આજે શેરબજારમાં શું કરશો?

આજે આઈસીઆઈસીઆઈ બેન્ક, વારી એનર્જિસ, સુઝલોન એનર્જી, ટાટા કન્સલ્ટન્સી સર્વિસિસ અને બીએસઈ લિમિડેટના શેર્સ પર નજર રાખવા જેવી છે

ફંડામેન્ટલની દ્રષ્ટિએ મજબૂત ગણાતો સૌથી પહેલો શેર આજે ICICI Bank Ltd.નો છે. બેન્કિંગ-Banking સેક્ટરની Large Cap કંપનીનો આ શેર છે. એક કરતાં વધુ બ્રોકરેજ હાઉસે આ સ્ક્રિપમાં લેવાલી કરવાની ભલામણ કરી છે. 2025-26ના નાણાંકીય વર્ષના ત્રીજા-ઓક્ટોબરથી ડિસેમ્બર 2025ના ત્રિમાસિક ગાળાના પરિણઆમે જાહેર કરવામાં આવ્યા તે પછી આઈસીઆઈસીઆઈ બેન્કના શેર્સમાં લેણ કરવાની ભલામણ બીએનપી પારિબાસ, આઈસીઆઈસીઆઈ ડાયરેક્ટ અને બજારના બીજા નિષ્ણાતોએ કરી છે. બજારમાં નામ ધરાવતા 51માંથી 49 એક્સપર્ટ્સે-Expertએ આઈસીઆઈસીઆઈ બેન્કના શેર્સમાં લેણ કરવાની ભલામણ કરી છે. આઈસીઆઈસીઆઈ બેન્કના શેરનો વર્તમાન બજાર ભાવ રૂ. 1600થી રૂ. 1650ની રેન્જમાં રમતો હોવાનું જોવા મળે છે. આઈસીઆઈસીઆઈ બેન્કના નેટ ઇન્ટરેસ્ટ માર્જિન-Net Interest Margin (NIM) મજબૂત છે. તેની એસેટ ક્વોલિટી સુધરી રહી છે. આઈસીઆઈસીઆઈ બેન્ક  પાસેથી છૂટક લોન લેનારાઓ વધી રહ્યા છે. પરિણામે બેન્કિંગ સેક્ટરની અગ્રણી કંપની તરીકેનું તેનું સ્થાન અકબંધ જળવાઈ રહ્યું છે. આઈસીઆઈસીઆઈ બેન્કની નફાકારકતામાં સતત સુધારો જોવા મળી રહ્યોછે. આઈસીઆઈસીઆઈ બેન્કનું મેનેજમેન્ટ સ્થિર છે. બીએનપી પારિબાસ સહિતના નિષ્ણાતો શેરનો ભાવ વધીને રૂ. 1990ના મથાળાને આંબી જાય તેવી શક્યતા દર્શાવી રહ્યા છે. લાંબા ગાળાના રોકાણ માટે એક મજબૂત સ્ક્રિપ ગણાય છે.

ફંડામેન્ટલ્સની દ્રષ્ટિએ મજબૂત ગણાતી બીજી સ્ક્રપ વારી એનર્જિસ લિમિટેડ-Waaree Energies Ltd. (Renewable & Electrical – Mid Cap) છે. 23મી જાન્યુઆરીએ આ સ્ક્રિપમાં લેણ કરવાની નિષ્ણાતો દ્વારા ભલામણ કરવામાં આવી રહી છે. વારી એનર્જીના શેરનો વર્તમાન બજાર ભાવ રૂ. 2640થી રૂ. 2713ની રેન્જમાં અથડાતો રહેતો હોવાનું જોવા મળે છે. રિન્યુએબલ એનર્જી અને કેપિટલ ગુડ્સના સેક્ટરની આ કંપનીના 22મી જાન્યુઆરીએ બંધ ભાવને ધોરણે આ રેન્જ દર્શાવવામાં આવી છે. સોલાર પ્રોડક્ટ્સ અને રિન્યુએબલ એનર્જી પર ફોકસ કરતી આ કંપનીના 2025-26ના નાણાંકીય વર્ષના ઓક્ટોબર-ડિસેમ્બર 2025ના ત્રીજા ત્રિમાસિક ગાળમાં કંપનીની આવકમાં વાર્ષિક ધોરણે એટલે કે ગયા વર્ષના ઓક્ટોબર-ડિસેમ્બરના ગાળા સાથે તુલના કરતાં તેમાં સો ટકાનો વધારો જોવા મળ્યો છે. એનર્જિસ લિમિટેડ-Waaree Energies Ltd. રિટર્ન ઓન ઇક્વિટી-ROE 26 ટકા અને રિટર્ન ઓને કેપિટલ એમ્પ્લોઈ- ROCE 29 ટકાનો તન્દુરસ્ત વિકાસદર ધરાવે છે. દરેક દેશની સરકાર કાર્બન એમિસન-કાર્બન ઉત્સર્જન રોકવા સક્રિય બની હોવાથી સોલાર પાવરની ડિમાન્ડ સતત વધી રહી છે. એનર્જીના ઇન્ફ્રાસ્ટ્રક્ચરમાં સતત વધારો થઈ રહ્યો છે. તેનો એડવાન્ટેજ કંપનીને મળી રહ્યો છે અને મળતો રહેશે. કંપનીની ઓર્ડર બુક તગડી છે. તેથી તેની આવકમાં પણ વધારો થતો જ રહેશે. એનર્જિસ લિમિટેડ-Waaree Energies Ltd.ના ફંડામેન્ટલ્સ સતત મજબૂત રહેવાની શક્યતા વચ્ચે તેના શેરમાં એકતરફી સુધારો જોવા મળે તેવી સંભાવના વ્યક્ત કરવામાં આવી રહી છે. છ મહિનાના ગાળામાં શેરનો ભાવ રૂ. 2950ના મથાળાને આંબી જાય તેવી સંભાવના છે. આમ ટૂંકા ગાળામાં લાભ કરાવવા ઉપરાંત લાંબા ગાળાના રોકાણ માટેનો પણ એક સારો વિકલ્પ ગણાય છે.

ટેકનિકલ ચાર્ટની દ્રષ્ટિએ પણ બીજી મજબૂત કંપનીમાં વારી એનર્જીસ લિમિટેડ-Waaree Energies Ltd. (also technical strength) પર પસંદગી ઉતારવામાં આવી રહી છે. આજે વારી એનર્જિસમાં લેણ કરવાની ઘણાં નિષ્ણાતો ભલામણ કરી રહ્યા છે.

ફંડામેન્ટલ્સની દ્રષ્ટિએ મજબૂત ગણાતો ત્રીજો શેર સુઝલોન એનર્જી લિમિટેડ-Suzlon Energy Ltd.નો છે. જુદાં જુદાં બ્રોકરેજ હાઉસ સુઝલોન એનર્જી લિમિટેડ-Suzlon Energy Ltd.ના શેરમાં લેણ કરવાની ભલામણ કરી રહ્યા છે. કંપનીના શેરનો ભાવ 47 ટકા વધીને રૂ. 67નું મથાળું બતાવી શકે છે. બાવીસમી જાન્યુઆરીએ Suzlon Energy Ltd.ના શેરનો ભાવ 3.65 ટકાના સુધારા સાથે રૂ. 47.19ની સપાટીએ બંધ આવ્યો હતો. રિન્યુએબલ એનર્જિની ડિમાન્ડ સતત વધી રહી છે. તેથી આ સેક્ટરની કંપનીઓ સતત વિસ્તરણ કરવામાં પડી છે. શેરના ભાવને તેજી લાવવા માટે એક કરતાં વધુ કારણો મોજૂદ છે.

ટેકનિકલ ચાર્ટની દ્રષ્ટિએ આજે એટલ કે 23મી જાન્યુઆરીએ લેવાલી કરવા જેવા શેર્સમાં બીએસઈ લિમિટેડ-BSE Ltd. (Market Infrastructure / Tech)ના શેરનો સમાવેશ થાય છે. સ્ટોક માર્કેટ માટેની માળખાકીય સુવિધા ઊભી કરી આપવાની ટેકનિકલ સર્વીસ આપતી કંપનીના શેરમાં ટૂંકા ગાળાથી માંડીને મધ્યમ ગાળાની મલ્ટીપલ મુવિંગ એવરેજ સ્ક્રિપમાં લેણ કરવાનો નિર્દેશ આપે છે. બીએસઈ લિમિટેડ-BSE Ltd.નો આર.એસ.આઈ-રિલેટિવ સ્ટ્રેન્ગ્થ ઇન્ડેક્સ પણ લેણ કરવાનો સંકેત આપી રહ્યો છે. મહત્વના ટેકાઓ દર્શાવે છે કે શેરના ભાવમાં મજબૂત વધારો જોવા મળી શકે છે. બીએસઈ લિમિટેડ-BSE Ltd.ના શેરનો વર્તમાન બજાર ભાવ રૂ. 2,708નો છે. તેમાં ટેકનિકલ ચાર્ટની દ્રષ્ટિએ લેણ કરવાની કરવામાં આલી ભલામણના કારણોમાં ઊંડા ઉતરીએ તો મલ્ટીપલ મુવિંગ એવરેજ લેણ કરવાનો સંકેત આપે છે. નીચેની તરફ બહુ જ નજીકની ભાવ સપાટીએ સ્ક્રિપ મજબૂત ટેકો ધરાવે છે. તેથી આ શેરમાં નવો બ્રેકઆઉટ જોવા મળે તેવી સંભાવના ચાર્ટ દર્શાવી રહ્યા છે.

ફંડામેન્ટલ્સ સારા હોવા છતાં ટૂંકા ગાળામાં નરમાઈ દેખાડે તેવો શેર કોઈ હોય તો તે ટાટા કન્સલ્ટન્સી સર્વિસિસ-Tata Consultancy Services (TCS)નો છે. 22મી જાન્યુઆરીએ તેના શેરના ભાવમાં સુધારો થયો હોવા છતાંય બાવન અઠવાડિયાના ટોચના ભાવથી હજી તેનો વર્તમાન બજાર ભાવ 25 ટકા નીચે છે. આ દર્શાવે છે કે તેમાં જોઈએ તેટલું વોલ્યુમ નથી. કંપનીની આવકમાં થતી વૃદ્ધિ તેના શેરના ભાવને મજબૂત બનાવવામાં રૂપાંતરિત ન થતી હોવાનું જણાય છે. ટેકનિકલ ચાર્ટ પર તેની ગતિ નબળી હોવાનો નિર્દેશ મળી રહ્યો છે. ઇન્ફોર્મેશન ટેક્નોલોજીના સેક્ટરની આ કંપની લાર્જકેપ કંપની છે. સ્ક્રિપની મુવિંગ એવરેજની નીચેની સપાટીએ જળવાઈ રહે તો તેમાં નરમાઈ જોવા મળી શકે છે.

 આજે નિફ્ટી ફ્યુચરમાં શું કરશો?

નિફ્ટી-50 ફ્ચુયર અને સ્પોટ-Nifty 50 (Futures / Spot)ની વાત કરીએ તો સાવધાની પૂર્વકના આશાવાદ સાથે બજારમાં ટ્રેડિંગ કરી શકાય છે. નિફ્ટી-50 25,500થી 25,600ની રેન્જમાં પ્રતિકાર ધરાવે છે. તેમ જ 25,130ની સપાટીએ ટેકો ધરાવે છે. આ સંજોગોમાં 25,600ની ઉપર જાય અને ટકી રહે તો નિફ્ટી 50 25,700થી 25,900ની રેન્જમાં પહોંચી શકે છે. ટેકાની સપાટીથી નીચે નિફ્ટી-50 ઉતરી જાય તો તેમાં મંદી જોવા મળી શકે છે. તેના ચાર્ટમાં હાઈ વેવ કેન્ડલ સિગ્નલ્સ મળી રહ્યા હોવાથી બજાર અનિર્ણાયકતાના તબક્કામાં છે. તેનો આરએસઆઈ 50થી નીચે છે. આ બાબત દર્શાવે છે કે તેમાં વધારો કે ઘટાડાની શરૂઆત થતાં પહેલા આ સપાટીએ બજાર મજબૂતાઈ કેળવી રહ્યું છે. આ મજબૂતા કે કન્સોલિડેશનની પ્રક્રિયા થઈ ગયા બાદ નિફ્ટી-50 ઉપર જશે કે નીચે જશે તે સ્પષ્ટ થશે.

Bank Nifty-બેન્ક નિફ્ટી મહત્વની મુવિંગ એવરેજની ઉપર છે. તેથી તેમાં સુધારો થવાની સંભાવના વધુ જણાઈ રહી છે. બેન્ક નિફ્ટી 58,700થી 59000ની સપાટીએ ટેકો ધરાવે છે. તેમ જ 59,700થી 60,000ની સપાટીએ પ્રતિકાર જોવા મળી રહ્યો છે. 59,700થી 60,000ની પ્રતિકાર સપાટી તોડીને ઉપર વધે તો તેમાં સુધારા તરફી ચાલ જોવા મળી શકે છે.

23મી જાન્યુઆરીએ એફઆઈઆઈ- FII- ફોરેન ઇન્સ્ટિટ્યૂશન ઇન્વેસ્ટર્સની વેચવાલી બજારમાં ચાલુ રહેશે. બીજીતરફ ડીઆઈઆઈ-DII ડોમેસ્ટિક ઇન્સ્ટિટ્યૂશનલ ઇન્વેસ્ટર્સ નેટ બાયર્સ રહેવાની શક્યતા છે. પરિણામે બજારનું સેન્ટિમેન્ટ મિક્સ રહેવાની ગણતરી મૂકવામાં આવી રહી છે. વોલેટાલિટી ઇન્ડિકેટર રોકાણકારો-ટ્રેડર્સનો ભય ઓછો થઈ રહ્યો હોવાનું દર્શાવેછે. તેથી ઘટાડે લેવાલી આવે તેવી શક્યતા રહેલી છે.

ખાસ નોંધઃટ્રેડર્સ અને ઇન્વેસ્ટર્સ એક વાત સમજી લે. શેરબજારમાં રોકાણ કરવું કે ટ્રેડિંગ કરવું એ એક જોખમી બાબત છે. તેથી કેટલીકવાર રોકાણ કે ટ્રેડિંગ કરીને આબાદ કે બરબાદ થઈ શકાય છે. આ સ્થિતિમાં રોકાણકારોએ પોતે સમજી વિચારીને અમે સૂચવેલી સ્ક્રિપમાંથી કઈ સ્ક્રિપમાં રોકાણ કરવાનો નિર્ણય લેવાનો રહેશે. તેમાં રોકાણ કરવાથી થતાં નફા કે નુકસાન માટે અમે જવાબદાર નથી. અમે માત્ર માર્ગદર્શન આપ્યું છે. માત્ર સંભાવનાને વ્યક્ત કરી છે. છતાં રોકાણકાર કે ટ્રેડરે પોતાની બુદ્ધિ વાપરીને કે પછી પોતાની જોખમ લેવાની કે રોકાણ કરવાની મર્યાદાને સમજીને સ્ક્રિપમાં રોકાણ કરવાનો નિર્ણય લેવાનો રહેશે. તેને માટે પોતે નક્કી કરેલા એક્સપર્ટનો અભિપ્રાય લઈને પણ આગળ વધી શકાય છે. કોઈપણ સ્થિતિ માટે આ રિપોર્ટ રજૂ કરનાર જવાબદાર નથી. દરેક નિર્ણય માટે વાચક કે રોકાણકાર પોતે જ જવાબદાર છે.