આજે શેરબજારમાં શું કરશો?
પ્રીમિયર એનર્જી ખરીદી શકાય
આજે ખરીદવા માટેનો સ્ટોક પ્રીમિયર એનર્જીઝનો છે. તેનો વર્તમાન બજાર ભાવ રૂ. 868.15નો છે. આજના શેરબજારમાં પ્રીમિયર એનર્જીઝ સ્ટોક માટે ટૂંકા ગાળાનો દૃષ્ટિકોણ સકારાત્મક (bullish) જોવા મળી રહ્યો છે. ટેકનિકલ ચાર્ટ મુજબ આ સ્ટોકે bullish double-bottom reversal pattern બનાવી લીધી છે. ડબલ બોટમ રિવર્સ પેટર્ન દર્શાવે છે કે ઓક્ટોબરથી ચાલતો ઘટાડાનો ટ્રેન્ડ હવે પૂર્ણ થઈ રહ્યો છે। આ પેટર્નનું neckline support રૂ. 815 આસપાસ છે। જો સ્ટોક આ લેવલ નજીક આવે તો નવા ખરીદદારો પ્રવેશી શકે છે અને ભાવમાં વધુ ઘટાડો થવાથી બચાવી શકે છે. એથી ટૂંકા ગાળામાં આ સ્ટોકમાં વધારાની સંભાવના જોવાઈ રહી છે.
આજે કયા શેર્સમાં લેવાલી કરી શકશો
બ્રોકરેજ હાઉસ મોતીલાલ ઓસવાલે ત્રણ શેર્સમાં આજે લેણ કરવાની ભલામણ કરી છે. આ ત્રણ શેર્સમાંનો એક કલ્યાણ જ્વેલર્સનો શેર છે. તેમાં લેણ કરવાની ભલામણ સાથે ટાર્ગેટ ભાવ રૂ. 550 દર્શાવવામાં આવ્યો છે.
બીજો કોફોર્જના શેરમાં લેણ કરવાની ભલામણ કરવામાં આવી છે. કોફોર્જના શેરનો ટાર્ગેટ ભાવ રૂ. 1880નો દર્શાવવામાં આવ્યો છે. ત્રીજો શેર સીઆઈઈ ઓટોમોટીવનો છે. તેમાં પણ લેણ કરવા મોતીલાલ ઓસવાલ બ્રોકરેજ હાઉસે ભલામણ કરી છે. તેનો ટાર્ગેટ ભાવ રૂ. 546નો દર્શાવવામાં આવ્યો છે.
બીજીતરફ બ્રોકરેજ હાઉસ જે.એમ. ફાઈનાન્શિયલે બજાજ હાઉસિંગના શેરમાં લેણ કરવા જણાવ્યું છે. તેનો ટાર્ગેટ ભાવ રૂ. 88નો દર્શાવવામાં આવ્યો છે. જે.એમ. ફાઈનાન્સે ખરીદવા માટે ભલામણ કરેલા બીજા શેરમાં ઓરોબિન્દો ફાર્માના શેરનો સમાવેશ થાય છે. તેનો ટાર્ગેટ ભાવ રૂ. 1610નો દર્શાવવામાં આવ્યો છે.
સેન્સેક્સ અને નિફ્ટી માટે રાહત રેલી આવવાની સંભાવના
અમેરિકાના પ્રમુખ ડોનાલ્ડ ટ્રમ્પે હુમલા અટકાવવાના નિર્ણયથી બજારમાં હળવાશ આવી રહી હોવાનો નિર્દેશ મળી રહ્યો છે. GIFT નિફ્ટી બે ટકા ઉપર અને નિક્કી ઇન્ડેક્સ 225 પોઈન્ટ એટલે કે એક ટકા વધ્યો છે. તદુપરાંત કોસ્પી ઇન્ડેક્સ 3 ટકા ઉછળ્યો છે. આજે ભારતીય શેરબજારમાં પણ ટ્રેડિંગ સેશન પર પણ વૈશ્વિક પરિબળોનો મોટો પ્રભાવ જોવા મળશે. પશ્ચિમ એશિયામાં તણાવ, કરન્સી મૂવમેન્ટ અને કોમોડિટી કિંમતોને ધ્યાનમાં રાખીને રોકાણકારો સાવચેત તો છે જ છે.
પ્રારંભિક સંકેતો મુજબ, ભારતીય બજારમાં સ્થિર શરૂઆતની સંભાવના છે. GIFT નિફ્ટી લગભગ 463 પોઈન્ટ (1.91 ટકા)ના વધારા સાથે 22,800–22,900ની આસપાસ ટ્રેડ થઈ રહી છે. ગત સેશનમાં બજારમાં ઘટાડો જોવા મળ્યો હતો. 23 માર્ચે ભારતીય શેરબજારમાં મોટો ઘટાડો નોંધાયો હતો. સેન્સેક્સ 1,836.57 પોઈન્ટ (2.46 ટકા) ઘટીને 72,696.39 પર બંધ થયો હતો, જ્યારે નિફ્ટી 601.85 પોઈન્ટ (2.60 ટકા) ઘટીને 22,512.65 પર બંધ થયો હતો.
24 માર્ચ 2026 માટે મહત્વના વૈશ્વિક અને સ્થાનિક સંકેતોઃ એશિયન બજારઃ એશિયા-પેસિફિક બજારોમાં મંગળવારે તેજી જોવા મળી છે. જાપાનનો નિક્કી 225 એટલે કે 2.2 ટકા વધ્યો છે. ટોપિક્સ 2.47 ટકા ઉપર ગયો છે. દક્ષિણ કોરિયામાં કોસ્પી 3.5 ટકા અને કોસડેક 3.29 ટકા વધ્યા છે. ઓસ્ટ્રેલિયાનો S&P/ASX 200 પણ 0.74 ટકા વધી ગયો છે.
હુમલા સ્થગિત કરવાનો અમેરિકાનો સંકેતઃ અમેરિકાના રાષ્ટ્રપતિ ડોનાલ્ડ ટ્રમ્પે ઇરાન પર કરવામાં આવેલા સૈન્ય હુમલાઓને આગામી 5 દિવસ માટે રોકી રાખવાની જાહેરાત કરી છે. આ નિર્ણય તણાવ ઘટાડવા માટે લેવામાં આવ્યો હોવાનું માનવામાં આવે છે.
યુએસ-ઇરાન તણાવઃ અમેરિકા અને ઇરાન વચ્ચેનો તણાવ ચોથા અઠવાડિયામાં પ્રવેશી ગયો છે. હુમલાઓ અને મિસાઇલ પ્રતિક્રિયાઓને કારણે પરિસ્થિતિ ગંભીર બની રહી છે. હોર્મુઝ સ્ટ્રેઇટ અંગેની ચેતવણીથી વૈશ્વિક તેલ પુરવઠા પર અસર થવાની ભીતિ છે.
અમેરિકાના બજારોઃ અમેરિકી બજારો સોમવારે વધારા સાથે બંધ થયા હતા. ડાઉ જોન્સ 631 પોઈન્ટ એટલે કે 1.38 ટકા વધ્યો હતો. તેમ જ S&P 500 1.15 ટકા અને નાસ્ડેક 1.38 ટકા વધી ગયો હતો.
યુએસ ડોલરઃ ડોલર ઇન્ડેક્સ (DXY) 99.29 પર પહોંચતા તેમાં 0.08 ટકાનો વધારો જોવા મળ્યો છે. રૂપિયા સામે 0.27 ટકા મજબૂત બની 93.97 પર બંધ આવ્યો છે.
ક્રૂડ ઓઇલઃ બ્રેન્ટ ક્રૂડ $102.72 પ્રતિ બેરલ થયો છે તેમાં 2.78 ટકાનો વધારો જોવા મળ્યો છે. બીજીતરફ WTI $91.04 પ્રતિ બેરલ થયો છે. તેમાં 3.31 વધારા સાથે ટ્રેડ થઈ રહ્યો છે.
🔹 FII અને DII ડેટાઃ વિદેશી રોકાણકારોએ રૂ.10,400 કરોડના શેર વેચ્યા છે. તેની સામે સ્થાનિક સંસ્થાકીય રોકાણકારોએ રૂ. 12,000 કરોડની ખરીદી કરી છે.
સોનાની કિંમતઃ આંતરરાષ્ટ્રીય બજારમાં સોનુ $4,340 પ્રતિ ઔંસ છે. MCX પર એપ્રિલ ફ્યુચર્સ રૂ. 1,38,290 પ્રતિ 10 ગ્રામ બોલાઈ રહ્યું છે.
સેક્ટર પરફોર્મન્સઃ ગયા સેશનમાં શિપિંગ (-5.22%), કેબલ (-5.33%), શિપબિલ્ડિંગ (-5.34%) અને જેમ્સ & જ્વેલરી સેક્ટરમાં(-6.02%)માં ભારે ઘટાડો જોવા મળ્યો હતો.
બિઝનેસ ગ્રુપ પરફોર્મન્સઃ અરવિંદ મફતલાલ ગ્રુપ (+7.02 ટકા) અને HCL ગ્રુપ (+1.82 ટકા) વધ્યા છે. તેની સામે જયપી ગ્રુપમાં -10.09 ટકા સહિત ઘણા ગ્રુપમાં ઘટાડો થયો છે.
