આજે બજારમાં શું કરશો?
આજે શેરબજારમાં પ્રોફિટ બુકિંગ આવે તો બજારની આગેકૂચ અટકી શકે છે. આમ તો મંગળવારે ભારતીય શેરબજાર સતત ત્રીજા દિવસે તેજી સાથે બંધ થયું, આ હકીકત બજારમાં અત્યારે બુલીશ મોમેન્ટમ હોવાનો નિર્દેશ આપે છે. મંગળવારે સેન્સેક્સ 753.03 પોઈન્ટ પ્લસ થઈ 79,273.33ની સપાટીએ બંધ આવ્યું હતું. તેમ જ નિફ્ટી 50 ઇન્ડેક્સ 0.87 ટકા મજબૂત બનીને 24,576.60 પોઈન્ટ મજબૂત બન્યો હતો. પરંતુ બજાર અત્યારે ઓવરબોટ પોઝિશનમાં હોવાથી પ્રોફિટ બુકિંગ આવી રહ્યુ છે. તેથી બજારની આગેકૂચમાં બ્રેક લાગુ શકે છે.
સેન્સેક્સની વાત કરીએ તો તત્કાળ 79,000ની સપાટીએ ટેકો ધરાવે છે. તેમ જ 78,700 – 78,500ના લેવલે વધુ મજબૂત ટેકો હોવાનું જોવા મળી રહ્યું છે. તેમ જ 79,800– 80,000ની સપાટીએ પ્રતિકાર જોવા મળી રહ્યો છે. છતાંય બજાર 79,000 ઉપર રહે તો તેજી ચાલુ રહી શકે છે. તેનાથી નીચે જાય તો ટૂંકાગાળામાં કરેક્શન જોવા મળી શકે છે.
નિફ્ટી 50 નજીકમાં જ 24,430થી 24,460 રેન્જમાં ટેકો ધરાવે છે. મહત્વની પ્રતિકાર સપાટી 24,660થી 24,700ની છે. 24,950 પર બ્રેકઆઉટનો ટાર્ગેટ રાખવામાં આવ્યો છે. નિફ્ટી 50એ 24,400ની પ્રતિકાર સપાટી તોડી નાખી છે. જે બજાર પોઝિટિવ દિશામાં આગળ વધી રહ્યું હોવાનો નિર્દેશ આપે છે. નિફ્ટી 24,700 ઉપર ટકી રહે તો નવો બ્રેકઆઉટ આવી શકે છે. નિફ્ટી 50માં વધુ તેજી આવી શકે છે.
બજારના ચાર્ટમાં બુલીશ ટ્રેન્ડ બતાવતી કેન્ડલ રચાઈ રહી છે. બજાર ઓવરબોટ ઝોનમાં આવે ત્યારે નફાકીય વેચવાલીનું દબાણ આવી શકે છે. 200 અને 100 દિવસના ઈએમએની નજીક પ્રતિકાર સપાટી જોવા મળી રહી છે. ફિબોનાસ્સી લેવલ પણ પ્રતિકાર સપાટીની નજીક જ જોવા મળી રહ્યું છે. આમ બજારમાં તેજી જોવા મળે પરંતુ સાવધારી પૂર્વકની તેજી જોવા મળી શકે છે.
ટ્રેડર્સ માટેનો વ્યૂહ
શેર્સમાં ઘટાડે લેણ કરવું જોઈએ. શેર્સના ભાવ ઊંચા હોય ત્યારે આક્રમક લેવાલીથી દૂર રહેવું જોઈએ. બજારમાં પ્રોફિટ બુકિંગનું ફેક્ટર પણ કામ કરશે તે બાબતની અવગણના કરવી ન જોઈએ. મજબૂત સ્ક્રિપ્સમાં જ રોકાણ કરવાનું વલણ મૂડીને સાચવી રાખવામાં મદદ કરશે. સમગ્રતયા બજારમાં પોઝિટિવ ટ્રેન્ડ જોવા મળી રહ્યો છે. નિફ્ટી 50માં 24,700 અને સેન્સેક્સમાં 80,000 પાસે પ્રતિકાર થતો જોવા મળી રહ્યો છે. આ સપાટીથી પ્રોફિટ બુકિંગ આવવાની કે બ્રેકઆઉટ આવવાની બંને શક્યતા હોવાનું નિષ્ણાતોનું માનવું છે. તેથી ઇન્વેસ્ટર્સ આંશિક પ્રોફિટ બુકિંગ કરે અને પસંદગીના શેર્સમાં જ લેણ કરે તો તે તેમના હિતમાં રહેશે.
આજે બજારમાં નીચેના શેરોની વધઘટ પર નજર રાખજો
આજે બજારમાં નીચેના શેરોમાં ખાસ કરીને સુઝલોન એનર્જી, બીઈએમએલ, એચડીએફસી લાઈફ ઇન્સ્યોરન્સ, પીએનસી ઇન્ફ્રાટેક, કેએનઆર કન્સ્ટ્રક્શન્સ, કલ્યાણ કાસ્ટટેક અને શક્તિ પમ્પ્સના શેર્સમાં હલચલ જોવા મળી શકે છે. કારણ કે રિન્યુએબલ એનર્જી, ડિફેન્સ, ઇન્ફ્રાસ્ટ્રક્ચર અને ઇલેક્ટ્રિક વેહિકલના સેક્ટરમાં મહત્વપૂર્ણ જાહેરાતો આવી છે.
સુઝલોને નવી પેઢીની વિન્ડ ટર્બાઈન લોન્ચ કરી છે. Suzlonએ યુરોપમાં બ્લ્યુ સ્કાય પ્લેટફોર્મ લોન્ચ કર્યું છે. તેમાં નવા મોડેલ લોન્ચ કર્યા છે. તેમાં ઓછા પવરનથી ચાલતા 5 મેગાવોટના વિન્ડ ટર્બાઈન લોન્ચ કર્યા છે.આ જ રીતે મધ્યમ પવનથી માંડીને ઊંચા પવનમાં ચાલતા 6.3 મેગાવોટના વિન્ડ ટર્બાઈન લોન્ચ કર્યા છે. આમ સુઝલોને તેના નવા વિકાસ માટેની ભૂમિકા ઊભી કરી દીધી છે. પરિણામે રિન્યુએબલ એનર્જીના સેક્ટરમાં તેના કામકાજમાં વધારો થવાની સંભાવના વધી ગઈ છે.
બીઈએમએલને ડિફેન્સનો નવો ઓર્ડર મળ્યો છે. રૂ. 590 કરોડનો કોન્ટ્રાક્ટ કર્યો છે. બીઈએમએલ ભારતીય સૈન્યને માટે ટી. 72 અને ટી-90 ટેન્ક સપ્લાય કરે તે માટેના ઓર્ડર મળ્યા છે. આમ ડિફેન્સ સેક્ટરની કંપનીની ઓર્ડર બુક વધુ મજબૂત બની છે.
એચડીએફસી લાઈફના નવા સીઈઓની નિમણૂક થઈ છે. એચડીએફસી લાઈઈમાં વિભા પડાલકરને ફરીથી 5 વર્ષ માટે ચીફ એક્ઝિક્યુટીવ ઓફિસર બનાવવામાં આવ્યા છે. નવી નિમણૂકનો અમલ 12 સપ્ટેમ્બર 2026થી શરૂ થશે. પરિણામે કંપનીના મેનેજમેન્ટમાં સ્થિરતા આવશે. આ બાબત રોકાણકારો માટે પોઝિટિવ સાબિત થઈ શકે છે.
પીએનસી ઇન્ફ્રાટ્રેકે નેશનલ હાઈવે ઓથોરિટી ઓફ ઇન્ડિયા માટે ભરેલા ટેન્ડરમાં તેનું એલ-1 થયું છે. આમ તેને રૂ. 483 કરોડનો ઓર્ડર મળવાનો માર્ગ મોકળો થયો છે. કંપનીની આવક અને નફો વધી શકે છે.
કેએનઆર કન્સ્ટ્રક્શન કંપનીએ ક્લેઈમ સેટલમેન્ટમાં રૂ. 130.10 કરોડ મેળવ્યા છે. તેમાં વ્યાજની આવકનો પણ સમાવેસ થાય છે. આમ કંપનીના રોકડના પ્રવાહમાં સુધારો જોવા મળશે.
કલ્યાણ કાસ્ટ ટેકને લોજિસ્ટિક પાર્કની મંજૂરી મળી છે. ગુજરાતના કચ્છ જિલ્લામાં 114 એકર જમીન પર પ્રોજેક્ટ અમલમાં મૂકશે. કચ્છમાં મલ્ટીમોડેલ લોજિસ્ટિક પાર્ક અને કન્ટેઈનર વેગન યુનિટની સ્થાપના કરશે. આમ કંપનીનો લાંબાગાળાનો વિકાસ સંગીન બનશે.
સ્ટેન્લી લાઈફ સ્ટાઈલે રિટેઈલ સેક્ટરમાં વિસ્તરણ કર્યું છે. તેણે બેન્ગ્લુરુમાં ત્રણ નવા સ્ટોર્સ ચાલુ કર્યા છે. પરિણામે તેનો કસ્ટમર બેઝ વધુ સંગીન બનશે.
શક્તિ પમ્પે ઇલેક્ટ્રિક વેહિકલના સેક્ટરમાં રોકાણ કર્યું ચે. રૂ. 10 કરોડનુ રોકાણ તેની ઇલેક્ટ્રિક વેહિકલની સબસિડિયરીમાં કર્યું છે. આ સાથે જ કંપનીનું કુલ રોકાણ હવે રૂ. 65 કરોડનું થઈ ગયું છે. આમ ઇલેક્ટ્રિક વેહિકલ મોબિલિટીમાં કંપનીએ એન્ટ્રી લઈ લીધી છે. તેનો લાભ આગામી મહિનાઓમાં અને વરસોમાં કંપનીને મળશે.
આમ શેરબજારમાં અત્યારે રિન્યુએબલ એનર્જી ઇન્ફ્રાસ્ટ્રક્ચર અને ઇલેક્ટ્રિક વેહિકલના સેક્ટર પર ફોકસ વધ્યું જ છે. કંપનીઓને મોટા ઓર્ડર મળે, કંપનીઓ એક્સપાન્શન કરે અને નવી ટેક્નોલોજીને અપનાવે તો તેને પરિણામ તેમના શેર્સના ભાવમાં અફરાંતફરી જોવા મળી શકે છે.
આમ રોકાણકારો માટે નવા પાયાના શેર્સમાં રોકાણ કરવાન તક નિર્માણ થઈ છે. બજારના મોમેન્ટમ સાથે ટ્રેડિંગ કરવું શક્ય બન્યું છે. લાંબા ગાળા માટે રોકાણ કરવા ઇચ્છનારાઓએ કંપનીના ફંડામેન્ટલ્સનો વધારે અભ્યાસ કરીને પછી જ રોકાણ કરવાનો નિર્ણય લેવાનો રહેશે.
