નવી ઉદ્યોગ નીતિ  હેઠળ ગુજરાતના ઉત્પાદકો પસંદગીના ઇન્સેન્ટિવ્સ મેળવી શકશે

ગુજરાત સરકાર દ્વારા ગુજરાત ઔદ્યોગિક નીતિ ૨૦૨૬ જાહેરઃ શહેરની વસતિની ગીચતા ઘટાડવા ઉદ્યોગોને શહેરી વિસ્તારો છોડીને જવા માટે પણ વિશેષ પ્રોત્સાહન આપ્યુ

ગુજરાતને મૂલ્યવૃદ્ધિના હબ તરીકે વિકસાવવાના ધ્યેય સાથે નવું આયોજન કરવામાં આવ્યું

અમદાવાદઃ ગુજરાત સરકારે આજે વિકસિત ગુજરાત અને વિકસિત ભારતના ધ્યેય સાથે ગુજરાત સરકારે આજે જાહેર કરેેલી નવી ઉદ્યોગ નીતિમાં ઉદ્યોગોને તેમની પસંદગીના પ્રોત્સાહનો લેવાની છૂટ આપતી યોજના શરુ કરી છે. ેઆ યોજના હેઠળ ઉદ્યોગો પોતાની પસંદગી મુજબના પ્રોસ્તાહન માગી શકશે. નવી ઔદ્યોગિક નીતિથી વિવિધ ક્ષેત્રોમાં ૧૫ થી ૪૫ ટકા સુધીના  પ્રોત્સાહનો ઉદ્યોગોને આપી આકર્ષવાનો પ્રયાસ કરવામાં આવ્યો છે. આ ધ્યેય સાથે જ ગુજરાતને એડવાન્સ મેન્યુફેક્ચરિંગ સ્ટેટ, રિસર્ચ એન્ડ ડેવલપમેન્ટ તથા મૂલ્યવૃદ્ધિ-વેલ્યુ એડિશન માટેને હબ તરીકે ડેવલપ કરવા પર નવી ઉદ્યોગ નીતિમાં ફોકસ કરવામાં આવ્યું છે.

ગુજરાત સરકારે આજે જાહેર કરેલી નવી ઉદ્યોગ નીતિમાં સ્ટાર્ટઅપ્સ, મહિલા સાહસિકો વિકલાંગો અને શિડયુલ કાસ્ટ તથા શિડયુલ ટ્રાઈબ્સના પ્રથમ પેઢીના ઉદ્યોગકારો અને યુવાશક્તિને વિકાસના કેન્દ્રમાં રાખવામાં આવ્યા હોવાનું મુખ્યમંત્રી ભૂપેન્દ્ર પટેલે જણાવ્યું હતું. જ્યારે નાયબ મુખ્યમંત્રી શ્રી હર્ષ સંઘવી કહ્યું હતું કે નવી ઔદ્યોગિક નીતિ માત્ર પ્રોત્સાહનો આપતી યોજના નથી, પરંતુ વર્ષ ૨૦૪૭ના વિકસિત ગુજરાતના વિઝનને સાકાર કરવાનું એક શક્તિશાળી માધ્યમ છે. ગુજરાતને રોકાણકારો માટેના એક મહત્વના ડેસ્ટિનેશન તરીકે વિકસાવવા માગે છે. ગુજરાતને ૨૦૪૭ સુધીમાં ૩.૫ ટ્રિલિયન અર્થતંત્ર બનાવવા માટેની યાત્રાને ઝડપી બનાવવા માટેના એક નિર્ણાયક પગલા તરીકે નવી ઉદ્યોગ નીતિની જાહેરાત કરવામાં આવી છે.

નવી ઔદ્યોગિક નીતિમાં ૧૫ થી ૪૫ ટકા સુધીીના તથા કેટલાક કિસ્સાઓમાં ૫૦ ટકા સુધીના પ્રોત્સાહનો  આપી ઉદ્યોગોને વિકાસના રાજમાર્ગ પર આગળ વધવાનો અવકાશ આપશે. સનરાઇઝિંગ સેક્ટર્સ પર વિશેષ ભાર મૂકવાનું નક્કી કરવામાં આવ્યું છે. કેટલાક ક્ષેત્રોમાં ૫૦ ટકા સુધીના ઇન્સેન્ટિવ આપીને યુવાનોમાં નવીનતા અને સંશોધનને પ્રોત્સાહન આપવામાં આવશે.

ગ્રીન એનર્જી, ડ્રોન મેન્યુફેક્ચરિંગ, રોબોટિક્સ, ફૂટવેર અને ટોય મેન્યુફેક્ચરિંગ જેવા સનરાઇઝિંગ સેક્ટર્સમાં ગુજરાતને વૈશ્વિક નેતૃત્વ અપાવવાનો આ નીતિના માધ્યમથી પ્રયાસ કરવામાં આવશે. ગુજરાતના કાપડ અને વો, સિરામિક્સ, એન્જિનિયરિંગ, રસાયણો અને પેટ્રોકેમિકલ્સ, ફાર્માસ્યુટિકલ્સ અને ઓટો અને ઓટો ઘટકો જેવા ક્ષેત્રોમાં મજબૂત ઉત્પાદન આધાર બનાવ્યો છે. ફ્યુચર રેડી સ્પેશિયલ ઇન્વેસ્ટમેન્ટ રિજીન્સ રિયલ એસ્ટેટ, સેક્ટર-વિશિષ્ટ ઔદ્યોગિક ઉદ્યાનો અને વિશ્વ-સ્તરીય માળખાકીય સુવિધાઓ દ્વારા સમર્થન આપવામાં આવ્યું છે.

હાઈગ્રોથ સેક્ટરની પસંદગી કરી

ગુજરાત સરકારની નવી ઉદ્યોગ નીતિના કેન્દ્રમાં ગુજરાતને વૈશ્વિક ઉત્પાદનમાં હબમાં રૃપાંતરિત કરવાનું લક્ષ્ય રાખવામાં આવ્યું છે. તેને માટે ગુજરાત સરકારે પસંદ કરેલા ૨૧ હાઈ-ગ્રોથ થ્રસ્ટ સેક્ટરમાં ગ્રીન એનર્જી ઇકોસિસ્ટમ, મોબિલિટી, કેપિટલ ઇક્વિપમેન્ટ, ટેક્સટાઇલ્સ અને એપેરલ્સ, સસ્ટેનેબીલીટી, કેમિકલ્સ, એગ્રો પ્રોસેસિંગ, હેલ્થકેર, સેમિકન્ડક્ટર્સ, ક્રિટિકલ મિનરલ્સ પ્રોસેસિંગ અને રિફાઇનિંગ કે પછી એક્સટ્રેક્શન પર ફોકસ કરવામાં આવશે. તેમ જ મેટલ્સ એન્ડ મિનરલ્સ, સિરેમિક્સ,એન્સિીલરી યુનિટ્સ ઓફ સેમિકન્ડક્ટર ઇન્ડસ્ટ્રીઝ, ન્યુક્લિયર પાવર ઇક્વિપમેન્ટ, વેહિકલ સ્ક્રેપિંગ ફેસિલિટીઝ, ઇલેક્ટ્રોનિક્સ વેસ્ટ રિસાયકલિંગ યુનિટ્સ, ટેક્સટાઇલ વેસ્ટ રિસાયકલિંગ યુનિટ્સ, મેન્યુફેક્ચરિંગ ઓફ શિપિંગ કન્ટેનર, હેવી અર્થ મૂવિંગ ઇક્વિપમેન્ટ, મેન્યુફેક્ચરિંગ ઓફ સ્પોર્ટ્સ ગુડ્સ એન્ડ ઇક્વિપમેન્ટ, મેન્યુફેક્ચરિંગ ઓફ ટોય્સ, મેન્યુફેક્ચરિંગ ઓફ ફૂટવેર, મેન્યુફેક્ચરિંગ ઓફ રોબોટ્સ, મેન્યુફેક્ચરિંગ ઓફ ડ્રોન્સનો સમાવેશ ખરવામાં આવ્યો છે.

કોને કોને સબસિડી અને સહાય મળશે

મકાન, મશીનરી અને સાધનો માટે ૫૦ ટકા કેપિટલ સબસિડીના એટલે કે મૂડી ખર્ચમાં ટેકો પૂરો પાડશે. તદુપરાં ખાનગી જમીનના કિસ્સામાં ફાળમી કિંમતના ૨૫ ટકા  ૨૫ ટકાની સબસિડી આપવામાં આવશે. જીઆઈડીસી, ધોલેરા કે સરકારી જમીનની ખરીદીની રકમમાં આ ારહત આપવામાં આવશે. જંત્રીના દરમૌ ૨૫ ટકા જેટલી સહાય આપશે. તેમ જ રિસર્ચ એન્ડ ડેવલપમેન્ટના ૧૦૦ વર્ષના સમયગાળા માટે આઈપીઆર અને પેટન્ટ સપોર્ટ માટે પણ સબસિડી આપવામાં આવશે. સ્ટાર્ટઅપ ઇકોસિસ્ટમને મજબૂર તરવા માટે દસ વર્ષ સુધી મહિને રુ.૨૫૦૦૦ની અને મહિલા સહસ્થાપક હોય તો મહિને રુ. ૩૦,૦૦૦ની સહાય આપવામાં આવશે. હાઈટેક, ફિટેક, બાયોટેક અને ગ્રીન સ્ટાર્ટઅપ્સને રુ. ૧૦ લાખની સહાય આપવામાં આવશે. તેની સાથે વ્યાજ સબસિડી પણ આપશે. તેમ જ ટેકનિકલ કુશળતા ધરાવતા માનવ બળનું નિર્માણ કરવા માટે પ્રોત્સાહનો આપવામાં આવશે.

વેસ્ટવોટર મેનેજમેન્ટ અને રિસાયક્લિંગ કરતા અને ૭૦ ટકા પાણીને રિસાઈકલ કરવાની ક્ષમતા ધરાવતા એકમોને રુ. ૭૫ કરોડના ૫૦ ટકા સુધીની સહાય આપવામાં આવશે. રુ. ૫૦ કરોડના રોકાણ કરનારાઓને ૪૦ ટકા સુધીની સહાયઆપવામાં આવે છે. ક્લીનર પ્રોડક્ટ માટે રુ. ૧ કરોડની સહાય આપવામાં આવશે. વેેતન સહાય પણ આપવામાં આવશે. છ માહના સમયગાળા સુધી દર મહિને કામદાર દીઠ રૃ. ૫૦૦૦ની  સહાય આપવામાં આવશે.

ગુજરાતની ઔદ્યોગિક નીતિ ૨૦૨૬ દ્વારા પારદર્શક, સરળ અને ઉદ્યોગકેન્દ્રિત માળખું રોકાણકારોને વિશ્વાસ અને સ્પષ્ટતા સાથે ગુજરાતને વિશ્વના સૌથી ર્સ્પાત્મક અને આકર્ષક રોકાણ ગંતવ્યોમાંનું એક બનાવી રહ્યું છે. મુખ્યમંત્રીએ ગ્રીન અને સસ્ટેનેબલ ઈન્ડસ્ટ્રીયલ ડેવલપમેન્ટને આ નીતિનું સૌથી મહત્વપૂર્ણ પાસું ગણાવ્યું હતું. તેમણે ગુજરાત ઔદ્યોગિક નીતિ ૨૦૨૬માં ગ્રીન ઇન્ડસ્ટ્રીયલ પાર્ક, વેસ્ટ વોટર રિસાયક્લિંગ, ઝીરો લિક્વિડ ડિસ્ચાર્જ, ક્લીનર પ્રોડક્શન ટેક્નોલોજી અને સર્ક્યુલર ઇકોનોમીન પણે પ્રોત્સાહન આપ્યું છે. ગુજરાતની આ નવી ઔદ્યોગિક નીતિ ભવિષ્યના ઉદ્યોગોને ધ્યાનમાં રાખીને તેમના અભિપ્રાયો અને માંગણીઓ સંકલિત કરીને તૈયાર કરવામાં આવી છે.

ઔદ્યોગિક નીતિ ૨૦૨૬ની વિશેષતાઓ

– રોકાણકારોને વધુ સરળતા આપવા ચૂઝ યોર ઇન્સેન્ટિવ જેવી નવી પહેલ કરવામાં આવી છે. તેમાં રોકાણકારો તેમની જરૃરિયાત મુજબ પ્રોત્સાહનો પસંદ કરી શકશે।

– ગુજરાતને એડવાન્સ્ડ મેન્યુફેક્ચરિંગ, સ્ટેટની સાથે સાથે જ અને વેલ્યુ એડિશન માટે વૈશ્વિક હબ બનાવવા પર વિશેષ ધ્યાન આપશે

થ્રાઈવ પ્રોજેક્ટની જાહેરાત હેઠળ ઉદ્યોગોને શહેરી વિસ્તારોમાંથી સ્થાનાંતરિત કરવા માટે તથા શહેરોની ભીડ દૂર કરવા અને જીવનની સરળતાને પ્રોત્સાહન આપવા પગલું લેવાયું.

– નાના અને મધ્યમ ઉદ્યોગને ઝડપથી નવી ઊંચાઈ સુધી લઈ જવા અને નાની શરૃઆતથી જ મજબૂત બનાવવાનું અનેવૈશ્વિક સ્તરે સ્પર્ધાત્મક સાહસોમાં સંક્રમણ કરનાઆઓને પણ પ્રોત્સાહન આપવામાં આવશે.

– સ્ટાર્ટઅપ્સ, મહિલા ઉદ્યમીઓ, વિભિન્ન રીતે વિકલાંગ, શિડયુલ કાસ્ટ, શિડયુલ ટ્રાઈબ્સના ઉદ્યોગસાહસિકો માટે વધારાની સહાયની જાહેરાત કરવામાં આવી