Shadowfax Technologies IPOનું ગ્રે માર્કેટ પ્રીમિયમ ઘટીને રૂ. 1 પર આવી જતાં લિસ્ટિંગ લાભ મળવા અંગે આશંકા

શેડોફેક્સ ટેક્નોલોજીનો પબ્લિક ઇશ્યૂ લોન્ચ થયાના ત્રીજા દિવસે જ સંપૂર્ણ સબ્સ્ક્રાઇબ થઈ ગયો છે.  પબ્લિક ઇશ્યૂ પૂર્વે રૂ.10.80 સુધી પહોંચેલું ગ્રે માર્કેટ પ્રીમિયમ-GMP સબસ્ક્રાઈબ થાય તે પહેલા જ લગભગ ફ્લેટ એટલે કે રૂ. 1ની આસપાસ આવી જતાં આ શેર્સમાં અરજી કરનારાઓને લિસ્ટિંગ લાભ મળશે કે કેમ તે એક સવાલ થઈ રહ્યો છે. લિસ્ટિંગ લાભ લઈને એક્ઝિટ કરી જનારાઓ પણ આ શેર્સમાં અટવાઈ જાય તેવી પરિસ્થિતિ નિર્માણ થઈ છે.

Shadowfax Technologies IPO આજે (22 જાન્યુઆરી) સબ્સ્ક્રિપ્શનના ત્રીજા અને અંતિમ દિવસે સંપૂર્ણ રીતે સબ્સ્ક્રાઇબ થઈ ગયો છે. IPO નો પ્રાઇસ બેન્ડ રૂ. 118 થી રૂ. 124 પ્રતિ શેર નક્કી કરવામાં આવ્યો છે. હાલ GMP (ગ્રે માર્કેટ પ્રીમિયમ) લગભગ રૂ. 1.20ની આસપાસનું બોલાઈ રહ્યું છે. IPO અંતિમ દિવસે કુલ 1.14 ગણો સબ્સ્ક્રાઇબ થયો છે. તેમાં રિટેલ રોકાણકારો: 1.96 ગણો, QIB ઇન્સ્ટિટ્યુશનલ ઇન્વેસ્ટર્સમાં  1.19 ગણો, કર્મચારી ક્વોટામાં 1.75 ગણો છલકાયો છે. આ જ રીતે NII (નોન-ઇન્સ્ટિટ્યુશનલ) માટેના શેર્સની ઓફર 0.48 ગણી સબસ્ક્રાઈબ થઈ છે.

ઇશ્યુ સ્ટ્રક્ચરની વાત કરીએ તો રૂ. 1,907.27 કરોડના IPO માં રૂ. 1,000 કરોડના ફ્રેશ શેર્સનો ઇશ્યુ છે. બાકીના રૂ. 907 કરોડ ઓફર ફોર સેલ (OFS) એટલે કે પ્રમોટર્સ અથવા તો હાલના શેરહોલ્ડર્સ 7.32 કરોડ શેર વેચશે. આ પબ્લિક ઇશ્યૂના માધ્યમથી એકત્રિત થનારા ફંડનો ઉપયોગ નીચે મુજબ થશે. તેમાંથી રૂ. 423 કરોડ નવા ફર્સ્ટ-માઇલ, લાસ્ટ-માઇલ અને સોર્ટિંગ સેન્ટર્સ ડેવલપ કરવા માટે ખર્ચવામાં આવશે. તેમ જ રૂ. 138 કરોડ ઇન્ફ્રાસ્ટ્રક્ચર લીઝ પેમેન્ટ માટે ઉપયોગમાં લેવામાં આવશે. ત્યારબાદ રૂ. 88 કરોડ બ્રાન્ડિંગ અને માર્કેટિંગ માટે ખર્ચવામાં આવશે.

કંપની બિઝનેસ મોડેલ

Shadowfax ભારતની મોટી લાસ્ટ-માઇલ અને એન્ડ-ટુ-એન્ડ ઇ-કોમર્સ ડિલિવરી સર્વિસ પ્રોવાઇડર છે.
કંપનીના મુખ્ય ક્લાયન્ટમાં Meesho, Flipkart, Myntra, Swiggy, Bigbasket, Zepto, Nykaa, Blinkit, Zomato, Uber, ONDC અને અન્ય સામેલ છે.

કંપનીના વિકાસને વેગ આપનારા પરિબળો

કંપનીના વિકાસને વેગ આપનારા પરિબળોમાં ટેક્નોલોજી આધારિત ડિલિવરી સોલ્યુશન આપવામાં આવશે. તેમ જ ગ્રાહકનો અનુભવ સુધારવા પર ફોકસ કરવામાં આવશે. ઓપરેશનલ કાર્યક્ષમતામાં પણ કંપની સુધારો કરશે. કંપનીના આઈપીઓમાં અરજી કરનારાઓ સામે થોડા જોખમો પણ છે. કંપની તેની ટેક્નોલોજી ઇન્ફ્રાસ્ટ્રક્ચર અને થર્ડ-પાર્ટી એપ્લિકેશન્સ પર ભારે નિર્ભર છે. ટેક્નોલોજીમાં કોઈ ખામી વ્યવસાયને અસર કરી શકે છે.

લિસ્ટિંગ અપેક્ષા

GMP હાલ ઓછો હોવા છતાં IPO સંપૂર્ણ સબ્સ્ક્રાઇબ હોવાથી બજાર લિસ્ટિંગ દિવસે આશ્ચર્યજનક પ્રદર્શન આપી શકે છે. તેનું ગ્રે માર્કેટ પ્રીમિયમ ઘટીને રૂ. 1.20ની આસપાસ આવી ગયું હોવાથી લિસ્ટિંગ લાભ લઈને નીકળી જનારાઓને કદાચ અઘરુ પડી શકે છે.

Shadowfax Technologies IPOનું ગ્રે માર્કેટ પ્રીમિયમ ઘટીને રૂ. 1 પર આવી જતાં લિસ્ટિંગ લાભ મળવા અંગે આશંકા

શેડોફેક્સ ટેક્નોલોજીનો પબ્લિક ઇશ્યૂ લોન્ચ થયાના ત્રીજા દિવસે જ સંપૂર્ણ સબ્સ્ક્રાઇબ થઈ ગયો છે.  પબ્લિક ઇશ્યૂ પૂર્વે રૂ.10.80 સુધી પહોંચેલું ગ્રે માર્કેટ પ્રીમિયમ-GMP સબસ્ક્રાઈબ થાય તે પહેલા જ લગભગ ફ્લેટ એટલે કે રૂ. 1ની આસપાસ આવી જતાં આ શેર્સમાં અરજી કરનારાઓને લિસ્ટિંગ લાભ મળશે કે કેમ તે એક સવાલ થઈ રહ્યો છે. લિસ્ટિંગ લાભ લઈને એક્ઝિટ કરી જનારાઓ પણ આ શેર્સમાં અટવાઈ જાય તેવી પરિસ્થિતિ નિર્માણ થઈ છે.

Shadowfax Technologies IPO આજે (22 જાન્યુઆરી) સબ્સ્ક્રિપ્શનના ત્રીજા અને અંતિમ દિવસે સંપૂર્ણ રીતે સબ્સ્ક્રાઇબ થઈ ગયો છે. IPO નો પ્રાઇસ બેન્ડ રૂ. 118 થી રૂ. 124 પ્રતિ શેર નક્કી કરવામાં આવ્યો છે. હાલ GMP (ગ્રે માર્કેટ પ્રીમિયમ) લગભગ રૂ. 1.20ની આસપાસનું બોલાઈ રહ્યું છે. IPO અંતિમ દિવસે કુલ 1.14 ગણો સબ્સ્ક્રાઇબ થયો છે. તેમાં રિટેલ રોકાણકારો: 1.96 ગણો, QIB ઇન્સ્ટિટ્યુશનલ ઇન્વેસ્ટર્સમાં  1.19 ગણો, કર્મચારી ક્વોટામાં 1.75 ગણો છલકાયો છે. આ જ રીતે NII (નોન-ઇન્સ્ટિટ્યુશનલ) માટેના શેર્સની ઓફર 0.48 ગણી સબસ્ક્રાઈબ થઈ છે.

ઇશ્યુ સ્ટ્રક્ચરની વાત કરીએ તો રૂ. 1,907.27 કરોડના IPO માં રૂ. 1,000 કરોડના ફ્રેશ શેર્સનો ઇશ્યુ છે. બાકીના રૂ. 907 કરોડ ઓફર ફોર સેલ (OFS) એટલે કે પ્રમોટર્સ અથવા તો હાલના શેરહોલ્ડર્સ 7.32 કરોડ શેર વેચશે. આ પબ્લિક ઇશ્યૂના માધ્યમથી એકત્રિત થનારા ફંડનો ઉપયોગ નીચે મુજબ થશે. તેમાંથી રૂ. 423 કરોડ નવા ફર્સ્ટ-માઇલ, લાસ્ટ-માઇલ અને સોર્ટિંગ સેન્ટર્સ ડેવલપ કરવા માટે ખર્ચવામાં આવશે. તેમ જ રૂ. 138 કરોડ ઇન્ફ્રાસ્ટ્રક્ચર લીઝ પેમેન્ટ માટે ઉપયોગમાં લેવામાં આવશે. ત્યારબાદ રૂ. 88 કરોડ બ્રાન્ડિંગ અને માર્કેટિંગ માટે ખર્ચવામાં આવશે.

કંપની બિઝનેસ મોડેલ

Shadowfax ભારતની મોટી લાસ્ટ-માઇલ અને એન્ડ-ટુ-એન્ડ ઇ-કોમર્સ ડિલિવરી સર્વિસ પ્રોવાઇડર છે.
કંપનીના મુખ્ય ક્લાયન્ટમાં Meesho, Flipkart, Myntra, Swiggy, Bigbasket, Zepto, Nykaa, Blinkit, Zomato, Uber, ONDC અને અન્ય સામેલ છે.

કંપનીના વિકાસને વેગ આપનારા પરિબળો

કંપનીના વિકાસને વેગ આપનારા પરિબળોમાં ટેક્નોલોજી આધારિત ડિલિવરી સોલ્યુશન આપવામાં આવશે. તેમ જ ગ્રાહકનો અનુભવ સુધારવા પર ફોકસ કરવામાં આવશે. ઓપરેશનલ કાર્યક્ષમતામાં પણ કંપની સુધારો કરશે. કંપનીના આઈપીઓમાં અરજી કરનારાઓ સામે થોડા જોખમો પણ છે. કંપની તેની ટેક્નોલોજી ઇન્ફ્રાસ્ટ્રક્ચર અને થર્ડ-પાર્ટી એપ્લિકેશન્સ પર ભારે નિર્ભર છે. ટેક્નોલોજીમાં કોઈ ખામી વ્યવસાયને અસર કરી શકે છે.

લિસ્ટિંગ અપેક્ષા

GMP હાલ ઓછો હોવા છતાં IPO સંપૂર્ણ સબ્સ્ક્રાઇબ હોવાથી બજાર લિસ્ટિંગ દિવસે આશ્ચર્યજનક પ્રદર્શન આપી શકે છે. તેનું ગ્રે માર્કેટ પ્રીમિયમ ઘટીને રૂ. 1.20ની આસપાસ આવી ગયું હોવાથી લિસ્ટિંગ લાભ લઈને નીકળી જનારાઓને કદાચ અઘરુ પડી શકે છે.