વાઘ બકરી ટી ગ્રૂપે લોન્ચ કર્યું નવું કેમ્પેઈન: ‘ઈત્તી સી વાઘ બકરી, ઈત્તી કડક સ્વાદ-ભરી’
વધુ ચા પત્તી નાખવાની ગ્રાહકોની આદતને બ્રાન્ડે આપી ચેલેન્જ; શ્રેષ્ઠ બ્લેન્ડ અને હાઈ-ક્વોલિટી પાંદડાં ને કારણે જ મળે છે અસલી કડક સ્વાદ
અમદાવાદ: દેશના અગ્રણી ચા ગ્રૂપ, વાઘ બકરી ટી ગ્રૂપ દ્વારા એક નવું ઈન્ટિગ્રેટેડ કેમ્પેઈન ‘ઈત્તી સી વાઘ બકરી, ઈત્તી કડક સ્વાદ-ભરી’ લોન્ચ કરવામાં આવ્યું છે. ભારતીય ઘરોમાં ચા બનાવવાની સામાન્ય આદતો અને ગ્રાહકોના ગહન અભ્યાસ પર આધારિત આ કેમ્પેઈન એક નવો જ દ્રષ્ટિકોણ રજૂ કરે છે.
ગ્રાહકોના સર્વેક્ષણ દરમિયાન એક રસપ્રદ બાબત સામે આવી હતી કે, ચા પીનારા લોકો કડક સ્વાદ મેળવવા માટે વધુ ચા પત્તી ઉમેરતા હોય છે. વળી ઘણા ગ્રાહકો માટે વધુ ચમચી ચા નાખવી અથવા તેને સતત ઉકાળવી એ એક સામાન્ય આદત બની ગઈ છે, જેથી તેઓ વધુ ગાઢ અને રિચ સ્વાદ મેળવી શકે. વાઘ બકરી ચા માટે આ સંશોધને વર્ષો જૂની એક માન્યતાને ચેલેન્જ કરવાની તક આપી છે, જે મુજબ એવું માનવામાં આવે છે કે ચાનો કડક સ્વાદ વધુ ચા પત્તી વાપરવાથી આવે છે, નહીં કે હાઈ-ક્વોલિટી પાંદડામાંથી તૈયાર કરાયેલા શ્રેષ્ઠ બ્લેન્ડથી. પોતાના ૧૩૦ વર્ષથી વધુના બહોળા અનુભવ અને કુશળતાના આધારે આ નવું ઈન્ટિગ્રેટેડ કેમ્પેઈન દ્વારા એક સરળ વાત પર ભાર મૂક્યો છે: ચાનો અસલી કડક સ્વાદ ઉચ્ચ ગુણવત્તાવાળા પાંદડાં અને શ્રેષ્ઠ બ્લેન્ડિંગની કુશળતામાં રહેલો છે.
આ કેમ્પેઈન વિશે વાત કરતા વાઘ બકરી ટી ગ્રૂપના એક્ઝિક્યુટિવ ડિરેક્ટર પારસ દેસાઈએ જણાવ્યું હતું કે ગ્રાહકોએ ચાની ગુણવત્તા સાથે કોઈ બાંધછોડ ન કરવી જોઈએ કે ન તો તેના કારણે પોતાની ચા બનાવવાની રીત બદલવી પડે. છેલ્લા ૧૩૦ વર્ષથી વધુ સમયથી વાઘ બકરીનો મુખ્ય હેતુ એ જ રહ્યો છે કે ચાનો અસલી અને કડક સ્વાદ તેના શ્રેષ્ઠ બ્લેન્ડમાંથી જ મળે. ઈત્તી સી વાઘ બકરી, ઈત્તી કડક સ્વાદ-ભરી; કેમ્પેઈન પેઢીઓથી ચાલી આવતી અમારી આ જ પરંપરા, ગ્રાહકોને રિચ, સ્વાદિષ્ટ અને સંતોષકારક ચાનો અનુભવ આપવાની પ્રતિબદ્ધતા દર્શાવે છે.
વાઘ બકરી ટી ગ્રૂપના ચીફ માર્કેટિંગ ઓફિસર ગૌરવ પરાશરે ઉમેર્યું હતું કે, ભારતમાં ચા એ રોજિંદી આદત સાથે જોડાયેલો સૌથી મોટો સેક્ટર છે, તેથી ગ્રાહકોના વર્તનમાં આવતા બદલાવો ખૂબ મહત્વના હોય છે. અમારા રિસર્ચમાં સામે આવ્યું કે ગ્રાહકો કડક સ્વાદ માટે વધુ ચા પત્તી વાપરી રહ્યા છે. આ કેમ્પેઈન તે ધારણાને ચેલેન્જ કરે છે અને એક સરળ સત્યને ઉજાગર કરે છે કે સાચી કડક ચા માત્ર પ્રીમિયમ બ્લેન્ડ ક્વોલિટીથી જ બની શકે છે. ગ્રાહકોની આ આદતમાંથી મળેલી સમજણને બ્રાન્ડે માનવીય સંબંધોની ઉષ્મા સાથે સુંદર રીતે સાંકળી છે. રોજિંદા જીવનમાંથી લેવાયેલી હૃદયસ્પર્શી ઘટનાઓ દ્વારા આ કેમ્પેઈન એ સંદેશ આપે છે કે ગાઢ અને અર્થપૂર્ણ સંબંધો માટે હંમેશા મોટા હાવભાવ કે ભવ્ય અભિવ્યક્તિઓની જરૂર પડતી નથી. ઘણીવાર સમજણ, લાગણી અને કાળજીથી ભરેલા નાના-નાના હાવભાવો જ સંબંધોની ઊંડાઈ અને તેની મજબૂતીને સૌથી અસરકારક રીતે વ્યક્ત કરી જાય છે.
આ કેમ્પેઈન પાછળના ક્રિએટિવ આઈડિયા વિશે વાત કરતા ગેરેજ વર્લ્ડવાઈડ ના ચીફ ક્રિએટિવ ઓફિસર આશિષ ચક્રવર્તીએ જણાવ્યું હતું કે, અમારી સામે બે મજબૂત સત્યોને એકસાથે લાવવાનો પડકાર હતો: એક ગુણવત્તા પ્રત્યે વાઘ બકરીની અતૂટ પ્રતિબદ્ધતા અને બીજું મજબૂત સંબંધોમાં તેનો વર્ષો જૂનો વિશ્વાસ. અમને એક એવો આઈડિયા મળ્યો જેણે આ બંનેને જોડી દીધા. જેમ સારી ચાને પોતાની કડકાઈ સાબિત કરવા વધુ પત્તીની જરૂર નથી હોતી, તેમ ગાઢ સંબંધોમાં મોટા પ્રદર્શનોની જરૂર નથી હોતી. ક્યારેક માત્ર એક નજર, એક સ્મિત કે નાની સરખી સમજણ બધું જ કહી જાય છે. ‘ઈત્તી સી વાઘ બકરી, ઈત્તી કડક સ્વાદ-ભરી’એ વાતની ઉજવણી કરે છે કે જ્યારે ક્વોલિટી સાચી હોય, ત્યારે થોડુંક પણ ઘણું બધું કહી દેવા માટે પૂરતું છે. અમે આ વિચારને હૃદયસ્પર્શી વાર્તાઓ, સહજ અભિનય અને હળવી રમૂજ સાથે સ્ક્રીન પર લાવ્યા છીએ જે વાઘ બકરીની આગવી શૈલીને રજૂ કરે છે. આ રાષ્ટ્રવ્યાપી કેમ્પેઈનને વધુમાં વધુ ગ્રાહકો સુધી પહોંચાડવા માટે ટેલિવિઝન, ડિજિટલ અને સોશિયલ મીડિયા પ્લેટફોર્મ્સ પર મોટા પાયે રોલ-આઉટ કરવામાં આવી રહ્યું છે.
ગ્રાહકોની રોજિંદી આદતને સકારાત્મક ચેલેન્જ આપીને, વાઘ બકરીએ તેના આ નવા કેમ્પેઈન દ્વારા ગુણવત્તા પ્રત્યેની પોતાની કટિબદ્ધતાને પુનઃ દોહરાવી છે અને સાથે જ સંબંધોમાં હાવભાવો, સમજણ અને લાગણીની શક્તિને પણ ઉજાગર કરી છે.
