આજે શેરબજારમાં શું કરશો?
ટૂંકા ગાળામાં લોરસ લેબ્સના શેરમાં તેજી જોવા મળી શકે છે. કંપનીની આવક પણ વધી રહી હોવાના નિર્દેશો તેના ફંડામેન્ટલ્સ પણ સંગીન હોવાનો સંકેત આપે છે.
આજે એટલે કે પાંચમી મે 2026ના દિવસે શેરબજારમાંથી ખરીદવા લાયક કોઈ શેર હોય તો તે લૉરસ લેબનો હોવાનું બજારના નિષ્ણાતો કહે છે. આ સ્ટોકનો ટૂંકા ગાળાનો ટ્રેન્ડ તેજીતરફી હોવાનું દર્શાવે છે. સોમવારે શેરના ભાવમાં આશરે 5.5થી 6 ટકાનો ઉછાળો આવ્યો હતો, જે દર્શાવે છે કે સ્ટોકમાં ઉપરની દિશામાં મજબૂત ગતિ આવી રહી છે. શેરના દૈનિક ચાર્ટમાં તેજીની ફ્લેગ પેટર્ન બતાવે છે. આ પેટર્ન શેરના ભાવમાં વધારો થવાની શક્યતા વધુ મજબૂત બનાવે છે. શેર અત્યારે રૂ. 1120ની સપાટીએ મજબૂત ટેકો ધરાવે છે. ચોથી મેએ લૉરસ લેબ્સના શેરના ભાવમાં એક જ દિવસમાં 5.1 ટકાનો સુધારો જોવા મળ્યો છે. શેરનો ભાવ વધીને રૂ. 1163નો થઈ ગયો છે.
સેન્સેક્સ અને ફાર્મા ઇન્ડેક્સ કરતાં તેમાં આવેલો સુધારો વધારે હતો. આ શેર એક મહિનામાં દસથી અગિયાર ટકા, ત્રણ માસમાં 15થી 17 ટકા અને એક વર્ષમાં 50 ટકાથી વધુ રિટર્ન આપવાને સક્ષમ હોવાનું નિષ્ણાતોનું કહેવુ છે. લોરસ લેબ્સના શેરમાં સંસ્થાકીય રોકાણકારોની લેવાલી જોવા મળી રહી છે. શેરનો ભાવ 20, 50, 100 અને 200 દિવસની સરેરાશ વધઘટ કરતાં ઉપર હોવાનું જોવા મમળી રહ્યું છે. તેમાં મુખ્ય પ્રતિકાર સપાટીથી ઉપર બ્રેકાઆઉટ આવી ગયો છે.
કંપનીની આવક રૂ. 1812 કરોડની છે. તેમાં વાર્ષિક ધોરણે 5 ટકાનો સુધારો જોવા મળી રહ્યો છે. કંપનીની આવક કરતાં વધુ ઝડપથી તેનો નફો વધી રહ્યો હોવાનું નિષ્ણાતો જણાવે છે. મોતીલાલ ઓસવાલ જેવા બ્રોકરેજ હાઉસે પણ તેમાં લેવાલી કરવા સૂચવ્યું છે. તેનો ટાર્ગેટ ભાવ રૂ. 1280ની આસપાસનો દર્શાવ્યો છે.
સોમવારે નિફ્ટી ફાર્મા: 0.9 ટકાના સુધારા સાથે બંધ આવ્યો હતો. તેના સુધારાથી લોરસ લેબ્સના શેરના ભાવનો સુધારો મજબૂત હોવાનું જોવા મળ્યું ચે. આ જ રીતે નિફ્ટી એનર્જી ઇન્ડેક્સમાં 0.6 ટકાનો સુધારો જોવા મળ્યો હતો. તેથી ભેલ અને સીઈએસસીના શેર્સમાં સુધારો જોવા મળ્યો હતો. નિફ્ટી ઓટોમાં 0.5 ટકાના સુધારા સાથે આઈશર અને મારુતિના શેર્સમાં મજબૂતી જોવા મળી હતી. નિફ્ટી એફએમસીજીમાં 0.30 ટકાના વધારાને પરિણામે કોલગેટ અને ઇમામીના શેર્સમાં સુધારો જોવા મળ્યો હતો. ઇન્ડિયન બેન્ક અને સેન્ટ્રલબેન્કના શેરના ભાવના સુધારા સાથે નિફ્ટી પીએસયુ બેન્કના ઇન્ડેક્સમા 0.2 ટકાનો સુધારો જોવા મળ્યો હતો. નિફ્ટી આઈટી 0.9 ટકાના ઘટાડાની અસર કોફોર્જ અને ટીસીએસના શેર્સના ભાવ પર જોવા મળી હતી.
સોમવારે નિફ્ટી -50 24120ની નીચે બંધ આવ્યો હતો. નિફ્ટી 50માં અદાણી પોર્ટ્સના અને જિયો ફાઈનાન્શિયલના શેર્સમાં સુધારો જોવા મળ્યો હતો. તમ જ ભારતી એરટેલ, કોકટ મહિન્દ્રા બેન્કના શેર્સના ભાવ ગગડી ગયા હતા. આ જ રીતે મિડકેપ અને સ્મોલ કેપના ઇન્ડેક્સમા 0.7 ટકાનો વધારો જોવા મળ્યો હતો. નિફ્ટી રિયલ્ટીમાં અઢી ટકાના સુધારો થતાં અનંત રાજ, ગોદરેજ પ્રોપર્ટીઝના શેર્સના ભાવ સુધર્યા હતા. આ જ રીતે નિફ્ટી મેટલમાં એક ટકાનો સુધારો થતાં વેદાન્તા અને ઇન્ડિયન સ્ટીલના શેર્સમાં ભાવમાં સુધારો જોવા મળ્યો હતો.
