર કમાણી (EPS) પર ૨૭.૫ ગણું.

• કારણ: કોપર વેલ્યુ-એડેડ પ્રોડક્ટ્સના ઉત્પાદનમાં વધારો અને સીસાના રિસાયક્લિંગમાંથી સ્થિર કમાણી કંપનીને મજબૂત બનાવી રહી છે. C&Y સાથેના નવા જેવી (JV) અને કુવૈત આધારિત કંપની સાથેની ભાગીદારીથી કાચા માલની સપ્લાય વધુ મજબૂત બની છે.

ઉદ્યોગનો ટ્રેન્ડ અને જોખમો

હવે ઉદ્યોગ માત્ર ધાતુ મેળવવા પૂરતો મર્યાદિત નથી રહ્યો પરંતુ એલોય, કન્ડક્ટર, બસબાર અને સ્પેશિયાલિટી પ્રોડક્ટ્સ જેવી વધુ મૂલ્યવર્ધિત (Value-added) પ્રોડક્ટ્સ બનાવી રહ્યો છે.

મુખ્ય જોખમો:

1. અસંગઠિત ક્ષેત્રનું સંગઠિત ક્ષેત્રમાં ધીમું રૂપાંતર.

2. ભંગાર (Scrap) ની ઉપલબ્ધતા અને મેળવવામાં નડતી અડચણો.

3. વૈશ્વિક સ્તરે સ્ક્રેપની અવેજજવર પરના વેપાર નિયંત્રણો.