કોલસાથી વીજળી પેદા કરતી કંપનીઓને ફાયદો કરાવવા સોલાર-વિન્ડ પાવરનું ઉત્પાદન ઘટાડવા હુકમ 

નાના પ્રોજેક્ટના માલિકો પ્રોડક્શન ન ઘટાડે તો તેમની સ્વિચ પાડી દેતું સ્ટેટ લેવલ ડિસ્પેચ સેન્ટર

કાર્બન ઉત્સર્જન વધતુ હોય તો વધવા દો અમને કંઈ જ પડી નથીઃ કોલસાથી વીજળી પેદા કરીને કાર્બન ઉત્સર્જન વધારતી કંપનીઓને બદલે સોલાર-વિન્ડ પાવર જનરેટર્સને ઉત્પાદન ઘટાડવા જણાવ્યું

સોલાર અને વિન્ડ એનર્જીથી વીજળી પેદા કરી રહેલા બેથી પાંચ મેગાવોટની ક્ષમતા ધરાવતા એકમોને ઉત્પાદનમાં ૨૦થી  ૭૦ ટકાનો ઘડાટો કરવાની સૂચના અપાઈ

પ્રધાનમંત્રી નરેન્દ્ર મોદી કાર્બન ઉત્સર્જનને શૂન્ય ટકાએ લઈ જવા માટે અને વિશ્વ સ્તરે કાર્બન ઉત્સર્જન ઘટાડવાને મોરચે ભારતે નોંધપાત્ર કામગીરી કરી હોવાનું પ્રસ્થાપિત કરવા આકાશપાતાળ એક કરી રહ્યા છે ત્યારે ગુજરાતના વીજળીના સ્ટેટ લેવલ ડિસ્પેચ સેન્ટરના અધિકારીઓ બેથી પાંચ મેગાવોટ વીજળી પેદા કરવા માટેના સોલાર પાવર પ્લાન્ટ અને વિન્ડ પાવર જનરેશન યુનિટ નાખનારાઓને તેમના ગ્રીડમાં ઓવર સપ્લાયને કારણે અસ્થિરતા સર્જાતી હોવાનું જણાવીને સોલાર અને વિન્ડ પાવરનું જનરેશન અટકાવી દેવાની સૂચના આપી રહ્યા છે.

ગુજરાતના અંદાજે ૫૦૦૦ જેટલા નાના સોલાર અને વિન્ડ પાવર જનરેટ કરનારાઓને તેમના સોલાર અને વિન્ડ પાવર જનરેશનમાં ૨૦ ટકાનો ઘટાડો કરવાની સૂચના આપવામાં આવી રહી છે. ઘણીવાર રોજનું ૧૦ ટકાથી માંડીને ૭૦ ટકા ઉત્પાદન ઘટાડવા જણાવી દેવામાં આવે છે. સોલાર કે વિન્ડ પાવર જનરેટ જનરેશન ન અટકાવે તો એસએલડીસી પોતાની રીતે તેમના ઉત્પાદનને અટકાવતી સ્વિચ પાડી દે છે. ગુજરાતના સ્ટેટ લેવલ ડિસ્પેચ સેન્ટર તરફથી આ પ્રકારની સૂચનાઓ ઇશ્યૂ કરવામાં આવી રહી છે. Vibrant Udyog-વાઈબ્રન્ટ ઉદ્યોગ પાસે ઉપલબ્ધ એસએલડીસીના ઈ-મેઈલમાં આ સૂચના આપવામાં આવી છે. આમ પ્રધાનમંત્રીના આયોજનોને ઉંધા પાડવાનું કામ અધિકારી ગણ કરી રહ્યા છે.

તમામ રિન્યુએબલ એનર્જીથી પાવર જનરેટ કરનારાઓ- તમામ પૂલિંગ સ્ટેશનને એટલે કે વિન્ડ પાવર કે સોલાર પાવર અથવા તો પછી હાઈબ્રિડ રિન્યુએબલ એનર્જીથી બે મેગાવોટથી માંડીને ૫ મેગાવોટ પાવર જનરેટ કરનારાઓન લેખિત સૂચના આપવામાં આવી રહી છે. સૌથી આઘાત પમાડે તેવી બાબત તો એ છે કે વાતાવરણને દુષિત કરતાં કોલસાનો ઉપયોગ કરીને વીજળી પેદા કરનારાઓને આ સૂચના આપવાને બદલે તમણે કાર્બન ઉત્સર્જન ન કરનારી કંપનીઓને પાવર જનરેશન ઘટાડવા એટલે કે ક્લિન એનર્જીથી પેદા થતી વીજળીનું ઉત્પાદન ઘટાડવાની સૂચના આપી છે. પરિણામે કોલસાનો ઉપયોગ કરીને જંગી પ્રમાણમાં વીજળીનુ ંઉત્પાદન કરીને પર્યાવરણની ખો કાઢી રહેલા વગદાર વીજઉત્પાદકને ફાયદો કરાવવા માટે આ સૂચનાઓ આપવામાં આવી રહી હોવાની ચર્ચાએ જોર પકડયું છે.

રિન્યુએબલ એનર્જીથી વીજળી પેદા કરનારાઓને ઉત્પાદન ઘટાડવાની સૂચનાના કારણ આપતા જણાવવામાં આવ્યું છે કે  ગ્રીડમાં સપ્લાય વધી જતાં અસ્થિરતા સર્જાઈ રહી છે. તેથી તેમણે ઉત્પાદન ઘટાડવાની જરૃર છે. સોલાર પાવર જનરેટ કરનારાઓ માટ ેજાન્યુઆરીથી જૂન સુધીના છ માસને પીક સીઝન ગણવામાં આવે છે. પીક સીઝનમાં જે તેમને ઉત્પાદન ઘટાડવા સૂચના આપવામાં આવી રહી છે. વિન્ડ પાવરનો જનરેશન ૩૬૫ દિવસ અને ચોવીસ કલાક શક્ય છે. આ સંજોગોમાં તેમણે સોલાર પાવરના ઉત્પાદકોને બદલે કોલસાથી કે લિગ્નાઈટથી વીજળી પેદા કરનારાઓને વીજળીનું ઉત્પાદન ઘટાડીને કાર્બન ઉત્સર્જન ઘટાડવાની સૂચના આપવી જોઈએ.

મસ્ટ રન પ્રોજેક્ટની કેટેગરીમાં આવતા પ્રોજેક્ટ પર જ કાપ મૂક્યો

પ્રધાનમંત્રી કુસુમ યોજના હેઠળ બેથી પાંચ મેગાવોટ વીજળીનું ઉત્પાદન કરવા માટે અને તેના થકી પેદા થતી વીજળીનો ૨૫ વર્ષ સુધી સરકારને સપ્લાય આપવા માટે કરાર કરવામાં આવેલા છે. બીજું આ કરાર થયા પછી ૨૦૨૧માં સરકારે કરારની શરતોમાં સુધારો કરીને જણાવ્યું છે કે સોલાર અને વિન્ડ એનર્જીના નાના નાના પ્રોજેક્ટ્સ પાવર સપ્લાયની ગ્રીડની સ્થિરતા માટ ેમહત્વના હોવાથી આ પ્રોજેક્ટ્સને ક્યારેય બંધ કરવા નહિ અને તેમને મસ્ટ રન પોઝિશનમાં જ રાખવાના રહેશે. છતાં નાના પ્રોજેક્ટ્સને ૧૦થી ૭૦ ટકા વીજ ઉત્પાદન ઘટાડવાની સૂચનાઓ આપવામાં આવી રહી છે

ક્લિન એનર્જી પર કાપ, કાર્બન ઓકતી વીજળી પેદા કર્યા કરો

કોલસાથી પેદા થતી વીજળી સોલાર અને વિન્ડ એનર્જીથી પેદા થતી વીજળી કરતાં ખાસ્સો મોંઘી છે. તેમ જ કોલસાથી પેદા થતી વીજળી પ્રદુષણ પણ વધારે છે. કોલસાથી પેદા થતી વીજળી ગ્રાહકોને મોંઘા ભાવે વેચવી પડે છે. સોલાર અને વિન્ડ એનર્જીથી પેદા થતી વીજલી લોકોને વુેચવામાં આવે તો તે સસ્તી પડે છે. લોકોના વીજબિલના ભારણ આ વ્યવસ્થાથી લાંબા ગાળે નીચા પણ લાવી શકાય છે. પરંતુ આશ્ચર્યજનક રીતે સ્ટેટ લેવલ ડિસ્પેચ સેન્ટર કોલસાથી વીજળી પેદા કરતી મોટી કંપનીઓને લાભ કરાવવા માટે સોલાર અને વિન્ડ પાવર જનરેશન ઘટાડવા સૂચના આપી રહ્યા છે.