આજે શેરબજારમાં શું કરશો?
આજે હ્યુન્ડાઈ મોટર ઈન્ડિયામાં લેણ કરી શકાય
આજે ટ્રેડર્સ હ્યુંડાઈ મોટર્સ ઇન્ડિયાના શેર્સમાં લેણ કરી શકે છે. તેનો વર્તમાન બજાર ભાવ રૂ. 1975.70 છે. અત્યારે રૂ.1,975 પર ખરીદી કરી શકો છો અને જો ભાવ ઘટીને રૂ. 1,940 થાય તો વધુ શેર ઉમેરી શકો છો. શરૂઆતમાં સ્ટોપ-લોસ રૂ. 1,860 પર રાખવો. જ્યારે શેર વધીને રૂ. 2,120 પર પહોંચે, ત્યારે સ્ટોપ-લોસ બદલીને રૂ. 2,020 કરી દેવોનો રહેશે.
અગાઉના મહિનાઓમાં ભારે ઘટાડો જોયા પછી, હ્યુન્ડાઈ મોટર ઈન્ડિયાના શેરમાં એપ્રિલની શરૂઆતથી તેજી જોવા મળી રહી છે. ગયા અઠવાડિયે આ શેરમાં આશરે 4 ટકાનો ઉછાળો આવ્યો હતો, જેના કારણે તે રૂ. 1,940ની મજબૂત સપાટીને પાર કરી ગયો છે. હાલમાં આ શેરનો ભાવ 21-દિવસ અને 50-દિવસની મૂવિંગ એવરેજ (સરેરાશ ભાવ) કરતાં ઉપર ચાલી રહ્યો છે. વર્તમાન સ્તરથી ભાવ ઘટીને ફરી રૂ. 1,940 સુધી આવી શકે છે, પરંતુ ત્યાંથી ખરીદદારો ફરી સક્રિય થશે અને તેજીનો નવો દોર શરૂ થશે, જે શેરને રૂ. 2,260 સુધી લઈ જઈ શકે છે.
ટ્રેડિંગ સ્ટ્રેટેજી
ખરીદી: અત્યારે રૂ. 1,975 પર ખરીદો, અને ઘટાડે રૂ. 1,940 પર વધુ ખરીદી કરો
સ્ટોપ-લોસ: શરૂઆતમાં રૂ. 1,860 રાખવો.
સ્ટોપ-લોસમાં ફેરફાર: ભાવ રૂ. 2,120 પર પહોંચતા સ્ટોપ-લોસ રૂ. 2,020 કરવો. જો ભાવ વધીને રૂ. 2,200 થાય, તો સ્ટોપ-લોસ વધુ મજબૂત કરીને રૂ. 2,140 કરી દેવાનો રહેશે. ટાર્ગેટ ભાવ રૂ. 2260નો નક્કી કરવામાં આવ્યો છે. રૂ. 2,260 પર નફો બુક કરી લેવો ટ્રેટર્સ માટે હિતાવહ છે.
બ્રોકરેજ હાઉસની ભલામણ: બીઈએમએલમાં લેણ કરી શકાય
ઈલેરા સિક્યોરિટીઝ ના નિષ્ણતાો બીઈએમએલના શેરમાં લેણ કરવાની ભલામણ કરી રહ્યા છે. તેનો ટાર્ગેટ ભાવ રૂ. 2620 નક્કી કરવામાં આવ્યો છે. તેનો વર્તમાન બજાર ભાવ રૂ. 1783ન છે. BEML કંપની આગામી નાણાકીય વર્ષ 2027 (FY27)માં તમામ ક્ષેત્રોમાં મજબૂત વૃદ્ધિની અપેક્ષા રાખે છે. કંપની પાસે હાલમાં રૂ. 5500 કરોડના ઓર્ડર હાથ પર છે. કંપનીએ આગામી ત્રણ વર્ષમાં વેચાણમાં 15 થી 25 ટકા વૃદ્ધિ અને 15 થી 16 ટકા EBITDA માર્જિનનો લક્ષ્યાંક રાખ્યો છે. રિસર્ચ અને ડેવલપમેન્ટ પાછળ વધુ ખર્ચ કરવા છતાં કામગીરી વધવાને કારણે આ નફો જળવાઈ રહેશે. મેનેજમેન્ટે રેલવે, મેટ્રો અને સંરક્ષણ (Defence) ક્ષેત્રે મોટા ઓર્ડર મળવાની સંભાવના દર્શાવી છે, જેમાં ચાલુ વર્ષે રૂ. 15,000 કરોડના નવા ઓર્ડર મળી શકે છે, અને વર્ષના અંતે કુલ ઓર્ડર બુક રૂ. 24,000 કરોડ સુધી પહોંચી શકે છે.
નાણાકીય વર્ષ 2028-29 દરમિયાન પણ આ વૃદ્ધિ ચાલુ રહેશે. કંપનીની નિકાસ (Exports) પણ વધી રહી છે, જેમાં વર્ષ 2026ના ચોથા ક્વાર્ટરમાં કંપનીને મેટ્રો કોચની નિકાસ માટેનો પહેલો ઓર્ડર મળ્યો હતો. સંરક્ષણ ક્ષેત્રમાં પણ મિસાઇલ સપોર્ટ વ્હીકલ્સ (HMV), આર્મર્ડ રિકવરી વ્હીકલ્સ અને ટનલ બોરિંગ મશીન જેવા નવા પ્રોજેક્ટ્સ માટે મોટા ઓર્ડર મળવાની આશા છે. હાઇ-સ્પીડ રેલ (બુલેટ ટ્રેન) પ્રોજેક્ટમાં પણ હાલમાં બની રહેલી 2 ટ્રેનો ઉપરાંત વધુ 16 ટ્રેનો મળવાની લાઈનમાં છે.
નિષ્ણાતોનો મત: વેચાણ અને ઓર્ડરની મજબૂત સ્થિતિ, નફાના માર્જિનમાં સુધારાની તક અને નિકાસની ઉજળી સંભાવનાઓને જોતાં અમે ₹2,620ના ટાર્ગેટ સાથે આ શેર ખરીદવાની સલાહ (Buy) જાળવી રાખીએ છીએ. કાચો માલ કે સ્પેરપાર્ટ્સ મળવામાં વિલંબ થાય તો કામગીરી ધીમી પડી શકે છે.
