આજે બજારમાં શું કરશો?
આમ તો ભારતના શેર બજાર છેલ્લા થોડા દિવસોથી દબાણ હેઠળ હોવાનું જોવા મળી રહ્યું છે. નિફ્ટી ઇન્ડેક્સે તેની 100-દિવસની ઈએમએ-એક્સ્પોનેન્શિયલ મૂવિંગ એવરેજ પાસે જ પ્રતિકારનો સામનો કરી રહ્યો છે. તેથી બજારમાં નીચલા સ્તરે દબાણ આવી રહ્યું છે.
શેરબજારની વર્તમાન સ્થિતિની વાત કરીએ તો નિફ્ટી પર સતત વેચવાલીનો દબાણ જોવા મળી રહ્યું છે. બીજું, ઇન્ફોર્મેશન ટેક્નોલોજી અને ઓટો સેક્ટર તથા બેન્કિંગના શેર્સમાં ઘટાડો જોવા મળી રહ્યો છે. ત્રીજું ટેકનિકલ રીતે બજાર હજુ નબળું જ છે. નિફ્ટી 50 ઇન્ડેક્સના અભ્યાસુઓનું કહેવું છે કે નિફ્ટી 24,150 ની નીચે જાય તો તે વધુ નીચે જઈ શકે છે, જ્યારે 24,200 ઉપર જવાથી બજારમાં ઉછાળો પણ આવી શકે છે.
સમગ્રતયા શેરબજારમાં નબળાઈ હોવા છતાં કેટલાક સ્ટોક્સમાં મજબૂત ટેકનિકલ સંકેત દેખાઈ રહ્યા છે. શેરબજારમાં ડે ટ્રેડિંગ કરનારાઓ કે ઇન્વેસ્ટમેન્ટ કરનારાઓ આજે ડૉ. રેડ્ડીઝ લેબોરેટરીઝ અને સોલાર ઇન્ડસ્ટ્રીઝ ઇન્ડિયાના શેર્સમાં લેણ કરવાનો વિચાર કરી શકે છે. આ બંને સ્ક્રિપમાં ટૂંકા ગાળામાં 14 ટકા સુધીનો નફો થઈ શકે છે.
ડો. રેડ્ડીઝ લેબોરેટરીઝનો શેર ફાર્મા સેક્ટરનો મજબૂત સ્ટોક છે. તેના ટેકનિકલ ચાર્ટ પર ખરીદીની રસપ્રદ પ્રવૃત્તિ થઈ રહી હોવાનું જોવા મળી રહ્યું છે. ડિફેન્સિવ સેક્ટરમાં રોકામ કરવામાં આવે તો બજાર ઘટે ત્યારે પણ ટકી રહે છે. આ શેરમાં શોર્ટ ટર્મમાં તેજી આવે તેવી શક્યતા છે. સોલાર ઇન્ડસ્ટ્રીઝના શેરમાં પમ મજબૂત અપટ્રેન્ડમાં ચાલી રહ્યો છે. ડિફેન્સ અને ઇન્ફ્રાસ્ટ્રક્ચર થીમનો લાભ મળી શકે છે. આ શેરે ઇન્વેસ્ટર્સને ઊંચું રિટર્ન આપ્યું હોવાનો ટ્રેક રેકોર્ડ છે. ટેકનિકલ રીતે મજબૂત શેર્સ છે. 14 ટકા સુધીનો અપસાઇડ શક્ય જણાય છે. બંને સ્ટોક્સમાં ટ્રેડર્સ અને ઇન્વેસ્ટર્સને ખરીદી કરવામાં મજબૂત રસ હોવાનું જણાઈ રહ્યું છે.
શેર્સના ચાર્ટ પેટર્ન મુજબ બ્રેકઆઉટ અથવા અપટ્રેન્ડ ચાલુ રહેવાનો નિર્દેશ મળી રહ્યો છે. બજારની નબળાઈ છતાં રિલેટિવ સ્ટ્રેન્થ સારી છે. જોકે અમેરિકા-ઇરાનના યુદ્ધને કારણે શેરબજાર હજુ અસ્થિર છે. વૈશ્વિક પરિસ્થિતિ અને તેમાંય ખાસ કરીને ક્રૂડ ઓઈલના વધતા ભાવની મોટી અસર પડી રહી છે. તેથી ટ્રેડર્સ અને ઇન્વેસ્ટર્સે સ્ટોપ લોસ રાખીને કામ કરવા જરૂરી છે. આમ નબળા બજારમાં પણ આ બે સ્ટોક્સમાં રોકાણ કરવાની સારી તક છે.
ડો. રેડ્ડીઝ લેબોરેટરીનો શેર એક ડિફેન્સિવ ઇન્વેસ્ટમેન્ટ ગણી શકાય તેવો છે. તેમાં સ્થિર રિટર્ન મળી શકે તેવી સંભાવના છે. તેમ જ સોલાર ઇન્ડસ્ટ્રીઝ ઇન્ડિયાના કામકાજ વધી રહ્યા હોવાથી ગ્રોથ શક્ય છે. તેથી જ તેના શેર્સના ભાવમાં મોમેન્ટમ પકડાઈ રહી છે. તેથી યોગ્ય સ્ટ્રેટેજી સાથે ટ્રેડિંગ કરવાથી 14 ટકા સુધીનો શોર્ટ ટર્મ ગેઇન શક્ય બની શકે છે.
ડો. રેડ્ડીઝ લેબોરેટરીઝ
ડૉ. રેડ્ડીઝ લેબોરટરીમાં રૂ. 5,950થી રૂ. 6,050ની રેન્જમાં લેણ કરી શકાય છે. પહેલો ટાર્ગેટ ભાવ રૂ. 6350 અને બીજો ટાર્ગેટ ભાવ રૂ. 6600નો છે. રૂ. 5750નો સ્ટોપલોસ રાખીને કામકાજ કરી શકાય છે. કારણ કે ફાર્મા સેક્ટરને અત્યારે ડિફેન્સીવ સેક્ટર ગણવામાં આવી રહ્યું છે. ડૉ. રેડ્ડીઝ લેબના ટેકનિકલ ચાર્ટમાં શેર્સમાં લેણ કરી એકત્રિત કરવાનો નિર્દેશ મળી રહ્યો છે. તેના ભાવમાં સુધારો થવાનો સંકેત પણ ચાર્ટ આપી રહ્યા છે. માર્કેટ ફોલમાં પ્રમાણમાં સ્થિર હોવાનો નિર્દેશ મળી રહ્યો છે. ઇન્ટ્રા ડેમાં આ પ્રમાણે કરી શકાય છે. બ્રેકઆઉટની શરૂઆત થાય ત્યારે જ એન્ટ્રી લઈ શકાય છે. હા, માર્કેટ નબળું પડતું જણાય તો લેણ કરવાનું કે ટ્રેડ કરવાનું ટાળવું જોઈએ.
સોલાર ઇન્ડસ્ટ્રીઝ ઇન્ડિયા
લેણ કરવાના ભાવની રેન્જઃ રૂ. 10,400 – રૂ.10,600
ટાર્ગેટ ભાવઃ રૂ. 11,200
ટાર્ગેટ ભાવ-2 : રૂ. 11,800
સ્ટોપલોસ : રૂ. 9,950
સોલાર ઇન્ડસ્ટ્રીઝના શેર્સના ભાવમાં વધારો થવાનો મજબૂત સંકેત મળી રહ્યો છે. શેરબજાર કરતાં તેની રિલેટિવ સ્ટ્રેન્ગ્થ વધારે છે. તેના ભાવમાં સુધારો થવાનું ચાલુ રહે તેવું જણાઈ રહ્યું છે.
ઇન્ટ્રા ડેમાં રૂ. 10,750 ની ઉપર લેણ કરી શકાય
ટાર્ગેટ ભાવ રૂ. રૂ. 10,950થી રૂ. 11,050 નો છે. રૂ. 10,600 પર સ્ટોપલોસ રાખીને કામકાજ કરી શકાય છે. સ્ક્રિપમાં ટ્રેડ વોલ્યમ વધુ હોય તો જ ટ્રેડિંગ કરવાનું રહેશે. ગેપ અપમાં ખૂલો તો તેની પાછળ જવાનું ટાળવું જોઈએ.
