આજે શેરબજારમાં શું કરશો?
આજે શેરબજારમાંથી ખરીદવા યોગ્ય શેર આઈપીસીએ લેબોરેટરીઝ-Ipca Laboratories છે. શેરનો વર્તમાન બજાર ભાવ રૂ. 1,532.20 છે. એક્સપર્ટ ચાર્ટિસ્ટ તેમાં લેણ કરવાની ભલામણ કરી રહ્યા છે. વર્તમાન સપાટીથી ભાવ નીચે જાય તો રૂ. 1510ની ભાવ સપાટીએ વધુ લેણ કરીને સરેરાશ ખરીદભાવ નીચે લાવી શકાય છે. રૂ. 1460નો સ્ટોપલૉસ રાખીને ટ્રેડરો અને ઇન્વેસ્ટર્સ લેણ કરી શકે છે. Ipca Laboratoriesના શેર માટે ટૂંકા ગાળાનો દૃષ્ટિકોણ બુલિશ-તેજીતરફી છે. છેલ્લા એક મહિનાથી આ શેરનો ભાવ ધીમે ધીમે ઉપર જઈ રહ્યો છે. તાજેતરના ટ્રેડિંગ ટ્રેન્ડ પરથી જણાય છે કે રૂ.1,450ની આસપાસ શેરમાં સારા ખરીદદારો મળી રહ્યા છે.
આ સ્તરથી નીચે રૂ.1,410 આગામી સપોર્ટ લેવલ તરીકે કામ કરી શકે છે. દૈનિક ચાર્ટ પર જોવા મળતા મૂવિંગ એવરેજ ક્રોસઓવર પણ શેરમાં તેજીનો સંકેત આપે છે. તેના આધારે કહેવામાં આવે છે કે હવે ભાવમાં મોટો ઘટાડો આવવાની સંભાવના બહુ જ ઓછી છે. આવતા અઠવાડિયાઓમાં Ipca Laboratoriesનો શેર વધીને રૂ. 1,640 સુધી જઈ શકે છે.
ટ્રેડિંગ સ્ટ્રેટેજી: આઈપીસીએ લેબોરેટરીઝના શેરમાં હાલના રૂ. 1,532 પર ખરીદી કરી શકાય છે. ભાવ ઘટે ત્યારે રૂ. 1,510ની આસપાસ વધુ ખરીદી કરી શકાય છે. સ્ટોપ-લોસ રૂ. 1,460 રાખવાનો રહેશે. શેરનો ભાવ રૂ. 1,575 સુધી પહોંચે ત્યારે સ્ટોપ-લોસ વધારીને રૂ.1,555 કરી દેવાનો રહેશે. ભાવ રૂ. 1,605 અને રૂ. 1,620 સુધી પહોંચે ત્યારે સ્ટોપ-લોસ અનુક્રમે રૂ. 1,580 અને રૂ.1,610 સુધી સુધારવાનો રહેશે. લોન્ગ પોઝિશન લઈને રૂ. 1,640ના ભાવ પર નફો બુક કરી લેવાની નિષ્ણાતો ભલામણ કરી રહ્યા છે.
