આજે શેરબજારમાં શું કરશો?

ફંડામેન્ટલ્સ અને ટેકનિકલ એનાલિસિસ બંનેની દ્રષ્ટિએ મજબૂત ગણાતો પહેલો શેર બેન્ક ઓફ બરોડાનો છે. બેન્ક ઓફ બરોડાના શેરનો NSEનો કોડ BANKBARODA છે. બેન્કિંગ શેરના ફંડામેન્ટલ્સ મજબૂત છે. આ શેરમાં રોકાણ કે ટ્રેડિંગ કરીને ટૂંકા ગાળામાં સારી આવક કરી શકાય તેમ છે. ચોઈસ બ્રોકિંગના સુમિત બગડીયાઓ બેન્ક ઓફ બરોડાના શેર્સની વર્તમાન ભાવ સપાટીએ લેવાલી કરવાની ભલામણ કરી છે. બેન્ક ઓફ બરોડાના શેરનો વર્તમાન બજારભાવ રૂ. 308.25નો છે. તેનો ભાવ સુધરીને રૂ. 330 સુધી જવાની ધારણા છે. ટ્રેડરો કે ઇન્વેસ્ટર્સ રૂ. 295નો સ્ટોપલૉસ રાખીને સ્ક્રિપમાં ટ્રેડિંગ કે ઇન્વેસ્ટમેન્ટ કરી શકે છે. બેન્ક ઓફ બરોડા જાહેર ક્ષેત્રની બેન્ક છે. તેની ધિરાણની ગુણવત્તામાં સતત સુધારો આવી રહ્યો છે. બેન્કની છૂટક ડિપોઝિટની ફ્રેન્ચાઈઝી વધી રહી છે. બેન્કનું બ્રાન્ચ નેટવર્ક મજબૂત છે. બેન્કને સરકારનો મજબૂત ટેકો છે. તેમ જ તેની અસ્ક્યામતોની ગુણવત્તામાં સુધારો આવી રહ્યો છે. બેન્ક ઓફ બરોડાના શેર્સના ભાવ તેની વર્તમાન ભાવ સપાટીથી સાત ટકાની આસપાસનો વધારો દર્શાવી શકે છે.

ફંડામેન્ટલ્સની દ્રષ્ટિએ મજબૂત ગણાય તેવો અને આજે શેરબજારમાં ટ્રેડ કરી શકાય કે લાંબા ગાળા માટે રોકાણ કરી શકાય તેવા શેરમાં HDFC Bank Ltdના શેરનો સમાવેશ થાય છે. તેનો NSE કોડ HDFCBANK છે. આનંદ રાઠીના ટેકનિકલ રિસર્ચર અને એનાલિસ્ટ એચડીએફસી બેન્કના શેર્સમાં લેવાલી કરવાની ભલામણ કરી રહ્યા છે. શેરનો વર્તમાન બજાર ભાવ રૂ. 930થી 950ની રેન્જમાં છે. ટાર્ગેટ ભાવ રૂ. 970નો છે. રૂ. 910નો સ્ટોપલૉસ રાખીને શેરમાં ટ્રેડિંગ કરી શકાય છે. એચડીએફસી બેન્ક ખાનગી ક્ષેત્રની ભારતની સૌથી મોટી બેન્ક છે. બેન્કની કરન્ટ એકાઉન્ટ અને સેવિંગ એકાઉન્ડમાં પડેલી અબજોની ડિપોઝિટ્સ તેનો મોટો એડવાન્ટેજ બની રહી છે. બીજીતરફ લોકો ડિજિટલ ટ્રાન્ઝેક્શન તરફ વળી રહ્યા હોવાની બાબત પણ બેન્કના કામકાજમાં વધારો અને આવકમાં વૃદ્ધિ થવાનો નિર્દેશ આપી રહી છે. બેન્ક નિફ્ટી ટેકાની મહત્વની સપાટીની ઉપર છે. આ પણ દર્શાવે છે કે બેન્કિંગ શેર્સમાં જોરદાર આગેકૂચ થવાની શક્યતા છે. ટેકનિકલ એનાલિસિસ અને બેન્કના પોતાના ફંડામેન્ટલ્સ તેમાં લેવાલી કરવાનો સંકેત આપી રહ્યા છે.

ફંડામેન્ટલ્સની દ્રષ્ટિએ બીજો મજબૂત શેર Larsen & Toubro (L&T) Ltdનો છે. તેનો એનએસઈનો કોડ NSE: LT છે. શેરનો વર્તમાન બજાર ભાવ રૂ. 3850થી 3865ની રેન્જમાં છે. ટાર્ગેટ ભાવ રૂ. 4050 નક્કી કરવામાં આવેલો છે. રૂ. 3800નો સ્ટોપલૉસ રાખીને તેમાં કામકાજ કરી શકાય છે. લાર્સન એન્ડ ટુબ્રો એન્જિનિયરિંગના સેક્ટરની અને કેપિટલ ગુડ્સના સેક્ટરની એક કદાવર કંપની છે. ભારતની માળખાકીય સુવિધાઓમાં વધારો કરવામાં મોટો ફાળી આપતી કંપની છે. કેપિટલ એક્સપેન્ડિચરની સાયકલને વેગ આપતી કંપની છે. કંપનીનો ઓર્ડર બુક તગડી છે. ઓર્ડર બુક પ્રમાણેના ઓર્ડર પૂરા કરી આપવાની ક્ષમતા પણ કંપની ધરાવે છે. કંપનીનું મેનેજમેન્ટ હાઈ ક્વોલિટીનું છે. સરકાર તરફથી કરવામાં આવેલા કેપિટલ એક્સપેન્ડિચર અને માળખાકીય સુવિધા માટેના ખર્ચ કંપનીના કામકાજમાં અને આવકમાં વધારો  કરી રહ્યા છે. શેર તેની વર્તમાન ભાવ સપાટીથી પાંચથી છ ટકા ઉપર જાય તેવી સંભાવના જણાય છે.

JSW Steel Ltdનો શેર્સ પણ ટ્રેડિંગ કે ઇન્વેસ્ટમેન્ટ કરવાને લાયક શેર છે. તેનો NSE કોડ JSWSTEEL છે. ટેકનિકલ એનાલિસિસ કરનારાઓ તેમાં લેવાલી કરવાની ભલામણ કરી રહ્યા છે. ચોઈસ બ્રોકિંગના સુમિત બગડિયા તેમાં લેવાલી કરવાની ભલામણ કરી રહ્યા છે. રૂ. 1187ની ભાવ સપાટીએ તેમાં લેવાલી કરી શકાય છે. રૂ. 1145નો સ્ટોપલૉસ રાખીને કામકાજ કરી શકાય છે. સ્ક્રિપનું ટ્રેડિંગ 20, 50, 100 અને 200ના ઈએમએ-એક્સપોનેન્શિયલ મુવિંગ એવરેજથી ઉપર થાય તો તેમાં તેજીની ચાલ જોવા મળી શકે છે. ઈએમએમાં તાજેતરના સમયમાં શેરના ભાવમાં થયેલી વધઘટને ધ્યાનમાં લઈને તેની આગામી ચાલનો નિર્દેશ આપવામાં આવે છે. નવથી એકવીસ વચ્ચેનો ઈએમએ હોય તો તે ઝડપી સંકેત આપે છે. જ્યારે ઈએમએ 50થી 200નો હોય તો તે સમગ્રતયા શેરના ભાવમાં ટૂંકા ગાળામાં આવી રહેલા બદલાવનો નિર્દેશ આપે છે. કરેક્શન પછીનો આ ઊછાળો હોવાનો સંકેત આપે છે. આ ઈએમએનો ટ્રેડિંગ કે ઇન્વેસ્ટમેન્ટના વ્યૂહ બનાવવા માટે ઉપયોગ કરવામાં આવે છે. તેની સાથે જ સ્ક્રિપનું વધી રહેલું વોલ્યમ દર્શાવે છે કે બજારમાં કોઈ એ સ્ક્રિપ એકત્રિત કરી રહ્યું છે. રૂ. 1187ની ભાવ સપાટીએ બ્રેકઆઉટ જોવા મળી શકે છે.

ગ્રાસિમ ઇન્ડસ્ટ્રીઝ પણ આ જ કેટેગરીમાં આવતો શેર છે. Grasim Industries Ltdના શેરનો NSE કોડ GRASIM છે. ટેકનિકલ એનાલિસ્ટની માન્યતા પ્રમાણે તેમાં તેજીનો ટોન જોવા મળી રહ્યો છે. કંપનીના ફંડામેન્ટલ્સ પણ મજબૂત છે. ચોઈસ બ્રોકિંગના સુમિત બગડિયાએ સ્ક્રિપમાં રૂ. 2809 ની ભાવ સપાટીએ લેવાલી કરવાની ભલામણ કરી છે. રૂ. 2700નો સ્ટોપલૉસ રાખીને સ્ક્રિપમાં ટ્રેડિંગ કે ઇન્વેસ્ટમેન્ટ કરી શકાય છે. ટાર્ગેટ ભાવ રૂ. 3000નો નક્કી કરવામાં આવ્યો છે. ટેકનિકલ એનાલિસિસ બતાવે છે કે શેર વર્તમાન ભાવ સપાટે આસપાસ ટેકો બનાવી રહ્યો છે. તેમાં સુધારાની ચાલ જોવા મળી રહી છે. 100 અને 200 ઈએમએનો ટેકો મજબૂત ટેકા તરીકે કામ કરી રહ્યો છે. શેર ઉપરની ચાલ બતાવવા તરફ આગળ વધી રહ્યો છે ત્યારે તેના વોલ્યુમમાં મર્યાદિત ઘટાડો જોવા મળ્યો છે. આ એક તન્દુરસ્ત ટ્રેન્ડનો સંકેત આપી રહ્યો છે. ટેક્સટાઈલ ઇન્ડસ્ટ્રીઝનો આ શેર છે. કંપનીના કામકાજ ટેક્સટાઈલ સેક્ટરના જુદાં જુદાં વિભાગોમાં પથરાયેલા છે. તેનો કંપનીને ફાયદો મળશે.

આજે નિફ્ટી ફ્યુચર્સમાં કેવી સંભાવનાઓ છે?

જાન્યુઆરી 16ની બજાર સ્થિતિને આધારે નિફ્ટિ ફ્યુચર્સની આજની ચાલની સંભાવના વિશે વાત કરીએ તો નિફ્ટિ ફ્યુચર 25,500થી 25,700ની રેન્જમાં અથડાતી રહે તેવી સંભાવના છે. 26,000થી 26,300ની સપાટીએ તેમાં પ્રતિકાર જોવા મળી રહ્યો છે. 26000 કે 26300ની ઉપર જાય તો તેમાં લાંબા ગાળા સુધી ચાલે તેવો બ્રેકઆઉટ જોવા મળી શકે છે. ત્યારબાદ નિફ્ટી ફ્યુચર્સ 26300ની ઉપર જઈ શકે છે. બજારનું સેન્ટીમેન્ટ પોઝિટિવ છે. ઇન્ફોસિસની આવક વધતા ઇન્ફોર્મેશન ટેક્નોલોજીના સેક્ટરની કંપનીઓના શેર્સના ભાવમાં સુધારો જોવા મળ્યો છે. આમ ચોક્કસ સેક્ટરની આગેવાની હેઠળ બેન્ચમાર્ક ઇન્ડેક્સ ઉપર જતો જોવા મળી શકે છે. છતાંય કેટલાક ડિફેન્સિવ સેક્ટરમાં નફો બુક કરવાનું ચાલુ થાય તો બજારમાં નરમાઈની ચાલ જોવા મળી શકે છે. તેજીન તરખાટ જોવા મળે તો નિફ્ટી ફ્યુચર્સની રેન્જ 26000થી 26,300ની રહી શકે છે. મંદી જોવા મળે તો 25,500થી 25,700ની રેન્જમાં જોવા મળી શકે છે. 25,500થી નીચેનો ટેકો મંદીના જોરને મર્યાદિત કરી શકે છે. નિફ્ટિ ફ્ચુચર્સમાં મિક્સ ચાલ જોવા મળી શકે છે.

ખાસ નોંધઃ ટ્રેડર્સ અને ઇન્વેસ્ટર્સ એક વાત સમજી લે. શેરબજારમાં રોકાણ કરવું કે ટ્રેડિંગ કરવું એ એક જોખમી બાબત છે. તેથી કેટલીકવાર રોકાણ કે ટ્રેડિંગ કરીને આબાદ કે બરબાદ થઈ શકાય છે. આ સ્થિતિમાં રોકાણકારોએ પોતે સમજી વિચારીને અમે સૂચવેલી સ્ક્રિપમાંથી કઈ સ્ક્રિપમાં રોકાણ કરવાનો નિર્ણય લેવાનો રહેશે. તેમાં રોકાણ કરવાથી થતાં નફા કે નુકસાન માટે અમે જવાબદાર નથી. અમે માત્ર માર્ગદર્શન આપ્યું છે. માત્ર સંભાવનાને વ્યક્ત કરી છે. છતાં રોકાણકાર કે ટ્રેડરે પોતાની બુદ્ધિ વાપરીને કે પછી પોતાની જોખમ લેવાની કે રોકાણ કરવાની મર્યાદાને સમજીને સ્ક્રિપમાં રોકાણ કરવાનો નિર્ણય લેવાનો રહેશે. તેને માટે પોતે નક્કી કરેલા એક્સપર્ટનો અભિપ્રાય લઈને પણ આગળ વધી શકાય છે. કોઈપણ સ્થિતિ માટે આ રિપોર્ટ રજૂ કરનાર જવાબદાર નથી. દરેક નિર્ણય માટે વાચક કે રોકાણકાર પોતે જ જવાબદાર છે.