આજે શેરબજારમાં શું કરશો?

2 September, 2026 - 7:39 AM

1 minute read

ગરવારે ટેકનિકલ ફાઇબર્સના શેરમાં લેણ કરી શકાય

ગરવારે ટેકનિકલ ફાઇબર્સના શેરમાં લેણ કરી શકાય છે. તેનો વર્તમાન બજાર ભાવ રૂ. 837ની આસપાસનો છે. ગરવારે ટેકનિકલ ફાઇબર્સ માટે ટૂંકા ગાળાનો આઉટલુક તેજીનો છે. આ સ્ટોક છેલ્લા કેટલાક દિવસોથી સારો સુધારો દર્શાવી રહ્યો છે. માર્ચ મહિના પછીની પ્રાઇસ એક્શન બુલ ચેનલ તરફ ઇશારો કરે છે.

આ શેરનો ભાવ હાલમાં ચેનલની મધ્યમાં પહોંચ્યો છે. આવનારા અઠવાડિયામાં ગરવારે ટેકનિકલ ફાઇબર્સના શેરનો ભાવ વધીને રૂ.910-915 સુધી જવાની ઊંચી શક્યતાઓ આપણને દેખાઈ રહી છે. તાત્કાલિક સપોર્ટ રૂ. 810 ઉપર ધરાવે છે. તેની નીચે 21-ડે મૂવિંગ એવરેજ-વધઘઠની સરેરાશ રૂ. 790 પર આગામી મહત્વપૂર્ણ સપોર્ટ છે. ટ્રેડર્સ ગરવારે ટેકનિકલ ફાઇબર્સના શેર અત્યારે રૂ. 837 પર ખરીદી શકે છે. ઘટાડે રૂ. 826ના ભાવે વધુ લેણ કરીને સરેરાશ ખરીદ કિંમત નીચે લાવી શકે છે. આ શેરમાં શરૂઆતમાં સ્ટોપ-લોસ રૂ. 785 પર રાખી શકાયછે. ત્યારબાદ શેરનો ભાવ રૂ. 855 પર પહોંચે કે તરત જ સ્ટોપ-લોસ વધારીને રૂ. 845 કરી દેવો જોઈએ. શેરનો ભાવ અનુક્રમે રૂ. 875 અને રૂ. 895 ને સ્પર્શે ત્યારે સ્ટોપ-લોસ સુધારીને ઉપર રૂ. 860 અને રૂ.880 કરી શકાય છે. શેરનો ભાવ રૂ.910 ઉપર પહોંચે ત્યારે વેચીસાટીને બહાર નીકળી જવામાં જ લાભ છે.

અલ્કેમ લેબોરેટરીઝમાં લેણ કરી શકાય

એલારા સિક્યોરિટીઝના નિષ્ણઆતો અલ્કેમ લેબેરેટરીઝના શેર્સમાં લેણ કરવાની ભલામણ કરી રહ્યા છે. તેનો ટાર્ગેટ ભાવ રૂ. 6,533નો હોવાનું જણાવવામાં આવી રહ્યું છે. શેરનો વર્તમાન બજાર ભાવ રૂ. 5,300નો બોલાઈ રહ્યો છે. અલ્કેમ લેબોરેટરીઝે સ્થાપિત બ્રાન્ડ્સ અને મજબૂત પ્રિસ્ક્રાઇબર ફ્રેન્ચાઇઝના સહારે મોટી એક્યુટ થેરાપીઓમાં અગ્રણી કંપની તરીકેનો એક્કો જમાવ્યો છે. ક્રોનિક અને સ્પેશિયાલ્ટી થેરાપીઓ પર વધતું ધ્યાન સ્થાનિક વૃદ્ધિની ગુણવત્તા અને સુસંગતતામાં સુધારો કરશે. તેમ જ ઋતુગત-સીઝનલાટીની અસર ઘટાડશે. એન્ટિ-ડાયાબિટીસ, કાર્ડિયાક અને સીએનએસમાં રોકાણ પોર્ટફોલિયો મિક્સમાં સુધારો કરશે, જ્યારે સેમાગ્લુટાઇડમાં તેનો પ્રવેશ ડાયાબિટીસ ફ્રેન્ચાઇઝને મજબૂત કરે છે અને સિંગલ ફાર્મા પ્રોડક્ટ માટે ભારતના સૌથી મોટા બજારોમાંથી એકમાં ભાગીદારી પૂરી પાડે છે.

કંપનીનો અમેરિકાનો બિઝનેસ લાંબા સમય સુધી ચાલેલા જેનરિક કિંમતોના ઘટાડાના ચક્ર પછી મોટે ભાગે સ્થિર થયો છે. નવા લોન્ચ અને ડિફરન્શિએટેડ પ્રોડક્ટ્સ માટેનો પસંદગીયુક્ત અભિગમ બિઝનેસમાં સતત સુધારાને ટેકો આપશે. અપેક્ષા છે કે તપોવનનું લોન્ચિંગ આગામી લોન્ચિંગ વૃદ્ધિનું મુખ્ય ચાલક પરિબળ બની શકે છે. અલ્કેમે નાના સ્થાનિક કંપનીઓને હસ્સંતગત કરીને ઓર્થોપેડિક્સ અને કાર્ડિયોવાસ્ક્યુલર ક્ષેત્રોમાં મેડિકલ ડિવાઇસિસમાં તેના બિઝનેસનો વિસ્તાર કર્યો છે. અલ્કેમ લેબોરેટરીઝ સ્વિસ આધારિત ઓક્લુટેકના પ્રસ્તાવિત સંપાદન દ્વારા ફ્રેન્ચાઇઝમાં વધુ ઉમેરો કરી રહ્યું છે. એન્ઝીન બાયોસાયન્સિસ એ બાયોલોજિક્સ સીડીએમઓ પ્લેટફોર્મમાં અલ્કેમનું નવું સાહસ છે. આ સાહસો હાલમાં ખોટ કરી રહ્યા છે, પરંતુ અમે અપેક્ષા રાખીએ છીએ કે તેઓ આગામી ચાર-આઠ ક્વાર્ટરમાં ખોટમાંથી બહાર આવી જશે. નહિ નફા નહિ નુકસાનની સ્થિતિમાં આવી જશે. બંને મધ્યમ ગાળાના મહત્વપૂર્ણ ગ્રોથ એન્જિન તરીકે ઉભરી શકે છે.

અલ્કેમ પ્રતિ શેર રોકડ માટે એડજસ્ટ કર્યા પછી FY27E ના 32.3x અને FY28E ના 25.0x કોર શેરદીઠ કમાણી પર ટ્રેડ કરે છે. રૂ. 6,533 ના ટાર્ગેટ પ્રાઇસ સાથે લેણ કરવાની ભલામણ કરવામાં આવી છે. નાણાંકીય વર્ષ 2029ની કોર કમાણી વત્તા પ્રતિ શેર રોકડના 26.5x છે.

Share on Social Media

આજે શેરબજારમાં શું કરશો?

Most Popular

ભારતીય જેન ઝીમાં વિદેશ અભ્યાસ કરવાનો ઘટી રહેલો ક્રેઝઃ અમેરિકાને સૌથી મોટો ફટકો પડ્યો

2026નો પહેલો IPO: ભારત કોકિંગ કોલના રૂ.1,071 કરોડના ઈશ્યૂના ગ્રે માર્કેટ પ્રીમિયમ-GMPમાં 70 ટકાનો ઉછાળો

બાળકોના ભાવિને સલામત બનાવવા કયા મ્યુચ્યુઅલ ફંડમાં રોકાણ કરશો?

રશિયા પાસેથી ભારત ક્રૂડની ખરીદી ઘટાડી બંધ કરી તે માટે ભારત સામે ડોનાલ્ડ ટ્રમ્પનું ટેરિફ વૉર