Gen Zના ગ્રાહકને ધ્યાનમાં રાખી ઘડવામાં આવતા માર્કેટિંગના વ્યૂહ
Gen Zના ગ્રાહકને ધ્યાનમાં રાખી ઘડવામાં આવતા માર્કેટિંગના વ્યૂહ
આજે માર્કેટિંગના નિર્ણય લેનારાઓ જેન-ઝીGen Z ગ્રાહકોને ધ્યાનમાં રાખે છે. આ નવું જનરેશન છે. તેમનો જન્મ વર્ષ 1997–2012ની વચ્ચેનો છે. આ સમયના યુવાનો હવે ડિજિટલ-નેટિવ તરીકે ઓળખાય છે. તેમને ટેક્સ બચાવવાની દરકાર છે. જેન-ઝી પેઢીના યુવાનો ઓનલાઈન રિસર્ચને ઇન-સ્ટોર અનુભવ સાથે જોડે છે અને નૈતિક તથા અનુભવ આધારિત ખરીદી કરવાનું પસંદ કરે છે. તેઓ સોશિયલ કોમર્સ, સસ્તા વિકલ્પો (“ડુપ્સ”) અને ટકાઉ તથા અસલી બ્રાન્ડ્સ તરફ વધુ આકર્ષાયેલા છે.
આર્થિક અનિશ્ચિતતાના સમયમાં તેઓ નાણાકીય સ્વતંત્રતાને પ્રાથમિકતા આપે છે. તેઓ એક્સ્ટ્રા મહેનત કરીને આવક વધારવાનો પ્રયત્ન કરે છે અને માલિકી કરતાં અનુભવને વધુ મહત્વ આપે છે.
Gen Zના ગ્રાહક વિકાસના મુખ્ય ટ્રેન્ડ્સ
ફિજિટલ શોપિંગ (Phygital Shopping Habits): જેન-ઝી કેટેગરીમાં આવતા યુવાનોમાંથી 95 ટકા Gen Z યુવાનો મોબાઈલથી જ ખરીદી કરે છે. તેમાંથી 53 ટકા યુવાનો જ સોશિયલ મીડિયા પર પોપ અપ થતું “બાય”નું બટન વાપરે છે. છતાં 61 ટકા યુવાન Gen Z ગ્રાહકો શિપિંગ ઝંઝટથી બચવા અને પ્રોડક્ટને જાતે અનુભવવા માટે ઇન-સ્ટોર ખરીદી કરવાનું પણ પસંદ કરે છે.
હાઇપર-ઇન્ફોર્મ્ડ અને વેલ્યુ-ડ્રિવન કસ્ટમર્સ
જેન-ઝીના યુવાનોમાંથી 79 ટકા Gen Z રોજ સર્ચ એન્જિન અને YouTube વાપરે છે. તેઓ ભાવ અંગે ખૂબ જ સજાગ છે અને ઘણી વખત સસ્તા વિકલ્પો (“ડુપ્સ”) પસંદ કરે છે. મૂલ્ય આધારિત ખરીદી: Gen Z માટે બ્રાન્ડ એથિક્સ અને કોર્પોરેટ જવાબદારી બહુ મહત્વની છે. જો બ્રાન્ડના મૂલ્યો તેમના મૂલ્યો સાથે ન મળે તો 72 ટકા લોકો તરત બ્રાન્ડ બદલી દે છે. ઍક્સેસ ઇકોનોમી અને ટકાઉપણું પણ મહત્વનું છે. તેઓ માલિકી કરતાં ભાડે લેવાનું પસંદ કરે છે. સબ્સ્ક્રિપ્શન અને સેકન્ડ-હેન્ડ ખરીદી વધુ પસંદ કરે છે. તેમને ઇન્ફ્લુએન્સર અને સોશિયલ કોમર્સ પર વિશ્વાસ છે. TikTok અને Instagram મુખ્ય શોધ કરવા માટેના સાધન છે. 54 ટકા Gen Z પરંપરાગત જાહેરાત કરતાં ઇન્ફ્લુએન્સર પર વધુ વિશ્વાસ કરે છે.
જીવનના માઈલસ્ટોન ફરી વ્યાખ્યાયિત: આર્થિક અસ્થિરતાને કારણે તેઓ ઘર ખરીદી અને લગ્ન જેવા પરંપરાગત પગલાં મોડાં કરે છે અને કારકિર્દી, નાણાકીય સ્વતંત્રતા તથા પ્રવાસ પર ધ્યાન આપે છે. આ પેઢી બ્રાન્ડ્સને વધુ પારદર્શક, અસલી અને ટેકનોલોજી-સજ્જ બનવા મજબૂર કરી રહી છે.
Gen Z કોણ છે?
Gen Z એટલે 1997 થી 2010/2012 વચ્ચે જન્મેલા યુવાનો. હાલ તેઓ 11 થી 24 વર્ષની ઉંમર વચ્ચે છે. આ પેઢીના મોટા ભાગે યુવાનો કામકાજમાં પ્રવેશી ચૂક્યા છે, જ્યારે નાના હજુ સ્કૂલમાં છે. આ પેઢીએ 2007-2009ની મહામંદી અને COVID-19 જેવી ઘટનાઓ જોઈ છે. આ અનુભવોએ તેમને નાણાકીય રીતે વધુ સાવચેત અને જોખમથી દૂર રહેતા બનાવ્યા છે. તેઓ STEM વિષયોમાં વધુ રસ લે છે અને માનવશાસ્ત્ર કરતાં સુરક્ષિત કારકિર્દી પસંદ કરે છે. મિલેનિયલ્સ સોશિયલ મીડિયામાં મોટા થયા, જ્યારે Gen Z Minecraft, Roblox જેવી ઇમર્સિવ દુનિયામાં ઉછર્યા છે.
Gen Zના મુખ્ય ગ્રાહક લક્ષણો
ખરીદી પહેલાં વિગતવાર રિસર્ચ કરે છે. બ્રાન્ડ લોયલ્ટી ઓછી છે, સારો સોદો શોધે છે
• બ્રાન્ડ એથિક્સને બહુ મહત્વ આપે છે. સોશિયલ મીડિયા દ્વારા ખરીદી કરવા વધુ તૈયાર છે
• ઇન-સ્ટોર અનુભવ પણ પસંદ કરે છે. વ્યક્તિગત (personalized) અનુભવ ઈચ્છે છે. ગ્રાહક સેવા અને ગુણવત્તા અંગે ઊંચી અપેક્ષા રાખે છે. IBMના સર્વે મુજબ Gen Z માટે મહત્વના પરિબળો નીચે મુજબ છે. તેની ઉપલબ્ધતા, સુવિધા, પસંદગી અને મૂલ્ય પણ જોવાય છે.
Gen Zને પ્રમોશનથી કેવી રીતે ટાર્ગેટ કરવું?
વ્યક્તિગત રિવોર્ડ્સ અને અનુભવ આપવા જોઈએ. સોશિયલ મીડિયા સાથે ઑફર્સ જોડવા જોઈએ. માઇક્રો-ઇન્ફ્લુએન્સરનો ઉપયોગ કરવો જોઈએ. યુનિક રિફરલ કોડ આપવા જોઈએ.
સતત નવા ઑફર્સ અને પ્રોડક્ટ લોન્ચ કરવા જોઈએ. Gen Z જાણકાર અને વ્યવહારુ છે. તેઓ સામાજિક રીતે જાગૃત છે. તેઓ અલગ-અલગ ચેનલ્સ વચ્ચે સરળતાથી બદલાય છે. એટલે બ્રાન્ડ્સે ઓમ્નીચેનલ અને જવાબદાર સ્ટ્રેટેજી અપનાવવી જોઈએ.
