આજે શેરબજારમાં શું કરશો?

રેમકો સિસ્ટમ્સ-Ramco Systems અને નેટકોફાર્મા-Natco Pharmaના શેરમાં લેણ કરાય

શેરબજારના છેલ્લા થોડા દિવસોની વાત કરીએ નિફ્ટી સતત ચોથા દિવસે વધીને મજબૂત સ્થિતિમાં બંધ આવ્યો છે. ટેક્નિકલ ચાર્ટ મુજબ બજારમાં કન્સોલિડેશન બ્રેકઆઉટ જોવા મળ્યો છે. આ બાબત ટૂંકા ગાળામાં પોઝિટિવ ટ્રેન્ડ એટલે તેજી તરફથી ચાલ દર્શાવી રહી છે. વિશ્લેષકોનું માનવું છે કે નિફ્ટી મહત્વપૂર્ણ મૂવિંગ એવરેજ ઉપર ટ્રેડ થઈ રહ્યો છે, જે બજાર માટે પોઝિટીવ સંકેત છે. જોકે, વેસ્ટ એશિયામાં ઇરાન અને અમેરિકા-ઇઝરાયલ વચ્ચે ચાલી રહેલા તણાવને કારણે બજારમાં અસ્થિરતા રહેવાની શક્યતા તો છે જ છે.

આ સ્થિતિમાં પણ શેરબજારમાં આજે ખરીદવા લાયક શેરમાં રેમકો સિસ્ટમના શેરનો સમાવેશ થાય છે. રેમકો સિસ્ટમ્સનો શેરમાં રૂ. 407ની સપાટીએ લેણ કરી શકાય છે. તેનો ભાવ સુધરીને રૂ. 440ના મથાળાને આંબી શકે છે. રૂ. 390નો સ્ટોપલૉસ રાખીને કામકાજ કરી શકાય છે. શેરના ભાવમાં ટૂંકા ગાળામાં સાતથી આઠ ટકાનો સુધારો જોવા મળી શકે છે. આગામી બેથી ચાર અઠવાડિયામાં આ વધારો જોવા મળી શકે છે, કારણ કે 30મી માર્ચે રૂ. 342નું તળિયું બતાવ્યા પછી મહત્વની બોટમ રિવર્સલ પેટર્ન ચાર્ટમાં રચાઈ રહી છે. આમ ચાર્ટ પ્રમાણએ શેરના ભાવમાં ઘટાડાનો ટ્રેન્ડ પલટાઈ ગયો છે. શેરનો ભાવ તેની એવરેજ મુવમેન્ટની રેન્જની ઉપર નીકળી ચૂક્યો છે. શેરનો દૈનિક રિલેટીવ સ્ટ્રેન્ગ્થ ઇન્ડેક્સ પોઝિટિવ છે.

ડીસીએક્સ સિસ્ટમ્સમાં પણ રૂ. 169.50ની સપાટીએ લેણ કરી શકાય છે. શેરનો ભાવ વધીને રૂ. 185ના મથાળાને આંબી જાય તેવા તમામ સંજોગો છે. શેરના સાપ્તાહિક ચાર્ટમાં રૂ. 153ની ભાવ સપાટીએ ડબલ બોટમની પેટર્ન રચાતી જોવા મળી રહી છે. રૂ. 171થી 172ની સપાટીએ પ્રતિકાર જોવા મળી શકે છે. શેર્સનું વોલ્યુમ અને રિલેટિવ સ્ટ્રેન્ગ્થ ઇન્ડેક્સની પેટર્ન દર્શાવે છે કે શેરના ભાવમાં સુધારો થવાની શક્યતા મજબૂત છે, એમ એચડીએફસી સિક્યોરિટીઝના સ્ટોક માર્કેટ એનાલિસ્ટ-વિશ્લેષકોનું કહેવું છે.

નેટકો ફાર્માનો શેર રૂ. 1083ના ભાવે ખરીદી શકાય તેમ હોવાનું બોનાન્ઝા પોર્ટફોલિયોના ટેકનિકલ રિસર્ચ એનાલિસ્ટનું કહેવું છે. રૂ. 1008નો સ્ટોપલોસ રાખીને ટ્રેડર્સ અને ઇન્વેસ્ટર્સ સ્ક્રિપમાં કામકાજ કરી શકે છે. શેરનો નવો ટાર્ગેટ ભાવ રૂ. 1230નો છે. શેરનો ભાવ રૂ. 1040થી 1060ની પ્રતિકાર સ પાટીને વળોટીને આગળ નીકળી ગયો છે. લાંબા સમયના કન્સોલિડેશન પછી સ્ક્રિપમાં સુધારાના ચાલ જોવા મળી છે. શેરનો વર્તમાન ભાવ તેના સરેરાશ વધઘટના લેવલથી ઉપર છે. આ પણ શેરના ભાવમાં સુધારો થવાનો જ નિર્દેશ આપી રહ્યો છે. ઉપરાંત શેરનો આરએસઆઈ 70થી ઉપર છે. તે દર્શાવે છે કે શેરના ભાવમાં મજબૂત વધારો જોવા મળી શકે છે.

બોનાન્ઝા પોર્ટફોલિયોના વિશ્લેષકોનું કહેવું છેકે એમટાર ટેક્નોલોજીના શેર્સમાં પણ આજે લેણ કરી શકાય છે. તેમાં રૂ. 3942ની ભાવ સપાટીએ લેણ કરી શકાય છે. તાજેતરમાં જ શેરનો ભાવ રૂ. 3850-3900ની ભાવ સપાટીને વળોટી ગયો છે. આ દર્શાવે છે કે શેરમાં વધારાની ગતિ ચાલુ જ રહેશે. શેરનો ભાવ તેની મહત્વની વધઘટની રેન્જની ઉપર હોવાનું જોવા મળી રહ્યું છે. સ્ક્રિપમાં લેણ કરવામાં ટ્રેડર ઇન્વેસ્ટર્સનો રસ જળવાઈ રહેશે તેવો નિર્દેશ મળી રહ્યો છે. શેરનો ભાવ નવા ને નવા ઊંચા બોટમ બનાવતો રહે તેમ જણાય છે. શેરના ભાવ વધારા સાથે સ્ક્રિપના હાથબદલાની સંખ્યામાં-વોલ્યુમમાં પણ વધારો થઈ રહ્યો છે.

નિફ્ટી 50માં 23200ની સપાટીએ પ્રતિકાર જોવા મળી શકે છે. બજાર 23,200ની ઉપર જાય તો બજાર નવી 23,500થી 23,800ની સપાટીને વળોટી જવા માટે સક્રિય થાય તેવી સંભાવના જણાઈ રહી છે. વર્તમાન સ્થિતિમાં નીચેની તરફ 23000ની સપાટીએ નિફ્ટી 50 ટેકો ધરાવે છે.

ઇઝરાયલ-ઇરાન યુદ્ધમાં કોઈ અણધાર્યો પલટો આવે તો તે બજાર સામે નવું જોખમ ઊભું કરી શકે છે. તેને કારણે વૈશ્વિક બજારમાં પણ અનિશ્ચિતતા જોવા મળે અને તેનો પ્રભાવ ભારતના બજાર પર પડી શકે છે. બજાર અચાનક અસ્થિર થઈ જાય તેવું જોખમ રહેલું છે. બજારમાં હાલમાં ટેક્નિકલ રીતે સકારાત્મક સંકેતો છે અને કેટલાક પસંદગીના શેરોમાં ટૂંકાગાળામાં 8 ટકાથી માંડીને 14 ટકા સુધીના નફાની શક્યતા છે. છતાં, વૈશ્વિક પરિસ્થિતિને કારણે સાવચેતી રાખવી જરૂરી છે.