આજે શેરબજારમાં શું કરશો?
આજે ખરીદવા યોગ્ય શેરમાં લોઈડ્સ મેટલ્સ એન્ડ એનર્જી છે. લોઈડ્સ મેટલ એન્ડ એનર્જી-Lloyds Metals & Energyના શેર માટે માટે ટૂંકા ગાળાનો દૃષ્ટિકોણ તેજીનો છે. છેલ્લા ત્રણ અઠવાડિયામાં આ શેરમાં ખૂબ સારો ઉછાળો જોવા મળી રહ્યો છે. ગયા અઠવાડિયામાં 8.7 ટકાનો મજબૂત ઉછાળો આવ્યો હતો. આ ઊછાળો દર્શાવે છે કે ભાવમાં વધારાની ગતિ વધી રહી છે. આ ઉછાળાએ શેરના ભાવને રૂ. 1,320ના મહત્વપૂર્ણ રેઝિસ્ટન્સ લેવલથી ઘણો ઉપર લઈ ગયો છે. હવે રૂ.1,320 અને રૂ. 1,290 વચ્ચેની રેન્જમાં રહી શકે છે. આ રેન્જ મજબૂત સપોર્ટ ઝોન તરીકે કામ કરશે. હાલની સ્થિતિમાંથી વર્તમાન સંજોગોને ધ્યાનમાં લેતા નિષ્ણાતોનું કહેવુ છે કે લોઈડ્સ મેટલ એન્ડ એનર્જીના શેરનો ભાવ રૂ.1,550 સુધી જઈ શકે છે. ટ્રેડર્સ હાલમાં રૂ. 1,390ના સ્તરે આ શેર ખરીદી શકે છે.
લોઈડ્સ મેટલ એન્ડ એનર્જીના શેરમાં રૂ. 1,360થી રૂ. 1,400ની સપાટીએ લેણ કરી શકાય છે. અત્યારે રૂ. 1390ના આસપાસના ભાવે એન્ટ્રી લઈ શકાય છે. લેણ કરવા માટેના કારણમાં ઊંડા ઉતરીઓ તો શેરનો ભાવ રૂ. 1320 ઉપરની પ્રતિકાર સપાટીની ઉપર બ્રેકઆઉટ આપી ચૂક્યો છે. આ શેરમાં અત્યારે મોમેન્ટમ સ્ટ્રોન્ગ છે. અઠવાડિયામાં જ 8.7 ટકાનો આવેલો ઊછાળો તેનો નિર્દેશ આપી રહ્યો છે.
છતાં તેમાં નુકસાન ન થાય તે માટે ટ્રેડર કે ઇન્વેસ્ટર્સ રૂ. 1285નો સ્ટોપલૉસ રાખીને આગળ વધી શકે છે. રોકાણને વધુ સલામત રાકવા ઇચ્છતા રોકાણકારો કે ટ્રેડરો રૂ. 1310નો સ્ટોપલોસ પણ રાખી શકે છે. કારણ કે રૂ.1,320થી રૂ. 1,290ના ઝોનમાં શેર મજબૂત સપોર્ટ ધરાવે છે. આ ઝોન નીચે તૂટે તો શેરમાં નરમાઈનો ટ્રેન્ડ નબળો પડી શકે છે. શેરનો ભાવ ટૂંકા ગાળામાં રૂ. 1480ના મથાળાને આંબી જાય તેવા નિર્દેશો મળી રહ્યા છે. તેનાથી આગળ રૂ. 1550નો ટાર્ગેટ આપવામાં આવેલો છે. તેનાથીય ઉપર જાય તો શેરનો ભાવ રૂ. 1600ના મથાળાને સ્પર્શી શકે છે. હા, ક્રૂડ ઓઈલના ભાવમાં મોટો વધારો આવે તો શેરના ભાવ પર બજારનું દબાણ વધતા તૂટી શકે છે. બીજું, એફઆઈઆઈ વર્તમાન યુદ્ધના માહોલમાં ગમે ત્યારે વેચવાલી શરૂ કરે તો પણ શેરના ભાવ તૂટી શકે છે. સમગ્રતયા બજાર વેચાણના મોડમાં છે. તેથી નિફ્ટી 22,500ની નીચે જાય તો પણ શેરના ભાવ તૂટી શકે છે. છતાં દરેક ઘટાડે શેરમાં લેણ કરી શકાય છે. સ્ટોપલૉસ કડક રાખીને આગળ વધી શકાય છે. આક્રમકતા સાથે ટ્રેડિંગ કરનારાઓ વર્તમાન ભાવ સપાટીએ લેણ કરીને રૂ. 1480ની ભાવ સપાટીએ વેચીને નફો બુક કરી શકે છે. વર્તમાન ભાવથી 50 ટકા શેર્સ લેવાનો અને ત્યારબાદ ઘટાડે બીજા 50 ટકા શેર્સ લેવાનો વ્યૂહ વધુ લાભદાયક સાબિત થઈ શકે છે. આ શેર્સને ત્રણથી ચાર અઠવાડિયા માટે હોલ્ડ પર રાખી શકાય છે. સમગ્રતયા વાત કરીએ તો શેર્સના ભાવમાં મજબૂત ગતિ જોવા મળી રહી છે. બ્રેકઆઉટ લેવલની ઉપર શેરનો ભાવ નીકળી ગયો છે. તેને વોલ્યુમનો સપોર્ટ પણ મળી રહ્યો છે. કડક સ્ટોપલૉસ રાખીને વધુ નુકસાન થતું અટકાવી શકાય છે.
બેએસઈ અને એએસઈના સેન્સેક્સ તથા બીએસઈ નિફ્ટીમાં શું કરી શકાય?
દેશી ઇક્વિટી બજારોએ રજાઓને કારણે ટૂંકા થયેલા ત્રણ ટ્રેડિંગ સત્રના અઠવાડિયાનો અંત મોટાભાગે સ્થિર પરંતુ નકારાત્મક ઝોનમાં આવ્યો છે. મહત્વના સૂચકાંકો સતત છઠ્ઠા અઠવાડિયાથી ઘટી રહ્યા છે. અઠવાડિયાને અંતે ઘટાડો આવ્યો છે. તેની સાથે સાથે જ બીએસઈ સેન્સેક્સ અને એનએસઈ નિફ્ટીમાં અનુક્રમે 0.35 ટકા અને 0.46 ટકાનો ઘટાડો જોવામ મળ્યો છે. ગત ગુરુવારના શેરબજારના સત્રમાં તેજી જોવા મળી હતી. તેને કારણે જ વધુ ઘટાડાને નિયંત્રિત કરવામાં મદદ મળી હતી. 30-સ્ટોક ધરાવતા સેન્સેક્સ 73,319.55 પર બંધ આવ્યો હતો. બીજીતરફ 50-સ્ટોક ધરાવતો નિફ્ટી 22,713.10 પર સ્થિર રહ્યો હતો. આમ બંને સૂચકાંકો અંતિમ સત્રમાં આશરે 2.4 ટકા ઉછાળાથી ગ્રીન ઝોનમાં બંધ આવ્યા હતા. પરંતુ, NSE ઇન્ટરનેશનલ એક્સચેન્જમાં નિફ્ટી ફ્યુચર્સ તાજેતરમાં 165 પોઇન્ટ અથવા 0.73 ટકા ઘટીને 22,540 પર ટ્રેડ થઈ રહ્યા હતા, જે નકારાત્મક શરૂઆત તરફ સંકેત આપે છે.
વૈશ્વિક સંકેતો
અઠવાડિયાના અંતે સુધારા છતાં, બજાર હજુ પણ નાજુક છે અને બાહ્ય પરિબળોમા ક્રૂડ તેલના ઊંચા ભાવ અને અમેરિકા-ઇરાન વચ્ચેનો સંઘર્ષ બજારમાં નરમાઈ તરફી પ્રભાવ ઊભો કરી શકે છે. સેબી રજિસ્ટર્ડ રિસર્ચ એનાલિસ્ટ અને લિવિંગ વેલ્થના સ્થાપકનું કહેવું છે કે બજારમાં નીચા સ્તરે મજબૂત ડિમાન્ડ જોવા મળી રહી છે. બજાર ટૂંકા ગાળામાં સપોર્ટ બનાવવા મથામણ કરી રહ્યું છે. છતાંય જો સૂચકાંક મહત્વપૂર્ણ સ્તરો ઉપર સ્થિર ન રહે તો ટૂંકા ગાળામાં બજાર ટૂંકા ગાળામાં ઉપર જાય ત્યારે વેચવાલી કરી શકો છો. આ ટ્રેન્ડ બજારમાં વ્યાપક સ્તરે જોવા મળી શકે છે.
સ્થાનિક સંસ્થાકીય રોકાણકારો-ડીઆઈઆઈ બજારને સ્થિર રાખવામાં મહત્વપૂર્ણ ભૂમિકા ભજવી રહી છે. આશરે રૂ. 29,250 કરોડની આવકના માધ્યમથી ડીઆઈઆઈએ વિદેશી સંસ્થાગત રોકાણકારો એફઆઈઆઈની રૂ. 29,400 કરોડની વેચવાલીને કારણે બજારને તૂટતું અટકાવ્યું છે.
બજારમાં તાજેતરમાં જોવા મળી રહેલા ઉછાળા માત્ર રાહત આપનારા જ લાગી રહ્યા છે. સમગ્રતયા બજારનો નરમાઈ તરફી ટ્રેન્ડ બદલવાનો સંકેત મળી રહ્યા નથી. તેમ જ તેજી દેખાશે તે ગાળામાં બજારમાં વેચવાલીનું દબાણ યથાવત ઊભું જ થશે.
બીજીતરફ રીઝર્વ બેન્ક ઓફ ઇન્ડિયા દ્વારા જાહેર કરવામાં આવનારી નવી નાણાં નીતિ બજાર પર પ્રભાવ પાડનારું નવું પરિબળ બની રહેશે. રોકાણાકારોએ બજારમાં ધ્યાન રાખવા જેવી બાબતોની વાત કરીએ તો નિફ્ટ 50 ઇન્ડેક્સ અત્યારે 22,700 આસપાસ સ્થિર થઈ રહ્યો હોવાનું જણાય છે. નિફ્ટી 50 અત્યારે 22,500ની સપાટીએ તાત્કાલિક સપોર્ટ ધરાવે છે. 22,000–22,100 ઝોન મહત્વપૂર્ણ રહેવાની ધારણા છે. તેનો આધાર ડિમાન્ડ કેવી આવે છે તેના પર જ રહેલો છે. નીચેની તરફ નિફ્ટી 50 21,930 અને 21,750ની સપાટીએ ટેકો ધરાવે છે. સ્ટોક માર્કેટ ઉપરની તરફ 22,800–23,000 વચ્ચે પ્રતિકાર-રેઝિસ્ટન્સનો સામનો કરી રહ્યું છે. તેનાથી ઉપર 23,200 અને 23,500 વધુ મજબૂત પ્રતિકાર સપાટી જોવા મળી રહી છે.
બેંક નિફ્ટી: ઇન્ડેક્સ-સૂચકાંક 51,500 આસપાસ ટ્રેડ થઈ રહ્યો છે. 51,000 નીચે તૂટે તો 50,000 સુધી જઈ શકે છે. વધુ સપોર્ટ 48,800 અને 47,500 છે. રેઝિસ્ટન્સ 52,000–52,500 અને પછી 53,000–55,700ની સપાટીએ જોવા મળી રહ્યો છે.
સેન્સેક્સ: હાલમાં 73,300 નજીક છે. 73,800–74,000ની સપાટીએ પ્રતિકારનો એટલે કે રેઝિસ્ટન્સ સામનો કરવો પડી રહ્યો છે. સેન્સેક્સ 75,000 ઉપર જાય તે પછી જ બજારની ભાવનામાં ફેરફાર આવી શકે છે, જ્યારે 72,000 નીચે તૂટે તો 71,500–71,000 સુધી ઘટાડો થઈ શકે છે.
ટ્રેડિંગ સ્ટ્રેટેજીઃ બજારના નિષ્ણાતો કહે છે કે ટ્રેડરો અને ઇન્વેસ્ટર્સે પસંદગીના શેર્સમાં જ રોકાણ કરવું જોઈએ, કારણ કે રોકાણકારોને મૂડી સુરક્ષાને પ્રાથમિકતા આપવા અને મજબૂત લાર્જ-કૅપ સ્ટોક્સમાં રોકાણ કરવાની સલાહ આપવામાં આવે છે. રોકાણકારો અને ટ્રેડર્સ મેટલ્સ, એનર્જી અને IT ક્ષેત્રોમાં તક શોધશે તો તે વધુ લાભદાયક સાબિત થવાની સંભાવના દર્શાવે છે.
