રાજકોટ, અમદાવાદ અને વડોદરાના એન્જનિયિરંગ ઉદ્યોગને ફ્રી ટ્રેડ એગ્રીમેન્ટથી લાભ થશે
- મરિન ઇન્ડસ્ટ્રીની મશીનરીની ભારતથી યુરોપની નિકાસ પર 100ને બદલે 26 ટકા આયાત ડ્યૂટી લાગશે
- ડિફેન્સની મશીનરી બનાવનારાઓની યુરોપિયન સંઘના દેશોમાંની નિકાસ પર લાગતી 22 ટકા ડ્યૂટી હવે બંધ થઈ જશે
અમદાવાદઃ યુરોપિયન સંઘના દેશોનું 3 લાખ ટ્રીલિયન(બે લાખ કરોડ યુરો)ના બજારમાં એન્ટ્રી લેવાની ગુજરાતના એન્જિનિયરિંગ ગુડ્સ અને મશીનરીના ઉત્પાદકોને તક મળશે. ગુજરાતમાં રાજકોટ, વડોદરાના એજિનિયરિંગ ઉદ્યોગને લાભ મળશે.
ફ્રાન્સ અને જર્મનીમાં મશીનરીની નિકાસ કરતાં વટવાના એન્જિનિયરિંગ ઉદ્યોગના સચિન પટેલ કહે છે કે સાત ટકા આયાત ડ્યૂટી લાગતી હતી. હવે તેના પર શૂન્ય ટકા આયાત ડ્યૂટી લાગશે. ગુજરાત અને ભારતના નિકાસકારો સામે સૌથી વધુ સ્પર્ધા કરનારા દેશોમાં ઇટલી, ફ્રાન્સ અને જર્મનીનો સમાવેશ થાય છે. હવે તેમની સામે વધુ સંગીન રીતે સ્પર્ધા કરી શકાશે.
સચિન પટેલ કહે છે કે ફ્રી ટ્રેડ એગ્રીમેન્ટથી ગુજરાતના એન્જિનિયરિંગ ઉદ્યોગને તેનો ઘણો મોટો ફાયદો થશે. જર્મની અને ફ્રાન્સ કે ઇટાલીમાં બનતી સીએનસી અને વીએમસી મશીનરી એટલે કે સ્પેશિયલ કેટેગરીની મશીનરીની આયાત પર લાગતી 18થી 20 ટકા આયાત ડ્યૂટી લાગુ પડે છે. તે હવે શૂન્ય ટકા થઈ જશે. આ મશીનરી ભારતના આયાતકારોને સસ્તી પડે છે.
આ જ રીતે ભારતમાંથી યુરોપના દેશોમાં નિકાસ કરવામાં આવતી મશીનરી પર 22 ટકા ડ્યૂટી લાગુ પડે છે. આ ડ્યૂટી શૂન્ય પર આવી જશે. પરિણામે ભારતના અન્ય દેશોના નિકાસકારો સામે મજબૂત સ્પર્ધા કરી શકશે. રાજકોટ અને વડદોરાના એન્જિનિયરિંગ ઉદ્યોગને તેનો લાભ મળશે.
ડિફેન્સમાં ગુજરાતનું કામ બહુ જ મોટું છે. ડિફેન્સની મશીનરી ભારતથી યુરોપમાં નિકાસ કરવામાં આવે તો તેના પર 22 ટકા આયાત ડ્યૂટી યુરોપના દેશના આયાતકારઓ ભરવી પડતી હતી. હવે તેના પર શૂન્ય ટકા ડ્યૂટી લાગશે. પરિણામે ડિફેન્સની મશીનરીમાં આપણે ચીન અને અમેરિકા સામે પણ સ્પર્ધા કરી શકીશું. ભારત અને ગુજરાતના એન્જિનિયરિંગની વિશ્વના દેશોમાં સારી નામના છે. ભારતમાં એન્જિનિયરિંગના ઉત્પાદન ખર્ચ ઓછા આવે છે. યુરોપના દેશોમાં 100 રૂપિયા ઉત્પાદન ખર્ચ આવતો હતો તેનો ભારતમાં ઉત્પાદન ખર્ચ રૂ. 10નો આવે છે. આમ ફ્રી ટ્રેડ એગ્રીમેન્ટને કારણે આપણે આંતરરાષ્ટ્રીયસ્તરે સ્પર્ધાત્મક બની ગયા છીએ.
