આજે શેરબજારમાં શું કરશો?
આજે યુનાઇટેડ બ્રુઅરીઝના શેરમાં રોકાણ કરી શકાય
આજે ટ્રેડર્સ અને ઇન્વેસ્ટર્સ યુનાઈટેડ બ્રુઅરીઝના શેર્સમાં લેણ કરી શકે છે. તેનો વર્તમાન બજાર ભાવ રૂ. 1,394.20 છે. યુનાઇટેડ બ્રુઅરીઝનો સ્ટોક એપ્રિલ 2025 થી ડાઉનટ્રેન્ડમાં છે, વચ્ચે જુલાઈ 2025 અને ફેબ્રુઆરી 2026 માં સુધારાત્મક ઉછાળો જોવા મળ્યો હતો. તેવી જ રીતે, જૂનની શરૂઆતથી સ્ટોકમાં સાઇડવેઝ સુધારો જોવા મળી રહ્યો છે. અર્થાત, આ સપ્તાહની શરૂઆત સુધી તે ₹1,310 અને ₹1,370 ની વચ્ચે રમી રહ્યો હતો. મંગળવારે, સ્ટોકે ₹1,370 ની ઉપર બ્રેકઆઉટ આપ્યું છે, જે વધુ તેજી માટેનો માર્ગ મોકળો કરે છે.
કિંમત હવે 21- અને 50-દિવસની મુવિંગ એવરેજથી ઉપર છે, જે સકારાત્મક વલણને ટેકો આપે છે. બુધવારે કિંમતમાં થોડો સુધારો થયો હોવા છતાં, નજીકના ગાળાનો દ્રષ્ટિકોણ સકારાત્મક બન્યો છે. ખરીદીની ભલામણ: હાલના રૂ. 1,394 અને રૂ. 1,370 ના સ્તરે ખરીદી કરી શકાય છે, એમ શેરબજારના નિષ્ણાતોનું કહેવું છે. રૂ. 1,300 પર સ્ટોપ-લોસ રાખીને ઇન્વેસ્ટ કરી શકાય છે. જ્યારે સ્ટોક વધીને રૂ. 1,450 અને રૂ. 1,500 થાય, ત્યારે સ્ટોપ-લોસને અનુક્રમે ₹1,400 અને ₹1,470 સુધી મજબૂત (ટાઈટ) કરો. પ્રોફિટ બુકિંગ કરવા માટે રૂ. 1,525 સુધી રાહ જુઓ. ટાર્ગેટ ભાવ પર પહોંચે એટલે નફો બુક કરીને નીકળી જવાની સલાહ છે.
આજે આ શેર્સ પર પણ નજર રાખી શકાય
શૅડોફૅક્સ ટેકનોલોજીસઃ કારણ કે રૂ. 1,047.5 કરોડનો મોટો બ્લોક ડીલ થવાની શક્યતા. ફ્લોર પ્રાઇસ ₹197 પ્રતિ શેર નક્કી કરાઈ છે. છેલ્લા બંધ ભાવથી 9.9 ટકા ડિસ્કાઉન્ટની ઓફર. અસ્તિત્વ ધરાવતા રોકાણકારો જેવા કે Flipkart, Eight Roads વગેરે તેમને હિસ્સો વેચી રહ્યા છે, જેથી સ્ટોકમાં ભારે વોલેટિલિટી જોવા મળી શકે છે.
ઇન્ફોસિસઃ નેતૃત્વમાં મોટા ફેરફારની જાહેરાત. કંપનીના અનુભવી આશિષ કુમાર દેશને નવા CEO Designate જાહેર કરાયા છે તેઓ 2027 થી 5 વર્ષ માટે કાર્યભાર સંભાળશે. લાંબા ગાળાના રોકાણકારો માટે નેતૃત્વની સ્પષ્ટતા પોઝિટિવ સંકેત છે.
સ્વિગીઃ ફોરેન ઓનરશિપ (FDI) મર્યાદા 49.5 ટકા સુધી કેપ કરવાનો પ્રસ્તાવ મૂક્યો છે. આ નિર્ણયથી કંપનીને ‘ઇન્ડિયન ઓવન્ડ એન્ડ કન્ટ્રોલ્ડ’ (IOCC) સ્ટેટસ મળશે, જેનાથી ઇન્સ્ટામાર્ટ ક્વિક કોમર્સમાં માર્જિન વધશે અને સપ્લાય ચેઇન પર કંટ્રોલ મજબૂત બનશે.
સીમેકઃ $19.38 મિલિયન (અંદાજે ₹162 કરોડ) ના નવા ડાઇવિંગ કરારો કર્યા છે. ONGC ના જહાજો માટે HAL ઓફશોર સાથે આ કરાર થયા છે. કંપનીની ઓર્ડર બુક મજબૂત થવાથી સ્ટોકમાં સકારાત્મક ચાલ જોવા મળી શકે છે.
ઇટર્નલ લિમિટેડ-ઝોમેટોઃ CCI (ફેર ટ્રેડ રેગ્યુલેટર) તરફથી મોટી રાહત આપવામાં આવી છે. પ્લેટફોર્મ ફી અને ફૂડ પ્રાઇસિંગ અંગેની ફરિયાદમાં CCI એ ઇટર્નલ (ઝોમેટો) ને ક્લીન ચિટ આપી છે. લીગલ ચિંતા દૂર થતાં સ્ટોક માટે આ રાહતના સમાચાર છે.
અકુમ્સ ડ્રગ્સ એન્ડ ફાર્માસ્યૂટિકલ્સઃ રૂ. 56 કરોડમાં ઓરિફ્લેમ ઇન્ડિયાનો મેન્યુફેક્ચરિંગ બિઝનેસ ખરીદશે. આ એક્વિઝિશન દ્વારા અકુમ્સ કલર કોસ્મેટિક્સ માર્કેટમાં એન્ટ્રી કરી રહ્યું છે. ઓગસ્ટ અંત સુધીમાં ડીલ પૂર્ણ થવાની ધારણા છે.
કોફોર્જ- Coforgeઃ ‘Coforge Nuuron’ નામનું નવું AI ઓપરેટિંગ સિસ્ટમ લોન્ચ કર્યું છે. ગ્રાહકોને આર્ટિફિશિયલ ઇન્ટેલિજન્સ (AI) આધારીત સોલ્યુશન્સ પૂરા પાડવા માટે આ સિસ્ટમ મદદ કરશે. IT સેક્ટરમાં AI આધારિત ગ્રોથ પર નજર રાખતા રોકાણકારો માટે મહત્વનો સ્ટોક છે.
ટીટીકે હેલ્થકેર-વિપ્રો કન્ઝ્યુમરઃ EVA અને Good Home બ્રાન્ડ્સનું ₹256 કરોડમાં વેચાણ કર્યુ છે. વિપ્રો કન્ઝ્યુમર આ બ્રાન્ડ્સ ખરીદી રહી છે. ટીટીકે હેલ્થકેરને આ વેચાણથી રોકડ મળશે જ્યારે વિપ્રો કન્ઝ્યુમર પોર્ટફોલિયો મજબૂત બનાવશે.
રેલટેલ કોર્પોરેશન ઓફ ઇન્ડિયાઃ નોર્થ સેન્ટ્રલ રેલવે તરફથી ₹32.75 કરોડનો નવો ઓર્ડર મળ્યો છે. પ્રયાગરાજ ડિવિઝનના 14 સ્ટેશનો પર ટ્રેક સર્કિટ સુધારણાનો આ ઓર્ડર છે. નાના છતાં સ્થિર ઓર્ડર વિનથી સ્ટોક સપોર્ટિવ રહી શકે છે.
