ભાવ વધી જતાં 2026માં સોનાની માંગ ઘટવાની શક્યતા

સોનાની વધતી કિંમતોના કારણે દાગીનાની ખરીદી ઘટી રહી છે, જ્યારે રોકાણ માટેની માંગમાં વધારો થયો છે

અમદાવાદઃ ભારતમાં 2026 દરમિયાન સોનાની કુલ માંગ ઘટવાની શક્યતા છે. ગયા વર્ષે સોનાની માંગમાં 11 ટકાનો ઘટાડો થયો હતો. સોનાની વધતી કિંમતોના કારણે દાગીનાની ખરીદી ઘટી રહી છે, જ્યારે રોકાણ માટેની માંગમાં વધારો થયો છે. સોનામાં રોકાણ માટેની ડિમાન્ડમાં થયેલો આ ઘટાડાને પૂરો સમતોલ કરી શકતો નથી.

WGCના ભારત વિભાગના મુખ્ય કાર્યકારી અધિકારી સચિન જૈને Reutersને જણાવ્યું કે 2026માં ભારતમાં સોનાની કુલ માંગ 600 થી 700 મેટ્રિક ટન વચ્ચે રહી શકે છે. જોકે 2025માં ભારતમાં માંગ 710.9 મેટ્રિક ટન હતી, જે છેલ્લા પાંચ વર્ષમાં સૌથી ઓછી હોવાનું જોવા મળ્યું છે.

🔸 કિંમતોની અસ્થિરતા દાગીના બજાર માટે પડકાર

સચિન જૈને જણાવ્યું હતુ કે દાગીનાના ખરીદદારો માટે સોનાની સ્થિર કિંમતો મહત્વપૂર્ણ હોય છે, પરંતુ છેલ્લા કેટલાક મહિનાઓમાં થયેલો તેજ ભાવવધારો ગ્રાહકોના બજેટ કરતાં ઘણી વધારે રહ્યો છે, જેના કારણે દાગીનાની ખરીદી પર અસર પડી છે.

🔸 ETFમાં રોકાણ વધતું રહેશે

તેમણે કહ્યું હતું કે કે ગોલ્ડ ETFમાં રોકાણ સતત વધતું રહેશે, કારણ કે 2025 દરમિયાન શેરબજારનું પ્રદર્શન નબળું રહ્યું છે અને રોકાણકારો સોનામાં વધુ સારું વળતર શોધી રહ્યા છે. 2025માં ગોલ્ડ ETFમાં રોકાણ પ્રવાહ 283 ટકા વધીને ₹429.6 અબજ (લગભગ $4.67 અબજ) સુધી પહોંચ્યો છે. ગોલ્ડ ઇટીએફના રોકાણમાં અત્યાર સુધીમાં થયેલો સૌથી મોટો વધારો છે. છે.

🔸 સોનું સામે શેરબજાર

• 2025માં ઘરેલું સોનાનો ભાવ 76.5 ટકા વધ્યો
• જ્યારે ભારતનો મુખ્ય શેર સૂચકાંક Nifty 50 માત્ર 10.5 ટકા વધ્યો

🔸 દાગીનાની માંગ ઐતિહાસિક નીચા સ્તરે

WGCના અહેવાલ મુજબ 2025માં દાગીનાની માંગમાં 24 ટકા ઘટાડો થયો છે. કુલ માંગ 430.5 મેટ્રિક ટન રહી છે. 2020 (કોરોના વર્ષ) સિવાય, આ લગભગ ત્રણ દાયકામાં સૌથી ઓછી માંગ છે. બીજીતરફ સોનામાં રોકાણ માંગમાં મજબૂત વધારો જોવા મળી રહ્યો છે. 2025માં રોકાણ માટેની સોનાની માંગ 17 ટકા વધીને 280.4 મેટ્રિક ટન થઈ છે. 2013 પછીનો આ સૌથી મોટો વધારો છે. કુલ સોનાની માંગમાં રોકાણનો હિસ્સો લગભગ 40 ટકા રહ્યો છે.  સામાન્ય રીતે 25 ટકાની આસપાસ રહેતો હતો

સોનાના બજારની ભાવિ ચાલ અંગે વાત કરતાં WGC જણાવે છે કે ઉંચા મૂલ્યાંકન, ટેરિફ્સ અને વિદેશી મૂડી બહાર જવાથી ઇક્વિટી બજાર દબાણમાં રહી શકે છે. આ સ્થિતિમાં દાગીનાની જગ્યાએ શુદ્ધ રોકાણ તરીકે સોનાની માંગ વધતી રહેશે. સોનાની લગડી, બાર અને સિક્કાઓને ટેકો આપશે.

સ્ક્રેપ સપ્લાયમાં ઘટાડો

સામાન્ય રીતે ઊંચા ભાવ દરમિયાન લોકો જૂના દાગીના વેચે છે, પરંતુ 2025માં સ્ક્રેપ સપ્લાયમાં 19 ટકા ઘટાડો થયો છે. સ્ક્રેપમાં સોનાનો કુલ સપ્લાયનું પ્રમાણ 92.7 મેટ્રિક ટન રહ્યું છે. કારણ કે રોકાણકારોને ભાવ હજુ વધશે તેવી અપેક્ષા રાખીને બેઠાં છે.  ભલે સોનું દર અઠવાડિયે નવા રેકોર્ડ પર પહોંચી રહ્યું હોય ભાવ હજીય ઊંચા જવાની આશા સોનું ધરાવનારાઓ રાખી બેઠાં છે