બેગેજના સ્કેનિંગમાં શંકાસ્પદ આઈટેમ દેખાઈઃ અમદાવાદ એરપોર્ટ પરથી રૃા. ૨૦ લાખની સિગારેટની સ્મગલિંગ કરતાં ત્રણ પકડાયા
અમદાવાદ એરપોર્ટ પર આવેલા ત્રણ પેસેન્જરના બેગેજનું સ્કેનિંગ કરાતા શંકાસ્પદ ચીજ જણાતા રૃા. ૨૦ લાખની કિંમતની આયાતી સિગારેટના ૫૬૬ બોક્સ મળી આવ્યા હતા. ડયૂટી ભર્યા વિના સિગારેટ દેશમાં ઘૂસાડવાના પ્રયાસ કરનારા ત્રણ જણને ઝડપી લેવામાં આવ્યા તા.
સ્કેનરમાં શંકાસ્પદ વસ્તુ જણાતા બેગની ચકાસમી કરવામાં આવતા તેમાંથીૂ ગેરકાયદેસર આયાત કરવામાં આવતી સિગારેટના ૫૬૬ બોક્સ મળી આવ્યા હતા. આ બોક્સમાં ૨૦ સિગારેટ હોય છે. દરેક સિગારેટની છૂટક કિંમત રૃા. ૧૮થી ૨૦ની આસપાસ હોય છે. આ ભાવથી ગણતરી માંડતા સિગારેટની કિમત રૃા. ૨૦ લાખથી વધી જાય છે. આ સિગારો ગરમ અને ગુડાંગ બ્રાન્ડની હતી.
કસ્ટમ્સના અધિકારીઓએ જણાવ્યું હતું કે ત્રમ પેસન્જર દુબઈથી આવતી ફ્લાઈટ નંબર ઈકે-૫૩૮માં બેસીને અમદાવાદના સરદાર વલ્લભભાઈ પટેલ ઇન્ટરનેશનલ એરપોર્ટ પર આવ્યા હતા. તેમની બેગમાંથી ૧,૧૩,૨૦૦ સિગારેટ મળી આવી હતી. કસ્ટમ્સ એક્ટ ૧૯૬૨ની જોગવાઈ હેઠળ સિગારેટનો જથ્થો જપ્ત કરી લેવામાં આવ્યો છે.
